Chapter 24

atha caturviṃśaḥ paṭalaḥ ||
atha vakṣyāmi saṃkṣepājjīrṇoddhāravidhiṃ param |
sthāpanāt sarvathā kāryo yasmin daśaguṇo vidhiḥ || 1 ||
[Analyze grammar]

sarvātmano harerbimbe bhagne jīrṇe cale sthite |
grāmarāṣṭrādināśaḥ syāt tasmāt kāryā taduddhṛtiḥ || 2 ||
[Analyze grammar]

dehaṃ dehī yathā jīrṇaṃ tyaktvā dehāntaraṃ vrajet |
tyaktvā jīrṇaṃ tathā bimbaṃ devo'pi bhajate navam || 3 ||
[Analyze grammar]

arcāṃ tyajati deveśo jīrṇaṃ jīrṇāmiva srajam |
mā vikṣan yātudhānā ityuddharedavilambitam || 4 ||
[Analyze grammar]

viprān sadyaḥ samāhūya tantrajñān vedapāragān |
śataṃ sahasramayutamadhikaṃ vā yathābalam || 5 ||
[Analyze grammar]

tānarcitān yathāśakti bhaktyā kṛtvā pradakṣiṇam |
namobrahmaṇyamantreṇa praṇipatya samāhitaḥ || 6 ||
[Analyze grammar]

āśiṣo vācayed bahvīrācāryastu samūrtipaḥ |
jitaṃ ta iti natvā tān punarutthāya vāgyataḥ || 7 ||
[Analyze grammar]

devaṃ ca manasā dhyātvā baddhāñjaliridaṃ vadet |
pūjābimbamidaṃ viṣṇoḥ sthāpitaṃ pūrvasūribhiḥ || 8 ||
[Analyze grammar]

anena dūṣaṇenādya dūṣitaṃ ce vartate |
duṣṭabimbasya coddhāraḥ karttavya iti śāsanam || 9 ||
[Analyze grammar]

āgamasya vayaṃ kartu vyavasāyamupāsmahe |
tatredaṃ yadi kartavyamāgamārthatayā bhavet || 10 ||
[Analyze grammar]

bhavanto no'nujānantu bhavemājñākarā vayam |
kriyatāmiti niśśaṅkamanujñāto dvijottamaiḥ || 11 ||
[Analyze grammar]

nivedayet punaścedaṃ tebhyo lokahitepsayā |
yathaiva devapūjāyāṃ viniyuktamaninditam || 12 ||
[Analyze grammar]

dravyaṃ puṣpādikaṃ paścānnirmālyamiti nindyate |
evaṃ bimbamaduṣṭaṃ yat pūjāyāṃ viniyujyate || 13 ||
[Analyze grammar]

tadeva dūṣitaṃ paścānnirmālyamiti nindyate |
tasmād duṣṭamidaṃ bimbaṃ bhavadbhirmuktasaṃśayaiḥ || 14 ||
[Analyze grammar]

nirmālyabuddhyā tyaktavyamiti śāstrasya śāsanam |
tata āghoṣayeyuste brāhmaṇā muktasaṃśayāḥ || 15 ||
[Analyze grammar]

śāntaye yajamānasya gurorṛtvigjanasya ca |
rājño janapadasyāsya grāmasya nagarasya ca || 16 ||
[Analyze grammar]

tato niṣkrāmya deveśamātmasātkṛtya vā guruḥ |
āvāhya kalaśe vā'tha bimboddhāravidhiṃ caret || 17 ||
[Analyze grammar]

prāsādasyāgrataḥ kuryācchāntihomaṃ yathāvidhi |
dūrvāstrimadhurāktā vā samidhaḥ kṣīriṇāṃ tu vā || 18 ||
[Analyze grammar]

sāvitryā tatra hotavyāḥ sājyāścaṣṭasahasraśaḥ |
bāhṛtyupaniṣadbhiśca śāntiṃ paścāt tu vācayet || 19 ||
[Analyze grammar]

