Chapter 85

janamejaya uvāca |
bhagavañchrotumicchāmi vistareṇa mahātmanaḥ |
caritaṃ vāsudevasya yaduśreṣṭhasya dhīmataḥ || 1 ||
[Analyze grammar]

kimarthaṃ ca parityajya mathurāṃ madhusūdanaḥ |
madhyadeśasya kakudaṃ dhāma lakṣmyāśca kevalam || 2 ||
[Analyze grammar]

śṛṅgaṃ pṛthivyāḥ svālakṣyaṃ prabhūtadhanadhānyavat |
āryāḍhyajanabhūyiṣṭhamadhiṣṭhānavarottamam |
ayuddhenaiva dāśārhastyaktavāndvijasattama || 3 ||
[Analyze grammar]

sa kālayavanaścāpi kṛṣṇe kiṃ pratyapadyata || 4 ||
[Analyze grammar]

dvārakāṃ ca samāśritya vāridurgāṃ janārdanaḥ |
kiṃ cakāra mahābāhurmahāyogī mahāmanāḥ || 5 ||
[Analyze grammar]

kiṃvīryaḥ kālayavanaḥ kena jātaśca vīryavān |
yamasahyaṃ samālakṣya vyapayāto janārdanaḥ || 6 ||
[Analyze grammar]

vaiśaṃpāyana uvāca |
vṛṣṇīnāmandhakānāṃ ca gururgārgyo mahātapāḥ |
brahmacārī purā bhūtvā na sma dārān sa vindati || 7 ||
[Analyze grammar]

tathā hi vartamānaṃ taṃ ūrdhvaretasamavyayam |
gārgyaṃ goṣṭhe dvijaṃ syālaḥ ṣaṇḍhamityuktavāndvijaḥ |
yadūnāṃ saṃnidhau sarve jahasuryādavāstataḥ || evaṃ varṣasahasraṃ me ṣaṭśataṃ bhūpasaṃmitam |
vatsarā dvādaśāścaiva cūrṇaṃ loharajodbhavam |
syālo'bhiśaptavān gārgyamapumāniti bhūpate || 8 ||
[Analyze grammar]

so'bhiśaptastadā rājannagare tvamitaṃjaye |
lipsuḥ putraṃ tato gatvā tapastepe sudāruṇam || 9 ||
[Analyze grammar]

tato dvādaśa varṣāṇi so'yaścūrṇamabhakṣayat |
ārādhayanmahādevamacintyaṃ śūlapāṇinam || 10 ||
[Analyze grammar]

rudrastasmai varaṃ prādātsamarthaṃ yudhi nigrahe |
vṛṣṇīnāmandhakānāṃ ca sarvatejomayaṃ sutam || 11 ||
[Analyze grammar]

tataḥ śuśrāva taṃ rājā yavanādhipatirvaram |
putraprasavajaṃ devādaputraḥ putrakāmukaḥ || 12 ||
[Analyze grammar]

tamupānāyya sa nṛpaḥ sāntvayitvā dvijottamam |
gopamadhye yavanarāḍgopastriṣu samutsṛjat || 13 ||
[Analyze grammar]

gopālī tvapsarāstatra gopastrīveṣadhāriṇī |
dhārayāmāsa gārgyasya garbhaṃ durdharamacyutam || 14 ||
[Analyze grammar]

mānuṣyāṃ gārgyabhāryāyāṃ niyogācchūlapāṇinaḥ |
sa kālayavano nāma jajñe śūro mahābalaḥ |
aputrasyātha rājñastu vavṛdhe'ntaḥpure śiśuḥ || 15 ||
[Analyze grammar]

tasminnuparate rājan sa kālayavano nṛpaḥ |
yuddhābhikāmo rājā tu paryapṛcchaddvijottamam |
vṛṣṇyandhakakulaṃ tasya nārado vai nyavedayat || 16 ||
[Analyze grammar]

jñātvā tu varadānaṃ tannāradānmadhusūdanaḥ |
upapraikṣata tejasvī vardhantaṃ yavaneṣu tam || 17 ||
[Analyze grammar]

sa vivṛddho yadā rājā yavanānāṃ mahābalaḥ |
tata enaṃ nṛpā mlecchāḥ saṃśrityānuyayustadā || 18 ||
[Analyze grammar]

