Chapter 214

[English text for this chapter is available]

sūta uvāca |
tathānyopi ca tatrāsti viśvāmitrapratiṣṭhitaḥ |
gaṇanātho dvijaśreṣṭhāḥ sarvasiddhiprado nṛṇām || 1 ||
[Analyze grammar]

māghamāse caturthyāṃ ca śuklāyāṃ pūjayettu yaḥ |
sa ca saṃvatsaraṃ yāvatsarvai vighnairvimucyate o || 2 ||
[Analyze grammar]

ṛṣaya ūcuḥ |
gaṇanāthasya cotpattiṃ sāṃprataṃ sūta no vada |
kathameṣa samutpannaḥ kiṃ māhātmyaḥ prakīrtitaḥ || 3 ||
[Analyze grammar]

sūta uvāca |
eṣa cotpādito gauryā nijāṃgamalataḥ svayam |
krīḍārthaṃ mānuṣairaṃgairmātaṃgānanaśobhitaḥ || 4 ||
[Analyze grammar]

caturhastasamopeta ākhuvāhanagastathā |
kuṭhārahastaśca tathā modakāśanatoṣakṛt || 5 ||
[Analyze grammar]

sarvasiddhiprado loke bhaktānāṃ ca viśeṣataḥ |
eṣa pūrvaṃ prabhoḥ kārye saṃgrāme tārakāmaye || 6 ||
[Analyze grammar]

saṃgrāmamakarodraudraṃ na kṛtaṃ yacca kenacit |
nihatā dānavāḥ sarve saṃkhyayā parivarjitāḥ || 7 ||
[Analyze grammar]

tataḥ śakreṇa tuṣṭena proktaḥ saṃgrāmabhūmipaḥ |
kṣata vikṣatasarvāṃgo rudhireṇa pariplutaḥ || 8 ||
[Analyze grammar]

asmadarthe tvayā yuddhaṃ yatkṛtaṃ sugajānana |
nihatā dānavāḥ sarve saṃkhyayā parivarjitāḥ || 9 ||
[Analyze grammar]

tasmāttvaṃ sarvadevānāmapi pūjyo bhaviṣyasi |
kiṃpunarmānuṣāṇāṃ ca ye nityaṃ vighnasaṃplutāḥ || 10 ||
[Analyze grammar]

ye tvāṃ saṃpūjayiṣyaṃti kāryāraṃbheṣu sarvataḥ |
kāryasiddhirna saṃdehasteṣāṃ bhūyādgirā mama || 11 ||
[Analyze grammar]

evamuktvā sahasrākṣo visasarjātha taṃ tadā |
saṃmānya bahumānena gaurīśaṃkarapārśvataḥ || 12 ||
[Analyze grammar]

ayamarthaḥ purā pṛṣṭo rohitāśvena dhīmatā |
sarvavipravināśārthaṃ mārkaṃḍeyaṃ mahāmunim || 13 ||
[Analyze grammar]

tamevārthaṃ mahābhāgāḥ kathayiṣye yathārthataḥ |
tacchṛṇudhvaṃ purāvṛttaṃ sarvaṃ sarve samāhitāḥ || 14 ||
[Analyze grammar]

rohitāśva uvāca |
bhagavannatra ye martyāḥ sarve vighnasamanvitāḥ |
śubhakṛtyeṣu sarveṣu jāyaṃte śucayo'pi ca || 15 ||
[Analyze grammar]

prārabdheṣu ca kāryeṣu dharmajeṣu viśeṣataḥ |
tāni vighnāni jāyante yaistatkāryaṃ na sidhyati || 16 ||
[Analyze grammar]

tasmādvighnavināśāya kiṃcinme vratamā diśa |
vrataṃ vā niyamo vā'tha tapo vā dānameva ca || 17 ||
[Analyze grammar]

sakṛccīrṇena yenātra yāvajjīvati mānavaḥ |
tāvanna jāyate vighnamājanmamaraṇāṃtikam || 18 ||
[Analyze grammar]

