Chapter 177

[English text for this chapter is available]

sūta uvāca |
tathānyāpi ca tatrāsti gaurī vai pañcapiṃḍikā |
lakṣmyā saṃsthāpitā caiva mānuṣatvaṃvyavasthayā || 1 ||
[Analyze grammar]

tasyā darśanamātreṇa nārī saubhāgyamāmuyāt |
jyeṣṭhe māsi site pakṣe vṛṣasthe ca divākare || 2 ||
[Analyze grammar]

tasyā upari nārī yā jalayantraṃ dadhāti vai |
srāvyamāṇaṃ divānaktaṃ saubhāgyaṃ paramaṃ labhet || 3 ||
[Analyze grammar]

yatphalaṃ labhate nārī samastairvihitairvrataiḥ |
gaurīsamudbhavaiścaiva dānairdattaistadiṣṭajaiḥ |
tatphalaṃ labhate sarvaṃ jalayantrasya kāraṇāt || 4 ||
[Analyze grammar]

tasmātsarvaprayatnena strībhiḥ saubhāgyakāraṇāt |
jalayantraṃ vidhātavyaṃ jyeṣṭhe gauryāḥ prayatnataḥ || 5 ||
[Analyze grammar]

kiṃ vratairniyamairvāpi strīṇāṃ brāhmaṇasattamāḥ |
japairhomaiḥ kṛtairanyairbahukleśakaraiśca taiḥ || 6 ||
[Analyze grammar]

strīṇāṃ brāhmaṇaśārdūlā jaleyantre dhṛte sati |
gauryā upari sadbhaktyā vṛṣasthe tīkṣṇadīdhitau || 7 ||
[Analyze grammar]

naivaṃ saṃjāyate vaṃdhyā kākavandhyā na jāyate |
na daurbhāgyasamopetā saptajanmāṃtarāṇi sā || 8 ||
[Analyze grammar]

ṛṣaya ūcuḥ |
gaurī caturbhujā proktā dṛśyate parameśvarī |
pañcapiṃḍā kathaṃ jātā hyetaṃ naḥ saṃśayaṃ vada || 9 ||
[Analyze grammar]

sūta uvāca |
yadā ca pralayo bhāvi tadā tmānaṃ karotyasau |
paścapiṃḍīmayaṃ viprāḥ kurute rūpamuttamam || 10 ||
[Analyze grammar]

eṣā sā paramā śaktiḥ sarvaṃ vyāpya sureśvarī |
tayā sarvamidaṃ vyāptaṃ trailokyaṃ sacarācaram || 11 ||
[Analyze grammar]

pṛthivyāpaśca tejaśca vāyurākāśameva ca |
sṛṣṭyarthaṃ rakṣayedeṣā tataḥ syātpaṃcapiṃḍikā || 12 ||
[Analyze grammar]

yadasyāṃ pūjitāyāṃ tu pratyakṣāyāṃ prajāyate |
sahasratriguṇaṃ tacca yatra syātpañcapiṇḍikā || 13 ||
[Analyze grammar]

jyeṣṭhe māsi viśeṣeṇa jalayaṃtrārcanena ca |
atra vaḥ kīrtayiṣyāmi tviti hāsaṃ purātanam || 14 ||
[Analyze grammar]

yadvṛttaṃ kāśirājasya bhāryāyā dvijasattamāḥ |
yacca proktaṃ purā lakṣmyā viṣṇave paripṛṣṭayā || 15 ||
[Analyze grammar]

lakṣmī ruvāca |
kāśirājaḥ purā hyāsījjayasena iti śrutaḥ |
tasya bhāryāsahasraṃ tu hyāsīdrūpasamanvitam || 16 ||
[Analyze grammar]

atha cānyā priyā tena labdhā bhāryā suśobhanā |
manuṣyatvavyavasthāyā mama cāṃśakalā hi yā |
sutā madrādhirājasya viṣvaksenasya dhīmataḥ || 17 ||
[Analyze grammar]

