Chapter 51

[English text for this chapter is available]

| sūta uvāca |
atha tācchapathāñchrutvā sa vyāghro vismayānvitaḥ |
satyaṃ matvā punaḥ prāha nandinīṃ putravatsalām || 1 ||
[Analyze grammar]

yadyevaṃ tadgṛhaṃ gaccha vīkṣayasva nijātmajam |
sakhīnāmarpayitvātha bhūya āgamanaṃ kuru || 2 ||
[Analyze grammar]

sūta uvāca |
iti vyāghravacaḥ śrutvā suśīlā nandinī tadā |
gatālayaṃ samuddiśya yatra bālaḥ sutaḥ sthitaḥ || 3 ||
[Analyze grammar]

athākālāgatāṃ dṛṣṭvā mātaraṃ trastacetasam |
raṃbhamāṇāṃ samālokya vatsaḥ provāca vismayāt || 4 ||
[Analyze grammar]

kasmāt prāptāsyakāle tu kasmādudbhrāṃtamānasā |
vāṣpaklinnamukhī kasmādvada mātardrutaṃmama || 5 ||
[Analyze grammar]

naṃdinyuvāca |
yadi pṛcchasi māṃ putra stanapānaṃ samācara |
yena tṛptasya te sarvaṃ vṛttāṃtaṃ tadvadāmyaham || 6 ||
[Analyze grammar]

sūta uvāca |
so'pi tadvacanaṃ śrutvā pītvā kṣīraṃ yathocitam |
āghrātaśca tayā mūrdhni tataḥ provāca satvaram || 7 ||
[Analyze grammar]

sarvaṃ kīrtaya vṛttāṃtamadyāraṇyasamudbhavam |
yena me jāyate svāsthyaṃ śrutvā mātastavāsyataḥ || 8 ||
[Analyze grammar]

naṃdinyuvāca |
ahaṃ gatā mahāraṇye hyadya putra yathecchayā |
vyāghreṇāsāditā tatra bhramamāṇā itastataḥ || 9 ||
[Analyze grammar]

sa mayā prārthitaḥ putra bhakṣamāṇo nakhāyudhaḥ |
śapathairāgamiṣyāmi gokule vīkṣya cātmajam || 10 ||
[Analyze grammar]

sāhaṃ tena vinirmuktā śapathairbahubhiḥ kṛtaiḥ |
bhūyastatraiva yāsyāmi dṛṣṭaḥ saṃbhāṣito bhavān || 11 ||
[Analyze grammar]

vatsa uvāca |
ahaṃ tatraiva yāsyāmi yatra tvaṃ hi pragacchasi |
ślāghyaṃ hi maraṇaṃ samyaṅmāturagre mamādhunā || 12 ||
[Analyze grammar]

ekākināpi martavyaṃ tvayā hīnena vai mayā |
vināpi kṣīrapānena svalpena samayena tu || 13 ||
[Analyze grammar]

yadi mātastvayā sārdhaṃ vyāghro māṃ sūdayiṣyati |
yā gatirmātṛbhaktānāṃ sā me nūnaṃ bhaviṣyati || 14 ||
[Analyze grammar]

athavā ye tvayā tasya vihitāḥ śapathāḥ śubhe |
te saṃtu mama tiṣṭha tvaṃ tasmādatraiva gokule || 151 ||
[Analyze grammar]

nāsti mātṛsamo bandhurbālānāṃ kṣīrajīvinām |
nāsti mātṛsamo nātho nāsti mātṛsamā gatiḥ || 16 ||
[Analyze grammar]

nāsti mātṛsamaḥ pūjyo nāsti mātṛsamaḥ sakhā |
nāsti mātṛsamo deva iha loke paratra ca || 17 ||
[Analyze grammar]

evaṃ matvā sadā mātuḥ kartavyā bhaktiruttamaiḥ |
tamenaṃ paramaṃ dharmaṃ prajāpativinirmitam |
anutiṣṭhaṃti ye putrāste yāṃti paramāṃ gatim || 18 ||
[Analyze grammar]

