Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 183

< Previous

Next >

[English text for this chapter is available]

adhyāya || 183 ||
[Analyze grammar]

śrīmārkaṇḍeya uvāca |
ataḥ paraṃ mahārāja gacchetkedārasaṃjñakam |
yatra gatvā mahārāja śrāddhaṃ kṛtvā pibejjalam |
sampūjya devadeveśaṃ kedārotthaṃ phalaṃ labhet || 1 ||
[Analyze grammar]

yudhiṣṭhira uvāca |
kathamatra suraśreṣṭha kedārākhyaḥ sthitaḥ svayam |
uttare narmadākūle etadvistarato vada || 2 ||
[Analyze grammar]

śrīmārkaṇḍeya uvāca |
purā kṛtayugasyādau śaṅkarastu maheśvaraḥ |
bhṛguṇārādhitaḥ śaptaḥ śriyā ca bhṛgukacchake || 3 ||
[Analyze grammar]

apavitramidaṃ kṣetraṃ sarvavedavivarjitam |
bhaviṣyati nṛpaśreṣṭha gatetyuktvā haripriyā || 4 ||
[Analyze grammar]

tapaścacāra vipulaṃ bhṛgurvarṣasahasrakam |
vāyubhakṣo nirāhāraściraṃ dhamanisaṃtataḥ || 5 ||
[Analyze grammar]

tataḥ pratyakṣatāmāgālliṅgībhūto maheśvaraḥ |
prādurbhūtastu sahasā bhittvā pātālasaptakam || 6 ||
[Analyze grammar]

dadarśātha bhṛgurdevamautpalīṃ kelikāmiva |
stutiṃ cakre sa devāya sthāṇave tryambaketi ca || 7 ||
[Analyze grammar]

evaṃ stutaḥ sa bhagavān provāca prahasanniva |
punaḥ punarbhṛguṃ mattaḥ kiṃtu prārthayase mune || 8 ||
[Analyze grammar]

bhṛguruvāca |
pañcakrośamidaṃ kṣetraṃ padmayā śāpitaṃ vibho |
upavitramidaṃ kṣetraṃ sarvavedavivarjitam |
bhaviṣyatīti ca procya gatā devī vidaṃ prati || 9 ||
[Analyze grammar]

punaḥ pavitratāṃ yāti yathedaṃ kṣetramuttamam |
tathā kuru maheśāna prasanno yadi śaṅkara || 10 ||
[Analyze grammar]

īśvara uvāca |
kedārākhyamidaṃ brahmaṃlliṅgamādyaṃ bhaviṣyati |
kṛtvedamādiliṅgāni bhaviṣyanti daśaiva hi || 11 ||
[Analyze grammar]

ekādaśamadṛśyaṃ hi kṣetramadhye bhaviṣyati |
pāvayiṣyati tatkṣetramekādaśaḥ svayaṃ vibhuḥ || 12 ||
[Analyze grammar]

tathā vai dvādaśādityā matprasādāttu mūrtitaḥ |
vasiṣyanti bhṛgukṣetre rogaduḥkhanibarhaṇāḥ || 13 ||
[Analyze grammar]

durgāḥ hyaṣṭādaśa tathā kṣetrapālāstu ṣoḍaśa |
bhṛgukṣetre bhaviṣyanti vīrabhadrāśca mātaraḥ || 14 ||
[Analyze grammar]

pavitrīkṛtametaddhi nityaṃ kṣetraṃ bhaviṣyati |
nāghamāse hyuṣaḥkāle snātvā māsaṃ jitendriyaḥ || 15 ||
[Analyze grammar]

yaḥ pūjayati kedāraṃ sa gacchecchivamandiram |
tasmiṃstīrthe naraḥ snātvā pitḥnuddiśya bhārata |
śrāddhaṃ dadāti vidhivattasya prītāḥ pitāmahāḥ || 16 ||
[Analyze grammar]

iti te kathitaṃ samyakkedārākhyaṃ savistaram |
sarvapāpaharaṃ puṇyaṃ sarvaduḥkhapraṇāśanam || 17 ||
[Analyze grammar]