![Bhagavad-gita with four Commentaries [sanskrit] - book cover](/uploads/a/Gita-Bhushana.jpg)
Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 2.37
hato vā prāpsyasi svargaṃ jitvā vā bhokṣyase mahīm |
tasmāduttiṣṭha kaunteya yuddhāya kṛtaniścayaḥ ||37||
The Subodhinī commentary by Śrīdhara
yaduktaṃ na caitadvidmaḥ [Gītā 2.6] iti tatrāha hato vetyādi | pakṣadvaye'pi tava lābha evetyarthaḥ ||37||
The Gūḍhārthadīpikā commentary by Madhusūdana
nanu tarhi yuddhe gurvādivadhavaśānmadhyasthakṛtā nindā tato nivṛttau tu śatrukṛtā nindetyubhayataḥ pāśā rajjurityāśaṅkya jaye parājaye ca lābhadhrauvyādyuddhārthamevotthānamāvaśyakamityāha hato veti | spaṣṭaṃ pūrvārdham | yasmādubhayathāpi te lābhastasmājjeṣyāmi śatrūnmariṣyāmi veti kṛtaniścayaḥ san yuddhāyottiṣṭha | nayataraphalasandehe'pi yuddhakartavyatāyā niścitatvāt | etena na caitadvidmaḥ kataranno garīyaḥ [Gītā 2.6] ityādi parihṛtam ||37||
The Sārārthavarṣiṇī commentary by Viśvanātha
nanu yuddhe mama jaya eva bhāvītyapi nāsti niścayaḥ | tataśca kathaṃ yuddhe pravartitavyamityata āha hata iti ||37||
The Gītābhūṣaṇa commentary by Baladeva
nanu yuddhe vijaya eva me syāditi niścayābhāvāttato'haṃ nivṛtto'smīti cettatrāha hato veti | pakṣadvaye'pi te lābha eveti bhāvaḥ ||37||
__________________________________________________________