Chapter 49

[English text for this chapter is available]

vyāsa uvāca |
śṛṇu sūta yathā proktaṃ kuṃbhaje śarajanmanā |
devadevasya caritaṃ viśveśasya parātmanaḥ || 1 ||
[Analyze grammar]

agastya uvāca |
senānīḥ kathaya tvaṃ me tato nirvāṇamaṃḍapāt |
nirgatya devo deveṃdraiḥ sahitaḥ kiṃ cakāra ha || 2 ||
[Analyze grammar]

skaṃda uvāca |
muktimaṃḍapataḥ śaṃbhurbrahmaviṣṇupurogamaḥ |
śṛṃgāramaṃḍapaṃ prāpya yaccakāra vadāmi tat || 3 ||
[Analyze grammar]

prāṅmukhastūpaviśyeśaḥ sahāsmābhiḥ saheśayā |
brahmaṇādhiṣṭhitaḥ savye vāmapārśvetha śārṅgiṇā || 4 ||
[Analyze grammar]

vījyamāno maheṃdreṇa ṛṣibhiḥ parito vṛtaḥ |
gaṇaiḥ pṛṣṭhapradeśasthairjoṣaṃ tiṣṭhadbhirādarāt || 5 ||
[Analyze grammar]

udāyudhaiḥ sevyamānaścāvasanmānabhūribhiḥ |
brahmaṇe viṣṇave śaṃbhuḥ pāṇimutkṣipya dakṣiṇam || 6 ||
[Analyze grammar]

darśayāmāsa deveśo liṃgaṃ paśyata paśyata |
idameva paraṃ jyotiridameva parātparam || 7 ||
[Analyze grammar]

idameva hi me rūpaṃ sthāvaraṃ cāti siddhidam |
ete pāśupatā siddhā ābāla brahmacāriṇaḥ || 8 ||
[Analyze grammar]

jiteṃdriyāstaponiṣṭhāḥ paṃcārthajñānanirmalāḥ |
bhasmakūṭaśayā dātāḥ suśīlā ūrdhvaretasaḥ || 9 ||
[Analyze grammar]

liṃgārcanaratā nityamananyeṃdriyamānasāḥ |
sadaiva vāruṇāgneya snānadvaya sunirmalāḥ || 10 ||
[Analyze grammar]

kaṃdamūlaphalāhārāḥ paratattvārpitekṣaṇāḥ |
satyavaṃto jitakrodhā nirmohā niṣparigrahāḥ || 11 ||
[Analyze grammar]

nirīhā niṣprapaṃcāśca nirātaṃkā nirāmayāḥ |
nirbhagā nirupāyāśca niḥsaṃgā nirmalāśayāḥ || 12 ||
[Analyze grammar]

nistīrṇodagrasaṃsārā nirvikalpā nirenasaḥ |
nirdvaṃdvā niścitārthāśca nirahaṃkāravṛttayaḥ || 13 ||
[Analyze grammar]

sadaiva me mahāprītā matputrā matsvarūpiṇaḥ |
ete pūjyā namasyāśca madbuddhyāmatparāyaṇaiḥ || 14 ||
[Analyze grammar]

arciteṣveṣvahaṃ prīto bhaviṣyāmi na saṃśayaḥ |
asminvaiśveśvare kṣetre saṃbhojyāḥ śivayoginaḥ || 15 ||
[Analyze grammar]

koṭibhojyaphalaṃ samyagekaika parisaṃkhyayā |
ayaṃ viśveśvaraḥ sākṣātsthāvarātmā jagatprabhuḥ || 16 ||
[Analyze grammar]

sarveṣāṃ sarvasiddhīnāṃ kartā bhaktijuṣāmiha |
ahaṃ kadāciddṛśyaḥ syāmadṛśyaḥ syāṃ kadācana || 17 ||
[Analyze grammar]

