Chapter 272

[English text for this chapter is available]

ṛṣaya ūcuḥ || |
yadetadbhavatā proktamīśānasya mahīpateḥ |
īśvareṇa purā dattamāyuryāvatsvavāsaram || 1 ||
[Analyze grammar]

kiṃpramāṇaṃ bhavettasya divasasya bravīhi naḥ |
sūta uvāca |
ahaṃ vaḥ kīrtayiṣyāmi pramāṇaṃ divasasya tu || 2 ||
[Analyze grammar]

māheśvarasya viprendrāḥ śrūyatāṃ gadataḥ sphuṭam |
nimeṣasya caturbhāgastruṭiḥ syāttaddvayaṃ lavaḥ || 3 ||
[Analyze grammar]

lavadvayaṃ yavaḥ proktaḥ kāṣṭhā te daśa paṃca ca |
triṃśatkāṣṭhāḥ kalāmāhuḥ kṣaṇastriṃśatkalo mataḥ || 4 ||
[Analyze grammar]

kṣaṇaiḥ ṣaṣṭyā palaṃ proktaṃ ṣaṣṭyā teṣāṃ ca nāḍikā |
nāḍikādvitayenaiva muhūrtaṃ parikīrtitam || 5 ||
[Analyze grammar]

triṃśanmuhūrttamuddiṣṭamahorātraṃ manīṣibhiḥ |
māsastriṃśadahorātraidvau dvau māsāvṛtuṃ viduḥ || 6 ||
[Analyze grammar]

ṛtutrayaṃ cāpyayanamayane dve tu vatsaram |
mānuṣāṇāṃ hi sarveṣāṃ sa eva parikīrtitaḥ || 7 ||
[Analyze grammar]

sa devānāmahorātraṃ purāṇajñāḥ pracakṣate |
ayanaṃ cottaraṃ śuklaṃ yaddevānāṃ dinaṃ ca tat |
yaddakṣiṇaṃ tu sā rātriḥ śubhakarmavigarhitā || 8 ||
[Analyze grammar]

yathā supto na gṛhṇāti kiṃcidbhogādikaṃ naraḥ |
tathā devāśca yajñāṃśānna gṛhṇanti kathaṃ cana || 9 ||
[Analyze grammar]

anenaiva tu mānena mānavena dvijottamāḥ |
lakṣaiḥ saptadaśākhyaistu vatsarāṇāṃ prakīrtitam || 10 ||
[Analyze grammar]

aṣṭāviṃśatsahasraistu vatsarāṇāṃ kṛtaṃ yugam |
tasmiñchveto'bhavadviṣṇurbhagavānyo jagadguruḥ || 11 ||
[Analyze grammar]

lokāḥ pāpavinirmuktāḥ śāṃtā dāṃtā jitendriyāḥ |
dīrghāyuṣastathā sarve sadaiva tapasi sthitāḥ || 12 ||
[Analyze grammar]

yo yathā janma cāpnoti tathā sa mriyate naraḥ |
na putrasaṃbhavo mṛtyurvīkṣyate janakaiḥ kvacit || 13 ||
[Analyze grammar]

kāmaḥ krodhastathā lobho daṃbho matsara eva ca |
na jāyate nṛṇāṃ tatra yuge tu dvijasattamāḥ || 14 ||
[Analyze grammar]

tatastretāyugaṃ bhāvi dvitīyaṃ munisattamāḥ |
pādenaikena pāpaṃ tu raudraṃ dharme tadāviśat || 15 ||
[Analyze grammar]

tato raktatvamabhyeti bhagavānmadhusūdanaḥ |
pāpāṃśe'pi ca saṃprāpte sasparddho jāyate janaḥ || 16 ||
[Analyze grammar]

svargamārgakṛte sarve cakruryajñāṃstataḥ param |
agniṣṭomādikāṃstatra bahuhomādikāṃstathā || 17 ||
[Analyze grammar]

devalokāṃstato yāṃti mūlādyāvaccaturdaśa |
brahmalokasya paryaṃtaṃ svakīyairya jñakarmabhiḥ || 19 ||
[Analyze grammar]

kiṃcitsvalpāyuṣastatra jāyante spardhayā'nvitāḥ |
paraṃ tatrāpi no yāṃti mṛtyuṃ putrāḥ kathaṃcana || 19 ||
[Analyze grammar]

janake vidyamāne ca sva lpadoṣāḥ prakīrtitāḥ |
kāmakrodhādayo ye ca bhavaṃti na bhavaṃti ca || 20 ||
[Analyze grammar]

