Chapter 86

kṛṣṇāya ca namastubhyaṃ rāmarāmāya te namaḥ || 0 ||
[Analyze grammar]

vāmanāya namastubhyaṃ kapilāya namo'stu te || 0 ||
[Analyze grammar]

nānārūpa namastubhyaṃ namaste karmasākṣiṇe || 0 ||
[Analyze grammar]

viśvarūpa namastubhyaṃ hṛṣīkeśāya te namaḥ || 0 ||
[Analyze grammar]

evaṃ saṃstūyamānaśca mucukundena dhīmatā || 0 ||
[Analyze grammar]

uttarāṃ diśamāśritya tapamācara sāttvikam || 0 ||
[Analyze grammar]

vaiśaṃpāyana uvāca |
tataḥ prabhāte vimale bhāskare'bhyudite tadā |
kṛtajapyo hṛṣīkeśo vanānte niṣasāda ha || 1 ||
[Analyze grammar]

paricakrāma taṃ deśaṃ durgasthānadidṛkṣayā |
upatasthuḥ kulaprāgryā yādavā yadunandanam || 2 ||
[Analyze grammar]

rohiṇyāmahani śreṣṭhe svasti vācya dvijottamān |
puṇyāhaghoṣairvipulairdurgasyārabdhavān kriyāṃ || 3 ||
[Analyze grammar]

tataḥ paṅkajapatrākṣo yādavān keśisūdanaḥ |
provāca vadatāṃ śreṣṭho devānvṛtraripuryathā || 4 ||
[Analyze grammar]

kalpiteyaṃ mayā bhūmiḥ paśyadhvaṃ devasadmavat |
nāma cāsyāḥ kṛtaṃ puryāḥ khyātiṃ yadupayāsyati || 5 ||
[Analyze grammar]

iyaṃ dvāravatī nāma pṛthivyāṃ nirmitā mayā |
bhaviṣyati purī ramyā śakrasyevāmarāvatī || 6 ||
[Analyze grammar]

tānyevāsyāḥ kārayiṣye cihnānyāyatanāni ca |
sthānāni vidadhuścātra brahmādīnāṃ yathākramam |
catvarān rājamārgāṃśca samānantaḥpurāṇi ca || 7 ||
[Analyze grammar]

devā ivātra modantu bhavanto vigatajvarāḥ |
bādhamānā ripugaṇānugrasenapurogamāḥ || 8 ||
[Analyze grammar]

gṛhyantāṃ veśmavāstūni kalpyantāṃ trikacatvarāḥ |
mīyantāṃ rājamārgāśca prākārasya ca yā gatiḥ || 9 ||
[Analyze grammar]

preṣyantāṃ śilpimukhyāśca niyuktā veśmakarmasu |
niyujyantāṃ ca deśeṣu preṣyakarmakarā janāḥ || 10 ||
[Analyze grammar]

evamuktāstu kṛṣṇena gṛhasaṃgrahatatparāḥ |
yathānideśaṃ saṃhṛṣṭāścakrurvāstuparigrahān || 11 ||
[Analyze grammar]

sūtrahastāstato mānaṃ cakruryādavasattamāḥ |
puṇye'hani mahārāja dvijātīnabhipūjya ca || 12 ||
[Analyze grammar]

vāstudaivatakarmāṇi vidhinā kārayanti ca |
sthapatīnatha govindastatrovāca mahāmatiḥ || 13 ||
[Analyze grammar]

asmadarthe suvihitaṃ kriyatāmatra mandiram |
vibhaktacatvarapathaṃ suniviṣṭeṣṭadaivatam || 14 ||
[Analyze grammar]

te tatheti mahābāhumuktvā sthapatayastadā |
durgakarmaṇi saṃbhārānupalabhya yathāvidhi || 15 ||
[Analyze grammar]

yathānyāyaṃ nirmimire dvārāṇyāyatanāni ca |
sthānāni vidadhuścātra brahmādīnāṃ yathākramam || 16 ||
[Analyze grammar]

upāmagneḥ sureśasya dṛṣadolūkhalasya ca |
caturdaivāni catvāri dvārāṇi vidadhuśca te |
gṛhakṣetrendrabhallāṭaṃ puṣpadantaṃ tathaiva ca || 17 ||
[Analyze grammar]

teṣu veśmasu yukteṣu yādaveṣu mahātmasu |
puryāḥ kṣipraṃ niveṣārthaṃ cintayāmāsa mādhavaḥ || 18 ||
[Analyze grammar]

tasya daivī sthitā buddhiścapalā kṣiprakāriṇī |
purī sā vai priyakarī yadūnāmabhivardhanī || 19 ||
[Analyze grammar]

