Chapter 16 - daśāvatārakalpaḥ (kṛṣṇaḥ)

athātassaṃpravakṣyāmi kṛṣṇasya sthāpanaṃ budhāḥ |
kṛṣṇasyālayamuddiṣṭaṃ kuṃbhākāravimānake || 1 ||
[Analyze grammar]

kūṭe vā gopure vāpi parvatākṛtike'pivā |
kṛṣṇasya bālarūpasya vayasā tālamānakam || 2 ||
[Analyze grammar]

ekavarṣaṃ samārabhya yāvatbañcābdamādarāt |
tālatrayakrameṇaiva yathāyogaṃ prakalpayet || 3 ||
[Analyze grammar]

vedavarṣaṃ samārabhyaṣaṭtālatrayameva vā |
saptavarṣaṃ samārabhya saptatālatrayaṃ tathā || 4 ||
[Analyze grammar]

daśavarṣaṃ samārabhya aṣṭatālatrayaṃ tathā |
trayodaśa samārabhya navatālatrayaṃ tathā || 5 ||
[Analyze grammar]

evaṃ vayaḥkrameṇaiva tālamānaṃ tathocyate |
tiṣṭhantamekapīṭhasthaṃ rukmiṇyā satyabhāmayā || 6 ||
[Analyze grammar]

kṛṣṇaṃ ca bālavapuṣaṃ śyāmalaṃ pītavāsasam |
rukmiṇīṃ kanakābhāṃ tāṃ satyabhāmāṃ ca śyāmalām || 7 ||
[Analyze grammar]

vāsudevaṃ guḍākeśaṃ sarvābharaṇabhūṣitam |
krīḍayaṣṭidharaṃ devaṃ tribhaṅgadhyānasaṃyutam || 8 ||
[Analyze grammar]

svastikaṃ dakṣiṇaṃ pādaṃ vāmapādaṃ tu kuñcitam |
tiṣṭhantamaṅgulisthāne cāṃguṣṭhasthitimācaret || 9 ||
[Analyze grammar]

kiñcitkuñcitajānvantavāmapādasthitirbhavet |
vaktraṃ caiva tathā gātraṃ kaṭibhāgaṃ tathaiva ca || 10 ||
[Analyze grammar]

triṣumārgeṣu bhaṅgitvāttribhaṅgitvaṃ vidhīyate |
vaktraṃ dakṣiṇato bhāge madhyabhāgaṃ tu vāmataḥ || 11 ||
[Analyze grammar]

kaṭīrdakṣiṇato bhāge bhaṅgatrayamudāhṛtam |
dakṣiṇaṃ kaṭikaṃ hastaṃ krīḍāyaṣṭisamanvitam || 12 ||
[Analyze grammar]

dakṣiṇe yaṣṭihastantu nābhisūtrādadhonnatam |
bhūtavedaguṇāṅgulyā vidhinā sahitālataḥ || 13 ||
[Analyze grammar]

vāmaṃ devyorbhujāsaktaṃ vāmahastamadhomukham |
hikkāsūtrādadho vāmaṃ kūrparaṃ syāddaśāṅgulam || 14 ||
[Analyze grammar]

ṣaṭsaptāṣṭāṃgulādhikyonnataṃ vā kālayetkramāt |
vāmahastatalāgrantu nābhimātrantu yojayet || 15 ||
[Analyze grammar]

veṇuṃ ca taravegaṃ tu hastābhyāṃ pīḍayetkramāt |
ūrdhvakāyasamaṃ veṇuṃ krīḍāyaṣṭiṃ tu tatsamam || 16 ||
[Analyze grammar]

triṇataṃ śyāmalāṅgaṃ ca dvibhujaṃ raktavāsasam |
caturbhujaṃ vā kurvīta śaṅkhacakradharaṃ param || 17 ||
[Analyze grammar]

susthitaṃ vāmapādena dakṣiṇenaiva bandhayet |
sarvābharaṇasaṃyuktaṃ sundaraṃ saumyalocanam || 18 ||
[Analyze grammar]

devībhyāṃ sahitaṃ kuryā drahitaṃ vātra kecana |
devasya vāme garuḍaṃ prāñjalīkṛtya nusthitam || 19 ||
[Analyze grammar]

