Chapter 184

[English text for this chapter is available]

adhyāya || 184 ||
[Analyze grammar]

śrīmārkaṇḍeya uvāca |
dhautapāpaṃ tato gacchedbhṛgutīrthasamīpataḥ |
vṛṣeṇa tu bhṛgustatra bhūyobhūyo dhutastataḥ || 1 ||
[Analyze grammar]

dhautapāpaṃ tu tattena nāmnā lokeṣu viśrutam |
tatra sthito mahādevastuṣṭyarthaṃ bhṛgusattame || 2 ||
[Analyze grammar]

tatra tīrthe tu yaḥ snātvā śāṭhyenāpi nareśvara |
mucyate sarvapāpebhyo nātra kāryā vicāraṇā || 3 ||
[Analyze grammar]

yastu samyagvidhānena tatra snātvārcayecchivam |
devānpitṝnsamabhyarcya mucyate sarvapātakaiḥ || 4 ||
[Analyze grammar]

brahmahatyā gavāṃ vadhyā tatra tīrthe yudhiṣṭhira |
praviśenna sadā bhītā praviṣṭāpi kṣayaṃ vrajet || 5 ||
[Analyze grammar]

yudhiṣṭhira uvāca |
āścaryabhūtaṃ loke'sminkathayasva dvijottama |
praviśenna brahmahatyā yathā vai dhautapāpmani || 6 ||
[Analyze grammar]

brahmahatyāsamaṃ pāpaṃ bhavitā neha kiṃcana |
kathaṃ vā dhautapāpe tu praviṣṭaṃ naśyate dvija |
etadvistarataḥ sarvaṃ pṛcchāmi vada kautukāt || 7 ||
[Analyze grammar]

mārkaṇḍeya uvāca |
ādisarge purā śambhurbrahmaṇaḥ parameṣṭhinaḥ |
vikāraṃ pañcamaṃ dṛṣṭvā śiro'śvamukhasannibham || 8 ||
[Analyze grammar]

aṅguṣṭhāṅguliyogena tacchirastena kṛntitam |
kṛttamātre tu śirasi brahmahatyā'bhavattadā || 9 ||
[Analyze grammar]

brahmahatyāyutaścāsīduttare narmadātaṭe |
dhunitaṃ tu yato rājanvṛṣeṇa dharmamūrtinā || 10 ||
[Analyze grammar]

tatra dhauteśvarīṃ devīṃ sthāpitāṃ vṛṣabheṇa tu |
dadarśa bhagavāñchambhuḥ sarvadaivatapūjitām || 11 ||
[Analyze grammar]

dṛṣṭvā dhauteśvarīṃ durgāṃ brahmahatyāvināśinīm |
tatra viśramamāṇaśca śaṅkarastripurāntakaḥ || 12 ||
[Analyze grammar]

sa śaṅkaro brahmahatyāvihīnaṃ mene tmānaṃ tasya tīrthasya bhāvāt |
suvismito devadevo vareṇyo dṛṣṭvā dūre brahmahatyāṃ ca tīrthāt || 13 ||
[Analyze grammar]

vidhautapāpaṃ mahitaṃ dharmaśaktyā viśenna hatyā devībhayātprabhītā |
raktāmbarā raktamālyopayuktā kṛṣṇā nārī raktadāmaprasaktā || 14 ||
[Analyze grammar]

māṃ vāñchantī skandhadeśaṃ rahasye dūre sthitā tīrthavaryaprabhāvāt |
saṃcintya devo manasā smarārirvāsāya buddhiṃ tatra tīrthe cakāra || 15 ||
[Analyze grammar]

vimṛśya devo bahuśaḥ sthitaḥ svayaṃ vidhautapāpaḥ prathitaḥ pṛthivyām |
babhūva tatraiva nivāsakārī vidhūtapāpanikaṭapradeśe || 16 ||
[Analyze grammar]

tadāprabhṛti rājendra brahmahatyāvināśanam |
vidhautapāpaṃ tattīrthaṃ narmadāyāṃ vyavasthitam || 17 ||
[Analyze grammar]

āśvayukśuklanavamī tatra tīrthe viśiṣyate |
dinatrayaṃ tu rājendra saptamyādiviśeṣataḥ || 18 ||
[Analyze grammar]

samupoṣyāṣṭamīṃ bhaktyā sāṅgaṃ vedaṃ paṭhettu yaḥ |
ahorātreṇa caikena ṛgyajuḥsāmasaṃjñakam || 19 ||
[Analyze grammar]

abhyasanbrahmahatyāyā mucyate nātra saṃśayaḥ |
vṛṣalīgamanaṃ caiva yaśca gurvaṅganāgamaḥ || 20 ||
[Analyze grammar]

snātvā brahmarasotkṛṣṭe kumbhenaiva pramucyate |
vandhyā strījananī yā tu kākavandhyā mṛtaprajā || 21 ||
[Analyze grammar]

sāpi kumbhodakaiḥ snātā jīvatputrā prajāvatī |
apaṭhastu naropoṣya ṛgyajuḥsāmasambhavām || 22 ||
[Analyze grammar]

ṛcamekāṃ japanviprastathā parvaṇi yo nṛpa |
anṛcopoṣya gāyatrīṃ japedvai vedamātaram || 23 ||
[Analyze grammar]

japannavamyāṃ viprendro mucyate pāpasañcayāt |
evaṃ tu kathitaṃ tāta purāṇoktaṃ maharṣibhiḥ || 24 ||
[Analyze grammar]

dhautapāpaṃ mahāpuṇyaṃ śivena kathitaṃ mama |
prāṇatyāgaṃ tu yaḥ kuryājjale vāgnau sthale'pi vā || 25 ||
[Analyze grammar]

sa gacchati vimānena jvalanārkasamaprabhaḥ |
haṃsabarhiprayuktena sevyamāno'psarogaṇaiḥ || 26 ||
[Analyze grammar]

śivasya paramaṃ sthānaṃ yatsurairapi durlabham |
krīḍate svecchayā tatra yāvaccandrārkatārakam || 27 ||
[Analyze grammar]

dhautapāpe tu yā nārī kurute prāṇasaṃkṣayam |
tatkṣaṇādeva sā pārtha puruṣatvamavāpnuyāt || 28 ||
[Analyze grammar]

atha kiṃ bahunoktena śubhaṃ vā yadi vāśubham |
tadakṣayaphalaṃ sarvaṃ dhautapāpe kṛtaṃ nṛpa || 29 ||
[Analyze grammar]

saṃnyasenniyamenānnaṃ saṃnyasedviṣayādikam |
phalamūlādikaṃ caiva jalamekaṃ na saṃtyajet || 30 ||
[Analyze grammar]

evaṃ yaḥ kurute pārtha rudralokaṃ sa gacchati |
tatra bhuktvākhilānbhogāñjāyate bhuvi bhūpatiḥ || 31 ||
[Analyze grammar]