Chapter 213

[English text for this chapter is available]

sūta uvāca |
ratnādityasya māhātmyametadvaḥ parikīrtitam |
sarvakuṣṭhaharaṃ yacca sarvapātakanāśanam |
bhūyastathaiva māhātmyaṃ mahadvai śrūyatāṃ raveḥ || 1 ||
[Analyze grammar]

purāsīdbrāhmaṇaḥ kaścitkuṣṭhavyādhisamākulaḥ || 1 ||
[Analyze grammar]

tena cārādhitaḥ sūryastatrasthena dvijottamāḥ || 2 ||
[Analyze grammar]

pūrvadakṣiṇadigbhāge samāsādya tataḥ param |
rakta candanajāṃ kṛtvā pratimāṃ bhāvitātmanā || 3 ||
[Analyze grammar]

tato varṣasahasrāṃte tuṣṭastasya divākaraḥ |
varado'smīti taṃ prāha dṛṣṭigocaramāgataḥ || 4 ||
[Analyze grammar]

brāhmaṇa uvāca |
yadi tuṣṭo'si me deva kuṣṭhavyādhiṃ hara prabho |
nānyena kāraṇaṃ me'sti rājyenāpi triviṣṭape || 5 ||
[Analyze grammar]

śrībhagavānuvāca |
saptamyāṃ sūryavāreṇa kuru vipra pradakṣiṇām |
śatamaṣṭottaraṃ yāvatsnātvā puṇyahrade śubhe |
phalahastaḥ pṛthaktvena tataḥ kuṣṭhena mucyase || 6 ||
[Analyze grammar]

anyo'tra gāṃ gato yo'pi vratametatkariṣyati |
sarvarogavinirmukto mama lokaṃ sa gacchati || 7 ||
[Analyze grammar]

śrīsūrya uvāca |
tacchrutvā sa tathā cakre brāhmaṇaḥ śraddhayā'nvitaḥ |
vimuktaśca tadā kuṣṭhāddivyadehamavāptavān || 8 ||
[Analyze grammar]

atha bhūyo'pi taṃ prāha nīrogaṃ bhagavānraviḥ |
kiṃ te priyaṃ karomyanyadvada brāhmaṇasattama || 9 ||
[Analyze grammar]

so'bravītsarvadaivātra sthātavyaṃ bhagavanvibho || 10 ||
[Analyze grammar]

śrībhagavānuvāca |
ataḥ paraṃ mamāvāsaḥ sthāne'tra ca bhaviṣyati |
nāmnā kuharavāsākhyā saṃjñā mama bhaviṣyati || 11 ||
[Analyze grammar]

kasyacittvatha kālasya viṣṇuputro babhūva ha |
sāṃbonāma surūpāḍhyo jāṃbavatyāṃ dvijottamāḥ || 12 ||
[Analyze grammar]

kṣobhasaṃjananaḥ strīṇāṃ mātṝṇāmapi sa dvijāḥ || 1 ||
[Analyze grammar]

atha taṃ rājamārgeṇa gacchaṃtaṃ yadusattamam || 13 ||
[Analyze grammar]

puranāryo'pi saṃtuṣṭā vīkṣāṃcakruḥ sukautukāt |
gṛhakāryāṇi saṃtyajya samārūḍhā gavākṣakān || 14 ||
[Analyze grammar]

tasya kāmātmadehasya darśanārthaṃ samutsukāḥ |
kāścidardhānuliptāṃgyaḥ kāścidekāṃjitekṣaṇāḥ || 15 ||
[Analyze grammar]

ardhasaṃyamitaiḥ keśaistathānyāstyaktabālakāḥ |
ekasmiṃścaraṇe kāścinniyojyopānahaṃ drutāḥ || 16 ||
[Analyze grammar]

pādukāṃ ca dvitīye tu paryadhāvannitaṃbinīḥ |
vrajaṃtīṣu tathānyāsu vanitāsu gavākṣakān || 17 ||
[Analyze grammar]

vyākrośaṃti krudhāviṣṭāḥ śiśavo guravastathā |
nīvībandhanaviśleṣasamākulitacetasaḥ || 18 ||
[Analyze grammar]