pakṣadvayayutaṃ kuryāttālapatrasya mūlavat |
navanītanaṭaṃ kuryāttathā kālīyamardanam || 20 ||
[Analyze grammar]

pārthasārathirūpaṃ tu devyośca rahitaṃ kramāt |
pīṭhaṃ ca pratimotsethaṃ pañcabhāgaṃ tribhāgikaṃ || 21 ||
[Analyze grammar]

navāṃśātsaptabhāgaṃ catribhāgadvayamucyate |
laukikapratimotsedhaṃ mānāṃgulamiti kramāt || 22 ||
[Analyze grammar]

prathamaṃ tu navāṅgulyaṃ dvadvyaṅgulavivardhanam |
navasaṃkhyamiti proktaṃ mānamevaṃ vidhīyate || 23 ||
[Analyze grammar]

etena tu tribhedaṃ syāduttamādhamamadhyamam |
mānaṃpramāṇamunmānaṃ laṃbamānopamānakam || 24 ||
[Analyze grammar]

pañcatālamiti proktaṃ laṃbamānaṃ vidhīyate |
sāttvikaṃ rājasaṃ caiva tāmasaṃ tu vivarjayet || 25 ||
[Analyze grammar]

dakṣiṇaṃ mānamuddhṛtya nābhisūtrapramāṇakam |
kaṭiyonisamaṃ vātha dakṣiṇaṃ pādameva hi || 26 ||
[Analyze grammar]

daṇḍahastantu mānena mūrdhni keśākṣameva vā |
abhayaṃ dakṣiṇaṃ hastaṃ bhrūmātraṃ kūrparādayaḥ || 27 ||
[Analyze grammar]

dakṣiṇena mukhaṃ caiva kiñcitprahasitānanam |
keśakaṃbalamityuktaṃ sūtraṃ vāmāśrayaṃ bhavet || 28 ||
[Analyze grammar]

uṣṇīṣasthapade madhye nāsāgre puṭavāmake |
nābhimadhyagate vāpi muṣkamālorudakṣiṇe || 29 ||
[Analyze grammar]

pāde dakṣiṇapāṇyante agrānmakuṭavāmake |
laṃbayenmadhyasūtraṃ cedanyatsūtraṃ na kārayet || 30 ||
[Analyze grammar]

uṣṇīṣamaṅgulārdhaṃ ca mukhamaṣṭāṃgulaṃ bhavet |
galamarthāṃgulaṃ tasya grīvāntaṃ dvyaṅgulaṃ bhavet || 31 ||
[Analyze grammar]

hikkāntaṃ hṛdayāntaṃ ca nābhyantaṃ meḍhramūlakam |
aṣṭādaśāṃgulaṃ caiva mūrdhvakāyaṃ vidhīyate || 32 ||
[Analyze grammar]

trayodaśāṃgulaṃ caiva mūrudīrṅaṃ vidhīyate |
jānussyāddvyaṅgulaṃ caiva jaṅghā coruśca tatsamā || 33 ||
[Analyze grammar]

caraṇaṃ dvyaṅgulaṃ caiva mānameva na saṃśayaḥ |
hīkkāsūtrāntato bāhurdaśāṅgulamiti smṛtam || 34 ||
[Analyze grammar]

prakoṣṭhamaṣṭāṅgulāyāmaṃ saptāṅgulatalāyatam |
mukhaṃ mukhaviśālaṃ syātkarṇavistāramaṅgulam || 35 ||
[Analyze grammar]

grīvāvistāramevaṃ syāccaturaṅgula caturyavam |
abhayaṃ bāhumānaṃ caturviṃśatiraṅgulam || 36 ||
[Analyze grammar]

kakṣayorantaraṃ caiva caturdaśāṃgula vistaram |
ūrurdaśāṃgulaṃ caiva śroṇirekādaśāṃgulam || 37 ||
[Analyze grammar]

kaṭivistāramevaṃ syāttrayodaśāṃgulamiṣyate |
ūrumūlasuvistāramaṣṭāṃgulamiti kramāt || 38 ||
[Analyze grammar]