ekayā velayā tatra vāpitaṃ sasyamuttamam |
saptavārānpragṛhṇaṃti vaiśyāḥ kṛṣiparāyaṇāḥ || 21 ||
[Analyze grammar]

sarvā ghaṭasravā gāvo mahiṣyaśca caturguṇāḥ |
prayacchaṃti tathā kṣīramuṣṭryastāsāṃ caturguṇam || 22 ||
[Analyze grammar]

ajāvikāstathā pādaṃ nāryaḥ sarvāstathaiva ca |
vedādhyayanasaṃpannāḥ pratigrahavivarjitāḥ |
śāpānugrahakṛtyeṣu samarthāḥ saṃbhavaṃti ca || 23 ||
[Analyze grammar]

kṣatriyāḥ kṣātradharmeṇa pālayaṃti vasuṃdharām |
na tatra dṛśyate cauro na ca jāraḥ kathaṃcana |
svadharmaniratāḥ sarve varṇāścaiva vyavasthitāḥ || 24 ||
[Analyze grammar]

tacca dvādaśabhirlakṣairvatsarāṇāṃ prakīrtitam |
ṣaṇṇavatyā sahasraistu dvitīyaṃ yugamuttamam || 25 ||
[Analyze grammar]

tataśca dvāparaṃ bhāvi tṛtīyaṃ dvijasattamāḥ |
dvau pādau tatra pāpasya dvau ca dharmasya saṃsthitau |
bhagavānvāsudevaśca kapilastatra jāyate || 26 ||
[Analyze grammar]

taccāṣṭalakṣamānena vatsarāṇāṃ prakīrtitam |
catuḥṣaṣṭibhiranyaistu sahasrāṇāṃ dvijottamāḥ || 27 ||
[Analyze grammar]

kāmaḥ krodhastathā lobho daṃbho matsara eva ca |
ṣaḍete tatra jāyaṃte īrṣyā caiva tu saptamī || 28 ||
[Analyze grammar]

atha saṃsevitāstaistu mānavāśca parasparam |
viruddhāṃśca prakurvaṃti nāpnuvaṃti yathā divam || 29 ||
[Analyze grammar]

kecittatrāpi jāyaṃte śāṃtā dāṃtā jiteṃdriyāḥ |
na sarve'pi dvijaśreṣṭhā yato'rddhaṃ pātakasya tu || 30 ||
[Analyze grammar]

tataḥ kaliyugaṃ proktaṃ caturthaṃ ca sudāruṇam |
ekapādo vṛṣo yatra pāpaṃ pādaistribhiḥ sthitam || 31 ||
[Analyze grammar]

kṛṣṇatvaṃ yāti devo'pi tatra caiva caturbhujaḥ |
eka pādo'pi dharmasya yāvattāvatpravartate || 32 ||
[Analyze grammar]

paścānnāśaṃ samabhyeti yāvattāvacchanaiḥśanaiḥ |
pramāṇaṃ tasya nirdiṣṭaṃ lakṣāścatvāra eva hi || 33 ||
[Analyze grammar]

dvātriṃśacca sahasrāṇi yugasyaivāṃtimasya ca |
kalinā tatra saṃpṛṣṭā martyāḥ sarve parasparam || 34 ||
[Analyze grammar]

vibudhaiste pravartaṃte rāgadveṣaparāyaṇāḥ |
yasyayasya gṛhe vittaṃ tathā nāryo manoramāḥ || 36 ||
[Analyze grammar]

tenatena samaṃ maitrīṃ kalau kurvaṃti mānavāḥ |
vidhavānāṃ yatīnāṃ ca sarveṣāṃ ca tapasvinām || 36 ||
[Analyze grammar]

lokadvayavināśaḥ syādyataśceto na śudhyati |
prāvṛṭkāle'pi saṃprāpte durbhikṣeṇa prapīḍitāḥ || 37 ||
[Analyze grammar]

bhramaṃti ca kalau lokā gaganāsaktadṛṣṭayaḥ |
jānāti cāpi tanayaḥ pitā cennidhanaṃ vrajet || 38 ||
[Analyze grammar]

tatohaṃ gṛhapo bhūyāṃ bāṃdhavo hyapi bāṃdhavam |
snuṣāpi vetti cittena yadi śvaśrūḥ kṣayaṃ vrajet || 39 ||
[Analyze grammar]

mama syādgṛha aiśvaryaṃ tatsarvaṃ nānyathā vrajet |
kāvyairupahatā vedāḥ putrā jāmātṛkaistathā || 40 ||
[Analyze grammar]