śilpimukhyo'sti devānāṃ prajāpatisutaḥ prabhuḥ |
viśvakarmā svamatyā vai purīṃ saṃsthāpayiśyati || 20 ||
[Analyze grammar]

manasā tamanudhyāya tasyāgamanakāraṇam |
tridaṣābhimukhaḥ kṛṣṇo vivikte samapadyata || 21 ||
[Analyze grammar]

tasminneva tataḥ kāle śilpācāryo mahāmatiḥ |
viśvakarmā suraśreṣṭhaḥ kṛṣṇasya pramukhe sthitaḥ || 22 ||
[Analyze grammar]

viśvakarmovāca |
daivena manasā kśipraṃ tava viṣṇo dhṛtavrata |
kiṃkaraḥ samanuprāptaḥ śādhi māṃ kiṃ karomi te || 23 ||
[Analyze grammar]

yathā syāddevadeveśastryambakaśca yathāvyayaḥ |
tathā tvaṃ deva mānyo'si viśeṣo nāsti me prabho || 24 ||
[Analyze grammar]

trailokyajñāpikāṃ vācamutsṛjasva mahābhuja |
eṣo'smi paridṛṣṭārthaḥ kiṃ karomi praśādhi mām || 25 ||
[Analyze grammar]

śrutvā vinītavacanaṃ keśavo viśvakarmaṇaḥ |
pratyuvāca yaduśreṣṭhaḥ kaṃsāriratulaṃ vacaḥ || 26 ||
[Analyze grammar]

śrutārtho devaguhyasya bhavānyatra vayaṃ sthitāḥ |
avaśyaṃ tviha kartavyaṃ sadanaṃ me surottama || 27 ||
[Analyze grammar]

tadiyaṃ bhūḥ prakāśārthaṃ niveśyā mayi suvrata |
matprabhāvānurūpaiśca gṛhaiśceyaṃ samantataḥ || 28 ||
[Analyze grammar]

uttamā ca pṛthivyāṃ vai yathā svarge'marāvatī |
tatheyaṃ hi tvayā kāryā śakto hyasi mahāmate || 29 ||
[Analyze grammar]

mama sthānamidaṃ kāryaṃ yathā vai tridive tathā |
martyāḥ paśyantu me lakṣmīṃ puryā yadukulasya ca || 30 ||
[Analyze grammar]

evamuktastataḥ prāha viśvakarmā matīśvaraḥ |
kṛṣṇamakliṣṭakarmāṇaṃ devāmitravināśanam || 31 ||
[Analyze grammar]

sarvametatkariṣyāmi yattvayābhihitaṃ prabho |
purī tviyaṃ janasyāsya na paryāptā bhaviṣyati || 32 ||
[Analyze grammar]

bhaviṣyati ca vistīrṇā vṛddhirasyāstu śobhanā |
catvāraḥ sāgarā hyasyāṃ vicariṣyanti rūpiṇaḥ || 33 ||
[Analyze grammar]

yadīcchetsāgaraḥ kiṃcidutsraṣṭumiha toyarāṭ |
tataḥ svāyatalakṣaṇyā purī syātpuruṣottama || 34 ||
[Analyze grammar]

evamuktastataḥ kṛṣṇaḥ prāgeva kṛtabuddhimān |
sāgaraṃ saritāṃ nāthamuvāca vadatāṃ varaḥ || 35 ||
[Analyze grammar]

samudra daśa ca dve ca yojanāni jalāśaye |
pratisaṃhriyatāmātmā yadyasti mayi mānyatā || 36 ||
[Analyze grammar]

avakāśe tvayā datte purīyaṃ māmakaṃ balam |
paryāptaviṣayākārā samagrā visahiṣyati || 37 ||
[Analyze grammar]

tataḥ kṛṣṇasya vacanaṃ śrutvā nadanadīpatiḥ |
samārutena yogena utsasarja mahārṇavaḥ || 38 ||
[Analyze grammar]

viśvakarmā tataḥ prītaḥ puryāḥ saṃdṛśya vāstu tat |
govinde caiva saṃmānaṃ sāgaraḥ kṛtavāṃstadā || 39 ||
[Analyze grammar]

viśvakarmā tataḥ kṛṣṇamuvāca yadunandanam |
adyaprabhṛti govinda sarve samadhirohata || 40 ||
[Analyze grammar]

manasā nirmitā ceyaṃ mayā pūḥpravarā vibho |
acireṇaiva kālena gṛhasaṃbādhamālinī || 41 ||
[Analyze grammar]

bhaviṣyati purī ramyā sudvārā prāgryatoraṇā |
cayāṭṭālakakeyūrā pṛthivyāḥ kakudopamā || 42 ||
[Analyze grammar]

antaḥpuraṃ ca kṛṣṇasya paricaryākṣamaṃ mahat |
cakāra tasyāṃ puryāṃ vai deśe tridaśapūjite || 43 ||
[Analyze grammar]

