Chapter 25

atha pañcaviṃśaḥ paṭalaḥ ||
atha vakṣyāmi saṃkṣepādutpāteṣu ca niṣkṛtim |
saṃśodhanakramaṃ caiva sthānapratimayoḥ kramāt || 1 ||
[Analyze grammar]

utpatanti purastādityutpātā bhayaśaṃsinaḥ |
divyāntarikṣabhaumāste jñeyāstantreṣu kīrtitāḥ || 2 ||
[Analyze grammar]

prāsādagarbhapīṭhārcāḥ śarīratvena śāṅgiṇaḥ |
kalpitāḥ sarvadā rakṣyā viprairutpātaśaṅkayā || 3 ||
[Analyze grammar]

utpāteṣūpajāteṣu na kāryā pūjanā hareḥ |
aspṛśyāḥ pratimāpīṭhaprāsādāḥ sāṅgadevatāḥ || 4 ||
[Analyze grammar]

akṛtāyāṃ tu niṣkṛtyāṃ spaṣṭāḥ kupyanti devatāḥ |
pūjitā vā tato yatnānniṣkṛtiṃ kārayed drutam || 5 ||
[Analyze grammar]

vitānāgninibhaṃ viṣṇorvimbamutpātadūṣitam |
akṛtāyāṃ tu niṣkṛtyāmapūjyaṃ sarvathā budhaiḥ || 6 ||
[Analyze grammar]

vilambane tu niṣkṛtyā vinaśyed devasannidhiḥ |
tatsthāḥ pretā bhayaṃ kuryurvyādhiśokādibhirnṛṇām || 7 ||
[Analyze grammar]

patanaṃ calanaṃ svedo hasanaṃ caiva rodanam |
utpāṭanaṃ hṛtiścorairdāhaḥ pradhvaṃsanaṃ balāt || 8 ||
[Analyze grammar]

pīṭhaprāsādaketvastratoraṇānāṃ ca pārṣadām |
bhaṅgaśchatrākavalmīkakṛmikīṭādisambhavaḥ || 9 ||
[Analyze grammar]

śvacoravrātyapāṣaṇḍidevalādipraveśanam |
arcanaṃ cāpyamantrajñairanthabhaktairadīkṣitaiḥ || 10 ||
[Analyze grammar]

kṣudrānyamantrasaṃyogaḥ kālajīrtirdigāśrayaḥ |
uṣitairnīrasairduṣṭaiḥ pratiṣiddhaiśca pūjanam || 11 ||
[Analyze grammar]

anārādhaśca nirdoṣaḥ kālepekṣā pramādataḥ |
kalaho maraṇaṃ janma raktaśleṣmāśrupātanam || 12 ||
[Analyze grammar]

ete cānye ca vijñeyā utpātā bahudoṣadāḥ |
tasmāt sarvaprayatnena kartavyamavilambitam || 13 ||
[Analyze grammar]

prāyaścittaṃ yathotsāhamanyathā sarvanāśanam |
mahad bahuṣu cogreṣu nimitteṣu viśeṣataḥ || 14 ||
[Analyze grammar]

nimitteṣvalpamalpeṣu sadyo vā yatra niṣkṛtiḥ |
bimbapīṭhagṛhālindaprāṅkaṇeṣu yathātatham || 15 ||
[Analyze grammar]

khananādividhiṃ kuryād yathādoṣabalābalam |
khananaṃ haraṇaṃ dāhaḥ pūraṇaṃ gonivāsanam || 16 ||
[Analyze grammar]

viprocchiṣṭaṃ ca gavyaṃ ca saptaitāḥ sthānaśuddhayaḥ |
khādirasphyena cāstreṇa khātvā hastādimānataḥ || 17 ||
[Analyze grammar]

sadoṣānakhilān pātrairhṛtvā pāṃsūn bahiḥ kṣipet |
kuśadarbhādibhirdagdhvā tadbhasmādi punarharet || 18 ||
[Analyze grammar]

sumṛdbhiḥ khātamāpūrya hastipādaistu yājñikaiḥ |
gomūtrasiktamākoṭya viprapādodakaistathā || 19 ||
[Analyze grammar]

gāṃ nivāsyāśayed viprān pāyasaṃ vaiṣṇavān bahūn |
taducchiṣṭe hṛte siñced gavyaiśca vikiraiḥ kiret || 20 ||
[Analyze grammar]

sthānaśuddhiriyaṃ proktā bimbaśodhanamucyate |
kṣālanaplāvanasnāmārjanāni yathākramam || 21 ||
[Analyze grammar]

dhārāvagāhanaṃ paścādabhiṣaiko'tra saptamaḥ |
kṣālanaṃ darbhamṛttvagbhistūṣṇīṃ toyaiśca śodhanam || 22 ||
[Analyze grammar]

