Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter CXXV

< Previous

Next >

śrīvasiṣṭha uvāca |
siddhānto'dhyātmaśāstrāṇāṃ sarvāpahnava eva hi |
nāvidyāstīha no māyā śāntaṃ brahmedamakramam || 1 ||
[Analyze grammar]

śānta eva cidābhāse svacche samasamātmani |
samagraśaktikhacite brahmeti kalitābhidhe || 2 ||
[Analyze grammar]

nirṇīya kecicchūnyatvaṃ kecidvijñānamātratām |
kecidīśvararūpatvaṃ vivadante parasparam || 3 ||
[Analyze grammar]

sarvameva parityajya mahāmaunī bhavānagha |
nirvāṇavānnirmananaḥ kṣīṇacittaḥ praśāntadhīḥ || 4 ||
[Analyze grammar]

ātmanyevāssva śāntātmā mūkāndhabadhiropamaḥ |
nityamantarmukho bhūtvā svātmanāntaḥ prapūrṇadhīḥ || 5 ||
[Analyze grammar]

jāgratyeva suṣuptasthaḥ kuru karmāṇi rāghava |
antaḥ sarvaparityāgī bahiḥ kuru yathāgatam || 6 ||
[Analyze grammar]

cittasattā paraṃ duḥkhaṃ cittāsattā paraṃ sukham |
ataścittaṃ cidekātmā naya kṣayamavedanāt || 7 ||
[Analyze grammar]

dṛṣṭā ramyamaramyaṃ vā stheyaṃ pāṣāṇavatsamam |
etāvatātmayatnena jitā bhavati saṃsṛtiḥ || 8 ||
[Analyze grammar]

saṃvedanīyaṃ na sukhaṃ nāsukhaṃ na ca madhyamam |
etāvatātmayatnena duḥkhānto'nanta āpyate || 9 ||
[Analyze grammar]

āpīnamaṇḍalaśaśāṅkavadantareva śrīmadrasāyanamayaḥ sukhameti tajjñaḥ |
vijñātasarvabhuvanatrayavastusāraḥ kurvanna nāma kurute paramabhyupetaḥ || 10 ||
[Analyze grammar]