śakāstuṣārā daradāḥ pāradāstaṅgaṇāḥ khaśāḥ |
pahlavāḥ śataśaścānye mlecchā haimavatāstathā || 19 ||
[Analyze grammar]

sa taiḥ parivṛto rājā dasyubhiḥ śalabhairiva |
nānāveṣadharairbhīmairmatrurāmabhyavartata || 20 ||
[Analyze grammar]

gajavājikharoṣṭrāṇāṃ sahasrairayutairapi |
pṛthivīṃ kampayāmāsa sainyena mahatā tadā || 21 ||
[Analyze grammar]

reṇunā sūryamārgaṃ tu samavacchādya pārthivaḥ |
mūtreṇa śakṛtā caiva sainyena sasṛje nadīm || 22 ||
[Analyze grammar]

aśvoṣṭraśakṛto rāśerniḥsṛteti janādhipa |
tato'śvaśakṛdityeva nāma nadyā babhūva ha || 23 ||
[Analyze grammar]

tatsainyaṃ mahadāyādvai śrutvā vṛṣṇyandhakāgraṇīḥ |
vāsudevaḥ samānāyya jñātīnidamuvāca ha || 24 ||
[Analyze grammar]

idaṃ samutthitaṃ ghoraṃ vṛṣṇyandhakabhayaṃ mahat |
avadhyaścāpi naḥ śatrurvaradānātpinākinaḥ || 25 ||
[Analyze grammar]

sāmādayo'bhyupāyāśca vihitāstasya sarvaśaḥ |
matto madabalābhyāṃ ca yuddhameva cikīrṣati |
etāvāniha vāsaśca kathito nāradena me || 26 ||
[Analyze grammar]

etāvati ca vaktavyaṃ sāmaiva paramaṃ matam || 26 ||
[Analyze grammar]

jarāsaṃdhaśca no rājā nityameva na mṛṣyate |
tathānye pṛthivīpālā vṛṣṇicakrapratāpitāḥ || 27 ||
[Analyze grammar]

kecitkaṃsavadhāccāpi viraktāstadgatā nṛpāḥ |
samāśritya jarāsaṃdhamasmānicchanti bādhitum || 28 ||
[Analyze grammar]

bahavo jñātayaścaiva yadūnāṃ nihatā nṛpaiḥ |
vivardhituṃ na śakṣyāmaḥ pure'sminniti keśavaḥ |
tato vṛṣṇyandhakāḥ kṛṣṇaṃ puraskṛtya mahāmatim |
sametya mantrayāmāsurjarāsaṃdhabhayena ca |
kṛtvā ca niścayaṃ sarve palāyanamarocayan || vihāya mathurāṃ ramyāṃ mānayantaḥ pinākinam |
kuśasthalīṃ dvāravatīṃ niveśayitumīpsavaḥ |
apayāne matiṃ kṛtvā dūtaṃ tasmai sasarja ha || 29 ||
[Analyze grammar]

tataḥ kumbhe mahāsarpaṃ bhinnāñjanacayopamam |
ghoramāśīviṣaṃ kṛṣṇaṃ kṛṣṇaḥ prākṣepayattadā || 30 ||
[Analyze grammar]

tatastaṃ mudrayitvā tu svena dūtena hārayat |
nidarśanārthaṃ govindo bhīṣayāṇaśca taṃ nṛpam |
sa dūtaḥ kālayavanaṃ darśayāmāsa taṃ ghaṭam || 31 ||
[Analyze grammar]

idaṃ covāca rājānaṃ rājñāṃ samsadi dūtakaḥ || 31 ||
[Analyze grammar]

bho rājannāha kṛṣṇastvāṃ kimebhiḥ śalabhaistava || 31 ||
[Analyze grammar]

ahamekastavaiteṣāṃ samartho vāraṇe prabhuḥ || 31 ||
[Analyze grammar]

tvāṃ ca hatvā nṛpaśreṣṭha sabalaṃ sasuhṛdgaṇam || 31 ||
[Analyze grammar]

idaṃ tava balaṃ rājan grahīṣyāmīti niścitam || 31 ||
[Analyze grammar]

anyathā gaccha rājaṃstvaṃ balenānena saṃyutaḥ || 31 ||
[Analyze grammar]

ityuktvā darśayāmāsa ghaṭaṃ kṛṣṇapracoditam || 31 ||
[Analyze grammar]

kālasarpopamaḥ kṛṣṇa ityuktvā bharatarṣabha |
tatkālayavano budhvā trāsanaṃ yādavaiḥ kṛtam |
pipīlikānāṃ caṇḍānāṃ pūrayāmāsa taṃ ghaṭam || 32 ||
[Analyze grammar]