tataḥ sā nirmitā kāntā purī dvāravatī tadā |
mānasena prayatnena vaiṣṇavī viśvakarmaṇā || 44 ||
[Analyze grammar]

vidhānavihitadvārā prākāravaraśobhitā || 44 ||
[Analyze grammar]

parikhācayasaṃguptā sāṭṭaprākāratoraṇā || 44 ||
[Analyze grammar]

kāntanārīnaragaṇā vaṇigbhirupaśobhitā |
nānāpaṇyasamākīrṇā khecarīva ca gāṃ gatā || 45 ||
[Analyze grammar]

prapāvāpīprasannodairudyānairupaśobhitā |
samantataḥ saṃvṛtāṅgī vanitevāyatekṣaṇā || 46 ||
[Analyze grammar]

samṛddhacatvaravatī veśmottamaghanācitā |
rathyākoṭisahasrāḍhyā śubhrarājapathottarā |
bhūṣayantī samudraṃ sā svargamindrapurī yathā || pṛthivyāṃ sarvaratnānāmekā nicayaśālinī |
surāṇāmapi sukṣetrā sāmantakṣobhakāriṇī |
aprakāśaṃ tadākāśaṃ prāsādairupaśobhitā || 47 ||
[Analyze grammar]

pṛthivyāṃ pṛthurāṣṭraughā janaughapratināditā |
oghaiśca vārirājasya śiśirīkṛtamārutā || 48 ||
[Analyze grammar]

anūpopavanaiḥ kāntaiḥ kāntā janamanoramā |
satārakā dyauriva sā dvārakā pratyarājata || 49 ||
[Analyze grammar]

prākāreṇārkavarṇena śātakaumbhena saṃvṛtā |
hiraṇyapratipūrṇaiśca gṛhairgambhīranisvanaiḥ || 50 ||
[Analyze grammar]

śubhrameghapratīkāśairdvāraiḥ saudhaiśca śobhitā |
kvacitkvacidudagrāgrairupāvṛttamahāpathā || 51 ||
[Analyze grammar]

tāmāvasatpurīṃ kṛṣṇaḥ sarvayādavanandanaḥ |
abhipretajanākīrṇāṃ somaḥ khamiva bhāsayan || 52 ||
[Analyze grammar]

viśvakarmakṛtāṃ divyāṃ ratnajālasamākulām || 52 ||
[Analyze grammar]

viśvakarmā ca tāṃ kṛtvā purīṃ śakrapurīmiva |
jagāma tridivaṃ devo govindenābhipūjitaḥ || 53 ||
[Analyze grammar]

bhūyastu buddhirabhavatkṛṣṇasya viditātmanaḥ |
janānimāndhanaughaistu tarpayeyamahaṃ yadi || 54 ||
[Analyze grammar]

sa vaiśravaṇavastavyaṃ nidhīnāmuttamaṃ nidhim |
śaṅkhamāhvayatopendro niśi svabhavane vibhuḥ || 55 ||
[Analyze grammar]

sa śaṅkhaḥ keśavāhvānaṃ jñātvā guhyakarāṭ svayam |
ājagāma samīpaṃ vai tasya dvāravatīpateḥ || 56 ||
[Analyze grammar]

sa śaṅkhaḥ prāñjalirbhūtvā vinayādavaniṃ gataḥ |
kṛṣṇaṃ vijñāpayāmāsa yathā vaiśravaṇaṃ tathā || 57 ||
[Analyze grammar]

bhagavan kiṃ mayā kāryaṃ surāṇāṃ vittarakṣiṇā |
niyojaya mahābāho yatkāryaṃ yadunandana || 58 ||
[Analyze grammar]

tamuvāca hṛṣīkeśaḥ śaṅkhaṃ guhyakamuttamam |
janā ye'smin kṛśadhanāstāndhanenābhipūraya || 59 ||
[Analyze grammar]

necchāmyanāśitaṃ draṣṭuṃ kṛśaṃ malinameva vā |
dehīti cābhibhāṣantaṃ nagaryāṃ nirdhanaṃ naram || 60 ||
[Analyze grammar]

śirasā śāsanaṃ gṛhya nidhīnaḥ keśavasya saḥ |
nidhīnājñāpayāmāsa dvāravatyāṃ gṛhe gṛhe |
ghanaughairabhivarṣadhvaṃ cakruḥ sarve tathā ca te || 61 ||
[Analyze grammar]

nādhano vidyate tatra hīnabhāgyo'pi vā naraḥ |
dvāravatyāṃ puri purā keśavasya mahātmanaḥ |
kṛśo vā malino vāpi dvāravatyāṃ gṛhe gṛhe || 62 ||
[Analyze grammar]

cakāra vāyorāhvānaṃ bhūyaśca puruṣottamaḥ |
tatrastha eva bhagavānyādavānāṃ priyaṃkaraḥ || 63 ||
[Analyze grammar]