ṣaḍaṅgulaṃ jānutāraṃ jaṅghātāraṃ ca saptakam |
tṣaṅgulārdhaṃ ca vijñeyaṃ nālikāvistaraṃ bhavet || 39 ||
[Analyze grammar]

pādavistāramevoktaṃ sarvalakṣaṇasaṃyutam |
kalāpakusumaśyāmaṃ śaṅkhacakragadāmbujam || 40 ||
[Analyze grammar]

anekaratnaṃ sa channaṃ kaustubhodbhāsi vakṣasam |
tārahārāvalīramyaṃ garuḍopari saṃsthitam || 41 ||
[Analyze grammar]

devībhyāṃ sahitaṃ kuryātkṛṣṇaṃ bṛndāvane ratam |
ālola kuntalodbhāsi mukhacandra virājitam || 42 ||
[Analyze grammar]

atiraktādharoṣṭhaṃ ca raktapāṇidvayāṃcitam |
vāmapādaṃ samākuñcya cottānīkṛtya dakṣiṇam || 43 ||
[Analyze grammar]

dakṣiṇaṃ cābhayaṃ hastaṃ navanītayutaṃ tathā |
vāmaṃ prasārya cottānaṃ sarvābharaṇabhūṣitam || 44 ||
[Analyze grammar]

sāṃbaraṃ tu prakurvīta vigatāṃbarameva vā |
evaṃ tu vidhinā kuryānnavanitanaṭaṃ budhaḥ || 45 ||
[Analyze grammar]

evameva prakurvīta kālīyāhiphaṇopari |
nṛtyantaṃ paramātmānamuttānākuñcitāṅghrikam || 46 ||
[Analyze grammar]

dakṣiṇe tu kare kuryānnavanītasya khaṇḍakam |
ahipucchaṃ kare vāpi kuryātkālīyamardanam || 47 ||
[Analyze grammar]

nīlotpaladalaśyāmaṃ pītāṃbarasuśobhitam |
caturbhujaṃ śaṅkhacakramūrdhvapāṇidvaye dhṛtam || 48 ||
[Analyze grammar]

adhaḥpāṇidvaye veṇuṃ vādayantaṃ mudānvitam |
sarvālaṅkārasaṃyuktaṃ garuḍopari saṃsthitam || 49 ||
[Analyze grammar]

devībhyāṃ sahitaṃ devaṃ munibhiḥ pariveṣṭitam |
kṛṣṇamevaṃ prakurvīta santānārthī viśeṣataḥ || 50 ||
[Analyze grammar]

kalāpakusuma śyāmaṃ pūrṇacandranibhānasam |
barhibarhakṛtottaṃsaṃ sarvālaṅkārasaṃyutam || 51 ||
[Analyze grammar]

yuvatīveṣalāvaṇyaṃ śrīvatsāṃkitavakṣasam |
smerāruṇādharanyastaveṇuṃ trailokyamohanam || 52 ||
[Analyze grammar]

akṣamālāṃ ca vidyāṃ ca kuryādūrdhvakaradvaye |
veṇuṃ karadvaye kuryāccaturbhujayutaṃ harim || 53 ||
[Analyze grammar]

tapanīyalasatkāntyābhrājatkamalahantayā |
nirīkṣyamāṇacaraṇaṃ vāmapārśvasthayā śriyā || 54 ||
[Analyze grammar]

hemasiṃhāsane ramye rājñībhistu niṣevitam |
candramaṇḍalasaṃkāśaśvetachatreṇaśobhitam || 55 ||
[Analyze grammar]

nāradādyairmunigaṇaijñānnārthibhirupāsitam |
indrādidevatābṛndhaiḥ praṇataṃ parameśvaram || 56 ||
[Analyze grammar]

evaṃ kṛṣṇaṃ prakurvīta jaganmohanavigraham |
gopībhirāvṛtaṃ gobhiḥ paramānandavigraham || 57 ||
[Analyze grammar]

vyatyasya dakṣiṇaṃ pādaṃ vāme nyasya ca susthitam |
caturbhujaṃ śaṅkhacakradharamūrdhvakaradvaye || 58 ||
[Analyze grammar]

dhṛtvā vedamayaṃ veṇumanyahastadvayena ca |
aṅgulībhirmudā veṇusuṣirāṇi ca pūrayan || 59 ||
[Analyze grammar]

