Chapter 178

[English text for this chapter is available]

lakṣmīruvāca |
evaṃ rājyaṃ mayā prāptaṃ gaurīpūjā kṛte vibho |
saubhāgyaṃ paramaṃ caiva durlabhaṃ sarvayoṣitām || 1 ||
[Analyze grammar]

na cāpatyaṃ mayā labdhaṃ tathāpi parameśvara |
tādṛśe'pi ca saubhāgye tāruṇye tādṛśe sthite || 2 ||
[Analyze grammar]

dahyāmi tena duḥkhena divānaktaṃ sukhaṃ na me |
kasyacittvatha kālasya durvāsā munisattamaḥ || 3 ||
[Analyze grammar]

ānartādhipaterharmyaṃ saṃprāpto gauravāya saḥ || |
cāturmāsyakṛte caiva mṛttikāgrahaṇāya ca || 4 ||
[Analyze grammar]

tataḥ saṃpūjito rājñā ānartena yathākramam |
dattvārghyaṃ madhuparkaṃ ca tataḥ proktaṃ praṇamya ca || 5 ||
[Analyze grammar]

svāgataṃ te muniśreṣṭha bhūyaḥ susvāgataṃ ca te |
nānyo dhanyatamo loke bhūyo'sti sadṛśo mayā || 6 ||
[Analyze grammar]

yau te pādau rajodhvastau keśairme nirmalīkṛtau |
tadbrūhi kiṃkaromyadya gṛhāyātasya te mune || 7 ||
[Analyze grammar]

api rājyaṃ prayacchāmi kā vārtānyeṣu vastuṣu || 8 ||
[Analyze grammar]

durvāsā uvāca |
cāturmāsīvidhānaṃ te kariṣye nṛpa maṃdire |
mṛttikāgrahaṇaṃ tāvacchuśrūṣā kriyatāṃ mama |
sa tatheti pratijñāya māmūce pārthivottamaḥ || 9 ||
[Analyze grammar]

śuśrūṣā cāsya kartavyā sarva daiva varānane |
cāturmāsīvrataṃ yāvaddevatārcanapūrvakam || 10 ||
[Analyze grammar]

bāḍhamityevamuktvātha mayā sarvamanuṣṭhitam |
śuśrūṣārhaṃ ca yatkarma duhiteva pituryathā || 11 ||
[Analyze grammar]

cāturmāsyāṃ vyatītāyāṃ yadā saṃprasthito muniḥ |
tadā provāca māṃ tuṣṭaḥ putri kiṃ karavāṇi te || 12 ||
[Analyze grammar]

tataḥ sa bhagavānproktaḥ praṇipatya mayā muhuḥ |
apatyaṃ nāsti me brahmaṃstena dahyāmyaharniśam || 13 ||
[Analyze grammar]

īdṛśe sati rājño'pi yauvane ca mahattare |
tattvaṃ vada muniśreṣṭha yena syānmama saṃtatiḥ || 14 ||
[Analyze grammar]

vratena niyamenātha dānena ca hutena ca |
tataḥ sa suciraṃ dhyātvā māmuvāca smayanniva || 15 ||
[Analyze grammar]

anyadehāṃtare putri tvayā gaurī prapūjitā |
taptābhirvālukābhiḥ sā mṛtyukāla upasthite || 16 ||
[Analyze grammar]

tadbhaktyā labdharājyāpi dāhena pariyujyase |
gaurī yattāpasaṃyuktā bālukābhiḥ kṛtā tvayā || 17 ||
[Analyze grammar]

na devo vidyate kāṣṭhe pāṣāṇe mṛttikāsu ca |
bhāveṣu vidyate devo mantrasaṃyogasaṃyutaḥ || 18 ||
[Analyze grammar]

bhāvabhaktisamā yuktā maṃtrasaṃyojanena ca |
devī mantrasamāyātā tvayā vālukayā'rcitā || 19 ||
[Analyze grammar]

tvatkāye tena saṃtāpaḥ sarvadā'yaṃ vyavasthitaḥ |
tasmādratnamayīṃ gaurīṃ kṛtvā tvaṃ paṃcapiṃḍikām |
hāṭakeśvaraje kṣetre saṃsthāpaya śubhānane || 2 ||
[Analyze grammar]