gandhapuṣpākṣatopaitairamantraiḥ plāvanaṃ jalaiḥ |
sakūrcairdravyayuktaistairmantravat snānamambubhiḥ || 23 ||
[Analyze grammar]

pātre yathoktamāpūrya toyaṃ mantraiḥ prapūjya ca |
kūrcāgraiḥ prokṣayed bimbaṃ mantraistadiha mārjanam || 24 ||
[Analyze grammar]

saṃsthāpya dhānyakūrcasthamaiśānyāṃ lohasambhavam |
vāruṇaṃ pātramāpūrya sakūrcaṃ salilaiḥ śubhaiḥ || 25 ||
[Analyze grammar]

matsyau kūrmau ca sauvarṇau rājatau cātra nikṣipet |
samṛṇālāṃ sapuṣpāṃ ca padminīṃ kṣālitāṃ tathā || 26 ||
[Analyze grammar]

varuṇaṃ tatra sampūjya tīrthaṃ cāvāhya vaiṣṇavam |
pālāśāditripādasthaṃ dārāpātraṃ tu lohajam || 27 ||
[Analyze grammar]

sahemacchidramāpūrya sakūrcaṃ pratimopari |
dhārā'cchidrā ca kartavyā yāmamātraṃ dine dine || 28 ||
[Analyze grammar]

samantraṃ vāruṇāt pātrāt toyaṃ hṛtvā'tra pūrayet |
pañcopaniṣado japyā vāgyatairdarbhapāṇibhiḥ || 29 ||
[Analyze grammar]

spṛśadbhiḥ pātramavyagrairdhyāyadbhirviṣṇumavyayam |
pauruṣaṃ pāvamānaṃ ca sūktamanyacca vaiṣṇavam || 30 ||
[Analyze grammar]

saṃhitā vā'khilā'nyeṣāṃ kāryo'trādyantayorjapaḥ |
dhārānte pūjayed devamudvāsya varuṇaṃ punaḥ || 31 ||
[Analyze grammar]

na cālyaṃ vāruṇaṃ pātraṃ trirātraṃ yatra japyate |
hṛtvā'mbhaḥ punarāpūrya pūrvavat sarvamācaret || 32 ||
[Analyze grammar]

gandhatauyaiḥ payobhirvā dhārā'jyenāpi cottamā |
kāryā'trāpi ca kartavyaṃ tathā varumapūjanam || 33 ||
[Analyze grammar]

sañcchādyārcāṃ suvāsobhirdarbhairatha samantataḥ |
saṃsthāpya yājñikaiḥ kāṣṭhaiḥ kṛtaṃ pātraṃ pramāmataḥ || 34 ||
[Analyze grammar]

gavyairvyastaiḥ samastaiśca gandhodāntairyathākramam |
dine dine yathānyāyaṃ kartavyamavagāhanam || 35 ||
[Analyze grammar]

pañca kumbhāṃstu saṃsthāpya sakūrcān sūtraveṣṭitān |
gandhapuṣpākṣatāmbhobhiḥ pūrṇānupaniṣatkramāt || 36 ||
[Analyze grammar]

sapallavamukhān nyasya cakrikāśca sataṇḍulāḥ |
sampūjya vāsasā'veṣṭya taireva tvabhimantrayet || 37 ||
[Analyze grammar]

pañcabiḥ snāpayedevamabhiṣekavidhiḥ smṛtaḥ |
ṣoḍaśa dvādaśāṣṭau vā dīkṣitā vaiṣṇavā dvijāḥ || 38 ||
[Analyze grammar]

vaidestribhiścaturbhirvā nādayeyurdivāniśam |
navavastraparīdhānāḥ svācāntā gurumūrtipāḥ || 39 ||
[Analyze grammar]

puṇyāhaṃ vācayitvā'tra yathāvidhi samāhitāḥ |
prokṣayeyuśca rākṣoghnairmantraiḥ śāntikapauṣṭikaiḥ || 40 ||
[Analyze grammar]

vaidikaistāntrikaiścaiva sarve darbhāgrapāṇayaḥ |
tacchiṣṭādbhirgṛhaṃ prokṣya bahirantaśca sarvataḥ || 41 ||
[Analyze grammar]

vikiret pañcabhirmantraiḥ sagavyaiḥ sarṣapākṣataiḥ |
maṇḍape śodhite vahniṃ saṃskṛtya vidhivat tataḥ || 42 ||
[Analyze grammar]

juhuyurmūrtipāḥ sarve kuṇḍeṣvācāryasaṃyutāḥ |
kṛtvā pradhānahomāntaṃ sarvatrāgnimukhaṃ kramāt || 43 ||
[Analyze grammar]