sā gatvā prātarutthāya śubhe gaṃgātaṭe tadā |
pañcapiṃḍātmikāṃ gaurīṃ kṛtvā karddamasaṃbhavām || 18 ||
[Analyze grammar]

tataḥ saṃpūjayāmāsa mantraiḥ paṃcabhireva ca |
tato gandhaiḥ parairmālyairdhūpai rvastraiḥ suśobhanaiḥ || 19 ||
[Analyze grammar]

naivedyaiḥ paramānnaiśca gītairnṛtyaiḥ pravāditaiḥ |
tato visṛjya tāṃ devīṃ taduddeśena vai tataḥ || 20 ||
[Analyze grammar]

dattvā dānāni bhūrīṇi gauriṇīnāṃ dvijanmanām |
tataśca gṛhamabhyeti bhūrivāditraniḥsvanaiḥ || 21 ||
[Analyze grammar]

yathāyathā ca tāṃ pūjāṃ tasyā gauryā karoti sā |
tathātathā tu saubhāgyaṃ tasyāścāpyadhikaṃ bhavet || 22 ||
[Analyze grammar]

sarvāsāṃ ca sapatnīnāṃ saubhāgyaṃ vādhikaṃ bhavet || 23 ||
[Analyze grammar]

atha tasyāḥ sapatnyo yāḥ sarvā duḥkhasamanvitāḥ |
dṛṣṭvā saubhāgyavṛddhiṃ tāṃ tasyā eva dinedine || 24 ||
[Analyze grammar]

ekāḥ procuḥ karma caitadyadeṣā kurute sadā |
mṛnmayāṃśca samādāya pūjayetpaṃcapiṃḍakān || 25 ||
[Analyze grammar]

anyāstāṃ maṃtrasaṃsiddhāṃ pravadaṃti maharṣayaḥ |
anyā vadanti puṇyāni hyasyāḥ pūrvakṛtāni ca || 26 ||
[Analyze grammar]

evaṃ tāsāṃ suduḥkhānāṃ mahānkālo jagāma ha |
kasyacittvatha kālasya sarvāḥ saṃmaṃtrya tā mithaḥ || 27 ||
[Analyze grammar]

tasyāḥ saṃnidhimājagmustasminneva jalāśaye |
yatra sā pūjayedgaurīṃ kṛtvā tāṃ pañca piṃḍikām || 28 ||
[Analyze grammar]

tataḥ sarvāḥ samālokya tyaktvā gaurīprapūjanam |
saṃmukhī prayayau tūrṇaṃ kṛtāṃjalipuṭā sthitā || 29 ||
[Analyze grammar]

svāgataṃ vo mahā bhāgā bhūyaḥ susvāgataṃ ca vaḥ |
kṛtyaṃ nivedyatāṃ śīghraṃ yenāśu prakaromyaham || 30 ||
[Analyze grammar]

sapatnya ūcuḥ |
vayaṃ sarvāḥ samāyātāḥ kautuke tavāṃtikam |
daurbhāgyavahninirdagdhāstava saubhāgyajenaca || 31 ||
[Analyze grammar]

tasmādvada mahābhāge mṛnmayāṃ paṃcapiṃḍikām |
nityamarcayasi tvaṃ kiṃ saubhā gyasya vivardhanam || 32 ||
[Analyze grammar]

kiṃ te kāraṇametaddhi kiṃ vā mantrasamudbhavaḥ |
prabhāvo'yaṃ mahābhāgeguhyaṃ cenno vadasva naḥ || 33 ||
[Analyze grammar]

padmāvatyuvāca || |
rahasyaṃ paramaṃ guhyaṃ yatpṛṣṭāsmi śubhānanāḥ |
avaktavyaṃ vadiṣyāmi bhavatīnāṃ tathāpi ca || 34 ||
[Analyze grammar]