mārkaṇḍeya uvāca |
atra te kīrtayiṣyāmi sarvavighnavināśanam |
vrataṃ sarvaguṇopetaṃ sarvapāpapraṇāśanam |
viśvāmitreṇa sañcīrṇaṃ yatpurā bhāvitātmanā || 19 ||
[Analyze grammar]

viśvāmitra iti khyāto gādhiputraḥ pratāpavān |
vasiṣṭhena samaṃ tasya vairamāsīnmahātmanaḥ || 20 ||
[Analyze grammar]

brāhmaṇyārthe na samproktaḥ kathaṃcitsa mahātapāḥ |
brāhmaṇastvaṃ vasiṣṭhena tato vairamajāyata || 21 ||
[Analyze grammar]

rohitāśva uvāca |
kasmānna proktavānvipro vasiṣṭhastu kathaṃcana |
brāhmaṇaḥ sa paraṃ proktobrahmādibhirapi svayam || 22 ||
[Analyze grammar]

mārkaṇḍeya uvāca |
kṣatriyaśca sthitaḥ pūrvaṃ viśvāmitro mahīpatiḥ |
mṛgayāsu paribhrāṃto vasiṣṭhasya tadā'śramam |
praviṣṭaḥ kṣutpipāsārttaḥ sa tenātha prapūjitaḥ || 23 ||
[Analyze grammar]

tasyāsīnnandinīnāma dhenuḥ kāmadughā sadā |
sā sūte vāñchitaṃ sadyo yadvasiṣṭho'bhivāñchati || 24 ||
[Analyze grammar]

tatprabhāvātsa bhūpālaḥ sabhṛtyabalavāhanaḥ |
tena tṛptiparā nīto miṣṭānnairvividhaistataḥ || 25 ||
[Analyze grammar]

pārthivo'yamiti jñātvā hyarghyādyairbhojanaiḥ sa ca |
so'pi dṛṣṭvā prabhāvaṃ taṃ sarvaṃ dhenośca saṃbhavam |
prārthayāmāsa tāṃ mūlyairgajavājisamu dbhavaiḥ || 26 ||
[Analyze grammar]

na dadau sa tadā vipraḥ sāmnā dānena vā punaḥ |
bhedena ca tato daṇḍaṃ yojayāmāsa vai nṛpaḥ || 27 ||
[Analyze grammar]

kālayāmāsa tāṃ dhenuṃ tataḥ kopātsa pārthivaḥ || 28 ||
[Analyze grammar]

sā'bravīnnīyamānā'tha vasiṣṭhaṃ kiṃ tvayā vibho |
dattāhamasya nṛpateryanmāṃ nayati yatnataḥ || 29 ||
[Analyze grammar]

vasiṣṭha uvāca |
na mayā tvaṃ mahābhāge dattā cāsya mahīpateḥ |
balānnayati yadyeṣa tasmādyuktaṃ samācara || 30 ||
[Analyze grammar]

tacchrutvā kopasaṃyuktā nandinī dhenuruttamā |
jṛṃbhāṃ cakāra tatsainyaṃ samuddiśya nṛpodbhavam || 31 ||
[Analyze grammar]

dhūmāvartistato jātā tasyā vaktrāttataḥ param |
tato jvālā mahāraudrāstato yodhāḥ sahasraśaḥ || 32 ||
[Analyze grammar]

nānāśastradharā raudrā yamadūtā yathā ca te |
pulindā barbarābhīrāḥ kirātā yavanāḥ śakāḥ || 33 ||
[Analyze grammar]

te procustāṃ vadāsmākaṃ kasmātsṛṣṭā vayaṃ śubhe || 34 ||
[Analyze grammar]

nandinyuvāca |
ete māṃ ye balātpāpā nayaṃti nṛpasevakāḥ |
tānnighnantu samādeśānnānyadvāṃchāmi kiṃcana || 35 ||
[Analyze grammar]

