Chapter 212

[English text for this chapter is available]

ṛṣaya ūcuḥ |
śrutaṃ tīrthatrayaṃ puṇyaṃ hāṭakeśvarasaṃjñite |
kṣetre'tra yattvayā proktamasmākaṃ sūtanaṃdana || 1 ||
[Analyze grammar]

viśvāmitrīyamāhātmyaṃ śrotumicchāmahe vayam |
sāṃprataṃ tatsamācakṣva paraṃ kautūhalaṃ hi naḥ || 2 ||
[Analyze grammar]

sūta uvāca |
samudrasyāpi pāro'tra lakṣyate ca kṣiterapi |
tārakāṇāṃ munestasya na guṇānāṃ dvijottamāḥ || 3 ||
[Analyze grammar]

lakṣyate kenacitpāro gādheḥ putrasya dhīmataḥ |
kṣatriyo'pi dvijatvaṃ yaḥ saṃprāpto dvijasattamāḥ || 4 ||
[Analyze grammar]

aṃtyajatvaṃ gatasyāpi triśaṃkoḥ pṛthivīpateḥ |
yajñabhāgabhujo devāḥ pratyakṣeṇa vinirmitāḥ || 5 ||
[Analyze grammar]

brahmaṇaḥ spardhayā yena purā sṛṣṭirdvijottamāḥ |
prārabdhā ca tato devaiḥ praṇipatya nivāritaḥ || 6 ||
[Analyze grammar]

tasya tīrthasya māhātmyaṃ sāprataṃ vadato mama |
śrūyatāṃ brāhmaṇaśreṣṭhāḥ sarvapātakanāśa nam || 7 ||
[Analyze grammar]

tena tatra kṛtaṃ kuṇḍaṃ svahastena mahātmanā |
śastraṃ vināpi bhūpṛṣṭhaṃ pravidārya samaṃtataḥ || 8 ||
[Analyze grammar]

tatra dhyātvā samānītā pātālājjāhnavī nadī |
martyaloke samāyātaṃ yasyāstoyaṃ sunirmalam || 9 ||
[Analyze grammar]

susvādu ca tathā snānātsarvapātakanāśanam |
tenāpi sthāpitastatra bhāskaro vāritaskaraḥ || 10 ||
[Analyze grammar]

yaḥ saptamyāṃ sūryavāre snātvā tasya hṛde śubhe |
māghamāse site pakṣe namasyati divākaram |
sa kuṣṭhairmucyate sarvaistathā pāpairdvijo ttamāḥ || 11 ||
[Analyze grammar]

paścimottaradigbhāge tasyāsti jalasaṃbhavā |
dhanvaṃtarikṛtā vāpī sarvarogavināśinī || 12 ||
[Analyze grammar]

tatra pūrvaṃ tapastepe dhanvaṃ tarirudāradhīḥ |
vavande tapasā yukto dhyāyamānaḥ samāhitaḥ || 13 ||
[Analyze grammar]

tataḥ kālena mahatā saṃtuṣṭastasya bhāskaraḥ |
uvāca varado'smīti prārthayasva mahāmate || 14 ||
[Analyze grammar]

dhanvaṃtariruvāca |
atra kuṇḍe naro bhaktyā yaḥ snānaṃ kurute vibho |
tasya syātsarvarogāṇāṃ saṃkṣayaḥ surasattama || 15 ||
[Analyze grammar]

śrībhagavānuvāca |
adya śaste dine yo'tra saptamyāṃ ravivāsare |
sūryodaye naraḥ snānaṃ kariṣyati samāhitaḥ |
vyādhigrastaḥ sa nīrogastatkṣaṇātsaṃbhaviṣyati || 16 ||
[Analyze grammar]

nīrogaścepsitānkāmānniṣkāmo mokṣameṣyati || 117 ||
[Analyze grammar]

evamuktvā suraśre ṣṭhoṃ'tardhānaṃ sa gato raviḥ |
dhanvantariḥ prahṛṣṭātmā svasthānaṃ ca gatastataḥ || 18 ||
[Analyze grammar]