yayurevāparāḥ sveṣu gavākṣeṣu varāṃganāḥ |
sa cakarṣa tadā tāsāṃ patitairnetraraśmibhiḥ || 19 ||
[Analyze grammar]

hṛdayāni dharāpṛṣṭhe kāmadevasamo yuvā |
kāciddṛṣṭvaiva tadrūpaṃ tasya sāṃbasya kāminī || 20 ||
[Analyze grammar]

niścalā kāmataptāṃgī likhiteva vibhābyate |
kācidagnisamānmuktvā niśvāsānkāmapīḍitā || 21 ||
[Analyze grammar]

ekāstaṃ ca samālokya rūpayauvanasaṃyutam |
gavākṣātprapataṃti sma niśceṣṭā dharaṇītale || 22 ||
[Analyze grammar]

anyāḥ parasparālāpa prakurvaṃti varastriyaḥ |
ekā sā kāminī dhanyā yāsya cakrevagūhanam || 23 ||
[Analyze grammar]

niḥśeṣāṃ rajanīṃ prāpya māghamāsasamudbhavām |
āstāṃ tāvatstriyo yāśca narā api nirargalam || 24 ||
[Analyze grammar]

jalpaṃti cedṛśaṃ sarvaṃ tasya rūpeṇa vismitāḥ |
atraye vadanti sevāma enamarthena varjitāḥ || 25 ||
[Analyze grammar]

vīkṣyāmo vadanaṃ yena nityameveṃdusaṃnibham |
karṇābhyāṃ vāritā vṛddhirnetrayorapyasaṃśayam |
no cejjānīmahe naiva kiyatī saṃ bhaviṣyati || 26 ||
[Analyze grammar]

evaṃ saṃvīkṣyamāṇastu kāminībhirnaraistathā |
niryayau rājamārgeṇa pitṛdarśanalālasaḥ || 27 ||
[Analyze grammar]

bhaginyo mātaro yāśca bhrātṛpatnyaśca yāḥ sthitāḥ |
avasthāmīdṛśīṃ prāptā brāhmaṇānāmapi striyaḥ |
mātaro'pi ca yāstasya bhaginyaśca viśeṣataḥ || 28 ||
[Analyze grammar]

anyasminnahani prāpte prāvṛṭkāle niśāgame |
kṛṣṇapakṣe tamobhūte alakṣye'pi gate puraḥ || 29 ||
[Analyze grammar]

tanmātā nandinīnāma kāmadevaśarārditā |
tatpatnyā veṣamādhāya tacchayyāyāmupasthitā || 30 ||
[Analyze grammar]

so'pi tāṃ dayitāṃ jñātvā sevayāmāsa kāminīm |
ratopacārairvividhairaśraddheyavinirmitaiḥ || 31 ||
[Analyze grammar]

tayā tatra yaduśreṣṭho vikalpamakarottadā |
aṃgarājasutā yā me prāṇebhyo'pi garīyasī || 32 ||
[Analyze grammar]

naivaṃvidhaṃ rataṃ veda anayā yadvinirmitam |
veśyā api na jānaṃti ratamīdṛkkathañcana || 33 ||
[Analyze grammar]

tato gāḍhaṃ kare dhṛtvā dīpamānīya tatkṣaṇāt |
yāvatpaśyati sā mātā nandinīti ca yā smṛtā || 34 ||
[Analyze grammar]

tataśca garhayāmāsa rape kimidaṃ kṛtam |
garhitaṃ sarvalokānāṃ nara kārtipradaṃ tathā || 35 ||
[Analyze grammar]

sāpi lajjāsamopetā mahābhayasamākulā |
praṇaṣṭā tatkṣaṇādeva bhayena mahatā'nvinā || 36 ||
[Analyze grammar]

sāṃbo'pi pralapannārto nidrāṃ lebhe na vai dvijāḥ |
rātriśeṣamabhūttasya tadā varṣaśatopamam || 37 ||
[Analyze grammar]

atha rātryāṃ vyatītāyāṃ prodgate ravimaṇḍale |
duḥkhena mahatā yuktaḥ protthitaḥ sa hareḥ sutaḥ || 38 ||
[Analyze grammar]