divyagāndharvagītārtaṃ tribhaṅgena ca saṃsthitam |
evaṃ kṛṣṇaṃ prakurvīta veṇunādanaṭaṃ budhaḥ || 60 ||
[Analyze grammar]

sarvabhūṣaṇasaṃyuktaṃ brahmasūtrasamanvitam |
raktāṃbaradharaṃ caiva śyāmalaṃ kamalekṣaṇam || 61 ||
[Analyze grammar]

rukmiṇīsatyabhāmābhyāṃ pārśvayorupaśobhitam |
rukmiṇīṃ rukmavarṇābhāṃ satyāṃ śyāmanibhāṃ tathā || 62 ||
[Analyze grammar]

vasudevaṃ devakīṃ ca purato dakṣiṇe tathā |
yaśodāṃ nandagopaṃ ca deveśaṃ vīkṣya susthitam || 63 ||
[Analyze grammar]

pradyumnaṃ ca tathā sāṃbaṃ vāme kuryātsalakṣaṇam |
dāmaṃ sumanasaṃ caiva kuryādanyāṃ ca gopikām || 64 ||
[Analyze grammar]

karṇāgrāntantu kṛṣṇasya sumantuṃ vāmamāśritam |
kakṣabāhusamaṃ vāpi kārayedyuktitaḥ kramāt || 65 ||
[Analyze grammar]

navatālena mānena kuryāttān samalaṅkṛtān |
devakīṃ vasudevaṃ ca kṛṣṇavarṇau prakalpayet || 66 ||
[Analyze grammar]

yaśodāṃ gauravarṇāñca karburaṃ nandamācaret |
pradyumnaṃ śyāmavarṇaṃ ca sāṃbaṃ kālāñjanaprabham || 67 ||
[Analyze grammar]

dāmaṃ raktanibhaṃ caiva gauraṃ sumanasaṃ tathā |
sumantuṃ śvetavarṇaṃ ca kalbayedvidhinā budhaḥ || 68 ||
[Analyze grammar]

evaṃ kṛṣṇaṃ prakurvīta līlāmānuṣavigraham |
caturmūrtikramaścaiṣāṃ vāsādhikaraṇoktavat || 69 ||
[Analyze grammar]

dhṛtvā puṣpamayīṃ yaṣṭiṃ dakṣiṇevatu pāṇinā |
nyasyānyaṃ caiva bhūmistharājadaṇḍasya mūrdhavi || 70 ||
[Analyze grammar]

rājārhābharaṇairyuktaṃ rukmīṇyā sahitaṃ prabhum |
eve kṛṣṇaṃ prakurvīta rājagopālavigraham || 71 ||
[Analyze grammar]

pītāṃbaradharaṃ devaṃ jñānamudrālasatkaram |
veṇumanyakare dhṛtvā sukhāsīnaṃ śucismitam || 72 ||
[Analyze grammar]

upāsyamānaṃ munibhirdevībhyāṃ rahitaṃ harim |
kṛṣṇamevaṃ prakurvīda jñānagopālavigraham || 73 ||
[Analyze grammar]

svarṇaprabhamudārāṅgamaṣṭabāhuṃ jagatprabhum |
ikṣucāpāṃkuśānveṇuṃ śaṅkhārisumasāyakān || 74 ||
[Analyze grammar]

bibhrantaṃ ramayā śliṣṭadivyamaṅgalavigraham |
sarvābharaṇasaṃyuktaṃ yogināmamṛtapradam || 75 ||
[Analyze grammar]

evaṃ sammohanaṃ kuryātkṛṣṇaṃ gopālavigraham |
gavāṃ gopakumārāṇāṃ gopīnāṃ rakṣaṇāyavai || 76 ||
[Analyze grammar]

nagaṃ govardhanaṃ nāma dadhāra bhagavān hariḥ |
vāmenoddhṛtahastena bibhrantaṃ nagamuttamam || 77 ||
[Analyze grammar]

kaṭinyastānya hastaṃ ca padmahastamadhāpi vā |
śaṅkhacakradharaṃ devaṅkuryāccaiva caturbhujam || 78 ||
[Analyze grammar]

evaṃ kṛṣṇaṃ prakurvīta govardhanadharaṃ harim |
purā mahati saṃgrāme pārthaṃ rakṣitavān hariḥ || 79 ||
[Analyze grammar]

pārthaṃ rathasthitaṃ kuryāccharatūṇīrasaṃyutam |
samīkṣamāṇaṃ deveśaṃ syandanasthaṃ svapārśvagam || 80 ||
[Analyze grammar]