tasmādahaṃ gamiṣyāmi tvaṃ ca tiṣṭhātra gokule |
ātmaprāṇaistava prāṇānrakṣayiṣyāmyasaṃśayam || 19 ||
[Analyze grammar]

naṃdinyuvāca |
mamaiva vihito mṛtyurna te putrādya vāsare |
tatkathaṃ mama jīvaṃ tvaṃ rakṣasyasubhirātmanaḥ || 20 ||
[Analyze grammar]

apaścimamidaṃ putra mātṛsaṃdiṣṭamuttamam |
tvayā kāryaṃ prayatnena madvākyamanutiṣṭhatā || 21 ||
[Analyze grammar]

bhramamāṇo vane putra mā pramādaṃ kariṣyasi |
lobhātsaṃjāyate nāśa ihaloke paratra ca || 22 ||
[Analyze grammar]

samudramaṭavīṃ yuddhaṃ viśaṃte lobhamohitāḥ |
iha tannāsti lobhena yatra kurvaṃti mānavāḥ || 23 ||
[Analyze grammar]

lobhātpramādādviśraṃbhātpuruṣo vadhyate tribhiḥ |
tasmāllobho na kartavyo na pramādo na viśvaset || 24 ||
[Analyze grammar]

ātmā putra tvayā rakṣyaḥ sarvadaiva praya tnataḥ |
sarvebhyaḥ śvāpadebhyaśca bhramatā gahane vane || 25 ||
[Analyze grammar]

viṣamasthaṃ tṛṇānnādyaṃ kathaṃcitputraka tvayā |
naikākinā pragaṃtavyaṃ yūthaṃ tyaktvā nijaṃ kvacit || 26 ||
[Analyze grammar]

evaṃ saṃbhāṣya taṃ vatsamavalihya muhurmuhuḥ |
śokena mahatāviṣṭā bāṣpavyākulalocanā || 27 ||
[Analyze grammar]

tataḥ sakhījanaṃ sarvaṃ gatā draṣṭuṃ dvijottamāḥ |
nandinīṃ putraśokena pīḍitāṃgī suvihvalā || 28 ||
[Analyze grammar]

tataḥ provāca tāḥ sarvā gatvā'raṇyaṃ dvijottamāḥ |
caraṃtīḥ svecchayā hṛṣṭā vāṃchitāni tṛṇāni tāḥ || 29 ||
[Analyze grammar]

bahule caṃpake dāme vasudhāre ghaṭasrave |
haṃsanādi priyānaṃde śubhakṣīre mahodaye || 30 ||
[Analyze grammar]

tathānyā dhenavo yāśca saṃsthitā gokulāṃtike |
śṛṇvaṃtu vacanaṃ mahyaṃ kurvaṃtu ca tataḥ param |
adyāhaṃ nijayūthasya bhramaṃtī nātidūrataḥ || 31 ||
[Analyze grammar]

tataśca gahanaṃ prāptā vanaṃ mānuṣavarjitam |
vyāghreṇāsāditā tatra bhramaṃtī tṛṇavāṃchayā || 32 ||
[Analyze grammar]

yuṣmākaṃ darśanārthāya sutasaṃbhāṣaṇāya ca |
saṃprāptā śapathaiḥ kṛcchrāttaṃ viśvāsya nakhāyudham || 33 ||
[Analyze grammar]

dṛṣṭaḥ saṃbhāṣitaḥ putraḥ śāsitaśca mayā hi saḥ |
adhunā bhavatīnāṃ ca pradattaḥ putrako yathā || 34 ||
[Analyze grammar]

ajñānājjñānato vāpi bhavatīnāṃ mayā kṛtam |
yatkiṃcidduṣkṛtaṃ bhadrāstatkṣaṃtavyaṃ prasādataḥ || 35 ||
[Analyze grammar]

anātho hyabalo dīnaḥ kṣīrapo mama bālakaḥ |
mātṛśokābhisaṃtaptaḥ pālyaḥ sarvābhireva saḥ || 36 ||
[Analyze grammar]

