Chapter 28

kiṃ so naro jalpam acintyakālaṃ katamāsya vidyā katamaṃ sya dānaṃ |
saukhyādhvago asmiṃ pare ca loke kathaṃkaro rakṣito svastyayanaṃ tad āhu || 1 ||
[Analyze grammar]

yo siddhadevāṃ ca narāṃś ca sarvā jñātiṃ ca bhūtāni ca nityakālaṃ |
avajānati prajvalanaṃ ca tīkṣṇaṃ bhūtānukampi rakṣito svastyayanaṃ tad āhuḥ || 2 ||
[Analyze grammar]

yo vā duruktaṃ vacanaṃ kṣameyā kṣāntībalena adhivāsayanto |
paruṣaṃ śrutvā vacanaṃ aniṣṭaṃ adhivāsanārakṣito svastyayanaṃ tad āhuḥ || 3 ||
[Analyze grammar]

yo vā duruktaṃ vacanaṃ kṣameya jātā ca ye snigdhamitrā satataṃ bhavanti |
viśāradā avisaṃvādakā ca tāṃ mitradrohīsamasaṃvibhāgī |
dhanena mitrāṃ sadā-m-anukampi so mitramadhye rakṣito svastyayanaṃ tad āhuḥ || 4 ||
[Analyze grammar]

yo jñātimadhye ca sahāyamadhye śīlena prajñāya vaśītayā ca |
abhirocati sarvaṃ hi nityakālaṃ so jñātimadhye rakṣito svastyayanaṃ tad āhuḥ || 5 ||
[Analyze grammar]

yasmiṃ rājā bhūmipatī prasannā jānanti satye ca parākrame |
abhavya eṣo iha ca purā ca sa rājamadhye rakṣito svastyayanaṃ tad āhuḥ || 6 ||
[Analyze grammar]

yaṃ snigdhabhāvā + + + + + + + + + mātā prajāyām anukampitā ca |
prajāyate rūpavatī suśīlā gharavāsa rakṣito svastyayanaṃ tad āhuḥ || 7 ||
[Analyze grammar]

ye āryadharmeṇa stuvanti buddhaṃ upasthitā paricariyāye santo |
bahuśrutā tīrṇakāṃkṣā vimuktā arhantamadhye rakṣito svastyayanaṃ tad āhuḥ || 8 ||
[Analyze grammar]

annaṃ pānaṃ kāśikacandanaṃ ca gandhaṃ ca mālyaṃ ca dadanti kāle |
prasannacittā śramaṇabrahmehi grāmasya madhye rakṣito svastyayanaṃ tad āhuḥ || 9 ||
[Analyze grammar]

paiśunyaṃ mṛṣāvāda pareṣu dāraṃ prāṇātipātaṃ ca tathaiva madyaṃ |
etaṃ prahāya svargatiṃ gamiṣyatha grāmasya madhye rakṣito svastyayanaṃ tad āhuḥ || 10 ||
[Analyze grammar]