dhyāyanto viṣṇumavyagrā vahnisthaṃ sāṅgamavyam |
pañcabhistrisahasrājyaṃ juhuyuḥ sarvavahniṣu || 44 ||
[Analyze grammar]

tataḥ samidghṛtavrīhitilalājasahasrakam |
kramādaṣṭākṣareṇaiva juhuyuḥ sarva eva te || 45 ||
[Analyze grammar]

pālāśīnāṃ ghṛtāktānāṃ samidhāṃ dvādaśottaram |
śataṃ vyāhṛtibhiḥ paścāt sarve te juhuyustataḥ || 46 ||
[Analyze grammar]

kṣīreṇāṣṭaśataṃ dadhnā madhunā'jyena ca kramāt |
sāvitryaiva tu te sarve juhuyuḥ sarvaśāntaye || 47 ||
[Analyze grammar]

homāvasāna etebhyo yajamānaḥ svaśaktitaḥ |
hiraṇyaṃ dakṣiṇāṃ dadyāt tatastaiḥ svasti vācayet || 48 ||
[Analyze grammar]

snapanaṃ ca yathotsāhaṃ kuryādadhamavarjitam |
pādau prakṣālya sampūjya dadyādācāryadakṣiṇām || 49 ||
[Analyze grammar]

śaktyā hiraṇyaṃ kṣetraṃ ca gāṃ ca viṣṇuṃ vicintayan |
śatamaṣṭottaraṃ viprān vaiṣṇavān samyagarcitān || 50 ||
[Analyze grammar]

praṇamyonātiriktādiśāntyarthaṃ vācayecchivam |
catvāro mūrtipā hīne madhye'ṣṭau dvādaśottame || 51 ||
[Analyze grammar]

savastrābharaṇā yojyā yathādoṣabalābalam |
homādhyayanakarttṝṃśca sadasyān vaiṣṇavān dvijān || 52 ||
[Analyze grammar]

svaśaktyā pūjayet sarvānannapānādibhiḥ śubhaiḥ |
adbhuteṣvīśakoṇe'gniṃ saṃskṛtya vidhivad guruḥ || 53 ||
[Analyze grammar]

kṛtvā pradhānahomāntaṃ kuryādājyāhutīḥ punaḥ |
pañcabhirdvādaśāṣṭārṇagāyatrījitapauruṣaiḥ || 54 ||
[Analyze grammar]

caturviṃśatiśo hutvā śataśo vā sahasraśaḥ |
apāmārgasamicchinnā sahaindrī bhadrikāñjaliḥ || 55 ||
[Analyze grammar]

dūrvā siddhārthakavrīhiyavāstilahavirghṛtam |
iti hutvā sasampātaṃ sagavyaṃ pañcamantritam || 56 ||
[Analyze grammar]

toyaśeṣaṃ hṛdā siñced yatra madhvādisambhavaḥ |
snapanaṃ ca tataḥ kuryādaṣṭottaraśatādikam || 57 ||
[Analyze grammar]

svaspṛṣṭāṃ śodhayitvā'rcāṃ bahuśe gavyaśodhitām |
śuddhādbhistvagrasairgandhaistīrthatoyaiśca śodhayet || 58 ||
[Analyze grammar]

pañcarātraṃ trirātraṃ vā gavāṃ vāsaṃ ca kalpayet |
brāhmaṇān bhojayet paścāt puṇyāhaṃ cātra vācayet || 59 ||
[Analyze grammar]

vedaiśca nādayediṣṭvā nivedyānnaṃ baliṃ haret |
nādayet tūryaghauṣaiśca tato homādi kārayet || 60 ||
[Analyze grammar]

aśvatthaiḥ khadiraiḥ plakṣaiḥ palāśaiḥ pāṭalairvaṭaiḥ |
nārāyaṇena sūktena śrīsūktena tathaiva ca || 61 ||
[Analyze grammar]

ato deveti sūktena nāsadaṃhomucā tathā |
saṃsamidbhidrapādena tathā'rāyītyanena ca || 62 ||
[Analyze grammar]

gāyatryā pañcabhiścātra hotavyaṃ vidhinaiva tu |
samāpte snapane dadyāt pūrvavaccaiva dakṣiṇām || 63 ||
[Analyze grammar]

animittena niṣkrāntaṃ punarāśu praveśya tu |
śāntihomaṃ ca kurvīta snapanaṃ svastivācanam || 64 ||
[Analyze grammar]

utsavaṃ tīrthayātrāṃ ca brāhmaṇānāṃ ca bhojanam |
prasūte śvasṛgālādyaiḥ śūnyaṃ kṛtvā trirātrakam || 65 ||
[Analyze grammar]