kasyacittvatha kālasya ratnākṣo'tha mahīpatiḥ |
ayodhyādhi patiḥ khyātaḥ sūryavaṃśasamudbhavaḥ || 19 ||
[Analyze grammar]

kṛtajñaśca vadānyaśca svadāranirataḥ sadā |
śūraḥ paramatejasvī sarvaśatruniṣūdanaḥ || 20 ||
[Analyze grammar]

pūrvakarmavipākena tasya bhūmipaterdvijāḥ |
kuṣṭhavyādhirabhūdraudro duścikitsyo jagattraye || 21 ||
[Analyze grammar]

tadasti nauṣadhaṃ loke yattena na kṛtaṃ dvijāḥ |
kuṣṭhagrastena vā dānaṃ yatra dattaṃ mahātmanā || 22 ||
[Analyze grammar]

yathāyathauṣadhānyeva sa karoti dadāti ca |
tathātathā tasya kāyo vyādhinā kṣāmito bhṛśam || 23 ||
[Analyze grammar]

tato vairāgyamāpannaḥ sa nṛpo dvijasattamāḥ |
putraṃ rājye'tha saṃsthāpya vāṃchayāmāsa pāvakam |
niṣiddho'pi hi taiḥ sarvaiḥ kalatrairāptasevakaiḥ || 24 ||
[Analyze grammar]

dattvā dānāni viprebhyaḥ pūjayitvā surottamān |
saṃbhāṣya ca suhṛdvargaṃ śāsayitvā nijaṃ sutam || 25 ||
[Analyze grammar]

etasminneva kāle tu bhramamāṇe yadṛcchayā |
kaścitkārpaṭikaḥ prāpto divyarūpavapurdharaḥ || 26 ||
[Analyze grammar]

athāsau vyākulaṃ dṛṣṭvā tatsarvaṃ nṛpateḥ puram |
apṛcchadvismayāviṣṭo dṛṣṭvā kañcinnaraṃ dvijāḥ || 27 ||
[Analyze grammar]

kārpaṭika uvāca |
kimeṣā vyākulā bhadre sarvā jātā mahāpurī |
nirānandā'śrupūrṇākṣairbālavṛddhairniṣevitā || 28 ||
[Analyze grammar]

so'bravīnnṛpatiścāyaṃ kuṣṭhavyādhisamanvitaḥ |
sādhayiṣyati sandīptaṃ sunirviṇṇo hutāśanam || 29 ||
[Analyze grammar]

teneyaṃ nagarī kṛtsnā paraṃ duḥkhamupāgatā |
guṇairasya samāviṣṭā nūnaṃ mṛtyuṃ prayāsyati || 30 ||
[Analyze grammar]

tacchrutvā satvaraṃ gatvā nṛpaṃ kārpaṭiko'bravīt || 31 ||
[Analyze grammar]

sarvaṃ janaṃ narendrasya mṛtaṃ jīvāpayanniva |
mā nṛpānena duḥkhena vyādhijena hutāśanam |
praviśa tvaṃ sthite tīrthe sarvavyādhikṣayāvahe || 32 ||
[Analyze grammar]

madīyo bhūpate deha īdṛgāsīdyathā tava |
tatra snātasya sadyo'tha jāta īdṛkpunaḥ prabho || 33 ||
[Analyze grammar]

saptamyāṃ sūryavāreṇa bhāskarasyodayaṃ prati |
yastatra kurute snānaṃ vyādhigrasto naro bhuvi || 34 ||
[Analyze grammar]

sa vyādhinā vini rmuktastatkṣaṇātkalpatāṃ vrajet |
tathā pāpavinirmukto yathāhaṃ nṛpasattama || 35 ||
[Analyze grammar]

rājovāca |
kasmindeśe mahātīrthaṃ tādṛśaṃ vada me drutam || 36 ||
[Analyze grammar]

kārpaṭikauvāca |
asti bhūmitale khyātaṃ nāgaraṃ kṣetramuttamam |
kuṣṭhavyādhisamākrāṃto gato'haṃ tatra bhūpate || 37 ||
[Analyze grammar]