bhramamāṇo'same sthāne vrajamāno'nyagokule |
akāryeṣu ca saṃsakto nivāryaḥ sarvadā'darāt || 37 ||
[Analyze grammar]

ahaṃ tatra gamiṣyāmi sa vyāghro yatra saṃsthitaḥ |
apaścimapraṇāmo'yaṃ sarvāsāṃ vihito mayā || 38 ||
[Analyze grammar]

dhenava ūcuḥ |
na gaṃtavyaṃ tvayā tatra kathaṃcidapi naṃdini |
āpaddharmaṃ na vetsi tvaṃ nūnaṃ yena pragacchasi || 39 ||
[Analyze grammar]

na narmayuktaṃ vacanaṃ hinasti na strīṣu jātirna vivāhakāle |
prāṇātyaye sarvadhanāpahāre paṃcānṛtānyāhurapātakāni || 40 ||
[Analyze grammar]

tasmāttatra na gaṃtavyaṃ doṣo nāstyatra te śubhe |
pālayasva nijaṃ putraṃ vrajāsmābhirnijaṃ gṛham || 41 ||
[Analyze grammar]

naṃdinyuvāca |
pareṣāṃ prāṇayātrārthaṃ tatkartuṃ yujyate śubhāḥ |
ātmaprāṇahitārthāya na sādhūnāṃ praśasyate || 42 ||
[Analyze grammar]

satye pratiṣṭhito loko dharmaḥ satye pratiṣṭhitaḥ |
udadhiḥ satyavākyena maryādāṃ na vilaṃghayet || 43 ||
[Analyze grammar]

viṣṇave pṛthivīṃ dattvā baliḥ pātālamāśritaḥ |
satyavākyaṃ samāśritya na niṣkrāmati daityapaḥ || 44 ||
[Analyze grammar]

yaḥ svaṃ vākyaṃ pratijñāya na karoti yathoditam |
kiṃ tena na kṛtaṃ pāpaṃ caureṇākṛta buddhinā || 45 ||
[Analyze grammar]

sakhya ūcuḥ |
tvaṃ naṃdini namaskāryā sarverapi surāsuraiḥ |
yā tvaṃ satyapratiṣṭhārthaṃ prāṇāṃstyajasi dustyajān || 46 ||
[Analyze grammar]

kiṃ tvāṃ kalyāṇi vakṣyāmaḥ svayaṃ dharmārthavādinīm |
savareṃpi guṇairyuktā nityaṃ satye pratiṣṭhitām || 47 ||
[Analyze grammar]

tasmādgaccha mahābhāge na śocyaḥ putrakastava |
bhavatyā yadvayaṃ proktāstatkariṣyāma eva hi || 48 ||
[Analyze grammar]

etatpunarvayaṃ vidmaḥ sadā satyavatāṃ nṛṇām |
na niṣphalaḥ kriyāraṃbhaḥ kathaṃcidapi jāyate || 49 ||
[Analyze grammar]

sūta uvāca |
evaṃ saṃbhāṣya taṃ sarvaṃ naṃdinī svasakhījanam |
prasthitā vyāghramuddiśya putraśokena pīḍitā || 50 ||
[Analyze grammar]

śokāgnināpi saṃtaptā nirāśā putradarśane |
viyuktā cakravākīva lateva patitā taroḥ || 51 ||
[Analyze grammar]

aṃdheva dṛṣṭinirmuktā praskhalaṃtī padepade |
vanādhidevatāḥ sarvāḥ prā'rthayacca sutārthataḥ || 52 ||
[Analyze grammar]

prasuptaṃ bhramamāṇaṃ vā mama putraṃ subālakam |
vanādhidevatāḥ sarvā rakṣaṃtu vacanānmama || 53 ||
[Analyze grammar]

evaṃ pralapya manasā saṃprāptā tatra yatra saḥ |
āste visphūrjitāsyaśca tīkṣṇadaṃṣṭro bhayāvahaḥ || 54 ||
[Analyze grammar]

vyāghraḥ kṣutkṣāmakaṇṭhaśca tasyā mārgāvalokakaḥ |
saṃraṃbhāṭopasaṃyuktaḥ sṛkkiṇī parilehayan || 55 ||
[Analyze grammar]