śāntirastu śivaṃ cāstu puṣṭirastvastu maṅgalam |
svasti cāstu samṛddhyastu sarveṣāṃ santu sampadaḥ || 20 ||
[Analyze grammar]

gobrāhmaṇebhyaḥ kṣatrebhyo viṭchūdrebhyastathaiva ca |
lokebhyaḥ sarvabhūtebhyo rājñe janapadāya ca || 21 ||
[Analyze grammar]

rāṣṭrāyāsmai viśeṣeṇa grāmāya nagarāya ca |
asmai ca yajamānāya sabhṛtyāya sabandhave || 22 ||
[Analyze grammar]

bimboddhāravidherastu sākalyamiti ghoyet |
ācāryaṃ yajamāno'tra praṇipatya prasādya ca || 23 ||
[Analyze grammar]

hemaratnādidānena mahatā paritoṣayet |
ātmīyaṃ ca dhanaṃ sarvamātmānaṃ ca nivedayet || 24 ||
[Analyze grammar]

hiraṇyaṃ gāṃ mahīmaśvān ratnaṃ vāsaśca kuñjaram |
bhūṣāṇāni striyo dāsānāsanaṃ śayanaṃ tathā || 25 ||
[Analyze grammar]

yaccānyad dayitaṃ śakyaṃ tattad dadyāditi sthitiḥ |
mūrtipebhyaśca dātavyaṃ tatpādamadhikaṃ tu vā || 26 ||
[Analyze grammar]

dehanyāsaṃ tataḥ kṛtvā pralayodayasaṃyutam |
ācāryaḥ sagaṇo bimbamalaṅkuryāt prayatnataḥ || 27 ||
[Analyze grammar]

tataste kṛtapuṇyāhā baddhoṣṇīṣāḥ samāhitāḥ |
vāgyatāḥ kṛtarakṣāśca tiṣṭheyurbaddhakautukāḥ || 28 ||
[Analyze grammar]

ācāryo yajamānasya hemajaṃ kaṅkaṇaṃ kare |
cakramantreṇa badhnīyādalābhe pītamālikām || 29 ||
[Analyze grammar]

japtvā siddhārthakān dadyādācāryaḥ sthapaterapi |
tatastūryaravairdikṣu vedanādaiśca ghoṣayet || 30 ||
[Analyze grammar]

ṛṣabhaṃ kuñjaraṃ vā'gre sthāpayet samalaṅkṛtam |
bālarajjvādibhirbaddhvā yantrayogaṃ ca kalpayet || 31 ||
[Analyze grammar]

ucchvañcasva tathā nāsatsūktamā te pitastathā |
anantasūktaṃ svādiṣṭhaṃ tathānyāni śubhāni ca || 32 ||
[Analyze grammar]

yaudhājayaṃ rauravaṃ ca bṛhatsāma rathantaram |
kayāśubhā jyoṣṭhasāma vairājaṃ yacca śobhanam || 33 ||
[Analyze grammar]

yaduṣpavitraṃ sakalaṃ variṣṭhaṃ viṣṇudaivatam |
pauruṣaṃ pāvamānaṃ ca pañcopaniṣadastathā || 34 ||
[Analyze grammar]

cakraśārṅgāsividyāśca rūpavidyāśca mūrtayaḥ |
guṇatrayamahaṃkāro bhūtādīnyaparāṇi ca || 35 ||
[Analyze grammar]

