Yoga-sutra with Bhoja Vritti [sanskrit]
9,596 words
The Sanskrit edition of the Rājamārtaṇḍa or Bhojavṛtti by Bhojarāja.—This represents the commentary on the yoga aphorisms of Patañjali by King Bhoja who ruled in the 11th century. The material was typed by Suryansu Ray from a traditional old manuscript belonging to the family Guru.
Sūtra 3.20
asyaiva paracittajñānasya viśeṣajñānamāha —
na ca tatsālambanaṃ tasyāviṣayībhūtatvāt || vibhūti 20 ||
vṛttiḥ — tasya parasya yaccittaṃ tat sālambanaṃ svakīyenā''lambanena sahitaṃ na śakyate jñātumālambanasya kenacilliṅgenāviṣayīkṛtatvāt | liṅgāddhi cittamātraṃ parasyāvagataṃ na tu nīlaviṣayamasya cittaṃ pītaviṣayamiti vā | yacca na gṛhītaṃ tatra saṃyamasya kartumaśakyatvānna bhavati paracittasya yo viṣayastatra jñānam | tasmāt parakīyacittaṃ nā''lambanasahitaṃ gṛhyate tasyā''lambanasyā'gṛhītatvāt | cittadharmāḥ punargṛhyanta eva | yadā tu kimanenā''lambitamiti praṇidhānaṃ karoti tadā tatsaṃyamāttadviṣayamapi jñānamutpadyata eva || 20 ||