naṃdinyuvāca |
āgatāhaṃ mahāvyāghra satye ca śapathe sthitā |
kuru tṛptiṃ yathākāmaṃ mama māṃsena sāṃpratam || 56 ||
[Analyze grammar]

tāṃ dṛṣṭvā so'pi duṣṭātmā vairāgyaṃ paramaṃ gataḥ |
satyāśayā punaḥ prāptā saṃtyajya prāṇajaṃ bhayam || 57 ||
[Analyze grammar]

vyāghra uvāca |
svāgataṃ tava kalyāṇi sudheno satyavādini |
na hi satyavatāṃ kiṃcidaśubhaṃ vidyate kvacit || 58 ||
[Analyze grammar]

tvayoktaṃ śapathairbhadre āgamiṣyāmyahaṃ punaḥ |
tena me kautukaṃ jātaṃ kimeṣā prakariṣyati || 59 ||
[Analyze grammar]

so'haṃ bhadre durācāro nṛśaṃso jīvaghātakaḥ |
yāsyāmi narakaṃ ghoraṃ karmaṇānena sarvadā || 60 ||
[Analyze grammar]

tasmāttvaṃ me mahābhāge pāpāsyātidurātmanaḥ |
upadeśapradānena prasādaṃ kartumarhasi || 61 ||
[Analyze grammar]

yena me syātparaṃ śreya iha loke paratra ca |
na te'styaviditaṃ kiṃcitsatyācārānmatirmama || 62 ||
[Analyze grammar]

tasmāttvaṃ dharmasarvasvaṃ saṃkṣepānmama kīrtaya |
satsaṃgamaphalaṃ yena mama saṃjāyate'khilam || 63 ||
[Analyze grammar]

naṃdinyuvāca |
tapaḥ kṛte praśaṃsaṃti tretāyāṃ dhyānameva ca |
dvāpare yajñayogaṃ ca dānamekaṃ kalau yuge |
sarveṣāmeva dānānāṃ nāsti dānamataḥ param || 64 ||
[Analyze grammar]

carācarāṇāṃ bhūtānāmabhayaṃ yaḥ prayacchati |
sa sarvabhayanirmuktaḥ paraṃ brahmā dhigacchati || 65 ||
[Analyze grammar]

vyāghra uvāca |
anyeṣāṃ caiva bhūtānāṃ taddānaṃ yujyate śubhe |
ahiṃsayā bhavedyeṣāṃ prāṇayātrānnapūrvakam || 66 ||
[Analyze grammar]

na hiṃsayā vinā'smākaṃ yataḥ syātprāṇadhāraṇam |
tasmādbrūhi mahābhāge kiñcinmama sukhāvaham |
upadeśaṃ sudharmāya hiṃsakasyāpi dehinām || 67 ||
[Analyze grammar]

nandinyuvāca |
atrāsti sumahalliṃgaṃ purā bāṇapratiṣṭhitam |
gahane yatprabhāvena tvayā muktāsmyahaṃ dhruvam || 68 ||
[Analyze grammar]

tasya tvaṃ prātarutthāya kuru nityaṃ pradakṣiṇām |
praṇāmaṃ ca tataḥ siddhiṃ vāṃchitāṃ samavāpsyasi || 69 ||
[Analyze grammar]

nānyasya karmaṇaḥ śaktirvidyate te nakhāyudha |
pūjādikasya hīnatvāddhastābhyāmiti me matiḥ || 70 ||
[Analyze grammar]

evamuktvātha sā dhenurvyāghrasyātha vanāṃtike |
talliṃgaṃ darśayāmāsa puraḥ sthitvā dvijottamāḥ || 71 ||
[Analyze grammar]

so'pi saṃdarśanāttasya tatkṣaṇānmuktimāptavān |
vyāghratvātpārthivo bhūyaḥ sa babhūva yathā purā || 72 ||
[Analyze grammar]