āvaśyakamapi tyaktvā kaṃcidbrāhmaṇasattamam |
dharmaśāstravidhānajñaṃ samānīyātha cābravīt || 39 ||
[Analyze grammar]

rahasye vinayopetaḥ kṛtāṃjalipuṭaḥ sthitaḥ |
sāṃba uvāca |
mātrā svasrā duhitrā vā svayaṃ syādyadi mohanam || 40 ||
[Analyze grammar]

kathaṃ śuddhirbhavettasya paramārthena me vada |
dharmaśāstrāṇi saṃvīkṣya sarvāṇi ca yathākramam || 41 ||
[Analyze grammar]

brāhmaṇa uvāca |
paranāryāḥ kṛte vatsa prāyaścittaṃ vinirmitam |
dharma droṇeṣu sarveṣu varṇānāṃ ca pṛthagvidham || 42 ||
[Analyze grammar]

āsāṃ ca tisṛṇāṃ caiva trayāṇāṃ parikīrtitam |
evamevaṃ vinirdiṣṭaṃ prāyaścittaṃ viśudaye || 43 ||
[Analyze grammar]

mātrā mohanamāsādya bhaginyā vātha yādava |
duhitrā vā pramādācca kāryaṃ saṃśodhanaṃ budhaiḥ |
śuddhyarthaṃ tiṃginīmekāṃ nānyajjānāmyahaṃ yataḥ || 44 ||
[Analyze grammar]

dharmadroṇeṣu sarveṣu nirṇayo'yamudāhṛtaḥ |
yo mayā tava saṃdiṣṭo nānyosti yadupuṃgava || 45 ||
[Analyze grammar]

anyathā yo vadetpṛṣṭaḥ prāyāścittaṃ svacchanda taḥ |
tasya pāpasya bhāgī syādyathā kartā tathaiva saḥ || 46 ||
[Analyze grammar]

sāṃba uvāca |
tiṃginyāḥ kiṃ svarūpaṃ ca kiṃ pramāṇaṃ dvijottama |
sarvaṃ vistarato brūhi mamāstyatra prayojanam || 47 ||
[Analyze grammar]

brāhmaṇa uvāca |
govāṭacūrṇamādāya gartāṃ bhṛtvā svamānajām |
śayanaṃ tatra kartavyaṃ yāvadvaktreṇa yādava || 48 ||
[Analyze grammar]

upariṣṭāttacca cūrṇaṃ dhāryaṃ govāṭasaṃbhavam |
yāvadvaktrapramāṇaṃ ca varjayitvā svamānanam || 49 ||
[Analyze grammar]

tataḥ pādapradeśe tu jvālayeddhavyavāhanam |
yathā śanaiḥ śanairdāhaḥ śarīrasya prajāyate || 50 ||
[Analyze grammar]

na caiva cālayedaṃgaṃ kathaṃcittatra saṃsthitaḥ |
naivākraṃdaṃ tathā kuryāddhyāyedekaṃ janārdanam || 51 ||
[Analyze grammar]

tato jīvitanāśena gātraśuddhiḥ prajāyate || 52 ||
[Analyze grammar]

tiṃginyā yatsvarūpaṃ ca tanmayā parikīrtitam |
prāyaścittamidaṃ samyaṅmahāpātakanāśanam || 53 ||
[Analyze grammar]

tacchrutvā vacanaṃ tasya sāṃbo jāṃbavatīsutaḥ |
hṛdaye niścayaṃ kṛtvā tiṃginīsādhakodbhavam || 54 ||
[Analyze grammar]

tataḥ provāca vijane vāsudevaṃ ghṛṇānvitaḥ |
tātāhaṃ vipralabdhastu naṃdinyā tava bhāryayā || 55 ||
[Analyze grammar]

bhāryāyā rūpamādhāya pāpayā tamasi sthite |
sā mayā nijabhāryeyamiti matvā niṣevitā || 56 ||
[Analyze grammar]

tatastu ceṣṭitairjñātvā garhayitvā visarjitā |
tataḥprabhṛti gātre me kuṣṭhavyādhirayaṃ sthitaḥ || 57 ||
[Analyze grammar]

mayātha dharmaśāstrajñaḥ kaścitpṛṣṭo dvijottamaḥ |
prāyaścittaṃ yathoktaṃ me vada mātṛniṣevaṇāt || 58 ||
[Analyze grammar]