tasya sandarśanārthāya tīrthayātrāparāyaṇaḥ |
tatra māṃ dīnamālokya vyādhigrastaṃ suduḥkhitam |
kaścittatrāśrayaḥ prāha tapasvī kṛpayānvitaḥ || 38 ||
[Analyze grammar]

paścimottaradigbhāge devasya jalaśāyinaḥ |
tīrthamasti mahāpuṇyaṃ viśvāmitrajalāvaham || 39 ||
[Analyze grammar]

tatra gatvā kuru snānaṃ saptamyāṃ ravivāsare |
māghamāse tu saṃprāpte śuklapakṣe viśeṣataḥ || 40 ||
[Analyze grammar]

yena niryāti te kuṣṭho bhāskarasyodayaṃ prati |
tacchrutvā'haṃ ca tatprāptaḥ saptamyāṃ sūryasaṃyuji |
tataśca kṛtavānsnānaṃ nirjhare tatra śāṃbhave || 41 ||
[Analyze grammar]

tatastasmādviniṣkrāṃto yāvatpaśyāmyahaṃ tanum |
tāvannṛpedṛśī jātā satyametattavoditam || 42 ||
[Analyze grammar]

tasmāttvamapi rājeṃdra tatra snānaṃ samācara |
saptamyāṃ sūryavāreṇa bhāskarasyodayaṃ prati || 43 ||
[Analyze grammar]

yena te naśyati vyādhirviśeṣamapi pātakam |
tacchrutvā sa nṛpastūrṇaṃ tenaiva sahito yayau || 44 ||
[Analyze grammar]

cakāra sa tathā snānaṃ saptamyāṃ sūryavāsare |
māghamāse tu saṃprāpte viśvāmitrajale śubhe || 45 ||
[Analyze grammar]

tataḥ kuṣṭhavinirmuktastatkṣaṇātsamapadyata |
divyarūpavapurddhārī kāmadeva ivāparaḥ || 46 ||
[Analyze grammar]

atha tuṣṭo nareṃdrastu tasmai kārpaṭikāya ca |
dadau koṭitrayaṃ hemnaḥ provāca sa tato vacaḥ || 47 ||
[Analyze grammar]

tvatprasādādvimukto'smi rogādasmātsudāruṇāt |
tasmāttvaṃ gaccha gehaṃ svaṃ sthāsye'haṃ cātra nirbharam || 48 ||
[Analyze grammar]

kariṣyāmi tapo nityaṃ svakalatrasama nvitaḥ |
rājye saṃsthāpitaḥ putraḥ samartho rājyakarmaṇi || 49 ||
[Analyze grammar]

ityuktvā prerayāmāsa taṃ tathānyānsamāgatān |
sevakāsvagṛhāyaiva svayaṃ tatraiva saṃsthitaḥ || 50 ||
[Analyze grammar]

kṛtvā'śramapadaṃ ramyaṃ svakalatrasamanvitaḥ |
saṃprāptaśca parāṃ siddhiṃ kālena dvijasattamāḥ || 51 ||
[Analyze grammar]

tasya nāmnā tataḥ khyātaṃ tīrtha metattriviṣṭape |
sarvavyādhiharaṃ ramyaṃ sarvapātakanāśanam || 52 ||
[Analyze grammar]

tena saṃsthāpitastatra devadevo divākaraḥ |
ratnāditya iti khyāto nijanāmnā mahā tmanā || 53 ||
[Analyze grammar]

saptamyāṃ sūryavāreṇa tatra snātvā prapaśyati |
yastu pāpavinirmuktaḥ sūryalokaṃ sa gacchati || 54 ||
[Analyze grammar]

yadanyattatra saṃvṛttaṃ kṣetrajātaṃ dvijo ttamāḥ |
tadahaṃ kīrtayiṣyāmi śṛṇudhvaṃ susamāhitāḥ || 55 ||
[Analyze grammar]