vṛṣasthe bhāskare paścāttasyā upari srāvi yat |
jalayantraṃ divārātraṃ dhārayasva prayatnataḥ || 21 ||
[Analyze grammar]

tato yathāyathā tasyāḥ śītabhāvo bhaviṣyati |
tathātathā ca te dāhaḥ śāṃtiṃ yāsyatyaharniśam || 22 ||
[Analyze grammar]

dāhāṃte bhavitā garbhastataḥ putramavāpsyasi |
rājyabhārakṣamaṃ śūraṃ triṣu lokeṣu viśrutam || 23 ||
[Analyze grammar]

anyāpi kāminī yātra evaṃ tāṃ pūjayiṣyati |
jyeṣṭhe māse tathā sāpi yathā tvaṃ prabhaviṣyati || 24 ||
[Analyze grammar]

lakṣmīruvāca |
tato mayā punaḥ prokto bhagavānsa munīśvaraḥ |
mānuṣatve na me rāgo viraktirmahatī sthitā || 25 ||
[Analyze grammar]

nadīvegopamaṃ dṛṣṭvā jīvitaṃsarvadehinām |
tanme vada mahābhāga yatkiṃcid vratamuttamam || 26 ||
[Analyze grammar]

mānuṣatvaṃ na yena syātsamyakcīrṇena saddvija |
tataḥ sa suciraṃ dhyātvā māmāha parameśvara || 27 ||
[Analyze grammar]

asti putri vrataṃ puṇyaṃ gaurī tuṣṭikaraṃ param |
yena cīrṇena vai samyagyoṣiddevatvamāpnuyāt || 28 ||
[Analyze grammar]

gomayākhyā mahādevī kṛtā vai gomayena sā |
tato golokamāpannāḥ sarvāstā varavarṇini || 29 ||
[Analyze grammar]

tāṃ tvaṃ kuruṣva kalyāṇi yena devatvamāpsyasi |
tato mayā punaḥ proktaḥ sa muniḥ surasattama || 30 ||
[Analyze grammar]

kasminkāle prakartavyā vidhinā kena sanmune |
sarvaṃ vistarato brūhi yena tāṃ prakaromyaham || 31 ||
[Analyze grammar]

durvāsā uvāca |
nabhasye cāsite pakṣe tṛtīyādivase sthite |
prātarutthāya paścācca bhakṣayeddaṃtadhāvanam || 32 ||
[Analyze grammar]

tataśca niyamaṃ kṛtvā upavāsasamudbhavam |
gaurīnāmasamuccārya śraddhāpūtena cetasā || 33 ||
[Analyze grammar]

tato niśāgame prāpte kṛtvā gaurīcatuṣṭayam |
mṛnmayaṃ yādṛśaṃ caiva tadihaikamanāḥ śṛṇu || 34 ||
[Analyze grammar]

ekā gaurī prakartavyā paṃcapiṃḍā yathoditā |
prahareprahare prāpte tāsu pūjāṃ samācaret |
yairmaṃtraistānnibodha tvamekaikasyāḥ pṛthakpṛthak || 35 ||
[Analyze grammar]

himācalagṛhe jātā devi tvaṃ śaṃkarapriye |
menāgarbhasamudbhūtā pūjāṃ gṛhṇa namostu te || 36 ||
[Analyze grammar]

dhūpaṃ dadyāttataścaiva karpūraṃ śraddhayā saha |
raktasūtreṇa dīpaṃ ca ghṛtena parikalpayet || 37 ||
[Analyze grammar]

jātipuṣpaiḥ samabhyarcya naivedye modakānnyaset |
raktavastreṇa saṃchādya arghyaṃ dattvā tataḥ param || 38 ||
[Analyze grammar]

yasya vṛkṣasya puṣpaṃ ca tasya syāddantadhāvanam |
mātuliṃgena tasyāstu mantreṇānena bhaktitaḥ || 39 ||
[Analyze grammar]

arghyaṃ dadyātprayatnena gandhapuṣpākṣatānvitam |
śaṃkarasya priye devi himācalasute śubhe |
arghyamenaṃ mayā dattaṃ pratigṛhṇa namo'stu te || 40 ||
[Analyze grammar]