ślokamekaṃ likhitvā tu ghaṭamadhye'kṣipattadā || 32 ||
[Analyze grammar]

sa sarpo bahubhistīkṣṇaiḥ sarvatastaiḥ pipīlikaiḥ |
bhakṣyamāṇaḥ kilāṅgeṣu bhasmībhūto'bhavattadā || 33 ||
[Analyze grammar]

taṃ mudrayitvātha ghaṭaṃ tathaiva yavanādhipaḥ |
preṣayāmāsa kṛṣṇāya bāhulyamupavarṇayan || 34 ||
[Analyze grammar]

dūtānītaṃ harirdṛṣṭvā patraṃ tadvācayaṃstadā || 34 ||
[Analyze grammar]

bahubhirna viroddhavyaṃ durjayo'pi mahājanaḥ || 34 ||
[Analyze grammar]

sphurantamapi nāgendraṃ bhakṣayiṣyanti kīṭikāḥ || 34 ||
[Analyze grammar]

vāsudevastu taṃ dṛṣṭvā yogaṃ vihitamātmanaḥ |
utsṛjya mathurāmāśu dvārakāmabhijagmivān || 35 ||
[Analyze grammar]

vairasyāntaṃ vidhitsaṃstu vāsudevo mahāyaśāḥ |
niveśya dvārakāṃ rājanvṛṣṇīnāśvāsya caiva ha || 36 ||
[Analyze grammar]

padātiḥ puruṣavyāghro bāhupraharaṇastadā |
ājagāma mahāyogī mathurāṃ madhusūdanaḥ || 37 ||
[Analyze grammar]

taṃ dṛṣṭvā niryayau hṛṣṭaḥ sa kālayavano ruṣā |
prekṣāpūrvaṃ ca kṛṣṇo'pi niścakrāma mahābalaḥ || 38 ||
[Analyze grammar]

athānvagacchadgovindaṃ jighṛkṣuryavaneśvaraḥ |
na cainamaśakad rājā grahītuṃ yogadharmiṇam || 39 ||
[Analyze grammar]

hastaprāptamivātmānaṃ hariṇā sa pade pade || 39 ||
[Analyze grammar]

nīto darśayatā dūraṃ yavaneśo'drikandaram || 39 ||
[Analyze grammar]

kālayavana uvāca |
palāyanaṃ yadukule jātasya tava nocitam || 39 ||
[Analyze grammar]

iti kṣipannanugato nainaṃ prāpāhatāśubhaḥ || 39 ||
[Analyze grammar]

evaṃ kṣipto'pi bhagavānprāviśadgirikandaram || 39 ||
[Analyze grammar]

ko hi nāma jagannāthaṃ balād yātuṃ priyādṛte || 39 ||
[Analyze grammar]

hastaprāpta ivābhāti tasya gacchañjanārdanaḥ || 39 ||
[Analyze grammar]

māndhātustu suto rājā mucukundo mahāyaśāḥ |
yatra tiṣṭhati rājendrastatra cāśu viveśa vai |
purā devāsure yuddhe kṛtakarmā mahābalaḥ || 40 ||
[Analyze grammar]

vareṇa cchandito devairnidrāmeva gṛhītavān |
śrāntasya tasya vāgevaṃ tadā prādurabhūtkila || 41 ||
[Analyze grammar]

prasuptam bodhayed yo māṃ taṃ daheyamahaṃ surāḥ |
cakṣuṣā krodhadīptena evamāha punaḥ punaḥ || 42 ||
[Analyze grammar]

evamastviti śakrastamuvāca tridaśaiḥ saha |
sa surairabhyanujñāto lokaṃ mānuṣamāgamat || 43 ||
[Analyze grammar]

sa parvataguhāṃ kāṃcitpraviśya śramakarśitaḥ |
suṣvāpa kālametaṃ vai yāvatkṛṣṇasya darśanam || 44 ||
[Analyze grammar]

tatsarvaṃ vāsudevasya nāradena niveditam |
varadānaṃ ca devebhyastejastasya ca bhūpateḥ || 45 ||
[Analyze grammar]

anugamyamānaḥ kṛṣṇaśca tena mlecchena śatruṇā |
tāṃ guhāṃ mucukundasya praviveśa vinītavat || 46 ||
[Analyze grammar]

pītāmbareṇa svīyena tamācchādya sa bhūpatim || 46 ||
[Analyze grammar]