tatastaistasya tatsainyaṃ viśvāmitrasya sūditam |
yudhyamānaṃ mahārāja daśarātreṇa saṃyuge || 36 ||
[Analyze grammar]

viśvāmitro'pi taddṛṣṭvā brāhmyaṃ balamanuttamam |
pratijñāmakarottatra tāreṇa susvareṇa ca || 37 ||
[Analyze grammar]

athāhaṃ saṃbhaviṣyāmi brāhmaṇo nātra saṃśayaḥ |
mamāpi jāyate yena prabhāvaścedṛśo'dbhutaḥ || 38 ||
[Analyze grammar]

tasmāttapaḥ kariṣyāmi yadasādhyaṃ surairapi |
svaputraṃ sve pade dhṛtvā tataścakre tapo mahat || 39 ||
[Analyze grammar]

brāhmaṇyārthaṃ mahāraudraṃ sumahadduṣkaraṃ tapaḥ |
brāhmaṇyaṃ tena naivāptaṃ vailakṣyaṃ paramaṃ gataḥ || 40 ||
[Analyze grammar]

tataḥ kailāsamāsādya devadevaṃ maheśvaram |
samyagārādhayāmāsa gaurīyuktaṃ maheśvaram || 41 ||
[Analyze grammar]

ahaṃ tapaḥ kariṣyāmi brāhmaṇyasya kṛte prabho |
tvadīye parvataśreṣṭhe kailāse śaraṇaṃ gataḥ || 42 ||
[Analyze grammar]

tasmādvighnasya me rakṣāṃ devadevaḥ prayacchatu |
yathā no nāśamāyāti tapaḥ sarvaṃ kṛtaṃ mahat || 43 ||
[Analyze grammar]

śrībhagavānuvāca |
śuddhyarthaṃ caiva yatkāryaṃ kāryesminnṛpasattama |
vināyakasamudbhūtāṃ tattvaṃ pūjāṃ samācara || 44 ||
[Analyze grammar]

yena te jāyate siddhiḥ samyagbrāhmaṇyasaṃbhavā || 45 ||
[Analyze grammar]

viśvāmitra uvāca |
tadvadasva suraśreṣṭha tathā tasya karomyaham |
pūrvaṃ pūjāṃ gaṇeśasya sarvavighnapraśāntaye || 46 ||
[Analyze grammar]

śrībhagavānuvāca |
eṣa gauryā purā kṛtvā nijāṃgodvartanaṃ kṛtaḥ |
nirmalena kṛtaḥ paścānnarākāraścaturbhujaḥ || 47 ||
[Analyze grammar]

krīḍārthaṃ mama putro'yaṃ bālabhāvaḥ prakalpitaḥ |
gajavaktro mahākāyo laṃbodaralaghūrukaḥ || 4 ||
[Analyze grammar]

tato'hamanayā proktaḥ sajīvaḥ kriyatāmayam |
putrako me yathā bhāvī loke pūjya tamo vibho || 49 ||
[Analyze grammar]

tato mayāpi saṃspṛṣṭaḥ sṛṣṭisūktena pārthiva |
jīvasūktena samyaksa prāṇavānsamajāyata || 50 ||
[Analyze grammar]

tato mayā prahṛṣṭena proktā devī himādrijā |
caturthīdivase prāpte mayā'dyāyaṃ vinirmitaḥ || 51 ||
[Analyze grammar]

putrastava mahābhāge jīvasūktaprabhāvataḥ |
eṣa sarvāgaṇānāṃ ca madīyānāṃ sureśvari |
bhaviṣyati sadā'dhyakṣa stasmācca gaṇanāyakaḥ || 52 ||
[Analyze grammar]

paṭhyamānena yaścainaṃ jīvasūktena sundari |
pūjayiṣyati sadbhaktyā caturthīdivase śubhe || 53 ||
[Analyze grammar]

tasya sarveṣu kṛtyeṣu sarvavighrāni kṛtsnaśaḥ |
prayāsyaṃti kṣayaṃ devi tamaḥ sūryodaye yathā || 54 ||
[Analyze grammar]

