Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 7.22
sa tayā śraddhayā yuktastasyā rādhanamīhate |
labhate ca tataḥ kāmānmayaiva vihitān hi tān ||22||
The Subodhinī commentary by Śrīdhara
tataśca tayeti | sa bhaktastayā dṛḍhayā śraddhayā tasyāstano rādhanmārādhanamīhate karoti | tataśca ye saṅkalpitāḥ kāmāstān kāmāṃstato devatāviśeṣāllabhate | kintu mayaiva tattaddevatāntaryāminā vihitānnirmitān hi | sphuṭametattattaddevatānāmapi madadhīnatvānmanmūrtitvāccetyarthaḥ ||22||
The Gūḍhārthadīpikā commentary by Madhusūdana
sa kāmī tayā madvihitayā sthirayā śraddhayā yuktastasyā devatātanvā rādhanamārādhanaṃ pūrajamīhate nirvartayati | upasargarahito'pi rādhayatiḥ pūjārthaḥ | sopasargatve hyākāraḥ śrūyate | labhate ca tatastasyā devatātanvāḥ sakāśātkāmānīpsitāṃstān pūrvasaṅkalpitān hi prasiddham | mayaiva sarvajñena sarvakarmaphaladāyinā tattaddevatāntaryāmiṇā vihitāṃstattatphalavipākasamaye nirmitān | hitānmanaḥpriyānityaikapadyaṃ vā | ahitatve'pi hitatayā pratīyamānānityārthaḥ ||22||
The Sārārthavarṣiṇī commentary by Viśvanātha
īhate karoti | sa tattaddevatārādhanātkāmānārādhanaphalāni labhate | na ca te te kāmā api taistairdevaiḥ pūrṇāḥ kartuṃ śakyanta ityāha mayaiva vihitān pūrṇīkṛtān ||22||
The Gītābhūṣaṇa commentary by Baladeva
sa tayeti | īhate karoti | tato mattanubhūtatattaddevatārādhanāt | kāmān phalāni tatra tatroktāni | mayaiveti vihitān racitān | yadyapi tasya tasyārādhakasya tathā jñānaṃ nāsti tathāpi mattanuviṣayeyaṃ śraddhetyanusandhāyāhaṃ phalānyarpayāmīti bhāvaḥ ||22||
_________________________________________________________