śiraḥsthāne tu rājarṣermucukundasya keśavaḥ |
saṃdarśanapathaṃ tyaktvā tasthau buddhimatāṃ varaḥ || 47 ||
[Analyze grammar]

anupraviśya yavano dadarśa pṛthivīpatim |
prasvapantaṃ kṛtāntābhamāsasāda sudurmatiḥ || 48 ||
[Analyze grammar]

vāsudevaṃ tu taṃ matvā ghaṭṭayāmāsa pārthivam |
pādenātmavināśāya śalabhaḥ pāvakaṃ yathā || 49 ||
[Analyze grammar]

mucukundaśca rājarṣiḥ pādasparśavibodhitaḥ |
cukopa nicrācchedena pādasparśena tena ca || 50 ||
[Analyze grammar]

saṃsmṛtya ca varaṃ śakrādavaikṣata tamagrataḥ |
sa dṛṣṭamātraḥ kruddhena saṃprajajvāla sarvataḥ || 51 ||
[Analyze grammar]

dadāha pāvakastaṃ tu śuṣkaṃ vṛkṣamivāśaniḥ |
kṣaṇena kālayavanaṃ netratejovinirgataḥ || 52 ||
[Analyze grammar]

taṃ vāsudevaḥ śrīmantaṃ cirasuptaṃ narādhipam |
kṛtakāryo'bravīddhīmānidaṃ vacanamuttamam || 53 ||
[Analyze grammar]

rājaṃściraprasupto'si kathito nāradena me |
kṛtaṃ me sumahatkāryaṃ svasti te'stu vrajāmyaham || 54 ||
[Analyze grammar]

vāsudevamathālakśya rājā hrasvaṃ pramāṇataḥ |
parivṛttaṃ yugaṃ mene kālena mahatā tataḥ || 55 ||
[Analyze grammar]

tamālokya ghanaśyāmaṃ pītakauśeyavāsasam || 55 ||
[Analyze grammar]

śrīvatsavakṣasaṃ bhrājatkaustubhena virājitam || 55 ||
[Analyze grammar]

caturbhujaṃ rocamānaṃ vaijayantyā ca mālayā || 55 ||
[Analyze grammar]

cāruprasannavadanaṃ sphuranmakarakuṇḍalam || 55 ||
[Analyze grammar]

prekṣaṇīyaṃ trilokeśaṃ sānurāgasmitekṣaṇam || 55 ||
[Analyze grammar]

apīcyavayasaṃ matta mṛgendrodāravikramam || 55 ||
[Analyze grammar]

paryapṛcchanmahābuddhistejasā tasya dharṣitaḥ || 55 ||
[Analyze grammar]

śaṅkitaḥ śanakaiḥ kṛṣṇaṃ durdharṣamiva tejasā || 55 ||
[Analyze grammar]

uvāca rājā govindaṃ ko bhavān kimihāgataḥ |
kaśca kālaḥ prasuptasya yadi jānāsi kathyatām || 56 ||
[Analyze grammar]

niḥśaṅko gatabhīḥ prāpto vipine girigahvare || 56 ||
[Analyze grammar]

padbhyāṃ padmapalāśābhyāṃ vicarasyurukaṇṭake || 56 ||
[Analyze grammar]

kiṃ svittejasvināṃ tejo bhagavāṃstvaṃ vibhāvasuḥ || 56 ||
[Analyze grammar]

sūryaḥ somo mahendro vā lokapālo'paro'pi vā || 56 ||
[Analyze grammar]

manye tvāṃ devadevānāṃ trayāṇāṃ puruṣarṣabham || 56 ||
[Analyze grammar]

yadbādhase guhādhvāntaṃ pradīpaḥ prabhayā yathā || 56 ||
[Analyze grammar]