śyāmavarṇaṃ mahābāhu kṛṣṇamudbaddhakuntalam |
bibhrantaṃ dakṣiṇe pāśaṃ śaṅkhaṃ vāmakare tadhā || 81 ||
[Analyze grammar]

arjunasya mukhaṃ vīkṣya smayamānaṃ mahāratham |
evaṃ kṛṣṇaṃ prakurvīta pārthasārathivigraham || 82 ||
[Analyze grammar]

vāmajānusamākuñcya dīrghamanyaṃ prasārya ca |
tathai vāvithya sannyasya bhūmyāṃ vāmakaraṃ puraḥ || 83 ||
[Analyze grammar]

ākuñcitānyapādeva cāsanasthitiśobhinā |
anyahastena saṃdhārya navanītaṃ navaṃ navam || 84 ||
[Analyze grammar]

muhurālokayantaṃ taddarśanīyaṃ viśeṣataḥ |
evaṃ kṛṣṇaṃ prakurvīta bālagaupālavigraham || 85 ||
[Analyze grammar]

purā saṃdartasamaye saṃhṛteṣu jagatsu ca |
vaṭapatre vinidrāṇo babhūva bhagavān hariḥ || 86 ||
[Analyze grammar]

vaṭapatre śayānaṃ tu bālarūpaṃ parātparam |
ākṛṣya dakṣiṇaṃ pādaṃ vāmahastena līlayā || 87 ||
[Analyze grammar]

pādāṅguṣṭhaṃ mukhe nyasya dhāsyantaṃ hasitānanam |
dakṣiṇena tu hastena vahantaṃ dakṣiṇorukam || 88 ||
[Analyze grammar]

prasāritetarapadaṃ divyālaṅkāraśobhitam |
vaṭapatraṃ prakurvīta viśālaṃ cādharāgrakam || 89 ||
[Analyze grammar]

vaṭapatraśayānaṃ tu kṛṣṇamevaṃ prakalpayet |
śaṅkhacakragadāpadma pāśāṃkuśalasatkaram || 90 ||
[Analyze grammar]

karābhyāṃ veṇumādāya dhamantaṃ sarvamohanam |
sūryāyutaśatābhāsaṃ pītāṃbarasuśobhitam || 91 ||
[Analyze grammar]

nānālaṅkārasubhagaṃ sūryamaṇḍalasaṃsthitam |
evaṃ prakalpayetkṛṣṇaṃ mahāntaṃ sarvamohanam || 92 ||
[Analyze grammar]

kṛṣṇarūpamasaṃkhyātaṃsvecchārūpaṃ tu kārayet |
kālīyamardanādau tu nāgakanyādikalpanam || 93 ||
[Analyze grammar]

kalpanaṃ bhogabhedasya caivamādīnprakalpayet |
yuktyā buddhyā ca bhaktyā ca yathā syānmanasaḥ priyam || 94 ||
[Analyze grammar]

evaṃ rūpaṃ ca kṛtvā tu tadrūvaṃ kautukaṃ caret |
athavākautukaṃ biṃbaṃ caturbhujasamanvitam || 95 ||
[Analyze grammar]

abhayaṃ varadaṃ pūrvaṃ śaṅkhacakradharaṃ param |
evaṃ caturbhujaṃ kṛtvā sthāpanāraṃbhamācaret || 96 ||
[Analyze grammar]

pūrvoktayāgaśālāyāṃ pañcāgnīnparikalpya ca |
paiṇḍarīke pradhānāgnau hautraśaṃsanamācaret || 97 ||
[Analyze grammar]

kṛṣṇaṃ nārāyaṇaṃ puṇyaṃ tridaśādhipa'matyapi |
rukmiṇīṃ suṃdarīṃ devīṃ ramā'miti ca rukmiṇīm || 98 ||
[Analyze grammar]

satyarūpāṃ satīṃ caiva sannatīṃ ca kṣamā'miti |
ityevamuktvā cāvāhya garuḍaṃ pūrvavattadhā || 99 ||
[Analyze grammar]