prāṇayonistu bhūtānāmupatasthe gadāgrajam |
ekamāsīnamekānte devaguhyadharaṃ prabhum || 64 ||
[Analyze grammar]

kiṃ mayā deva kartavyaṃ sarvagenāśugāminā |
śādhi māṃ puruṣottama |
yadbravīṣi mahābāho |
yathaiva dūto devānāṃ tathaivāsmi tavānagha || 65 ||
[Analyze grammar]

tamuvāca tataḥ kṛṣṇo rahasyaṃ puruṣottamaḥ |
mārutaṃ jagataḥ prāṇaṃ rūpiṇaṃ samupasthitam || 66 ||
[Analyze grammar]

gaccha māruta deveśamanumānya sahāmaraiḥ |
sabhāṃ sudharmāmādāya devebhyastvamihānaya || 67 ||
[Analyze grammar]

yādavā dhārmikā hyete vikrāntāśca sahasraśaḥ |
tasyāṃ viśeyurete hi na tu yā kṛtrimā bhavet || 68 ||
[Analyze grammar]

sā hyakṣayā sabhā vāyo kāmagā kāmarūpiṇī |
sā yadūndhārayetsarvānyathaiva tridaśāṃstathā || 69 ||
[Analyze grammar]

sa gṛhya vacanaṃ tasya kṛṣṇasyākliṣṭakarmaṇaḥ |
vāyurātmopamagatirjagāma tridivālayam || 70 ||
[Analyze grammar]

so'numānya surān sarvān kṛṣṇavākyaṃ nivedya ca |
sabhāṃ sudharmāmādāya punarāyānmahītalam || 71 ||
[Analyze grammar]

sudharmāṃ tāṃ sudharmāya kṛṣṇāyākliṣṭakāriṇe |
devo devasabhāṃ dattvā vāyurantaradhīyata || 72 ||
[Analyze grammar]

na bhayaṃ vidyate yatra sabhā sā dharmavatsalā || 72 ||
[Analyze grammar]

dvāravatyāstu sā madhye keśavena niveśitā |
sudharmā yadumukhyānāṃ devānāṃ tridive yathā || 73 ||
[Analyze grammar]

evaṃ sa divyairbhaumaiśca jalajaiścāvyayo hariḥ |
dravyairalaṃkaroti sma purīṃ svāṃ pramadāmiva || 74 ||
[Analyze grammar]

śuśubhe sā purī ramyā ratnajālasamākulā || 74 ||
[Analyze grammar]

nānāpakṣisamākīrṇā prāsādairupaśobhitā || 74 ||
[Analyze grammar]

maryādāścaiva saṃcakre śreṇīḥ prakṛtayastathā |
balādhyakṣāṃśca yuktāṃśca prakṛtīśāṃstathaiva ca || 75 ||
[Analyze grammar]

ugrasenaṃ narapatiṃ kāśyaṃ caiva purohitam |
senāpatimanādhṛṣṭiṃ vikadruṃ mantripuṃgavam || 76 ||
[Analyze grammar]

yādavānāṃ kulakarān sthavirāndaśa tatra vai |
uddhavo vasudevaśca kaṅko vipṛthureva ca |
śvaphalkaścitrakaścaiva gadaḥ satyaka eva ca |
baladevaḥ pṛthuścaivaṃ matreśvabhyantarā daśa |
sthāpayāmāsa matimān sarvakāryeṣvanantarān || 77 ||
[Analyze grammar]

ratheṣvatiratho yantā dārukaḥ keśavasya vai |
yodhamukhyaśca yodhānāṃ sātyakiḥ satyavikramaḥ || 78 ||
[Analyze grammar]

ācāryo dhanuṣāṃ vede sākṣāddroṇa ivāparaḥ || 78 ||
[Analyze grammar]

sātyakiḥ satyasaṃdhaśca śatruhā yuddhadurmadaḥ || 78 ||
[Analyze grammar]

vidhānamevaṃ kṛtvā sa kṛṣṇaḥ puryāmaninditaḥ |
mumude yadubhiḥ sārdhaṃ lokasraṣṭā mahītale || 79 ||
[Analyze grammar]

revatasyātha kanyāṃ ca revatīṃ śīlasaṃmatām |
prāptavānbaladevastu kṛṣṇasyānumate tadā || 80 ||
[Analyze grammar]

yaḥ sargajaiḥ suragaṇapriyakṛdbhiruccair || 80 ||
[Analyze grammar]

dravyaiḥ samudranihitaiśca samudrajātaiḥ || 80 ||
[Analyze grammar]

hṛdyāmakārayadaśeṣajagal lalāmāṃ || 80 ||
[Analyze grammar]

śrīdvārakāṃ puravarīṃ tamupaimi viṣṇum || 80 ||
[Analyze grammar]