ānaṃdakānane cātra svairaṃ tiṣṭhāmi devatāḥ |
anugrahāya sarveṣāṃ bhaktānāmiha sarvadā || 18 ||
[Analyze grammar]

sthāsyāmi liṃgarūpeṇa ciṃtitārthaphalapradaḥ |
svayaṃbhūnyasvayaṃbhūni yāni liṃgāni sarvataḥ |
tāni sarvāṇi cāyāṃti draṣṭuṃ liṃgamidaṃ sadā || 19 ||
[Analyze grammar]

ahaṃ sarveṣu liṃgeṣu tiṣṭhā्myeva na saṃśayaḥ |
paraṃ tviyaṃ parāmūrtirmama liṃgasvarūpiṇī || 20 ||
[Analyze grammar]

yena liṃgamidaṃ dṛṣṭaṃ śraddhayā śuddhacakṣuṣā |
sākṣātkāreṇa tenāhaṃ dṛṣṭa eva divaukasaḥ || 21 ||
[Analyze grammar]

śravaṇādasya liṃgasya pātakaṃ janmasaṃcitam |
kṣaṇātkṣayati śṛṇvaṃtu devā ṛṣigaṇaiḥ saha || 22 ||
[Analyze grammar]

smaraṇādasya liṃgasya pāpaṃ janmadvayārjitam |
avaśyaṃ naśyati kṣipraṃ mama vākyānna saṃśayaḥ || 23 ||
[Analyze grammar]

etalliṃgaṃ samuddiśya gṛhānniṣkramaṇakṣaṇāt |
vilīyate mahāpāpamapi janmatrayārjitam || 24 ||
[Analyze grammar]

darśanādasya liṃgasya hayamedhaśatodbhavam |
puṇyaṃ labheta niyataṃ mamānugrahatomarāḥ || 25 ||
[Analyze grammar]

svayaṃbhuvosya liṃgasya mama viśveśituḥ surāḥ |
rājasūyasahasrasya phalaṃ syātsparśamātrataḥ || 26 ||
[Analyze grammar]

puṣpamātra pradānācca culukodakapūvarkam |
śatasauvarṇikaṃ puṇyaṃ labhate bhaktiyogataḥ || 27 ||
[Analyze grammar]

pūjāmātraṃ vidhāyāsya liṃgarājasya bhaktitaḥ |
sahasrahemakamalapūjāphalamavāpyate || 28 ||
[Analyze grammar]

vidhāya mahatī pūjāṃ paṃcāmṛtapuraḥsarām |
asya liṃgasya labhate puruṣārthacatuṣṭayam || 29 ||
[Analyze grammar]

vastrapūtajalairliṃgaṃ snāpayitvā mamāmarāḥ |
lakṣāśvamedhajanitaṃ puṇyamāpnoti sattamaḥ || 30 ||
[Analyze grammar]

sugaṃdhacaṃdanarasairliṃgamālipya bhaktitaḥ |
ālipyate surastrībhiḥ sugaṃdhairyakṣakardamaiḥ || 31 ||
[Analyze grammar]

sāmoda dhūpadānaiśca divyagaṃdhāśrayo bhavet |
ghṛtadīpaprabodhaiśca jyotīrūpa vimānagaḥ || 32 ||
[Analyze grammar]

karpūravartidīpena sakṛddattena bhaktitaḥ |
karpūradehagauraśrīrbhavedbhālavilocanaḥ || 33 ||
[Analyze grammar]

dattvā naivedyamātraṃ tu sikthesikthe yugaṃyugam |
kailāsādrau vaseddhīmānmahābhogasamanvitaḥ || 34 ||
[Analyze grammar]

viśveśe paramānnaṃ yo dadyātsājya saśarkaram |
trailokyaṃ tarpitaṃ tena sadevapitṛmānavam || 35 ||
[Analyze grammar]

mukhavāsaṃ tu yo dadyāddarpaṇaṃ cārucāmaram |
ullocaṃ sukhaparyaṃkaṃ tasya puṇyaphalaṃ mahat || 36 ||
[Analyze grammar]

saṃkhyā sāgararatnānāṃ kathaṃcitkartumiṣyate |
mukhavāsādidānasya kaḥ saṃkhyāmatra kārayet || 37 ||
[Analyze grammar]

pūjopakaraṇadravyaṃ yo ghaṃṭā gaḍukādikam |
bhaktyā me bhavane dadyātsa vasedatra meṃtike || 38 ||
[Analyze grammar]