namo laṃbodarāyeti namo gaṇavibho tathā |
kuṭhāradhāriṇe nityaṃ tathā vāksaṃgatāya ca || 55 ||
[Analyze grammar]

namo modakabhakṣāya namo dantaikadhāriṇe || 56 ||
[Analyze grammar]

ebhirmantraiḥ samabhyarcya paścānmoda kajaṃśubham |
naivedyaṃ ca pradātavyaṃ tataścārghyaṃ nivedayet || 57 ||
[Analyze grammar]

ahaṃ karma kariṣyāmi yatkicicchaṃbhusaṃbhavam |
avighnaṃ tatra kartavyaṃ sarvadaiva tvayā vibho || 58 ||
[Analyze grammar]

tatastu brāhmaṇānāṃ ca bhojanaṃ modakodbhavam |
yathāśaktyā pradātavyaṃ vittaśāṭhyaṃ vivarjayet || 59 ||
[Analyze grammar]

evamuktaṃ mayā pūrvaṃ svayameva nṛpottama |
gaṇanāthaṃ samuddiśya gauryāḥ purata eva ca || 60 ||
[Analyze grammar]

tataḥ prahṛṣṭā sā devī vākyametaduvāca ha |
adyaprabhṛti yaḥ putraṃ madīyaṃ gaṇanāya kam || 61 ||
[Analyze grammar]

anena vidhinā samyakcaturthyāṃ pūjayiṣyati |
tasya vighnāni sarvāṇi nāśaṃ yāsyaṃtyasaṃśayam || 62 ||
[Analyze grammar]

smṛtvā vā pūjayitvā vā yaḥ kāryāṇi kariṣyati |
bhaviṣyaṃti na saṃdehastatosyāvicalāni ca || 63 ||
[Analyze grammar]

na sandehastato'sya śrīracalaiva bhaviṣyati || 64 ||
[Analyze grammar]

śrībhagavānuvāca |
tasmāttvaṃ hi mahābhāga caturthyāṃ samyagācara |
vināyakodbhavāṃ pūjāṃ yenābhīṣṭena yujyase || 65 ||
[Analyze grammar]

mārkaṇḍeya uvāca |
tasya tadvacanaṃ śrutvā viśvāmitro mahīpatiḥ |
gaṇanāthasamudbhūtāṃ pūjāṃ kṛtvā yathocitām || 66 ||
[Analyze grammar]

tapaścacāra vipulaṃ sarvavighnavivarjitam |
brāhmaṇyaṃ ca tataḥ prāptaṃ sarveṣāmapi durlabham o || 67 ||
[Analyze grammar]

tasmāttvaṃ hi mahābhāga vināyakasamudbhavām |
pūjāṃ kuru caturthyāṃ ca saṃprāptāyāṃ viśeṣataḥ |
saṃprāpnoṣi mahābhogānhṛdisthānnātra saṃśayaḥ || 68 ||
[Analyze grammar]

yo yaṃ kāmamabhidhyāya gaṇanāthaṃ prapūjayet |
sa taṃ sarvamavāpnoti maheśvaravaco yathā || 69 ||
[Analyze grammar]

aputro labhate putraṃ dhanahīno mahaddhanam |
śatrūñjayati saṃgrāme smṛtvā taṃ gaṇanāyakam || 70 ||
[Analyze grammar]

yā nārī patinā tyaktā durbhagā ca virūpitā |
sā saubhāgyamavāpnoti gaṇanāthasya pūjayā || 71 ||
[Analyze grammar]

ya idaṃ paṭhate nityaṃ śṛṇuyādvā samāhitaḥ |
na vighnaṃ jāyate tasya sarvakṛtyeṣu sarvadā || 72 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye viśvāmitropākhyānaprasaṃgena gaṇapatipūjāvidhimāhātmyavarṇanaṃnāma caturdaśottaradviśatatamo'dhyāyaḥ || 214 ||
[Analyze grammar]