Chapter 50

[English text for this chapter is available]

| evaṃ tasya narendrasya vyāghrarūpasya kānane |
jagāma sumahānkālo nighnato vividhāndvija || 1 ||
[Analyze grammar]

kasyacittvatha kālasya tasmindeśe dvijottamāḥ |
ā yātaṃ gokulaṃ ramyaṃ gopagopīsamākulam || 2 ||
[Analyze grammar]

tatrāsti nandinīnāma dhenuḥ pīnapayodharā |
vistīrṇajaghanābhogā haṃsavarṇā ghaṭasravā || 3 ||
[Analyze grammar]

atha sā nijayūthasya sadāgre tṛṇavāṃchayā |
bhramamāṇā nikuñjāṃte liṃgaṃ devasya śūlinaḥ || 4 ||
[Analyze grammar]

apaśyattejasā yuktaṃ svayameva vyavasthitam |
dvādaśārkapratīkāśaṃ cittāhlādakaraṃ param || 5 ||
[Analyze grammar]

tatastasyopari sthitvā susrāva sumahatpayaḥ |
śraddhayā parayā yuktā tasya snānakṛte dvijāḥ || 6 ||
[Analyze grammar]

evaṃ tāṃ snapanaṃ tasya sadā liṃgasya kurvatīm |
na jānāti janaḥ kaścidvane vṛkṣasamākule || 7 ||
[Analyze grammar]

anyasmindivase tatra sthāne vyāghraḥ samāgataḥ |
tīkṣṇadaṃṣṭro mahākāyaḥ sarvajantubhayāvahaḥ || 8 ||
[Analyze grammar]

atha sā tatra āyātā patitā dṛṣṭigocare |
nandinī dvīpinastasya daivayogāddvijottamāḥ || 9 ||
[Analyze grammar]

tataḥ sā gokule baddhaṃ smṛtvā svaṃ laghuvatsakam |
atṛṇādaṃ payovṛttiṃ karuṇaṃ paryadevayat || 10 ||
[Analyze grammar]

adyaikāhaṃ ca saṃprāptā kānane janavarjite |
putraṃ bālaṃ parityajya gopairgoṣṭhe niyaṃtritam || 11 ||
[Analyze grammar]

yena satyena bhaktyādya snapanāyāhamāgatā |
śivasya tena satyena bhūyānme sutasaṃgamaḥ || 12 ||
[Analyze grammar]

evaṃ sā karuṇaṃ yāvannandinī vilapatyalam |
tāvadvyāghraḥ smitaṃ kṛtvā provāca paruṣākṣaram || 13 ||
[Analyze grammar]

vyāghra uvāca |
pralāpānkiṃ mudhā dheno karoṣi vaśagā mama |
tasmādiṣṭatamaṃ devaṃ smara svargakṛte śubhe || 14 ||
[Analyze grammar]

dhenuruvāca |
nāhamātmakṛte vyāghra vilapāmi suduḥ khitā |
śivārcanakṛte mṛtyurmama jātaḥ śubhāvahaḥ || 15 ||
[Analyze grammar]

vatso me gokule baddhaḥ smaramāṇo mamāgamam |
santiṣṭhate payovṛttiḥ kathaṃ syātsa mayā vinā || 16 ||
[Analyze grammar]

etasmātkāraṇādvyāghra vilapāmi suduḥkhitā |
na cātmajīvanārthāya satyenātmānamālabhe || 17 ||
[Analyze grammar]

tasmānmuṃca mahāvyāghra māṃ sadyaḥ sutavatsalām |
sakhījanasya taṃ dattvā samāgacchāmi teṃtikam || 18 ||
[Analyze grammar]

vyāghra uvāca |
kathaṃ mṛtyumukhaṃ prāpya niṣkramya ca kathañcana |
bhūyastatraiva niryāsi tasmāttvāṃ bhakṣayāmyaham || 19 ||
[Analyze grammar]

nandinyuvāca |
śapathairāgamiṣyāmi yaiḥ punarvyāghra teṃ'tikam |
tānākarṇaya me vaktrāttato yuktaṃ samācara || 20 ||
[Analyze grammar]

yatpāpaṃ brahmahatyāyāṃ mātāpitrośca vaṃcane |
tena pāpena lipyehaṃ nāgacchāmi punaryadi || 21 ||
[Analyze grammar]

vivastraṃ snānasaktānāṃ divāmaithunagāminām |
yatpāpaṃ tena lipye'haṃ nāgacchāmi punaryadi || 22 ||
[Analyze grammar]

rajasvalānusaktānāṃ yatpāpaṃ nagnaśāyinām |
tena pāpena lipye'haṃ nāgacchāmi punaryadi || 23 ||
[Analyze grammar]

viśvāsaghātakānāṃ ca kṛtaghnānāṃ ca yadbhavet |
tena pāpena lipye'haṃ nāgacchāmi punaryadi || 24 ||
[Analyze grammar]

gokanyābrāhmaṇānāṃ ca dūṣakānāṃ ca yadbhavet |
tena pāpena lipye'haṃ nāgacchāmi punaryadi || 25 ||
[Analyze grammar]

vṛthāpākaprakartṛṇāṃ vṛthāmāṃsāśināṃ ca yat |
tena pāpena lipye'haṃ nāgacchāmi punaryadi || 26 ||
[Analyze grammar]

vratabhaṃgaprakartṛṇāmanṛtau gāmināṃ ca yat |
tena pāpena lipye'haṃ nāgacchāmi punaryadi || 27 ||
[Analyze grammar]

paiśunyasūcakānāṃ ca yatpāpaṃ śastrakarmaṇām |
tena pāpena lipye'haṃ nāgacchāmi punaryadi || 28 ||
[Analyze grammar]