śuśrūṣatāmavyalīkamasmākaṃ narapuṃgava || 56 ||
[Analyze grammar]

svaṃ janma karma gotraṃ vā kathyatāṃ yadi rocate || 56 ||
[Analyze grammar]

vāsudeva uvāca |
somavaṃśodbhavo rājā yayātirnāma nāhuṣaḥ |
tasya putro yadurjyeṣṭhaścatvāro'nye yavīyasaḥ || 57 ||
[Analyze grammar]

yaduvaṃśe samutpannaṃ vasudevātmajaṃ vibho |
vāsudevaṃ vijānīhi nṛpate māmihāgatam || 58 ||
[Analyze grammar]

tretāyuge samutpanno vidito me'si nāradāt |
idaṃ kaliyugaṃ viddhi kimanyatkaravāṇi te || 59 ||
[Analyze grammar]

mama śatrustvayā dagdho devadattavaro nṛpa |
avadhyo yo mayā saṃkhye bhavedvarṣaśatairapi || 60 ||
[Analyze grammar]

mucukunda uvāca |
yaduvaṃśodbhavaṃ devaṃ jānāmi śāśvataṃ vibhum || 60 ||
[Analyze grammar]

ādyaṃ puruṣamīśānamacyutaṃ madhusūdanam || 60 ||
[Analyze grammar]

purā gargeṇa kathitamaṣṭāviṃśatime yuge || 60 ||
[Analyze grammar]

dvāparādau harerjanma yaduvaṃśe bhaviṣyati || 60 ||
[Analyze grammar]

namastasmai bhagavate puruṣāya mahātmane || 60 ||
[Analyze grammar]

anantāya mahābāho viṣṇave prabhaviṣṇave || 60 ||
[Analyze grammar]

vaiśaṃpāyana uvāca |
evaṃ stutastadā viṣṇurmucukundena dhīmatā || 60 ||
[Analyze grammar]

vareṇa cchandayāmāsa bhagavānacyutastadā || 60 ||
[Analyze grammar]

punarapyabravītkṛṣṇo mucukundaṃ mahābhujam || 60 ||
[Analyze grammar]

tvadarthe'pyāgato vīra nāradena prabodhitaḥ || 60 ||
[Analyze grammar]

uttiṣṭhottiṣṭha bhadraṃ te yathākāmaṃ caratviha || 60 ||
[Analyze grammar]

ityuktaḥ sa tu kṛṣṇena nirjagāma guhāmukhāt |
anvīyamānaḥ kṛṣṇena kṛtakāryeṇa dhīmatā || 61 ||
[Analyze grammar]

tato dadarśa pṛthivīmāvṛtāṃ hrasvakairnaraiḥ |
alpotsāhairalpabalairalpavīryaparākramaiḥ |
pareṇādhiṣṭhitaṃ caiva rājyaṃ kevalamātmanaḥ || 62 ||
[Analyze grammar]

yatsyāttvaddarśane puṇyaṃ tanme kṛṣṇa bhavediti || 62 ||
[Analyze grammar]

visarjayitvā govindaṃ praviveśa mahadvanam |
himavantamagād rājā tapase dhṛtamānasaḥ || 63 ||
[Analyze grammar]

tataḥ sa tapa āsthāya vinirmucya kalevaram |
āruroha divaṃ rājā karmabhiḥ svairjitaṃ śubhaiḥ || 64 ||
[Analyze grammar]

vāsudevo'pi dharmātmā upāyena mahāmanāḥ |
ghātayitvātmanaḥ śatruṃ tatsainyaṃ pratyapadyata || 65 ||
[Analyze grammar]

mucukundena mahātmanā || 65abc ||
[Analyze grammar]

mathurāṃ punarāgatya || 65abc ||
[Analyze grammar]

prabhūtarathahastyaśva varmaśastrāyudhadhvajam |
ādāyopayayau dhīmāṃstatsainyaṃ nihateśvaram || 66 ||
[Analyze grammar]

nivedayāmāsa tato narādhipe tadugrasene pratipūrṇamānasaḥ |
janārdano dvāravatīṃ ca tāṃ purīmaśobhayattena dhanena bhūriṇā || 67 ||
[Analyze grammar]