āsīttatra pumānkaściddeśe grāmyo jarātmakaḥ |
kuṣṭhī tathāpi nityaṃ sa karoti paśu rakṣaṇam || 56 ||
[Analyze grammar]

ekadā rakṣatastasya paśūṃstatra gireradhaḥ |
ekaḥ paśurviniṣkrāṃtaḥ satpathāttṛṇalobhataḥ || 57 ||
[Analyze grammar]

saptamyāṃ ravivāreṇa patitastasya nirjhare |
na ca saṃlakṣitastena gacchamānaḥ kathaṃcana || 58 ||
[Analyze grammar]

atha yāvadgṛhe so'tha bhojanāthaṃ samudyataḥ |
tāvattasya paśoḥ svāmī bhartsayansamupāgataḥ || 59 ||
[Analyze grammar]

nāyātaḥ sa paśuḥ kasmānmadīyo māmake gṛhe |
tasmādānaya taṃ śīghraṃ no cetprāṇānharāmi te || 60 ||
[Analyze grammar]

sūta uvāca |
tacchrutvā bhaya saṃtrastaḥ sa kuṣṭhī satvaraṃ yayau |
tena mārgeṇa yenaiva divā bhrāṃto mahītale || 61 ||
[Analyze grammar]

atha dūrātsa śuśrāva tasya rāvaṃ paśostadā |
patitasya mahāgarte niśāṃte tamasi sthite || 62 ||
[Analyze grammar]

tato gatvā'tha taṃ gartaṃ praviśya jalamadhyataḥ |
cakarṣa taṃ paśuṃ kṛcchrātpaṃkamadhyātsudāruṇāt |
samādāyātha taṃ harmyaṃ prajagāma śanaiḥśanaiḥ || 63 ||
[Analyze grammar]

arpayitvātha taṃ tasya svakīyaṃ tvāśramaṃ gataḥ || 64 ||
[Analyze grammar]

tataḥ supto mahābhāgāḥ sa prabuddhaḥ punaryadā |
prabhāte vīkṣate gātraṃ yāvatkuṣṭhavivarjitam || 65 ||
[Analyze grammar]

śobhayā parayā yuktaṃ vismayotphullalocanaḥ |
ciṃtayāmāsa kiṃ hyetadakasmādrogasaṃkṣayaḥ || 66 ||
[Analyze grammar]

nūnaṃ tasya prabhāvo'yaṃ tīrthasyādya niśāgame |
mayāvagāhitaṃ yacca paśorarthaṃ sukarddamam || 67 ||
[Analyze grammar]

tataśca vīkṣayāmāsa tena gatvā sukautukāt |
yāvatkaṃḍūvinirmuktastejasā parivāritaḥ || 68 ||
[Analyze grammar]

tatra sthāne svayaṃ gatvā jñātvā ca tīrthamuttamam |
tapastepe sa tatraiva dhyāyamāno divākaram || 69 ||
[Analyze grammar]

araṇyavāsinaṃ samyagdivārātramataṃdritaḥ |
gataśca paramāṃ siddhiṃ durlabhāṃ tridaśairapi || 70 ||
[Analyze grammar]

tasmātsarvaprayatnena tatra snānaṃ samācaret || 71 ||
[Analyze grammar]

pūjayeccāpi taṃ devaṃ bhāskaraṃ vāritaskaram |
adyāpi kalikāle'pi tatra snāto naraḥ śuciḥ || 72 ||
[Analyze grammar]

tatra puṇyajale kuṇḍe saptamyāṃ sūryavāsare |
yastaṃ pūjayate bhaktyā so'pi pāpaiḥ pramucyate || 73 ||
[Analyze grammar]

gāyatryaṣṭasahasraṃ yo japettatpurataḥ sthitaḥ |
so'pi rogavinirmukto mucyate sarvapātakaiḥ || 74 ||
[Analyze grammar]

tasyoddeśena yo dadyāddhenuṃ śraddhāsamanvitaḥ |
na tasyānvayajāto'pi vyādhinā parigṛhyate || 785 ||
[Analyze grammar]

etadvaḥ sarvamākhyātaṃ mayādityasya saṃbhavam |
māhātmyaṃ śravaṇādyasya naraḥ pāpādvimucyate || 76 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetra māhātmye ratnādityamāhātmyavarṇanaṃnāma dvādaśottaradviśatatamo'dhyāyaḥ || 212 ||
[Analyze grammar]