Chapter 174

[English text for this chapter is available]

sūta uvāca |
tathānyadapi vo vacmi liṃgaṃ yattatra saṃsthitam |
sthāpitaṃ pippalādena kaṃsāreśvaramityaho || 1 ||
[Analyze grammar]

yasmindṛṣṭe tu lokānāṃ pāpaṃ yāti dinodbhavam |
nate ṣāṇmāsikaṃ caiva pūjite varṣasaṃbhavam |
ṛṣaya ūcuḥ |
pippalādena yalliṃgaṃ sthāpitaṃ sūtanandana |
kaṃsāreśvaramityuktaṃ kasmāttacca bravīhi naḥ || 3 ||
[Analyze grammar]

ka eṣa pippalādastu kasya putro vadasva naḥ |
kimarthaṃ sthāpitaṃ liṃgaṃ kṣetre tatra mahātmanā || 4 ||
[Analyze grammar]

sūta uvāca |
praśnabhāro mahāneṣa bhavadbhiḥ samudāhṛtaḥ |
tathāpi kathayiṣyāmi namaskṛtvā svayaṃbhuvam || 5 ||
[Analyze grammar]

yājñavalkyasyabhaginī kaṃsārīti ca viśrutā |
kumārabrahmacaryeṇa tapa stepe sudāruṇam || 6 ||
[Analyze grammar]

yājñavalkyāśrame puṇye bāṃdhavena samanvitā |
kasyacittvatha kālasya yājñavalkyasya bho dvijāḥ || 7 ||
[Analyze grammar]

caskanda retaḥ svapnāṃte dṛṣṭvā kāṃcidvarāpsarām |
tāruṇyabhāvasaṃsthasya tapoyuktasya saddvijāḥ || 8 ||
[Analyze grammar]

retasā tasya mahatā paridhānaṃ pariplutam |
tacca tena parityaktaṃ prabhāte samupasthite || 9 ||
[Analyze grammar]

kaṃsārikā'tha jagrāha snānārthaṃ vasanaṃ ca tat |
amogharetasā klinnamajānantī dvijottamāḥ || 10 ||
[Analyze grammar]

kurvantyā yajanaṃ tasyā jalaṃ vīryasamanvitam |
praviṣṭaṃ bhagamadhye tu ṛtukāla upasthite || 11 ||
[Analyze grammar]

tato garbhaḥ samabhavattasyāstūdaramadhyagaḥ |
vṛddhiṃ cāpyagamannityaṃ śuklapakṣe yathoḍurāṭ || 12 ||
[Analyze grammar]

sā'pi taṃ garbhamādāya svodarasthaṃ tapasvinī |
duḥkhena mahatā yuktā lajjayā'tha tadā'vṛtā || 13 ||
[Analyze grammar]

cintayāmāsa suciraṃ vismayena samanvitā |
gopāyantī tadā'tmānaṃ darśanaṃ yāti no nṛṇām || 14 ||
[Analyze grammar]

vratacaryāmiṣaṃ kṛtvā sadā rahasi saṃsthitā |
saṃprāpte daśame māsi niśīthe samupasthite |
tasyāḥ kumārako jāto vālārkasadṛśadyutiḥ || 15 ||
[Analyze grammar]

atha sā taṃ samā dāya sūkṣmavastreṇa veṣṭitam |
kṛtvā jagāma cāraṇyaṃ manuṣyaparivarjitam |
aśrupūrṇekṣaṇā dīnā rudantī guptameva ca || 16 ||
[Analyze grammar]

tato gatvā ca sā'śvatthaṃ vijane sumahattaram |
tasyādhastādvimucyātha vākyametaduvāca ha || 17 ||
[Analyze grammar]

aśvattha viṣṇurūpo'si tvaṃ deveṣu pratiṣṭhitaḥ |
tasmādrakṣasva me putraṃ sarvatastvaṃ vanaspate || 18 ||
[Analyze grammar]

eṣa te śaraṇaṃ prāpto mama putrastu bālakaḥ |
pāpāyā nirdayāyāśca tasmādrakṣāṃ samācara || 19 ||
[Analyze grammar]

evamuktvā ruditvā ca suciraṃ sā tapasvinī |
jagāma svāśramaṃ paścādvāṣpavyākulalocanā || 20 ||
[Analyze grammar]