gaurīpūjanakāle tu yasmāccaiva samāgatāḥ |
sarvā mama bhaginyaḥ stha īrṣyādharmo na me'sti ca || 35 ||
[Analyze grammar]

ahamāsaṃ purā kanyā pure kusumasaṃjñite |
vīrasenasya śūdrasya vaṇikputrasya dhīmataḥ |
tena dattā'smi dharmeṇa vivāhārthaṃ mahātmanā || 36 ||
[Analyze grammar]

tato vivāhasamaye mama dattāni vṛddhaye |
paṃcākṣarāṇi śreṣṭhāni yoṣitā dīkṣayā saha |
gaurī pūjākṛte caiva proktā cāhaṃ tataḥ param || 37 ||
[Analyze grammar]

yāvatputri tvamātmānametaiḥ pūjayase'kṣaraiḥ |
jalapānaṃ na kartavyaṃ tāvaccaiva kathañcana || 38 ||
[Analyze grammar]

yena saṃprāpsyase'bhīṣṭaṃ tatprabhāvādyadīpsitam |
tatheti ca mayā proktaṃ tasyāścaiva varānane || 39 ||
[Analyze grammar]

tato vivāhe nirvṛtte gatā'haṃ patinā saha |
śvaśura stiṣṭhate yatra śvaśrūścaiva sudāruṇā || 40 ||
[Analyze grammar]

gaurīpūjākṛte māṃ ca nivārayati sarvadā |
tato'haṃ bhayasantrastā gaurībhaktiparāyaṇā |
jalārthaṃ yatra gacchāmi tasmiṃścaiva jalāśraye || 41 ||
[Analyze grammar]

tataḥ karddamamādāya mantraiḥ paṃcabhirevaca |
taireva pūjayāmyeva gaurīṃ bhaktiparāyaṇā || 42 ||
[Analyze grammar]

prakṣipāmi tata stoye tato gacchāmi mandiram |
kasyacittvatha kālasya bhartā me prasthitaḥ śubhaḥ |
deśāṃtaraṃ vaṇigvṛttyā so'pi mārgaṃ tamāśritaḥ || 43 ||
[Analyze grammar]

sa gacchanmarumārgeṇa māṃ samādāya snehataḥ |
saṃprāpto nirjalaṃ deśaṃ suraudraṃ marumaṃḍalam || 44 ||
[Analyze grammar]

tathā raudratare kāle vṛṣasthe divasādhipe |
tataḥ sārthaḥ samastaśca viśrāṃtaḥ sthalamadhyagaḥ || 45 ||
[Analyze grammar]

kūpamekaṃ samāśritya gambhīraṃ jaladopamam |
etasminneva kāle tu mayā dṛṣṭaḥ samīpagaḥ |
toyākāro maru ddeśastaścitte vicintitam || 46 ||
[Analyze grammar]

yattacca dṛśyate toyaṃ samīpasthaṃ tathā bahu |
atra snātvā śucirbhūtvā gaurīmabhyarcya bhaktitaḥ |
pibāmi salilaṃ paścātsusvādu sarasībhavam || 47 ||
[Analyze grammar]

tataḥ saṃprasthitā yāvatpragacchāmi padātpadam |
yāvaddūrataraṃ yāmi tāvatsā mṛgatṛṣṇikā || 48 ||
[Analyze grammar]

etasminna ntare prāpto nabhomadhyaṃ divākaraḥ |
vṛṣastho yena dahyāmi hyupariṣṭācchubhānanā || 49 ||
[Analyze grammar]

adhobhāge sutaptābhirvālukābhiḥ samaṃtataḥ |
tṛṣṇārtā'haṃ tatastasminmarudeśe samākulā || 50 ||
[Analyze grammar]

tataśca patitā bhūmau visphoṭakasamāvṛtā |
tato mayā smṛtā citte kathā bhāratasaṃbhavā || 51 ||
[Analyze grammar]

