Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter LX

< Previous

Next >

śrīvasiṣṭha uvāca |
iti hemajaṭādhīśo lebhe padamanuttamam |
vivekādhyavasāyena brāhmaṇyamiva gādhijaḥ || 1 ||
[Analyze grammar]

anarthākārakāryāsu nāsīcceṣṭāsu khedavān |
bhūyobhūyaḥ prayuktāsu dinamālāsviveśvaraḥ || 2 ||
[Analyze grammar]

tataḥprabhṛti so'tiṣṭhatasarvadā vigatajvaraḥ |
samāsame svake kārye jalaughāgra ivācalaḥ || 3 ||
[Analyze grammar]

harṣāmarṣavinirmuktaḥ pratyahaṃ kāryamāharan |
udāragambhīravapurjahārāmbunidheḥ śriyam || 4 ||
[Analyze grammar]

suṣuptapadadharmiṇyā cittavṛttyā vyarājata |
niṣkampayā prakāśinyā dīpaḥ svaśikhayeva saḥ || 5 ||
[Analyze grammar]

na nirghṛṇo dayāvānno na dvandvī nātha matsarī |
na sudhīrnāsudhīrnārthī nānarthī sa babhūva ha || 6 ||
[Analyze grammar]

samadarśanayā nityaṃ vṛttyā'cāpaladhīrayā |
antaḥśītalayā reje paripūrṇārṇavenduvat || 7 ||
[Analyze grammar]

sarvaṃ cittattvakalanaṃ jagadityavalokya saḥ |
praśāntasukhaduḥkhaśrīstasya pūrṇā matirbabhau || 8 ||
[Analyze grammar]

ullasanvikasanpūrṇastiṣṭhangacchanviśansvapan |
abhūtsamasamādhisthaḥ prabuddhaścillayaṃ gataḥ || 9 ||
[Analyze grammar]

sa kurvanvigatāsaṅgaṃ rājyaṃ rājīvalocanaḥ |
atiṣṭhadakṣatākāro bhūrivarṣaśatānyatha || 10 ||
[Analyze grammar]

saṃniveśamimaṃ dehanāmakaṃ tadanu svayam |
sa jahau tejasākrānto rūpaṃ himakaṇo yathā || 11 ||
[Analyze grammar]

viveśa paramādyantakāraṇaṃ kāraṇeśvaram |
prajñayā saritāṃ vāri paripūrṇamivāmbudhim || 12 ||
[Analyze grammar]

adhigatavimalaikarūpatejā vijanadaśāṃ samupetya śāntaśokaḥ |
alamabhavadasau parasvarūpaṃ ghaṭakhamivāmbarasaṃyutaṃ mahātmā || 13 ||
[Analyze grammar]