Chapter 84

vaiśaṃpāyana uvāca |
kasyacittvatha kālasya sabhāyāṃ yadusaṃsadi |
babhāṣe puṇḍarīkākṣo hetumadvākyamuttamam || 1 ||
[Analyze grammar]

śrūyatāṃ yādavā vākyaṃ sarve cāvahitā mama || 1 ||
[Analyze grammar]

yādavānāmiyaṃ bhūmirmathurā rāṣṭravardhanī |
vayaṃ caiveha saṃbhūtā vraje ca parivardhitāḥ || 2 ||
[Analyze grammar]

tadidānīṃ gataṃ duḥkhaṃ śatravaṣ ca parājitāḥ |
nṛpeṣu janitaṃ vairaṃ jarāsaṃdhe ca vigrahaḥ || 3 ||
[Analyze grammar]

vāhanāni ca naḥ santi pādātaṃ cāpyanantakam |
ratnāni ca vicitrāṇi mitrāṇi bahulāni ca || 4 ||
[Analyze grammar]

iyaṃ ca māthurī bhūmiralpā gamyā parasya naḥ |
vṛddhiścāpi parāsmākaṃ balato mitratastathā || 5 ||
[Analyze grammar]

kumārakoṭyo yāścemā gaṇāścaiva padātinām |
eṣāmapīha vasatāṃ saṃmardamupalakṣaye || 6 ||
[Analyze grammar]

tanme na rocate hyatra nivāso yadupuṃgavāḥ |
purīṃ niveśayiṣyāmi mama tatkṣantumarhatha || 7 ||
[Analyze grammar]

etad yadyanukūlaṃ vo mamābhiprāyajaṃ vacaḥ |
bhavāya bhavatāṃ kāle rocatāṃ yadusaṃsadi || 8 ||
[Analyze grammar]

tamūcuryādavāḥ sarve hṛṣṭena manasā tadā |
sādhyatāṃ yadabhipretaṃ janasyāsya bhavāya ca || 9 ||
[Analyze grammar]

tataḥ saṃmantrayāmāsurvṛṣṇayo mantramuttamam |
avadhyo'saukṛto'smākaṃ sumahacca riporbalam || 10 ||
[Analyze grammar]

kṛtaḥ sainyakṣayaścāpi mahāniha narādhipaiḥ |
balāni ca sasainyāni hantuṃ varṣaśatairapi |
na śakṣyāmo hyatasteṣāmapayāne'bhavanmatiḥ || 11 ||
[Analyze grammar]

etasminnantare rājā sa kālayavano mahān |
sainyena tadvidhenaiva mathurāmabhyupāgamat || 12 ||
[Analyze grammar]

tato jarāsaṃdhabalaṃ durnivāryaṃ mahattadā |
te kālayavanaṃ caiva śrutvaivaṃ pratipedire || 13 ||
[Analyze grammar]

etasminnantare caiva yadūnāṃ nandivardhanaḥ || 13 ||
[Analyze grammar]

keśavaḥ punarevāha yādavān satyasaṃgarān |
adyaiva divasaḥ puṇyo niryāma sapadānugāḥ || 14 ||
[Analyze grammar]

niścakramuste yadavaḥ sarve keśavaśāsanāt |
oghā iva samudrasya balaughaprativāraṇāḥ || 15 ||
[Analyze grammar]

saṃgṛhya te kalatrāṇi vasudevapurogamāḥ |
susaṃnaddhairgajairmattai rathairaśvaiśca daṃśitaiḥ || 16 ||
[Analyze grammar]

āhatya duṃdubhīn sarve sadhanajñātibāndhavāḥ |
niryayuryādavāḥ sarve mathurāmapahāya vai || 17 ||
[Analyze grammar]

syandanaiḥ kāñcanāpīḍairmattaiśca varavāraṇaiḥ |
sṛtaplutaiśca turagaiḥ kaśāpārṣṇipracoditaiḥ || 18 ||
[Analyze grammar]

svāni svāni balāgrāṇi śobhayantaḥ prakarṣiṇaḥ |
pratyaṅmukhā yayurhṛṣṭā vṛṣṇayo bharatarṣabha || 19 ||
[Analyze grammar]

tato mukhyatamāḥ sarve yādavā raṇaśobhinaḥ |
anīkāgrāṇi karṣanto vāsudevapurogamāḥ || 20 ||
[Analyze grammar]

te sma nānālatācitraṃ nārikelavanāyutam |
kīrṇaṃ nāgavanaiḥ kāntaiḥ ketakīṣaṇḍamaṇḍitam || 21 ||
[Analyze grammar]

puṃnāgatālībahulaṃ drākṣāvanaghanaṃ kvacit |
susaṃnaddhairbalaistatra tadā nṛpavarottamāḥ |
anūpaṃ sindhurājasya prapeduryadupuṃgavāḥ || 22 ||
[Analyze grammar]

te tatra ramaṇīyeṣu viṣayeṣu sakhapriyāḥ |
mumuduryādavāḥ sarve devāḥ svargagatā iva || 23 ||
[Analyze grammar]

puravāstu vicinvan sa kṛṣṇastu paravīrahā |
dadarśa vipulaṃ deśaṃ sāgarānūpabhūṣitam || 24 ||
[Analyze grammar]

vāhanānāṃ hitaṃ caiva sikatātāmramṛttikam |
puralakṣaṇasaṃpannaṃ kṛtāspadamiva śriyā || 25 ||
[Analyze grammar]

sāgarānilasaṃvītaṃ sāgarāmbuniṣevitam |
viṣayaṃ sindhurājasya śobhitaṃ puralakṣaṇaiḥ || 26 ||
[Analyze grammar]

tatra raivatako nāma parvato nātidūrataḥ |
mandarodāraśikharaḥ sarvato'bhivirājate || 27 ||
[Analyze grammar]

tatraikalavyasaṃvāso droṇenādhyuṣitaściram |
babhūva puruṣopetaḥ sarvaratnasamākulaḥ || 28 ||
[Analyze grammar]

vihārabhūmistatraiva tasya rājñaḥ sunirmitā |
nāmnā dvāravatī nāma svāyatāṣṭāpadopamā || 29 ||
[Analyze grammar]

keśavasya matistatra puryarthe viniveśitā |
niveśaṃ tatra sainyānāṃ rocayanti sma yādavāḥ || 30 ||
[Analyze grammar]

te raktasūrye divase tatra yādavapuṃgavāḥ |
niveśāya matiṃ cakruḥ kṛṣṇasyānumate sthitāḥ |
senāpālāśca saṃcakruḥ skandhāvāraniveśanam || 31 ||
[Analyze grammar]

dhruvāya tatra nyavasatkeśavaḥ saha yādavaiḥ |
deśe puraniveśāya sa yadupravaro vibhuḥ || 32 ||
[Analyze grammar]

tasyāstu vidhivannāma vāstūni ca gadāgrajaḥ |
nirmame puruṣaśreṣṭho manasā yādavottamaḥ || 33 ||
[Analyze grammar]

evaṃ dvāravatīṃ caiva purīṃ prāpya sabāndhavāḥ |
sukhino nyavasan rājan svarge devagaṇā iva || 34 ||
[Analyze grammar]

kṛṣṇo'pi kālayavanaṃ jñātvā keśiniṣūdanaḥ |
jarāsaṃdhabhayāccāpi purīṃ dvāravatīṃ yayau || 35 ||
[Analyze grammar]