Chapter 14 - daśāvatārakalpaḥ (vāmanaḥ)

athātassaṃpravakṣyāmi vāmanasya kramaṃ yathā |
vairocanasutohyugro balī ca balināṃ varaḥ || 1 ||
[Analyze grammar]

tadbalasyāpahārārthaṃ kāśyapājjāyate hariḥ |
harirvāmanarūpo'bhūcchatrī daṇḍī ca vedavit || 2 ||
[Analyze grammar]

vaṭabījena sadṛśaḥ kevalaṃ sūtradaṇḍabhṛt |
vartamāne mahāyajñe balervairocaneḥ purā || 3 ||
[Analyze grammar]

tadyajñaśālāṃ saṃprāpya vaṭurūpo mahāhariḥ |
tvaṃ dehi tripadīṃ mahyaṃ gāmityūce svamāyayā || 4 ||
[Analyze grammar]

baliśca tripadaṃ tasmaiprādāttoyasamanvitam |
hastejale patatyāśu bhadraṃ rūpamavāpya ca || 5 ||
[Analyze grammar]

devastraivikramaṃ rūpaṃ sarvaṃ lokaṃ tadāgrahīt |
trivikramapratiṣṭhāyāṃ viśeṣassaṃpravakṣyate || 6 ||
[Analyze grammar]

vasantvimāne vā bhadrake hastibhadrake |
dīrghaśāre mahākūṭe sthāpanaṃ sarvasiddhidam || 7 ||
[Analyze grammar]

daśatālena mānena devadevaṃ prakalpayet |
savyaṃ pādaṃ sthitaṃ kuryāddakṣiṇaṃ codthitaṃ bhavet || 8 ||
[Analyze grammar]

caturbhujaṃ prakurvīta saṃyutaṃ vāṣṭabhirbhujaiḥ |
dakṣiṇe śārṅgamālaṃbya bhūmyāṃ caiva prasrya ca || 9 ||
[Analyze grammar]

śaraṃ ca dakṣiṇe haste khaḍgaṃ caiva tathā bhavet |
gadā vāmakare proktā tathā kheṭakameva ca || 10 ||
[Analyze grammar]

cakraśaṅkhetathā kuryādūrdhvabāhorvicakṣaṇaḥ |
evameva prakurvīta vasuhastaṃ prakalpayan || 11 ||
[Analyze grammar]

sasyaśyāmanibhaṃ kuryāddharṣa vegasamanvitam |
sarvābharaṇa saṃyuktaṃ kīrīṭādivibhūṣitam || 12 ||
[Analyze grammar]

indraṃ sasyanibhaṃ kuryādvāmapārśve ca susthitam |
dakṣiṇe dharmarājaṃ ca puṣpamālādharaṃ punaḥ || 13 ||
[Analyze grammar]

dakṣiṇe bhittiporśve tu brahmāṇaṃ ca prakalbayet |
hastābhyāṃ kuṃbhayoścaiva pādaprakṣālanaṃ caret || 14 ||
[Analyze grammar]

tasyapādāṃbuje caiva jātāṃ gaṅgāṃ ca sundarīm |
prāñjalīkṛtya hastābhyāṃ nābherūlrāvaṃ śarīragau || 15 ||
[Analyze grammar]

pārśvayorubhayoścāpi candrādityau ca pūrvavat |
jāṃbavantaṃ tathā bherīṃ tāḍayastaṃ narākṛtim || 16 ||
[Analyze grammar]

indraṃ śyāmanibhaṃ kuryādyamamañjanasannibham |
ādityaṃ cāgni varṇaṃ ca candraṃ śtetaṃ tathā caret || 17 ||
[Analyze grammar]

pītavarṇaṃ baliṃ kuryānnīlābhaṃ jāṃbavantakam |
brahmāṇaṃ pītavarṇaṃ ca śyāmavarṇāṃ ca jāhnavīm || 18 ||
[Analyze grammar]

evaṃ varṇakrameṇaiva citrābhāsaṃ ca kārayet |
pūjakau tu prakurvīta tathā śakrabṛhaspatī || 19 ||
[Analyze grammar]

śaṅkhaṃ dakṣiṇataḥ kuryāccakraṃ vāme samarcayet |
amūrtaṃ vā samūrtaṃ vā kalpayitvā yathākramam || 20 ||
[Analyze grammar]

śukraṃ śuklanibhaṃ kuryātpītavarṇaṃ bṛhaspatim |
mahīṃ dakṣiṇataḥ pārśvesthitāmevaṃ prakalpayet || 21 ||
[Analyze grammar]

udaṅmukhīṃ ca kurdīta padmahastāṃ ca dakṣiṇe |
vāme prasāritāṃ caiva sarvaratna vibhūṣitām || 22 ||
[Analyze grammar]

tasyāḥpūrve tathā kuryātprahlādaṃ cottarāmukham |
jaṭāmukuṭasaṃyuktaṃ sarvābharaṇabhūṣitam || 23 ||
[Analyze grammar]

hṛdayeṃjalisaṃyuktaṃ śukavatranibhāṃbaram |
tasyacottarapārśve tu brahmāsūtrasya dakṣiṇe || 24 ||
[Analyze grammar]

