![Ashtanga-hridaya-samhita [sanskrit] - book cover](/uploads/a/Ashtanga-Hridaya-Samhita.jpg)
Ashtanga-hridaya-samhita [sanskrit]
273,418 words | ISBN-10: 8121800226 | ISBN-13: 9788121800226
The Sanskrit edition of the Ashtanga-hridaya-samhita, including the commentaries Sarvangasundara and Ayurvedarasayana. The Astangahrdaya-samhita deals with the eight-fold divisions of Ayurveda: (l) Medicine, (2) The science of the special diseases of the supra-clavicular parts of the body (viz. eye, ear, nose, mouth, throat etc.), (3) Surgery, (4) Toxicology, (5) Psycho-therapy, (6) Pediatrics, (7) Rejuvenation and (8) Virilification. Original titles: Vāgbhaṭa Aṣṭāṅgahṛdayasaṃhitā (वाग्भट अष्टाङ्गहृदयसंहिता), Aruṇadatta Sarvāṅgasundarā (अरुणदत्त सर्वाङ्गसुन्दरा), Hemādri Āyurvedarasāyana (हेमाद्रि आयुर्वेदरसायन).
Section 41
udarānmedaso vartiṃ nirgatāṃ bhasmanā mṛdā||50||
avakīrya kaṣāyairvā ślakṣṇairmūlaistataḥ samam||51||
dṛḍhaṃ badhvā ca sūtreṇa varddhayetkuśalo bhiṣak||51||
tīkṣṇenāgniprataptena śastreṇa sakṛdeva tu||52||
syāndanyathā rugāṭopo mṛtyurvā chidyamānayā||52||
sakṣaudre ca vraṇe baddhe sujīrṇe'nne ghṛtaṃ pibet||53||
kṣīraṃ vā śarkarācitrālākṣāgokṣurakaiḥ śṛtam||53||
rugdāhajitsayaṣṭyāhvaiḥ paraṃ pūrvodito vidhiḥ||54||
medogranthyuditaṃ tatra tailamabhyañjane hitam||54||
Commentary: Aruṇadatta’s Sarvāṅgasundarā
jaṭharānmedaso vartiṃ nirgatāṃ bhasmanā vā mṛdā'vakīryāthavā ślakṣṇacūrṇaiḥ kaṣāyairmūlairavakīrya tato mūlena samaṃ dṛḍhaṃ ca kṛtvā sūtreṇa badhvā tīkṣṇena vahniprataptena śastreṇa kuśalo vaidyaḥ sakṛdeva varddhayet| anyathā chinnayā rujā''aṭopo mṛtyurvā syāt| tato vraṇe samākṣike baddhe'nne ca sujīrṇe sati ghṛtaṃ pibet| athavā śarkarādibhiḥ śṛtaṃ dugdhaṃ pibet| tacca ghṛtaṃ kṣīraṃ vā rujādāhahṛt| anantaraṃ pūrvokto vidhiḥ| tatra medogranthiṣu kathitaṃ tailamabhyañjane hitam|