tenoktaṃ sādhanaṃ samyaktiṃginyā mama śuddhaye |
so'haṃ tāṃ sādhayiṣyāmi tasya pāpasya śuddhaye || 59 ||
[Analyze grammar]

anujñāṃ dehi me śīghraṃ kāryaṃ yena karomyaham |
kṣaṃtavyaṃ ca mayā bālye yatkiṃcitkukṛtaṃ kṛtam || 60 ||
[Analyze grammar]

mama mātā yathā duḥkhaṃ na kuryāttvaṃ tathā kuru || 61 ||
[Analyze grammar]

tacchrutvā vacanaṃ tasya vajrapātopamaṃ hariḥ |
bāṣpapūrṇekṣaṇo dīnastataḥ provāca gadgadam || 62 ||
[Analyze grammar]

na tvayā kāmataḥ putra kṛtyametadanuṣṭhitam |
na jñānena kṛtaṃ yasmāttatsmātsvalpaṃ hi pātakam || 63 ||
[Analyze grammar]

jānatā yatkṛtaṃ pāpaṃ taccaivākṣayatāṃ vrajet |
na karoti mahīpālo yadi tasya vinigraham || 64 ||
[Analyze grammar]

tasmātte kīrtayiṣyāmi prāyaścittaṃ viśuddhaye |
dānaṃ caiva mahābhāga yena kuṣṭhaṃ praṇaśyati || 65 ||
[Analyze grammar]

uktāni pratiṣiddhāni punaḥ saṃbhāvitāni ca |
sāpekṣanirapekṣāṇi munivākyānyaśeṣataḥ || 66 ||
[Analyze grammar]

tadatra viṣaye putra mama vākyaṃ samācara |
bhaviṣyati mahacchreya iha loke paratra ca || 67 ||
[Analyze grammar]

hāṭakeśvaraje kṣetre viśvāmitrapratiṣṭhitaḥ |
mārtaṇḍo'sti suvikhyātaḥ sarvakuṣṭhavināśakaḥ || 68 ||
[Analyze grammar]

sūryavāreṇa saptamyāṃ saṃprāpte māsi mādhave |
nakṣatre pitṛdaivatye śuklapakṣe samāgate || 69 ||
[Analyze grammar]

bhāskarasyodaye prāpte śraddhāpūtena cetasā |
śatamaṣṭottaraṃ yāvatkurute ca pradakṣiṇām || 70 ||
[Analyze grammar]

phalaiḥ śreṣṭhatamaiścaiva tatpramāṇaiḥ pṛthakpṛthak |
tasya kuṣṭhaṃ viniryāti sadya eva na saṃśayaḥ || 71 ||
[Analyze grammar]

nīrogaḥ kurute yastu ravestasya pradakṣiṇāḥ |
tāvadyugaṃ pumāneṣa sūryaloke mahīyate || 72 ||
[Analyze grammar]

sūryavāreṇa yo martyastasya kṛtvā ṇdakṣiṇām |
namaskaroti sadbhaktyā so'pi rogaiḥ pramucyate || 73 ||
[Analyze grammar]

tasmāttvaṃ hi mahārāja tamārādhaya bhāskaram |
devaṃ vai vidhinānena yo mayokto'khilastava || 74 ||
[Analyze grammar]

avikalpena manasā samārādhaya satvaram |
muktaroge vipāpmātha dibyadehamavāpsyasi || 75 ||
[Analyze grammar]

mā kuruṣva viṣādaṃ tvaṃ kuṣṭhavyādhisamudravam |
tasminkṣetre sthite deve kuharāśrayasaṃjñite || 76 ||
[Analyze grammar]

atha tadvacanaṃ śrutvā prasthito viṣṇunandanaḥ || 77 ||
[Analyze grammar]

sūta uvāca |
etacchrutvā vacastasya devadevasya cakriṇaḥ |
cakāra gamane buddhiyogaṃ sāṃbo'rbudaṃ prati || 78 ||
[Analyze grammar]

tataḥ śubhe'hani prāpte hastyaśvarathasaṃyutaḥ |
pratasthe sa suto viṣṇoḥ senayā parivāritaḥ || 79 ||
[Analyze grammar]

anuyātaḥ sudūraṃ ca kṛṣṇenākliṣṭakarmaṇā |
bāṣpapūrṇe kṣaṇenaiva sarvamātṛjanena ca || 80 ||
[Analyze grammar]