asurendraṃ tathāsīnaṃ vinataṃ paścimāmukham |
brahmāñjali samāyuktaṃ kīrīṭādivibhūṣitam || 25 ||
[Analyze grammar]

evaṃ vairocaniṃ kuryātpuṣpāṃbaradharaṃparam |
namuciṃ ca samāsīnaṃ pādapīṭhāvalaṃbinam || 26 ||
[Analyze grammar]

vāmapārśve samāsīnaṃ pūrvabhittisamāśrayam |
kalpayitvā yathāmārgaṃ śukraṃ caiva samāgatam || 27 ||
[Analyze grammar]

vāmapādaṃ samāsīnaṃ dakṣiṇaṃ kuñcitaṃ tathā |
abhayaṃ dakṣiṇaṃ hastaṃ vāmaṃ kaṭyavalaṃbitam || 28 ||
[Analyze grammar]

sarvābharaṇa saṃyuktaṃ paścimāmukhameva ca |
tasya cottarapārśvetu pakṣirājaṃ prakalpayet || 29 ||
[Analyze grammar]

dakṣiṇāmukhasaṃyuktaṃ śukremuṣṭiprahāriṇam |
evaṃ garbhagṛhe proktaṃ vidhinā kārayedbudhaḥ || 30 ||
[Analyze grammar]

maṇḍape nimnitasthāne anantaṃ cottarāmukham |
hṛdayeṃjalisaṃyuktaṃ sthitamevaṃ prakalpayet || 31 ||
[Analyze grammar]

phaṇaistu pañcabhiryuktaṃ sarvābharaṇabhūṣitam |
uttare bhittipārśvetu vāsukīṃ ca prakalpayet || 32 ||
[Analyze grammar]

ana ntavattathā kuryāddharṣa vegasamanvitam |
evameva vidhānena kalpayitvā yathākramam || 33 ||
[Analyze grammar]

śyāmavarṇāṃ tathā devīṃ prahgādaṃ pītameva ca |
kanakābhaṃ baliñcaiva namuciṃ ca tathai va ca || 34 ||
[Analyze grammar]

śakraṃ tu pūrvavatkuryātpañcavarṇaṃ khagādhipam |
anantaṃ pītavarṇaṃ ca vāsukiṃ śyāmameva ca || 35 ||
[Analyze grammar]

evaṃ sthānakrameṇaiva kūṭayuktena kārayet |
atha vā bhittipārśve tu citrābhāse'dhamādhamam || 36 ||
[Analyze grammar]

trivikramaṃ pravakṣyāmi yathā kuryājjagattraye |
ekaṃ jānusamaṃ kuryāddvitīyaṃ nābhitassamam || 37 ||
[Analyze grammar]

tṛtīyaṃ tu lalāṭāntaṃ trividhaṃ syāttrivikramam |
mahīṃ devīṃ tathā caiva prahlādaṃ tu baliṃ tathā || 38 ||
[Analyze grammar]

namuciṃ ca tathā śukraṃ garuḍaṃ ca tathā caret |
anantaṃ vāsukīṃ caiva maṣṭāṃgasthāpanaṃ caret || 39 ||
[Analyze grammar]

viṣṇuṃ trivikramaṃ ceti trilokeśamataḥ param |
viśveśvaraṃ trimūrti ca sarpādhāra'mitīrayet || 40 ||
[Analyze grammar]

pītavarṇaṃ guruṃ caiva taiṣyaṃ caiva bṛhaspatim'|
samuciṃ kanakābhaṃ ca pītavāsasamityapi || 41 ||
[Analyze grammar]

śyāmalāṅgamiti proktaṃ'mūrtimantraṃ yathākramam |
hariṇīṃ ca tathā pauṣṇīṃ kṣauṇīñcaiva tathā mahīm.' || 42 ||
[Analyze grammar]

prahlādaṃ vīryavittaṃ ca viṣṇu bhaktaṃ mahābalam'|
asurendraṃ baliṃ ceti vadānyaṃ vīra'meva ca || 43 ||
[Analyze grammar]

śukrasya pūrvamevoktaṃ garuḍasya vidhānataḥ |
kāśyapaṃ garuḍaṃ caiva vainateyaṃ khagādhipam || 44 ||
[Analyze grammar]

sahasraśīrṣaṃ śeṣaṃ ca nāgarājamitīrya ca |
anastaṃ'ca samuccārya śeṣasyāvāhanaṃ caret || 45 ||
[Analyze grammar]

vāsukīṃ nāgarājaṃ ca kādraveyaṃ manoramam |
evaṃ mūrtikramaścaiva maṣṭāṃgasthāpane caret || 46 ||
[Analyze grammar]

pratiṣṭhoktakrameṇaiva sarvaṃ pūrvavadācaret |
trivikramapratiṣṭhāyāmanvāhārye viśeṣataḥ || 47 ||
[Analyze grammar]

tathā hautraṃ praśaṃsyaiva mūrtyāvāhanamācaret |
juṣṭākāraṃ ca kṛtvaiva pūrvavatsarvamācaret || 48 ||
[Analyze grammar]

yo vā trimūrti'rityevaṃ śatamaṣṭādhikaṃ yajet |
karṣaṇādipratiṣṭhāntaṃ pūrvavatsamyagācaret || 49 ||
[Analyze grammar]