Chapter 52

[English text for this chapter is available]

| sūta uvāca |
umāmaheśvarau tatra sthāpitau tena bhūbhujā |
prāsādaṃ paramaṃ kṛtvā sādhudṛṣṭisukhapradam || 1 ||
[Analyze grammar]

tasyāgrataḥ śubhaṃ kuṃḍaṃ tatra caiva vinirmitam |
svacchodakena sampūrṇaṃ padminīkhaṃḍamaṃḍitam || 2 ||
[Analyze grammar]

snātvā tatra naro bhaktyā tau paśyedyaḥ samāhitaḥ |
māghaśuklacaturdaśyāṃ na sa bhūyo'tra jāyate || 3 ||
[Analyze grammar]

tasyaiva pūrvadigbhāge'gastyakuṇḍasamīpataḥ |
asti vāpī mahāpuṇyā sarvapātakanāśinī || 4 ||
[Analyze grammar]

tasyāṃ yaḥ kurute snānaṃ māsi vai phālgune naraḥ |
sopavāsaḥ sitāṣṭamyāṃ vāṃchitaṃ labhate ca saḥ || 5 ||
[Analyze grammar]

tasyā dakṣiṇadigbhāge tatrāsti kapilā nadī |
kapilo yatra saṃprāptaḥ siddhiṃ sāṃkhyasamudbhavām || 6 ||
[Analyze grammar]

kapilāyāśca pūrveṇa siddhakṣetraṃ prakīrtitam |
yatra siddhiṃ gatāḥ siddhāḥ purā śata sahasraśaḥ || 7 ||
[Analyze grammar]

yo yaṃ kāmamabhidhyāya tapastatra samācaret |
ṣaṇmāsābhyaṃtare nūnaṃ sa tamāpnoti mānavaḥ || 8 ||
[Analyze grammar]

tasyādhastācchilā viprā vidyate vaiṣṇavī śubhā |
bhramantī caturasrā ca sarvapātakanāśinī || 9 ||
[Analyze grammar]

sadā mahānadītoyakṣālitā muktidā nṛṇām |
gaṃgāyamunayormadhye saṃniviṣṭā sarasvatī || 10 ||
[Analyze grammar]

triveṇī vahate tasyāḥ purato bhuktimuktidā |
tasyāmupari dagdhānāṃ brāhmaṇānāṃ viśeṣataḥ || 11 ||
[Analyze grammar]

nūnaṃ muktirbhavetteṣāṃ citā bhasmani goṣpadam |
dṛśyate tatra tajjñātvā saṃskāryā brāhmaṇā mṛtāḥ || 12 ||
[Analyze grammar]

tasyaivottaradigbhāge rudrakoṭirdvijottamāḥ |
asti saṃpūjitā viprai rdākṣiṇātyairmahātmabhiḥ || 13 ||
[Analyze grammar]

mahāyogisvarūpeṇa dākṣiṇātyā dvijottamāḥ |
camatkārapure kṣetre śrutvā svayamumāpatim || 14 ||
[Analyze grammar]

tataḥ kautūhalāviṣṭāḥ śraddhayā parayā yutāḥ |
koṭisaṃkhyā drutaṃ jagmustasya darśanavāṃchayā || 15 ||
[Analyze grammar]

ahaṃpūrvamahaṃpūrvaṃ vīkṣayiṣyāmi taṃ haram |
iti śraddhāsamo petāścakruste śapathaṃ gatāḥ || 16 ||
[Analyze grammar]

eteṣāṃ madhyato yastaṃ mahāyoginamīśvaram |
caramaṃ devamīkṣeta bhaviṣyati sa pāpakṛt || 17 ||
[Analyze grammar]

tatasteṣāmabhiprāyaṃ jñātvā devo maheśvaraḥ |
bhaktiprīto hitārthāya koṭirūpairvyavasthitaḥ || 18 ||
[Analyze grammar]

helayā darśanaṃ prāptaḥ sarveṣāṃ dvijasattamāḥ |
tataḥ prabhṛti tatsthānaṃ rudrakoṭītiviśrutam || 19 ||
[Analyze grammar]

tadarthaṃ paṭhitaḥ śloko nāradena purā dvijāḥ |
rudrāvartaṃ samālokya prahṛṣṭena dvijottamāḥ || 20 ||
[Analyze grammar]

āṣāḍhīṃ kārtikīṃ māghīṃ tathā caitrasamudbhavām |
dhanyāḥ pṛthivyāṃ lapsyaṃte rudrāvarte caturdaśīm || 21 ||
[Analyze grammar]

ājanmaśatasāhasraṃ kṛtvā pāpaṃ naraḥ kṣitau |
rudrāvartaṃ samālokya vipāpmatvaṃ prapadyate || 22 ||
[Analyze grammar]

rudrāvartte naro gatvā dṛṣṭvā yogeśvaraṃ haram |
śuklapakṣe caturdaśyāṃ vipāpmā jāyate dhruvam || 23 ||
[Analyze grammar]

yastatra kurute śrāddhaṃ mahāyogipure dvijāḥ |
rudrāvarte sa cāpnoti phalaṃ śatamakhodbhavam || 24 ||
[Analyze grammar]

upavāsaparo bhūtvā yaḥ kuryādrātrijāgaram |
kāmagena vimānena sa svarge yāti mānavaḥ || 25 ||
[Analyze grammar]

tatra yaḥ kapilāṃ dadyādbrāhmaṇāyāhitāgnaye |
sa gaṇaḥ syānna saṃdeho harasya dayitastathā || 26 ||
[Analyze grammar]

ṣaḍakṣaraṃ japedyastu mahāyogipuraḥ sthitaḥ |
maṃtraṃ tasya bhavecchreyaḥ ṣaṅguṇaṃ rājasūyataḥ || 27 ||
[Analyze grammar]

yastasya purato bhaktyā japedvā śatarudriyam |
caturṇāmapi vedānāṃ so'dhītānāṃ bhajetphalam || 28 ||
[Analyze grammar]

gītaṃ vā yadi vā nṛtyaṃ tatpuraḥ kurute naraḥ |
sa sarveṣāṃ bhajecchreyo makhānāṃ nātra saṃśayaḥ || 29 ||
[Analyze grammar]

evamuktvā dvijaśreṣṭhāḥ sa munirbrahmasaṃbhavaḥ |
virarāma tato hṛṣṭastīrthayātrāṃ gato drutam || 30 ||
[Analyze grammar]