balabhadreṇa vīreṇa cārudeṣṇena dhīmatā |
yuyudhānāniruddhābhyāṃ pradyumnena ca dhīmatā || 81 ||
[Analyze grammar]

tato jāṃbavatī putraṃ dṛṣṭvā tīrthonmukhaṃ tadā |
gacchamānaṃ pracakre'tha pralāpānkurarī yathā || 82 ||
[Analyze grammar]

hā hatāsmi vinaṣṭāsmi maṃdabhāgyā hyabhāginī |
ekopi tanayo yasyā mamāpyenāṃ daśāṃ gataḥ || 83 ||
[Analyze grammar]

atha tāṃ rudatīṃ dṛṣṭvā provāca madhusūdanaḥ |
kimamaṃgalametasya prasthitasya kariṣyasi || 84 ||
[Analyze grammar]

bāṣpapūrṇekṣaṇā dīnā muktakeśī viśeṣataḥ |
eṣa vyādhivinirmuktastīrthayātrāphalānvitaḥ |
kuṣṭhavyādhiparityaktaḥ punareṣyati teṃ'tikam || 85 ||
[Analyze grammar]

etasminnaṃtare yānādavatīrya tvarānvitaḥ |
sāṃbo'sau prasthitastatra yatra jāṃbavatī sthitā || 86 ||
[Analyze grammar]

sa tāṃ praṇamya hṛṣṭātmā kṛtāṃjalipuṭaḥ sthitaḥ |
praṇipatya vihasyo ccairvākyametaduvāca ha || 87 ||
[Analyze grammar]

mā tvaṃ mātarvṛthā duḥkhamasmadarthe kariṣyasi |
āgamiṣyāmyahaṃ śīghraṃ tīrthayātrāṃ vidhāya vai || 88 ||
[Analyze grammar]

jāṃbavatyuvāca |
rakṣatu tvāṃ vane vatsa sarvāstā vanadevatāḥ |
śvāpadebhyaḥ piśācebhyo duṣṭebhyaḥ putra sarvataḥ || 89 ||
[Analyze grammar]

śiraste pātu goviṃdaḥ kaṇṭhaṃ ca madhusūdanaḥ |
bāhudeśaṃ hṛṣīkeśo hṛdayaṃ daityanāśanaḥ || 9 ||
[Analyze grammar]

jaṭharaṃ puṃḍarīkākṣaḥ kaṭiṃ pātu gadādharaḥ |
jānunoryugalaṃ kṛṣṇaḥ pādau ca dharaṇīdharaḥ || 91 ||
[Analyze grammar]

evaṃ saṃspṛśya hastena nijenāṃgāni tasya sā |
samāliṃgya samāghrāya mūrdhadeśe muhurmuhuḥ || 92 ||
[Analyze grammar]

preṣayāmāsa taṃ putraṃ kṛtarakṣaṃ yaśasvinī |
sā sarvāṃtaḥpurīyuktā nivṛtā tadanantaram || 93 ||
[Analyze grammar]

aśrupūrṇekṣaṇā dīnā niḥśvasantī yathoragī |
tathā ca bhagavānviṣṇuryādavaiḥ sakalaiḥ saha || 94 ||
[Analyze grammar]

praviṣṭo dvārakāpuryā sāṃbaṃ proṣya tataḥ param |
aśrupūrṇekṣaṇo dīno balabhadrapuraḥsaraḥ || 95 ||
[Analyze grammar]

putraiḥ pautraistathā mitrairbāṃdhavairaparairapi |
dvārakāyā viniṣkramya sāṃbo'pi dvijasattamāḥ || 96 ||
[Analyze grammar]

saṃprāptaśca krameṇātha siṃdhusāgarasaṃgame |
yatra yogīśvaraḥ sākṣādaṃbarīṣapratiṣṭhitaḥ || 97 ||
[Analyze grammar]

adyāpi tiṣṭhate viṣṇurjaṃtūnāṃ pāpanāśanaḥ |
tatra snātvā samabhyarcya devaṃ yogīśvaraṃ tataḥ || 98 ||
[Analyze grammar]