pūrvoktaṃ kārayecchāntiṃ sthānaśuddhiṃ ca bhūyasīm |
dāhe payasvinīṃ dhenuṃ śāntināmnā samāhvayet || 66 ||
[Analyze grammar]

dūrvādikaṃ nivedyāsyai padmapatre payo duhet |
ātapya dadhi nirmathya tat saṃskṛtyājyamāharet || 67 ||
[Analyze grammar]

aparedyustathā dugdhvā dadhi caivaṃ prakalpayet |
tṛtīye'hni śakṛnmūtraṃ kṣīraṃ caiva tathāharet || 68 ||
[Analyze grammar]

padmapatreṣu sampūjya kramānmūtrādipañkam |
pañcapatreṣu saṃyojya mathitvā praṇavena ca || 69 ||
[Analyze grammar]

sampūjyāṣṭasahasraṃ tu pañcopaniṣado japet |
tena samprokṣya sarvatra snāpayet pratimāṃ tataḥ || 70 ||
[Analyze grammar]

hṛtvā bhasmādikaṃ toyaiḥ plāvayitvā samantataḥ |
gonivāsādi kartavyaṃ prāyaścittaṃ yathākramam || 71 ||
[Analyze grammar]

calaṃ vā niścalaṃ kuryādāvāhya kalaśe budhaḥ |
adhivāsya yathānyāyaṃ kuryādvā'tha navīkriyām || 72 ||
[Analyze grammar]

bhagnamuddhṛtya vā bimbaṃ tathānyat sthāpayed budhaḥ |
saṅkrāntamuddhṛte bimbe nave saṃyojayet pūnaḥ || 73 ||
[Analyze grammar]

udvāsya susthitaṃ kuryād bimbaṃ pacchilayā saha |
durjanasparśanādau tu śuddhiṃ kṛtvā'sya bhūyasīm || 74 ||
[Analyze grammar]

homādi sakalaṃ kuryādutsavāntaṃ viśeṣataḥ |
corāhṛtistu doṣāṇāmagraṇīḥ parikīrtyate || 75 ||
[Analyze grammar]

tatra yatnena kartavyaṃ vidhānamativistaram |
corairapahṛtaṃ bimbaṃ yadi yatnena labhyate || 76 ||
[Analyze grammar]

śodhayitvā vidhānena sthāpyaṃ tatra tadeva tu |
alabdhe'pahṛte bhagne jīrṇe vā'bhinavaṃ punaḥ || 77 ||
[Analyze grammar]

yonirūpaviśeṣaṃ tu nyūnamapyatra neṣyate |
prāsāde sati taṃ dhyātvā sakalaṃ bimbasaṃyutam || 78 ||
[Analyze grammar]

saṃhṛtyāvāhayed vidvān kalaśe mantrapūrvakam |
garbhagehe'sya pīṭhe vā satyāvāhya tathaiva tu || 79 ||
[Analyze grammar]

pīṭhaṃ garbhagṛhaṃ vā'pi yadā tasya na labhyate |
bimbasthānāt tadāvāhya yathoktaṃ vidhimācaret || 80 ||
[Analyze grammar]

saṃkrāntasya vināśe'pi kartavyaṃ mūlanāśavat |
tadaṅgadevatānāśe tadvadeva prakīrtyate || 81 ||
[Analyze grammar]

yatastu devatāḥ sarvā mantrātmānaḥ prakīrtitāḥ |
evameva visargaḥ syānnāśe tāsāmiti sthitiḥ || 82 ||
[Analyze grammar]

kartavyā pañcabhiḥ śāntirapūjāyāṃ tu bhūyasī |
śatahomo'ṣṭakenātha vaiṣṇavānāṃ tu bhojanam || 83 ||
[Analyze grammar]

daśānāṃ pāyasenātra deyā śaktyā ca dakṣiṇā |
dvādaśāntamahaḥsaṃkhyāguṇitaḥ syādayaṃ vidhiḥ || 84 ||
[Analyze grammar]

snapanaṃ cācaturmāsānmahāsnānamataḥ param |
vatsare śāntihomena yuktaṃ viprārcanena ca || 85 ||
[Analyze grammar]

abhimantrya haviḥ skannaṃ dakṣiṇena tu pāṇinā |
aṣṭākṣareṇa hotavyaṃ śatamājyena pañcabhiḥ || 86 ||
[Analyze grammar]

duḥśaॉtādyapsu nikṣipya tathā hutvā paraṃ pacet |
uṣite'mbupayomiśragavyagandhādiśodhanam || 87 ||
[Analyze grammar]

puṇyāhaṃ śāntihomaṃ ca balimannādyamācaret || 88 ||
[Analyze grammar]