āvāhanakrameṇaiva nirupyājyāhutīryajet |
satyassatyastha'ityuktvā śatamaṣṭādhikaṃ yajet || 100 ||
[Analyze grammar]

śrībhūmyoriva kuryācca rukmiṇīsatyabhāmayoḥ |
pūrvoktena vidhānena sthāpanādīni kārayet || 101 ||
[Analyze grammar]

karkī |
yugāntasamaye viṣṇuḥ karkī nāma bhaviṣyati |
khaḍgakheṭakahastastu mlecchādīn sa haniṣyati || 102 ||
[Analyze grammar]

kūṭe vā gopure vāpi parvatākṛtike'pi vā |
kalkirūpaṃ pratiṣṭhāpya vimāne tu samarcayet || 103 ||
[Analyze grammar]

madhyamaṃ daśatālena bhinnāṃjanacayaprabham |
aśvānanaṃ mukhaṃ kuryādanyaccaiva narākṛti || 104 ||
[Analyze grammar]

caturbhujaṃ ca hasteṣu kramāccaivāyudhānyapi |
cakraṃ śaṅkhaṃ ca khaḍgaṃ ca dadhānaṃ kheṭakaṃ tathā || 105 ||
[Analyze grammar]

athavā kalpayeddevamaśvārūḍhaṃ dvibāhukam |
śuddhasphacikasaṃkāśaṃ khaḍgakheṭaka dhāriṇam || 106 ||
[Analyze grammar]

atraiva kautukaṃ kuryādviṣṇurūpaṃ caturbhujam |
pūrvoktayāgaśālāyāṃ pañcāgnīnparikalpya ca || 107 ||
[Analyze grammar]

paiṇḍarīke pradhānāgnau hautraśaṃsanamācaret |
karkiṇaṃ kāmarūpaṃ ca viṣṇuṃ saṃhārakāraṇam' || 108 ||
[Analyze grammar]

evamāvāhya vidhinā nirupyājyāhutīryajet |
dhūrno vahantā'mityuktvā śatamaṣṭādhikaṃ yajet || 109 ||
[Analyze grammar]

utsavasnapanādīni viṣṇoriva samācaret |
viṣṇordaśāvatārāṇāmevaṃ proktaṃ tu lakṣaṇam || 110 ||
[Analyze grammar]

anādirbhagavān kālo nāsya cānto'pi dṛśyate |
cakravatparivartante sṛṣṭisthityantasaṃyamāḥ || 111 ||
[Analyze grammar]

avatārāśca kīrtyante bhūyāṃsaḥ paramātmanaḥ |
dharmasaṃrakṣaṇārthāya duṣṭasaṃśikṣaṇāya ca || 112 ||
[Analyze grammar]

sadya āvirbhavedviṣṇuryatra bhaktānukaṃpayā |
āvirbhāvaṃ tu taṃ vindyātprādurbhāvamathetarat || 113 ||
[Analyze grammar]

āvirbhāvantu matsyādyāḥ pañca pañcetarāssmṛtāḥ |
gajendramokṣaṇādīnapyāvirbhāvānpracakṣate || 114 ||
[Analyze grammar]

antarāle tathā viṣṇordakṣiṇottarapārśvayoḥ |
kalpayedrāmakṛṣṇau tu mukhamaṇḍapa eva vā || 115 ||
[Analyze grammar]

athāntarmaṇḍape vāpi tathāvaraṇa maṇḍape |
saṃsthāpya kautukaṃ beraṃ dvayameveti ke ca na || 116 ||
[Analyze grammar]

nārasiṃhaṃ varāhaṃ ca vāmanaṃ ca trivikramam |
dhruvaberaṃ vinā kṛtvā kautukaṃ lakṣaṇānvitam || 117 ||
[Analyze grammar]

sthāpayitvā tathā viṣṇoḥ pūjayedagramaṇḍape |
matsyakūrmavarāhāṇāṃ vāmanasya viśeṣataḥ || 118 ||
[Analyze grammar]

kautukaṃ viṣṇurūpaṃ tu kuryāccaiva caturbhujam |
dhruvarūpaṃ na kurvīta yatheṣṭamitaratratu || 119 ||
[Analyze grammar]