dadau dānāni viprebhyo nānārūpāṇi śaktitaḥ |
dīnāṃdhakṛpaṇebhyaśca tathaivānyebhya eva ca || 99 ||
[Analyze grammar]

yānāni vastraratnāni yadyacca yena vāṃchitam |
sa trirātraṃ hareḥ putraḥ sthitvā tatra samāhitaḥ || 100 ||
[Analyze grammar]

cyavanasyāśramaṃ puṇyaṃ jagāmātha tataḥ param |
yatra saṃtiṣṭhate viṣṇuścyavanena pratiṣṭhitaḥ || 1 ||
[Analyze grammar]

siṃdhostaṭe ca puṇye ca sarvapātakanāśanaḥ |
tatrāpi vipramukhyebhyo dadau dānāni yādavaḥ || 2 ||
[Analyze grammar]

vāṃchitāni yathoktāni śāstradṛṣṭena karmaṇā |
tatrāpi saṃyataḥ sāṃba sa sthitvā śraddhayānvitaḥ || 3 ||
[Analyze grammar]

trirātraṃ prajagāmātha snātvā siṃdhūdake śubhe |
tatastu puṣkarādīni samuddiśya śanaiḥ śanaiḥ || 4 ||
[Analyze grammar]

puṣkarāvāsinaṃ devaṃ dhyāyamāno hyaharniśam |
tastu puṣkaraṃ prāpya krameṇa yadusattamaḥ || 5 ||
[Analyze grammar]

puṇye kuṇḍajale snātaḥ saṃtarpya pitṛdevatāḥ |
saptamyāṃ sūryavāreṇa gṛhītvātha phalāni ca |
gataḥ saṃtiṣṭhate yatra devo vai viṣṇu sūcitaḥ || 6 ||
[Analyze grammar]

pūjayitvā tato bhaktyā devaṃ kuharavāsinam |
vastrānulepanairdhūpairnaivedyaistu pṛthagvidhaiḥ || 7 ||
[Analyze grammar]

tataḥ pradakṣiṇāścakre phalahastaḥ śanaiḥśanaiḥ |
prapaṭhansūryagāyatrīṃ śraddhayā parayā yutaḥ || 8 ||
[Analyze grammar]

yathāyathā karotyeṣa ravestasya pradakṣiṇām |
tathātathā ca saṃyāti tasya kuṣṭhaṃ dvijottamāḥ || 9 ||
[Analyze grammar]

tatra kṣaṇe'bhavattasya citte sāṃbasya dhīmataḥ |
mukto'haṃ kuṣṭharogeṇa nirvikalpaṃ dvijottamāḥ || 110 ||
[Analyze grammar]

tataśca sahitaṃ tena yatkiṃcittatra cāgatam |
hastyaśvaratharatnāḍhyaṃ tatsarvaṃ bhaktipūrvakam || 11 ||
[Analyze grammar]

nāgarāṇāṃ dadau sarvaṃ tathānyadgrāmapaṃcakam |
sāṃbā'dityaṃ pratiṣṭhāpya tataḥ saṃprasthito gṛham || 12 ||
[Analyze grammar]

kiṃcidurvaritaṃ yacca tatsarvaṃ bhaktisaṃyutam |
pradadau sūryaviprebhyaḥ pūjayitvā divākaram || 13 ||
[Analyze grammar]

aṣṭau vājisahasrāṇi nāgānāṃ ca śatatrayam |
rathānāṃ ṣaṭśatānyeva aśvairyuktāni vājibhiḥ |
anaṃtāni ca ratnāni dattvā sāṃbo gṛhaṃ gataḥ || 14 ||
[Analyze grammar]

ya etatpaṭhate bhaktyā sāṃbākhyānamanuttamam |
śṛṇoti vā'nvaye tasya na kuṣṭhaṃ saṃprajāyate || 15 ||
[Analyze grammar]

sūta uvāca |
etadvaḥ sarvamākhyātaṃ viśvāmitrīyamuttamam |
caturthaṃ ca puṇyatīrthaṃ strīṇāṃ caiva śubhāvaham || 116 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye viśvāmitrīyamāhātmye kuharavāsisāṃbādityaprabhāvavarṇanaṃnāma trayodaśottaradviśatatamo'dhyāyaḥ || 213 ||
[Analyze grammar]