yāvadroditi sā mātā tasyādhastādvanaspateḥ |
tāvadākāśajā vāṇī saṃjātā meghaniḥsvanā || 21 ||
[Analyze grammar]

mā tvaṃ śokaṃ kuruṣvāsya bālakasya kṛte śubhe |
eṣa śāpādutathyasya jyeṣṭhabhrāturbṛhaspatiḥ |
avatīrṇo dharāpṛṣṭhe yogyatāṃ samavāpsyati || 22 ||
[Analyze grammar]

eṣa cātharvaṇaṃ vedaṃ śatakalpaṃ suvistaram |
śatabhedaṃ ca navadhā paṃcakalpaṃ kariṣyati || 23 ||
[Analyze grammar]

pippalasya taroreṣa rasaṃ saṃbhakṣayiṣyati |
pippalāda iti khyātastato loke bhaviṣyati || 24 ||
[Analyze grammar]

yā tvaṃ vismayamāpannā puruṣeṇa vinā śiśuḥ |
saṃjāto'yaṃ mama prāṃśustatastatkāraṇaṃ śṛṇu || 25 ||
[Analyze grammar]

snānavastraṃ ca te bhrātū retasā yatpariplutam |
tattvayā ṛtukāle tu paridhānaṃ kṛtaṃ śubhe || 26 ||
[Analyze grammar]

snānakāle tu toyāni retodakamathāspṛśan |
amogharetasā tena putro'yaṃ tava saṃsthitaḥ || 27 ||
[Analyze grammar]

evaṃ jñātvā mahābhāge yadyuktaṃ tatsamācara || 28 ||
[Analyze grammar]

sūta uvāca |
tacchrutvā devalokasyavajrapātopamaṃ vacaḥ |
hāhākāraparā bhūtvā nipapāta dharātale || 29 ||
[Analyze grammar]

chinnavṛkṣalatā yadvatpatitā sā tapasvinī || 30 ||
[Analyze grammar]

cirāyantyāṃ tu tasyāṃ sa yājñavalkyo mahāmuniḥ |
śūnyaṃ tamāśramaṃ dṛṣṭvā papracchānyānmunīśvarān || 31 ||
[Analyze grammar]

kva ca me bhaginī yātā kaṃsārī sutapasvinī |
tayā vinā'dya me sarvaṃ śūnyamāśramamaṃḍalam || 32 ||
[Analyze grammar]

ācakhyau tāpasaḥ kaścidbhaginī te yavīyasī |
niśceṣṭā patitā bhūmāvaśvatthasya samīpataḥ || 33 ||
[Analyze grammar]

mayā dṛṣṭā muniśreṣṭha tāṃ tvaṃ bhāvaya mā ciram |
athāsau tvarayā yuktaḥ saṃbhrāṃtastu pradhāvitaḥ || 34 ||
[Analyze grammar]

yatra sā kathitā tena tāpasena tapasvinī |
vīkṣate yāvattatrasthā śvasamānā vyavasthitā || 35 ||
[Analyze grammar]

atha toyena śītena secayitvā muhurmuhuḥ |
dattvā bhūyo'pi vātaṃ ca yāvaccakre sacetanām |
tāvatkātyāyanī prāptā maitreyī ca sasaṃbhramam || 36 ||
[Analyze grammar]

kimidaṃ kimidaṃ jātaṃ nanāṃdarvada mā ciram || 37 ||
[Analyze grammar]

kiṃ vā sarpeṇa daṣṭāsi sannipātena dūṣitā || 1 ||
[Analyze grammar]

kiṃ vā bhūtagṛhītā'si māheṃdreṇa jvareṇa vā || 38 ||
[Analyze grammar]

atha sā cetanāṃ labdhvā yājña valkyaṃ puraḥ sthitam |
bhāryayā sahitaṃ dṛṣṭvā vrīḍayā'sūnmumoca ha || 39 ||
[Analyze grammar]

atha tāṃ ca mṛtāṃ dṛṣṭvā ruditvā ca ciraṃ dvijāḥ |
yājñavalkyaḥ sabhāryastu dattvā vahniṃ ca śokadhṛk |
jagāma svāśramaṃ paścāddattvā ca salilāñjalim || 40 ||
[Analyze grammar]