āvartayadbhirṛtvigbhirācāryaḥ sahitaḥ svayam |
visṛjya pīṭhikābandhaṃ sauvarṇairlāṅgalaiḥ śubhaiḥ || 36 ||
[Analyze grammar]

aṣṭākṣareṇa nirmālyaṃ viṣvakseno'hamuddhare |
iti kṛtvā sthirāṃ buddhiṃ bhūrbhuvaḥsuvaromiti || 37 ||
[Analyze grammar]

gartādutthāpayed bimbaṃ yantrayogena sādhakaḥ |
vedastotrajapaistūryairjayaśabdaiśca puṣkalaiḥ || 38 ||
[Analyze grammar]

nṛttagītāṭṭahāsaiśca tato bimbaṃ nayed bahiḥ |
ahatairvasanaiḥ ślakṣṇaiḥ samantāt pariveṣṭya tu || 39 ||
[Analyze grammar]

kṛtvopacāraṃ gāyattryā praṇavādyantaruddhayā |
dakṣiṇe sthaṇḍilaṃ kṛtvā saikataṃ caturaśrakam || 40 ||
[Analyze grammar]

tilān vikīrya darbhāṃśca pratimāṃ tatra śāyayet |
kṣālayet tatra tāṃ toyairgandhapuṣpaiśca pūjayet || 41 ||
[Analyze grammar]

trirapradakṣiṇaṃ kṛtvā satilaistaṇḍulaiḥ kiret |
tato |़nyairvasanaiḥ ślakṣṇairācchādyāropya vāhanam || 42 ||
[Analyze grammar]

chatradhvajapatākābhiścāmaraiścopaśobhitam |
mahājanaravairyuktaṃ nadīṃ sāgaragāṃ nayet || 43 ||
[Analyze grammar]

tatrāgādhe tato dhyātvā viṣvaksenaṃ caturbhujam |
tanmantreṇa namontena bimbamapsu vinikṣipet || 44 ||
[Analyze grammar]

pīṭhaṃ brahmaśilāṃ cāpi nirmālyamiti cintayet |
tatra srātvā tato gatvā prāsādaṃ sarva eva te || 45 ||
[Analyze grammar]

śodhayitvā bahūn viprān bhojayitvā yathābalam |
gā nivāsya catūrātraṃ trirātraṃ vā'pi yatnataḥ || 46 ||
[Analyze grammar]

prabhūtayavasaṃ toyaṃ tābhyo dadyācca rātriṣu |
tridinaṃ kārayitvaivamannādyaṃ svastivācanam || 47 ||
[Analyze grammar]

rākṣoghnaṃ vāstuhomaṃ ma vedastotrādikīrtanam |
ādau kṛtvā'tra puṇyāhaṃ tato mantraiḥ pṛthagvidhaiḥ || 48 ||
[Analyze grammar]

prokṣayed bahirantaśca toyairgavyaistathākṣataiḥ |
homayet pañcadurgābhirmūlopaniṣadādibhiḥ || 49 ||
[Analyze grammar]

mantrairapi ca rākṣoghnairvadaistūryaiśca nādayet |
jale'dhivāsitaṃ bimbamāhṛtya saha mūrtipaiḥ || 50 ||
[Analyze grammar]

kṛtvā śuddhiṃ yathānyāyaṃ maṇḍape śāyayed guruḥ |
mūrtipā juhuyurdikṣu japeyuścaiva mantriṇaḥ || 51 ||
[Analyze grammar]

vaidikāṃstāntrikān mantrān nāmāni ca sahasraśaḥ |
oṃ kāramagrataḥ kṛtvā paṭhed vaiṣṇavamantrakān || 52 ||
[Analyze grammar]

praṇavena ca saṃspṛśya hṛdi sañcintya mādhavam |
hṛdayaṃ devadevasya viṣṇorvikramaṇena ca || 53 ||
[Analyze grammar]

iti mantreṇa saṃspṛśya mukhaṃ cakṣuśca nāsikām |
hiraṇyagarbhamantreṇa sarvāṅgaṃ saṃspṛśet punaḥ || 54 ||
[Analyze grammar]

pauruṣeṇa ca sūktena tamādāyādhivāsitam |
ratnanyāsādisaṃyuktaṃ pūrvavat triḥ pradakṣiṇam || 55 ||
[Analyze grammar]