tadeva prāśanaṃ kuryāttataḥ kāyaviśuddhaye |
praharāṃte ca saṃpūjya ardhanārīśvaraṃ tataḥ || 41 ||
[Analyze grammar]

surabhyā pūjayedbhaktyā mantreṇānena pārvati |
vāmamardhaṃ śarīrasya yā harasya vyavasthitā |
sā me pūjāṃ pragṛhṇātu tasyai devyai namo'stu te || 42 ||
[Analyze grammar]

agaruṃ ca tato bhaktyā dhūpaṃ dadyāttathā śubhe |
naivedye guṇakāṃścaiva nālikereṇa cārghakam || 43 ||
[Analyze grammar]

mantreṇānena dātavyaṃ tadeva prāśanaṃ smṛtam |
ardhanārīśvarau yau ca saṃsthitau parameśvarau || 44 ||
[Analyze grammar]

arghyo me gṛhyatāṃ devau syātaṃ sarvasukhapradau |
tṛtīye prahare prāpte śatapatryā prapūjayet || 45 ||
[Analyze grammar]

umāmaheśvarau devau maṃtreṇānena pūjayet || 46 ||
[Analyze grammar]

umāmaheśvarau devau yau tau sṛṣṭilayānvitau |
tau gṛhṇītāmimāṃ pūjāṃ mayā dattāṃ prabhaktitaḥ || 47 ||
[Analyze grammar]

guggulotthaṃ tato dhūpaṃ naivedyaṃ ghārikātmakam |
jātīphalena cārghyaṃ ca tadeva prāśanaṃ smṛtam || 48 ||
[Analyze grammar]

tataścārghyaḥ pradātavyo maṃtreṇānena bhaktitaḥ |
graṃthicūrṇena dhūpaṃ ca arghyaṃ madanajaṃ phalam || 49 ||
[Analyze grammar]

tadeva prāśanaṃ kāryaṃ tataḥ kāyaviśuddhaye || 50 ||
[Analyze grammar]

umāmaheśvarau devau sarvakāmasukhapradau |
gṛhṇītāmarghyametaṃ me dayāṃ kṛtvā mahattamām || 91 ||
[Analyze grammar]

caturthe prahare prāpte tāṃ gaurīṃ paṃcapiṃḍikām |
bhṛṃgarājena saṃpūjya maṃtreṇānena bhaktitaḥ || 52 ||
[Analyze grammar]

pṛthivyādīni bhūtāni yāni proktāni paṃca ca |
paṃcarūpāṇi deveśi pūjāṃ gṛhṇa namo'stu te || 53 ||
[Analyze grammar]

naivedye ghṛtapūpāṃśca dadyāddevyāḥ prabhaktitaḥ |
graṃthicūrṇena dhūpaṃ ca hyarghyaṃ madanajaṃ phalam |
tadeva prāśanaṃ kāryamarghyamaṃtramidaṃ smṛtam || 54 ||
[Analyze grammar]

paṃcabhūtamayī devī paṃcadhā yā vyavasthitā |
arghyamenaṃ mayā dattaṃ sā gṛhṇātu sure śvarī || 55 ||
[Analyze grammar]

evaṃ sarvā niśā sā ca gītavādyādiniḥsvanaiḥ |
tāsāṃ caivāgrato neyā naiva nidrāṃ samācaret || 56 ||
[Analyze grammar]

tataḥ prabhāte vimale prodgate ravimaṇḍale |
snātvā saṃpūjayedvipraṃ saha patnyā prabhaktitaḥ || 57 ||
[Analyze grammar]

vastrairābharaṇaiścaiva svaśaktyā nṛpanaṃdini |
gauryai bhakṣyaṃ ca dātavyaṃ miṣṭānnena śucismite || 58 ||
[Analyze grammar]

tataḥ kareṇumānīya vaḍavāṃ vā sumadhyame |
gaurīcatuṣṭayaṃ tacca samāropya tathopari || 59 ||
[Analyze grammar]

gītavāditraśabdena vedadhvaniyutena ca |
nadyāṃ vā'tha taḍāge vā vāpyāṃ vātha parikṣipet || 60 ||
[Analyze grammar]

maṃtreṇānena sadbhaktyā tavedaṃ vacmi sundari || 61 ||
[Analyze grammar]