so'pi bālo'tha vavṛdhe pippalāsvādapuṣṭidhṛk |
aśvatthasya tale tasya vṛddhiṃ yāti śanaiḥśanaiḥ || 41 ||
[Analyze grammar]

kasyacittvatha kālasya nārado munisattamaḥ |
tīrthayātrāprasaṃgena tena mārgeṇa cāgataḥ || 42 ||
[Analyze grammar]

sa dṛṣṭvā bālakaṃ tatra dvādaśārkasamaprabham |
ekākinaṃ vane śūnye pippalāsvādatatparam |
papraccha vismayāviṣṭa ekākī ko bhavāniha || 43 ||
[Analyze grammar]

vane śūnye mahāraudre siṃhavyāghrasamākule |
kva te mātā pitā caiva kimarthaṃ ceha tiṣṭhasi || 44 ||
[Analyze grammar]

nivasasi kathaṃ caiva sarvaṃ me vistarādvada || 45 ||
[Analyze grammar]

pippalāda uvāca || |
nāhaṃ jānāmi pitaraṃ mātaraṃ na ca bāṃdhavam |
nāpi tvāṃ ko'tra cā yāto mama pārśve tu sāṃpratam || 46 ||
[Analyze grammar]

sūta uvāca || |
tasya tadvacanaṃ śrutvā ciraṃ dhyātvā munīśvaraḥ |
tatastaṃ prahasanprāha jñātvā divyena cakṣuṣā || 47 ||
[Analyze grammar]

nārada uvāca |
mayā jñāto'si vatsa tvaṃ yājñavalkyasya retasā |
daivayogātsamutpanno bhaginyā udare hyṛtau || 48 ||
[Analyze grammar]

utathyaśāpadoṣeṇa devācāryo bṛhaspatiḥ |
devakāryasya siddhyarthaṃ tasmāttacchṛṇu kāraṇam || 49 ||
[Analyze grammar]

atharvavedo yaścaiṣa śataśākho vinirmitaḥ |
śata kalpaśca gūḍhārtho bhūpānāṃ kāryasiddhaye || 5 ||
[Analyze grammar]

navaśākhaḥ paṃcakalpastvayā kāryaḥ sukhāvahaḥ || 51 ||
[Analyze grammar]

tava mātrā mahābhāga retasā ca pariplutam |
yadvastraṃ yājñavalkyasya paridhānaṃ kṛtaṃ ca yat || 52 ||
[Analyze grammar]

bhaginyā sutapasvinyā snānārthaṃ na ca kāmyayā |
tadreto jalamiśraṃ tu bhagamadhye vinirgatam || 53 ||
[Analyze grammar]

amoghaṃ tena saṃbhūtastvamatra jagatītale |
mātā vai mṛtyumāpannā jñātvaivaṃ lajjayā tayā || 54 ||
[Analyze grammar]

camatkārapure tubhyaṃ mātulo janakastathā |
saṃtiṣṭhate mahābhāga tatpārśve tvamito vaja || 55 ||
[Analyze grammar]

sāṃprataṃ vratakālaste varṣaṃ caivāṣṭamaṃ sthitam |
tacchrutvā vacanaṃ tasya lajjayā'dhomukhaḥ sthitaḥ || 56 ||
[Analyze grammar]

tataścireṇa dīnaṃ sa vākyametaduvāca tam |
kiṃ mayā pāpamākhyāhi pūrvadehāṃtare kṛtam || 57 ||
[Analyze grammar]

yenedaṃ garhitaṃ janma viyogo mātṛsaṃbhavaḥ |
parityakṣyāmi jīvaṃ svaṃ duḥkhenānena sanmune || 58 ||
[Analyze grammar]

nārada uvāca |
na tvayā duṣkṛtaṃ kiṃcitpūrvadehāṃtare kṛtam |
paraṃ yena susaṃjātaṃ tavedaṃ vyasanaṃ śṛṇu || 59 ||
[Analyze grammar]

janmasthena bhavāñjātaḥ śaninā nā'tra saṃśayaḥ |
tenāvasthāmimāṃ prāpto nānyadasti hi kāraṇam || 60 ||
[Analyze grammar]

