Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter CXVI

< Previous

Next >

śrīrāma uvāca |
bhagavansarvadharmajña citte'haṃkāranāmani |
galite vā galadrūpe liṅgaṃ sattvasya kiṃ bhavet || 1 ||
[Analyze grammar]

śrīvasiṣṭha uvāca |
balādapi hi saṃjātā na limpantyāśayaṃ sitam |
lobhamohādayo doṣāḥ payāṃsīva saroruham || 2 ||
[Analyze grammar]

muditādyāḥ śriyo vakraṃ na muñcanti kadācana |
galatyahaṃkāramaye citte galati duṣkṛte || 3 ||
[Analyze grammar]

vāsanāgranthayaśchinnā iva truṭyantyalaṃ śanaiḥ |
kopastānavamāyāti moho māndyaṃ hi gacchati || 4 ||
[Analyze grammar]

kāmaḥ klamaṃ gacchati ca lobhaḥ kvāpi palāyate |
nollasantīndriyāṇyuccaiḥ khedaḥ sphurati noccakaiḥ || 5 ||
[Analyze grammar]

na duḥkhānyapabraṃhanti na valganti sukhāni ca |
sarvatra samatodeti hṛdi śaityapradāyinī || 6 ||
[Analyze grammar]

sukhaduḥkhādayastvete dṛśyante yadi vā mukhe |
dṛśyanta eva tucchatvānnānulimpanti te manaḥ || 7 ||
[Analyze grammar]

citte galati gīrvāṇagaṇasya spṛhaṇīyatām |
sādhurgacchatyudetyasya samatā śītacandrikā || 8 ||
[Analyze grammar]

upaśāntaṃ ca kāntaṃ ca sevyamapratirodhi ca |
nibhṛtaṃ corjitaṃ svacchaṃ vahatītthaṃ mahadvapuḥ || 9 ||
[Analyze grammar]

bhāvābhāvaviruddho'pi vicitro'pi mahānapi |
nānandāya na khedāya satāṃ saṃsṛtivibhramaḥ || 10 ||
[Analyze grammar]

buddhyālokena sādhye'sminvastunyastamitāpadi |
pravartate na yo mohāttaṃ dhigastu narādhamam || 11 ||
[Analyze grammar]

viśrāntimāptumucitāṃ ciramaṃga duḥkharatnākaraṃ jananasāgaramuttitīrṣoḥ |
ko'haṃ kathaṃ jagadidaṃ ca paraṃ ca kiṃ syātkiṃ bhogakairiti matiḥ paramo'bhyupāyaḥ || 12 ||
[Analyze grammar]