śālakairbāṃdhavāścaiva hyasatībhiḥ kulastriyaḥ |
śūdrāstapasvinaścaiva śūdrā dharmasya sūcakāḥ || 41 ||
[Analyze grammar]

brāhmaṇānāṃ tataḥ śūdrā upadeśaṃ vadaṃti ca |
alpodakāstathā meghā alpasasyā ca medinī || 42 ||
[Analyze grammar]

alpakṣīrāstathā gāvaḥ kṣīre sarpistathā'lpakam |
sarvabhakṣāstathā viprā nṛpā niṣkaruṇāstataḥ |
kṛṣyā lajjaṃti vaiśyāśca śūdrā brāhmaṇapreṣakāḥ || 43 ||
[Analyze grammar]

hetuvādaratā ye ca bhaṃḍaṃvidyāparāśca ye |
tete syurbhūmipālasya sadā'bhīṣṭāḥ kalau yuge || 44 ||
[Analyze grammar]

śvaḥśvaḥpāpīyadivasāḥ pṛthivī gatayauvanā |
atikrāṃta śubhāḥ kālāḥ paryupasthitadāruṇāḥ || 45 ||
[Analyze grammar]

yathāyathā yugaṃ bhāvi vṛddhiṃ yāṃti striyo narāḥ |
tathātathā prayāṃti sma laghutāṃ jaṃtubhiḥ saha || 46 ||
[Analyze grammar]

dvādaśame caiva kanyā syādbhartṛsaṃyutā || 47 ||
[Analyze grammar]

tataḥ ṣoḍaśame varṣe narāḥ palitayauvanāḥ |
śaucācāraparityaktā nijakāryaparāstathā || 48 ||
[Analyze grammar]

bhaviṣyaṃti yugasyāṃte narāḥ aṃguṣṭhamātrakāḥ |
gṛhaṃ ca te'tha kurvaṃti bilairākhusamudbhavaiḥ || 49 ||
[Analyze grammar]

tathā prāvaraṇaṃ teṣāṃ kṛmivastraṃ bhaviṣyati |
ekavarṇā bhaviṣyaṃti varṇāḥ sarve tataḥ paraḥ |
mlechībhūtā durācārā dharmakṛtyavidūṣakāḥ || 5 ||
[Analyze grammar]

evaṃ jāte tato loke brāhmaṇo haripiṃgalaḥ |
kalkigotrasamutpannastānsarvā nsūdayettataḥ || 91 ||
[Analyze grammar]

paścātkṛtayugaṃ bhāvi bhūyo'pi dvijasattamāḥ || 52 ||
[Analyze grammar]

evaṃ yugasahasreṇa saṃprāptena tataḥ param |
brahmaṇo divasaṃ bhāvi rātriścaiva tataḥ param || 53 ||
[Analyze grammar]

tataścānena mānena ṣaṣṭyā yuktaistribhiḥ śataiḥ |
brahmaṇo vatsaraṃ bhāvi keśavasya ca taddinam || 54 ||
[Analyze grammar]

ātmīye jīvite brahma yāvadvarṣaśataṃ sthitaḥ |
keśavo'pi svamānena varṣāṇāṃ jīvite śatam || 55 ||
[Analyze grammar]

varṣeṇa vāsudevasya dinaṃ māheśvaraṃ bhavet |
nijamānena sopyatra yāva dvarṣaśataṃ sthitaḥ || 56 ||
[Analyze grammar]

tataḥ śaktisvarūpaḥ syātso'kṣayī kīrtyate yataḥ |
sadāśivasya niḥśvāsaḥ śaivaṃ varṣaśataṃ bhavet |
ucchvāsastu punastasya śaktirūpeṇa saṃsthitaḥ || 57 ||
[Analyze grammar]

sūta uvāca |
etadvaḥ sarvamākhyātaṃ śivaśaktisamudbhavam |
yāvadāyuḥ pramāṇaṃ ca mānuṣāḍhyaṃ ca yadbhavet || 58 ||
[Analyze grammar]

bhavadbhiḥ śāṃkaraṃ pṛṣṭo dvijā asmi dinaṃ purā |
mayā punastu sarveṣāṃ martyādīnāṃ tu kīrtitam || 59 ||
[Analyze grammar]

iti śrīskāṃde mahāpurāṇa ekā śītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye yugasvarūpavarṇanaṃnāma dvisaptatyuttaradviśatatamoadhyāyaḥ || 272 ||
[Analyze grammar]