śāpaṃ durvāsasā dattaṃ rājyaṃ svaṃ sahitaiḥ sutaiḥ |
sasmāra sa nṛpaśreṣṭhastataḥ provāca naṃdinīm || 73 ||
[Analyze grammar]

nṛpaḥ kalaśanāmāhaṃ haihayānvayasaṃbhavaḥ |
śapto durvāsasā pūrvaṃ kasmiṃścitkāraṇāṃtare || 74 ||
[Analyze grammar]

tataḥ prasāditenoktastenāhaṃ naṃdinī yadā |
darśayiṣyati talliṃgaṃ tadā muktirbhaviṣyati || 75 ||
[Analyze grammar]

sā nūnaṃ nandinī tvaṃ hi jñātā śāpāntato mayā |
tattvaṃ brūhi pradeśo'yaṃ katamo varadhenuke || 76 ||
[Analyze grammar]

yena gacchāmyahaṃ bhūyaḥ svagṛhaṃ prati satvaram |
mārgaṃ dṛṣṭvā mahābhāge mānuṣaṃ prāpya kañcana || 77 ||
[Analyze grammar]

naṃdinyuvāca |
camatkārapurakṣetrametatpātakanāśanam |
sarvatīrthamayaṃ rājansarvakāmapradāyakam || 78 ||
[Analyze grammar]

yadanyatra bhavecchreyo vatsareṇa tapasvinām |
dinenaivātra tatsamyagjāyate nātra saṃśayaḥ || 79 ||
[Analyze grammar]

evaṃ matvā mayā liṃgaṃ snāpitaṃ payasā sadā |
etadyūthaṃ parityajya bhaktyā pūtena cetasā || 80 ||
[Analyze grammar]

rājovāca |
gaccha nandini bhadraṃ te nijaṃ prāpnuhi bālakam |
gokulaṃ ca sakhīḥ svāśca tathānyaṃ ca suhṛjjanam || 81 ||
[Analyze grammar]

etatkṣetraṃ mayā pūrvaṃ brāhmaṇānāṃ mukhācchrutam |
vāṃchitaṃ ca sadā praṣṭuṃ na ca draṣṭuṃ prapāritam || 82 ||
[Analyze grammar]

rājyakarmaprasaktena bhogāsaktena naṃdini |
svayamevādhunā labdhaṃ nāhaṃ santyaktumutsahe || 83 ||
[Analyze grammar]

diṣṭyā me muninā tena dattaḥ śāpo mahātmanā |
kathaṃ syādanyathā prāptiḥ kṣetrasyāsya suśobhane || 84 ||
[Analyze grammar]

sūta uvāca |
evamuktvā mahīpālo nandinīṃ tāṃ visṛjya ca |
sthitastatraiva talliṃgaṃ dhyāyamāno divāniśam || 85 ||
[Analyze grammar]

prāsādaṃ tatkṛte mukhyaṃ vidhāyādbhutadarśanam |
kailāsaśikharākāraṃ tapastepe tadagrataḥ || 86 ||
[Analyze grammar]

tatastasya prabhāvena svalpaireva dinairdvijāḥ |
saṃprāptaḥ paramāṃ siddhiṃ durlabhāṃ yājñikairapi || 87 ||
[Analyze grammar]

tatra yaḥ kārtike māsi dīpakaṃ saṃprayacchati |
sarvapāpavinirmuktaḥ śivaloke mahīyate || 88 ||
[Analyze grammar]

mārgaśīrṣe ca samprāpte gītanṛtyādikaṃ naraḥ |
tadagre kurute bhaktyā sa gacchati parāṃ gatim || 89 ||
[Analyze grammar]

etadvaḥ sarvamākhyātaṃ sarvapātakanāśanam |
kalaśeśvaramāhātmyaṃ vistareṇa dvijottamāḥ || 90 ||
[Analyze grammar]

bhaktyā paṭhati yaścaitacchraddhayā parayā yutaḥ |
so'pi pāpavinirmuktaḥ śivaloke mahīyate || 91 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye kalaśeśvaramāhātmyavarṇanaṃnāmaikonapaṃcāśattamo' dhyāyaḥ || 51 ||
[Analyze grammar]