gatvā vedajayastotranṛttagītapurassaram |
dhruvā dyauriti saṃsthāpya vaṣaṭ ta iti kīrtayet || 56 ||
[Analyze grammar]

praṇavena tu saṃyuktaṃ parameṣṭhyādividyayā |
ekaikaṃ vinyased dhyātvā pañcopaniṣadātmakam || 57 ||
[Analyze grammar]

kramānyamūrdhāsyahṛnnābhipādeṣvomiti sarvataḥ |
nārāyaṇena sūktena pauruṣeṇa ca sarvataḥ || 58 ||
[Analyze grammar]

viśvataścakṣurityena sakalaṃ bhāvayet tataḥ |
kalaśasthaṃ nave bimbe saṅkrāmyaivaṃ samācaret || 59 ||
[Analyze grammar]

pratiṣṭhāvidhinā sarvamutsavāntaṃ prayojayet |
sāvitryā pañcakṣiścātra śāntihomaṃ prakalpayet || 60 ||
[Analyze grammar]

bāhucchede parityāgaḥ pratimāyāḥ kare tathā |
yasminnavayave bhagne vairūpyaṃ tatra tāṃ tyajet || 61 ||
[Analyze grammar]

yadyekakaraśākhā tu bhagnā dve vā'tra na tyajet |
ataḥ paraṃ parityāgastricchede kaiścidiṣyate || 62 ||
[Analyze grammar]

pādaśākhāparicchede'pyevamanyatra kalpayet |
sphuṭite ca parityāgo bhinne ca parikīrtitaḥ || 63 ||
[Analyze grammar]

sauvarṇī sāṅguliḥ kāryā yā bhagnā dve ca te tathā |
lohādau cecchilābimbe tāmreṇa rajatena vā || 64 ||
[Analyze grammar]

heticchede tu sarvatra sauvarṇaṃ tat prakalpayet |
makuṭe kuṇḍale caiva vastrādiṣu ca śasyate || 65 ||
[Analyze grammar]

pratimāyāḥ parityāge cārāhṛtivadiṣyate |
sthāpanaṃ pūjanaṃ cā'tra na grāhyaṃ pīṭhamakṣatam || 66 ||
[Analyze grammar]

anuyāge navānyeva dravyāṇi śubhadāni tu |
piṇḍikāpacchilādīni dvayoḥ pīṭhaṃ tu garhyate || 67 ||
[Analyze grammar]

gahane nikhanecchailaṃ dāravaṃ vahninā dahet |
dadyād ratnaṃ ca lohaṃ ca kuryād vidrāvya vā punaḥ || 68 ||
[Analyze grammar]

pārthivaṃ nikṣipedapsu sarvaṃ pārthivameva vā |
bhagne bimbe'pi devasya prāsādo yatra lakṣyate || 69 ||
[Analyze grammar]

tatrāpi kārayet bimbaṃ sauvarṇamaparaṃ punaḥ |
lohajaṃ ratnajaṃ vā'gre sthāpitaṃ vidhinā'rcayet || 70 ||
[Analyze grammar]

tadapyamantrakaṃ pūjyamiti cāhurmanīṣiṇaḥ |
paurāṇikeṣu bimbeṣu devādisthāpiteṣvapi || 71 ||
[Analyze grammar]

tyāyo'yameva vijñeyaḥ svayaṃ vā yatra jāyate |
saṃśaye bahubhiḥ sārdhaṃ vaiṣṇavairvedapāragaiḥ || 72 ||
[Analyze grammar]

devasya mahatīṃ pūjāṃ kṛtvā bhaktipurassaram |
devatūryādinirghoṣairdvādaśyāṃ śravaṇe'pi vā || 73 ||
[Analyze grammar]

upoṣya darbhaśayyāyāṃ svapeyurdevasannidhau |
ācakṣva deva deveśa prapanno'smi tavāntikam || 74 ||
[Analyze grammar]