āhūtāsi mayā devi pūjitāsi mayā śubhe |
mama saubhāgyadānāya yatheṣṭaṃ gamyatāmiti || 62 ||
[Analyze grammar]

lakṣmīruvāca |
evaṃ mayā kṛtā deva sā tṛtīyā yathoditā |
nabhasye māsi saṃprāpte bhaktyā paramayā vibho || 63 ||
[Analyze grammar]

dvitīye ca tathā prāpte tṛtīye ca viśeṣataḥ |
yāvatpaśyāmi pratyūṣe tāvadgaurīcatuṣṭayam |
jātaṃ ratnamayaṃ tacca mayā yatparipūjitam || 64 ||
[Analyze grammar]

prasthitāṃ māṃ nadītīramuddiśya ca visarjanam |
kariṣyāmīti sā prāha vyaktībhūtā sureśvarī || 65 ||
[Analyze grammar]

mā putri jalamadhye'tra mama mūrticatuṣṭayam |
paribhāvaya madvākyaṃ śrutvā caiva vidhīyatām || 66 ||
[Analyze grammar]

hāṭakeśvaraje kṣetre sthāpaya tvaṃ ca mā kṣipa |
akṣayaṃ jāyate yena sarvastrīṇāṃ hitāya ca || 67 ||
[Analyze grammar]

tvaṃ prārthaya varaṃ sarvaṃ dadāmyahamihārcitā |
abhyarcitā girisutā mayā proktā sureśvarī || 68 ||
[Analyze grammar]

yadi yacchasi me devi varaṃ tuṣṭā sureśvari |
tadahaṃ mānuṣe garbhe mā bhūyāsaṃ kathaṃcana || 69 ||
[Analyze grammar]

bharttā bhavatu me viṣṇuḥ śāśvatābhīṣṭadaḥ sadā |
nānyatkiṃcidabhīṣṭaṃ me rājyaṃ tridivaśobhanam || 70 ||
[Analyze grammar]

anyāpi kurute yā ca vratametatsamāhitā |
sarvairtratairyathātuṣṭistathā devi prajāyate || 71 ||
[Analyze grammar]

tathā tasyāḥ prakartavyamakenānena pārvati |
tatheti gaurī māmuktvā tataścādarśanaṃ gatā || 72 ||
[Analyze grammar]

sā devī ca mayā tatra tacca gaurīcatuṣṭayam |
hāṭakeśvaraje kṣetre śubhe saṃsthāpitaṃ vibho || 73 ||
[Analyze grammar]

tatprabhāvānmayā labdho bharttā tvaṃ parameśvara |
śāśvataścākṣayaścaiva mukhaprekṣaśca sarvadā || 74 ||
[Analyze grammar]

etatta sarvamākhyātaṃ yatpṛṣṭāsmi sureśvara |
satyenānena deveśa tava pādau spṛśāmyaham || 75 ||
[Analyze grammar]

sūta uvāca |
tacchrutvā vacanaṃ tasyāḥ śaṃkhacakragadādharaḥ |
vihasyātha mahālakṣmīṃ tāmuvāca praharṣitaḥ |
muhurmuhuḥ samāliṃgya vakṣasaścopari sthitām || 76 ||
[Analyze grammar]

sādhumādhu mahābhāge satyametattvayoditam |
jānatāpi mayā pṛṣṭā bhavatīṃ varavarṇini || 77 ||
[Analyze grammar]

sūta uvāca |
etadvaḥ sarvamākhyātaṃ yatpṛṣṭo'smi dvijottamāḥ |
caturbhujā yathā gaurī saṃjātā paṃcapiṃḍikā || 78 ||
[Analyze grammar]

yaścaitatpaṭhate bhaktyā prātarutthāya mānavaḥ |
na sa lakṣmyā vimucyeta na ca daurbhāgyamāpnuyāt || 79 ||
[Analyze grammar]

tasmātsarvaprayatnena paṭhanīyamidaṃ śubham |
ākhyānaṃ gaurikaṃ viprā yanmayā parikīrtitam || 80 ||
[Analyze grammar]

iti śrīskānde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye paṃcapiṃḍikāgauryutpattimāhātmya varṇanaṃnāmāṣṭasaptatyuttaraśatatamo'dhyāyaḥ || 178 || || 9 ||
[Analyze grammar]