nṛgeṇa tu yathā yajño vālukābhirvinirmitaḥ |
kūpāntaḥ kṣipyamāṇena tṛṇaloṣṭāṃbuvarjitam || 52 ||
[Analyze grammar]

bhaktigrāhyāstato devāstuṣṭāstasya mahātmanaḥ |
tadahaṃ vālukābhiśca pūjayāmi harapriyām || 53 ||
[Analyze grammar]

tena tuṣṭā tu sā devī mama rājyaṃ prayacchati |
adya dehāntare prāpte manobhīṣṭamanaṃtakam || 54 ||
[Analyze grammar]

tatastu paṃcabhirmantraistaireva smṛtimāgataiḥ |
paṃcabhirmuṣṭibhirdevī vālukotthaiḥ prapūjitā || 55 ||
[Analyze grammar]

tataḥ pañcatvamāpannā tatkāle'haṃ varāṃganāḥ |
daśārṇādhipaterjātā sadane lokaviśrute || 56 ||
[Analyze grammar]

jātismaraṇasaṃyuktā tasyā devyāḥ prasādataḥ |
bhavatīnāṃ kaniṣṭhāsmi jyeṣṭhā saubhāgyataḥ sthitā || 57 ||
[Analyze grammar]

eta smātkāraṇādgaurīṃ muktvaitānpañcapiṇḍakān |
karddamena vidhāyātha pūjayāmi dinedine || 58 ||
[Analyze grammar]

etadguhyaṃ mayā khyātaṃ bhavatīnāmasaṃśayam |
satyenānena me gaurī manobhīṣṭaṃ prayacchatu || 59 ||
[Analyze grammar]

lakṣmīruvāca |
tataḥ sarvāḥ sapatnyastāḥ kṛtāṃjalipuṭāḥ sthitāḥ |
māmūcurvinayādvācā praṇipatya muhurmuhuḥ || 6 ||
[Analyze grammar]

prasādaṃ kuru cāsmākaṃ dīyatāṃ mantrapaṃcakam |
tadeva yena te devī tuṣṭā sā parameśvarī || 61 ||
[Analyze grammar]

mayā proktāśca tā sarvāḥ prārthayadhvaṃ yathecchayā |
ahaṃ sarvaṃ pradāsyāmi tatsatyaṃ vacanaṃ mama || 62 ||
[Analyze grammar]

tato deva mayā proktaṃ tāsāṃ tanmaṃtrapaṃcakam |
śiṣyatvaṃ gamitānāṃ ca vāṅmanaḥkāyakarmabhiḥ || 63 ||
[Analyze grammar]

viṣṇuruvāca |
mamāpi vada deveśi kīdṛktanmantrapañcakam |
yattvayā'nuṣṭhitaṃ pūrvaṃ tayā tāsāṃ nivedi tam || 64 ||
[Analyze grammar]

lakṣmīruvāca |
namaḥ pṛthivyai kṣāṃtīśi nama āpomaye śubhe |
tejasvini namastubhyaṃ namaste vāyurūpiṇi || 65 ||
[Analyze grammar]

ākāśarūpasaṃpanne paṃcarūpe namonamaḥ || 66 ||
[Analyze grammar]

ebhirmantrairmayā pūrvaṃ pūjitā parameśvarī |
tena rājyaṃ mayā prāptaṃ sarvastrīṇāṃ sudurlabham || 67 ||
[Analyze grammar]

tataśca sthāpitā devī kṛtvā ratnamayī śubhā |
hāṭakeśvaraje kṣetre mayā tatra sureśvara || 68 ||
[Analyze grammar]

tāṃ yā pūjayate nārī sadyo'pi pativallabhā |
jāyate nātra sandehaḥ sarvapāpavivarjitā || 69 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye pañcapiṃḍikotpatti māhātmya varṇanaṃ nāma saptasaptatyuttaraśatatamo'dhyāyaḥ || 177 ||
[Analyze grammar]