tacchrutvā vacanaṃ tasya kopasaṃraktalocanaḥ |
ūrdhvamālokayāmāsa samuddiśya śanaiścaram || 61 ||
[Analyze grammar]

tasya dṛṣṭinipātena nyapatatsa tu tatkṣaṇāt |
vimānātsvādraveḥ putro yayātiriva nāhuṣaḥ ||62 || || 1 ||
[Analyze grammar]

adhovaktro dvijaśreṣṭhāḥ piturādeśamāśritaḥ |
bālabhāve'pi tenaiva dagdhau pādau tadā raveḥ || 63 ||
[Analyze grammar]

atha taṃ nāradaḥ prāha patamānamadhomukham |
bālyabhāvādanena tvaṃ pātito'si śanaiścara || 64 ||
[Analyze grammar]

tasmānmā vīkṣayasvainaṃ bhaviṣyati prakopabhāk |
mā patasva tathā bhūmau balānmadvākyasaṃbhavāt || 65 ||
[Analyze grammar]

staṃbhayitvā tathāpyevaṃ gaganasthaṃ śanaiścaram |
tataḥ provāca taṃ bālaṃ pippalādaṃ munīśvaraḥ || 66 ||
[Analyze grammar]

mā kopaṃ kuru bāla tvameṣa sūryasuto grahaḥ |
devānāmapi pīḍāṃ ca kurute'ṣṭamarāśigaḥ || 67 ||
[Analyze grammar]

janmasthastu viśeṣeṇa dvitīyastu tathāparaḥ |
yadyeṣa kupitastvāṃ tu vīkṣayiṣyati karhicit || 68 ||
[Analyze grammar]

kariṣyati na saṃdeho bhasmarāśiṃ mamāgrataḥ |
anena vīkṣitau pādau jātamātreṇa sūryakau || 69 ||
[Analyze grammar]

āyātasya tu tuṣṭasya putradarśanavāñchayā |
antardhānīkṛte vastre jñātvā taṃ raudracakṣuṣam || 70 ||
[Analyze grammar]

tato dagdhāvubhau cāpi tiṣṭhataścarma veṣṭitau |
dṛśyete'dyāpi mūrttau tau ghaṭitāyāṃ dharātale || 71 ||
[Analyze grammar]

sūta uvāca |
tacchrutvā vacanaṃ tasya nāradasya sa bālakaḥ |
bhayena mahatā yuktastataḥ papraccha taṃ munim || 72 ||
[Analyze grammar]

kathaṃ yāsyati me tuṣṭiṃ vadaiṣa mama sanmune |
ajñānātpātito vyomnaḥ śaktiṃ cāsyāvijānatā || 73 ||
[Analyze grammar]

nārada uvāca |
grahā gāvo nareṃdrāśca brāhmaṇāśca viśeṣataḥ |
pūjitāḥ pratipūjyaṃte nirdahaṃtyapamānitāḥ || 74 ||
[Analyze grammar]

tasmātkuru stutiṃ cāsya svaśaktyā bhāskareḥ prabho |
prasādaṃ gacchate yena kopaṃ tyajati pātajam || 75 ||
[Analyze grammar]

tataḥ kṛtāṃjalirbhūtvā stutiṃ cakre sa bālakaḥ |
bhayena mahatā yuktastataḥ saṃpṛcchya taṃ munim || 76 ||
[Analyze grammar]

pippalādo dvijaśreṣṭhāḥ praṇipatya muhurmuhuḥ |
namaste krodhasaṃsthāya piṃgalāya namo'stu te || 77 ||
[Analyze grammar]

namaste vasurūpāya kṛṣṇāya ca namo'stu te |
namaste raudradehāya namaste cāṃtakāya ca || 78 ||
[Analyze grammar]

namaste yamasaṃjñāya namaste sauraye vibho |
namaste mandasaṃjñāya śanaiścara namo'stu te || 79 ||
[Analyze grammar]

prasādaṃ kuru deveśa dīnasya praṇatasya ca || 8 ||
[Analyze grammar]

