![Bhagavad-gita with four Commentaries [sanskrit] - book cover](/uploads/a/Gita-Bhushana.jpg)
Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 2.36
avācyavādāṃśca bahūn vadiṣyanti tavāhitāḥ |
nindantastava sāmarthyaṃ tato duḥkhataraṃ nu kim ||36||
The Subodhinī commentary by Śrīdhara
kiṃ ca avācyavādāniti | avācyān vādān vacanānarhān śabdān tava ahitāḥ tvacchatravo vadiṣyanti ||36||
The Gūḍhārthadīpikā commentary by Madhusūdana
nanu bhīṣmādayo mahārathā na bahu manyantāṃ duryodhanādayastu śatravo bahu maṃsyante māṃ yuddhanivṛttyā tadupakāritvādityata āha avācyeti | tavāsādhāraṇaṃ yatsāmarthyaṃ lokaprasiddhaṃ tannindantastava śatravo duryodhanādayo'vācyān vādān vacanānarhān ṣaṇḍhatilādirūpāneva śabdān bahūnanekaprakārān vadiṣyanti na tu bahu maṃsyanta ityabhiprāyaḥ | athavā tava sāmarthyaṃ stutiyogyatvaṃ tava nindanto'hitā avācyavādān vadiṣyantītyanvayaḥ |
nanu bhīṣmadroṇādivadhaprayuktaṃ kaṣṭataraṃ duḥkhamasahamāno yuddhānnivṛttaḥ śatrukṛtasāmarthyanindanādiduḥkhaṃ soḍhuṃ śakṣyāmītyata āha tatastasmānnindāprāptiduḥkhātkiṃ tu duḥkhataraṃ tato'dhikaṃ kimapi duḥkhaṃ nāstītyarthaḥ ||36||
The Sārārthavarṣiṇī commentary by Viśvanātha
avācyavādān | klība ityādi kaṭūktīḥ ||36||
The Gītābhūṣaṇa commentary by Baladeva
kiṃ cāvācyeti | ahitāḥ śatravo dhārtarāṣṭrāstava sāmarthyaṃ pūrvasiddhaṃ parākramaṃ nindantaḥ bahūnavācyavādān śaṇḍhatilādiśabdān vadiṣyanti | tata evaṃvidhāvācyavādaśravaṇādatiśāyitaṃ kiṃ duḥkhamasti | itthaṃ caite ṣaḍbhiryuddhavairāgyasyāsvargatvamakīrtikaratvaṃ coktaṃ darśitam ||36||
__________________________________________________________