Chapter 40

[English text for this chapter is available]

pulastya uvāca |
tataḥ kāmeśvaraṃ gacchettatra kāmapratiṣṭhitam |
yasmindṛṣṭe sadā martyaḥ surūpaḥ suprabho bhavet || 1 ||
[Analyze grammar]

yayātiruvāca |
tvayā proktaṃ purā śaṃbhuḥ kāmabāṇa bhayātkila |
vālakhilyāśramaṃ prāpto yatra liṃgaṃ papāta ha || 2 ||
[Analyze grammar]

sa kathaṃ pūjitastena śaṃbhurme kautukaṃ mahat |
vada sarvaṃ dvijaśreṣṭha kāmeśvaraniveśanam || 3 ||
[Analyze grammar]

pulastya uvāca |
muktaliṃge'pi deveśe na smarastaṃ mumoca ha |
darśayannātmano bāṇaṃ tasyāsau pṛṣṭhataḥ sthitaḥ || 4 ||
[Analyze grammar]

tato vārāṇasīṃ prāptastadbhayāttripurāṃtakaḥ |
tatrā'pi ca tathā dṛṣṭvā dhṛtacāpaṃ manobhavam || 5 ||
[Analyze grammar]

tataḥ prayāgamāpannaḥ kedāraṃ ca tataḥ param |
naimiṣaṃ bhadrakarṇaṃ ca jaṃbūmārge tripuṣkaram || 6 ||
[Analyze grammar]

gokarṇaṃ ca prabhāsaṃ ca puṇyaṃ ca kṛmijāṃgalam |
gagādvāraṃ gayāśīrṣaṃ kālābhīṣṭaṃ vaṭeśvaram || 7 ||
[Analyze grammar]

kiṃ vā tena bahūktena tīrthānyāyatanāni ca |
asaṃkhyāni gato devaḥ kāmaṃ ca dadṛśe tathā || 8 ||
[Analyze grammar]

yatrayatra mahādevastadbhayānnṛpa gacchati |
tatratatra punaḥ kāmaṃ prapaśyati dhṛtāyudham || 9 ||
[Analyze grammar]

kasyacittvathakālasya punaḥ prāpto'rbudaṃ prati |
tatrāpaśyattathā kāmamākarṇākarṣitāyudham |
ākuṃcitaikapādaṃ ca sthiradṛṣṭiṃ nṛpo ttama || 10 ||
[Analyze grammar]

athā'sau bhagavāñchāṃtaḥ priyāduḥkhasamanvitaḥ |
krodhaṃ cakre viśeṣeṇa dṛṣṭvā taṃ purataḥ sthitam || 11 ||
[Analyze grammar]

tasya kopābhibhūtasya tṛtīyānnayanānnṛpa |
niścakrāma mahājvālā yayā'sau bhasmasātkṛtaḥ || 12 ||
[Analyze grammar]

sacāpaḥ saśaro rājaṃstasminparvatarodhasi |
śaṃkaro roṣaparyaṃtaṃ gatvā saukhyamavāptavān || 13 ||
[Analyze grammar]

kailāsaṃ parvataśreṣṭhaṃ jagāma surapūjitaḥ |
dagdhe manobhave bhāryā ratirasya pativratā |
vyalapatkaruṇaṃ dīnā patiśokapari plutā || 14 ||
[Analyze grammar]

tato dārūṇi cāhṛtya citiṃ kṛtvā narādhipa |
ārurohāgnisaṃdīptāṃ citiṃ sā patiduḥkhitā |
tāvadākāśagāṃ vāṇīṃ śuśrāva ca yaśasvinī || 15 ||
[Analyze grammar]

vāguvāca |
mā putri sāhasaṃ kārṣīstapasā tiṣṭha sundari |
bhūyaḥ prāpsyasi bharttāraṃ kāmeṃ tuṣṭena śaṃbhunā || 16 ||
[Analyze grammar]

sā śrutvā tāṃ tadā vāṇīṃ samuttasthau samumadhyamā |
devamārādhayāmāsa divānaktamataṃdritā |
vratairdānairjapairhomairupavāsaistathā paraiḥ || 17 ||
[Analyze grammar]

tato varṣa sahasrāṃte tuṣṭastasyā maheśvaraḥ |
abravīdvada kalyāṇi varaṃ yanmanasi sthitam || 18 ||
[Analyze grammar]

ratiruvāca |
yadi tuṣṭo'si me deva bhagavaṃlloka bhāvanaḥ |
akṣatāṃgaḥ punaḥ kāmaḥ kāṃto me jāyatāṃ patiḥ || 19 ||
[Analyze grammar]

evamukte tayā vākye tatkṣaṇātsamupasthitaḥ |
yathā supto mahārāja tadvadrūpaḥ sa harṣita || 20 ||
[Analyze grammar]

ikṣuyaṣṭimayaṃ cāpaṃ puṣpabāṇasamanvitam |
bhṛṃgaśreṇimayyā maurvyā śobhitaṃ sumanoharam || 21 ||
[Analyze grammar]

tato ratisamāyuktaḥ praṇipatya maheśvaram |
anujñātastu tenaiva svavyāpāre'bhyavarttata || 22 ||
[Analyze grammar]

sa dṛṣṭvā śivamāhātmyaṃ śraddhāṃ kṛtvā nṛpottama |
śivaṃ saṃsthāpayāmāsa parvate'rbudasaṃjñite || 23 ||
[Analyze grammar]

yasmindṛṣṭe mahārāja nārī vā yadi vā naraḥ |
saptajanmāṃtarāṇyeva na daurbhāgyamavāpnuyāt || 24 ||
[Analyze grammar]

evametanmayā khyātaṃ yanmāṃ tvaṃ paripṛcchasi |
kāmeśvarasya māhātmyaṃ kāmadāha savistaram || 25 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe tṛtīye'rbudakhaṃḍe kāmeśvaramāhātmyavarṇanaṃnāma catvāriṃśo'dhyāyaḥ || 40 ||
[Analyze grammar]