śanaiścara uvāca |
parituṣṭo'smi te vatsa stotreṇānena sāṃpratam |
varaṃ varaya bhadraṃ te yena yacchāmi sāṃpratam || 81 ||
[Analyze grammar]

pippalāda uvāca |
adyaprabhṛti no pīḍā bālānāṃ sūryanandana |
tvayā kāryā mahābhāga svakīyā ca kathaṃcana || 82 ||
[Analyze grammar]

yāvadvarṣāṣṭamaṃ jātaṃ mama vākyena sūryaja |
stotreṇānena yo'tra tvāṃ stūyātprātaḥ samutthitaḥ || 83 ||
[Analyze grammar]

tasya pīḍā na kartavyā tvayā bhāskaranandana |
tava vāre ca saṃjāte tailābhyaṃgaṃ karoti yaḥ || 84 ||
[Analyze grammar]

dināṣṭakaṃ na kartavyā tasya pīḍā kathaṃcana |
yastvāṃ lohamayaṃ kṛtvā tailamadhye hyadhomukham || 85 ||
[Analyze grammar]

dhārayettena tailena tataḥ snānaṃ samācaret |
tasya pīḍā na kartavyā deyo lābho mahībhujaḥ || 96 ||
[Analyze grammar]

adhyarddhāṣṭamikāyoge tāvake saṃsthite naraḥ |
tavavāre tu saṃprāpte yastilāṃllohasaṃyutān || 97 ||
[Analyze grammar]

svaśaktyā rāti no tasya pīḍā kāryā tvayā vibho |
kṛṣṇāṃ gāṃ yastu viprāya tavoddeśena yacchati || 88 ||
[Analyze grammar]

adhyarddhāṣṭamajā pīḍā nā'sya kāryā tvayā vibho |
śamī samidbhiryo homaṃ tavoddeśena yacchati || 99 ||
[Analyze grammar]

tathā kṛṣṇatilaiścaiva kṛṣṇapuṣpānulepanaiḥ |
pūjāṃ karoti yastubhyaṃ dhūpaṃ vai guggulaṃ dahet |
kṛṣṇavastreṇa saṃveṣṭya tyājyā tasya vyathā tvayā || 90 ||
[Analyze grammar]

sūta uvāca |
evamuktaḥ śanistena bāḍhamityeva jalpya ca |
nāradaṃ samanujñāpya jagāma nijasaṃ śrayam || 91 ||
[Analyze grammar]

nārado'pi tamādāya vālakaṃ kṛpayānvitaḥ |
camatkārapuraṃ gatvā yājñavalkyāya cārpayat || 92 ||
[Analyze grammar]

kathayāmāsa vṛttāṃtaṃ tasya saṃbhūti saṃbhavam |
yaddṛṣṭaṃ jñānadīpena tasmai sarvaṃ nyavedayat || 93 ||
[Analyze grammar]

eṣa te vīryasaṃbhūto bālako bhaginīsutaḥ |
mayā'śvatthatale labdhaḥ kānane'śvatthasaṃnidhau || 94 ||
[Analyze grammar]

vratabaṃdha kuruṣvāsya sāṃprataṃ cāṣṭavārṣikaḥ |
nātra doṣosti vipreṃdra na bhaginyāstathā tava |
tasmādgṛhāṇa putraṃ svaṃ bhāgineyaṃ viśeṣataḥ || 95 ||
[Analyze grammar]

sūta uvāca |
evamuktvā sa devarṣistataścādarśanaṃ gataḥ |
yājñavalkyo'pi tacchrutvā viṣādaṃ paramaṃ gataḥ || 96 ||
[Analyze grammar]

pāpaṃ tacciṃtayanneva na śāṃtimadhigacchati |
ātmānaṃ garhayannityaṃ divānaktaṃ ca śocati || 97 ||
[Analyze grammar]

taṃ ca putraṃ parijñāya taistaiścihnairnijaiḥ sthitaiḥ |
tatastu poṣayitvā taṃ vratena samayojayat || 99 ||
[Analyze grammar]

iti śrīskānde mahāpurāṇa ekāśītisāhasyā saṃhitāyāṃ ṣaṣṭhe nāgarakhaṃḍe hāṭakeśvarakṣetramāhātmye pippalādotpattiva rṇanaṃnāma catuḥsaptatyuttaraśatatamo'dhyāyaḥ || 174 ||
[Analyze grammar]