svapne sarvāṇi kāryāṇi hṛdayasthāni yāni naḥ |
iti vijñāpya suptānāṃ svapno'trānuguṇo bhavet || 75 ||
[Analyze grammar]

dvistrirvā'pi tathā kṛtvā kṛtyaṃ niścinuyād budhaḥ |
prāsādaṃ tu navaṃ kuryād vṛttaṃ vā caturaśrakam || 76 ||
[Analyze grammar]

pūrvavaccaturaśre vā vṛttaṃ vṛtte tu nānyathā |
bhūmihānirna kartavyā nāṅgahāniśca tatra vai || 77 ||
[Analyze grammar]

devatārahitaṃ sthānamāśrayantyeva nārakāḥ |
tasmāt tatparihārārthaṃ rakṣāṃ kuryād viśeṣataḥ || 78 ||
[Analyze grammar]

govāsaṃ puradhūpaṃ ca dīpamagniṃ ca saṃskṛtam |
pañcagavyaṃ dvijān darbhān sarṣapāṃśca na hāpayet || 79 ||
[Analyze grammar]

rākṣoghnaṃ ca japet sūktaṃ nārasiṃhaṃ sudarśanam |
stotrāṇi ca pradoṣeṣu kuryācca svastivācanam || 80 ||
[Analyze grammar]

om |
svastaye'stu sadā viṣṇuḥ svastaye'stu caturmukhaḥ |
svastaye'stu sadā rudraḥ svastaye'stu śatakratuḥ || 81 ||
[Analyze grammar]

svastaye'stu sadā vahniḥ svastaye'stu yamaḥ sadā |
svastaye nirṛtiḥ khyātaḥ svasteya varuṇaḥ sadā || 82 ||
[Analyze grammar]

svastaye'stu sadā vāyuḥ svastaye'stu dhaneśvaraḥ |
svastaye'stu sadeśānaḥ svastaye'stu marudgaṇaḥ || 83 ||
[Analyze grammar]

svastaye santu vasavo rudrāśca svastaye sadā |
ādityāḥ svastaye santu munayaḥ svastaye sadā || 84 ||
[Analyze grammar]

gandharvāḥ svastaye santu svastaye santu vinnarāḥ |
svastaye santu nāgāśca svastaye santu pannagāḥ || 85 ||
[Analyze grammar]

svastaye santu vidyeśāḥ svastaye'psarasaḥ sadā |
nadyaśca svastaye santu saritaḥ svastaye sadā || 86 ||
[Analyze grammar]

sāgarāḥ svastaye santu śailāśca svastaye sadā |
svastaye bhrātaraḥ santu pitaraḥ svastaye sadā || 87 ||
[Analyze grammar]

devapāriṣadāḥ sarve svastaye santu naḥ sadā |
svasti bhāgavatānāṃ tu svasti cāstvagrajanmanām || 88 ||
[Analyze grammar]

svastyastu pūjakānāṃ tu svasti cāstu gavāmapi |
svastyastu sthāvarāṇāṃ tu jaṅgamānāṃ tathaiva ca || 89 ||
[Analyze grammar]

svasti cāstu ca mantrāṇāṃ svasti vai karmaṇāmapi |
balidānaṃ hi devasya viṣṇorasmai namo namaḥ || 90 ||
[Analyze grammar]

yadyadvā kriyate karma tattaduktvā viśeṣataḥ |
svastivācanamācāryaḥ kuryādevaṃ śubhaṃ bhavet || 91 ||
[Analyze grammar]

baliṃ cāṣṭavidhebhyo'tha bhūtebhyo dikṣu dāpayet |
sthāpayitvā navaṃ bimbaṃ snapanaṃ cotsavaṃ tathā || 92 ||
[Analyze grammar]

pūjayet pūrvavannityameva siddhirbhaviṣyati || 93 ||
[Analyze grammar]