yo gītavādyanṛtyānāmekaṃ matprītaye vyadhāt |
tasyāgrato divārātraṃ bhavettauryatrikaṃ mahat || 39 ||
[Analyze grammar]

citralekhanakarmādi prāsāde me'tra kārayet |
yaḥ sacitrānmahābhogānbhuṃkte matpurataḥ sthitaḥ || 40 ||
[Analyze grammar]

sakṛdviśveśvaraṃ natvā madhye janmasudhīrnaraḥ |
trailokyavaṃditapado jāyate vasudhāpatiḥ || 41 ||
[Analyze grammar]

yastu viśvevaraṃ dṛṣṭvā hyanyatrāpi vipadyate |
tasya janmāṃtare mokṣo bhavatyeva na saṃśayaḥ || 42 ||
[Analyze grammar]

viśveśākhyā tu jihvāgre viśvanāthakathāśrutau |
viśveśaśīlanaṃ citte yasya tasya janiḥ kutaḥ || 43 ||
[Analyze grammar]

liṃgaṃ me viśvanāthasya dṛṣṭvā yaścānumodate |
sa me gaṇeṣu gaṇyeta mahāpuṇyabalāśritaḥ || 44 ||
[Analyze grammar]

nityaṃ viśveśa viśveśa viśvanātheti yo japet |
trisaṃdhyaṃ taṃ sukṛtinaṃ japāmyahamapi dhruvam || 15 ||
[Analyze grammar]

mamāpīdaṃ mahāliṃgaṃ sadā pūjyatamaṃ surāḥ |
tasmātsarvaprayatnena pūjyaṃ devarṣi mānavaiḥ || 46 ||
[Analyze grammar]

yairna viśveśvaro dṛṣṭo yairna viśveśvaraḥ smṛtaḥ |
kṛtāṃtadūtaiste dṛṣṭāstaiḥ smṛtā garbhavedanā || 47 ||
[Analyze grammar]

yairidaṃ praṇataṃ liṃgaṃ praṇatāste surāsuraiḥ |
yasyai kena praṇāmena dikpālapadamalpakam |
dikpālapadataḥ pātaḥ pātaḥ śivanaternahi || 48 ||
[Analyze grammar]

śṛṇvaṃtu devarṣigaṇāḥ samastāstathyaṃ bruve tacca paropakṛtyai |
na bhūrbhuvaḥ svargamaharjanāṃtarviśveśatulyaṃ kvacidasti liṃgam || 49 ||
[Analyze grammar]

na satyaloke na tapasyaho surā vaikuṃṭhakailāsarasātaleṣu |
tīrthaṃ kvacidvai maṇikarṇikāsamaṃ liṃgaṃ ca viśveśvaratulyamanyataḥ || 50 ||
[Analyze grammar]

na viśvanāthasya samaṃ hi liṃgaṃ na tīrthamanyanmaṇikarṇikātaḥ |
tapovanaṃ kutracidasti nānyacchubhaṃ mamānaṃdavanena tulyam || 51 ||
[Analyze grammar]

vārāṇasī tīrthamayī samastā yasyāstunāmāpi hi tīrthatīrtham |
tatrāpi kācinmama saukhyabhūmirmahāpavitrā maṇikarṇikāsau || 52 ||
[Analyze grammar]

sthānādamuṣmānmamarājasaudhātprācyāṃ manāgīśasamāśritāyām |
savyepasavye ca karāḥ krameṇa śatatrayī yāpi śatadvayī ca || 53 ||
[Analyze grammar]

hastāḥ śataṃ paṃca surāpagāyāmudīcyavācyormaṇikarṇikeyam |
sārastrilokyāḥ parakośabhūmiryaiḥ sevitā te mama hṛcchayā hi || 54 ||
[Analyze grammar]

asminmamānaṃdavane yadetalliṃgaṃ sudhādhāma sudhāmadhāma |
āsapta pātālatalātsvayaṃbhu samutthitaṃ bhaktakṛpāvaśena || 55 ||
[Analyze grammar]

yesmiñjanāḥ kṛtrimabhāvabuddhyā liṃgaṃ bhajiṣyaṃti ca hetuvādaiḥ |
teṣāṃ hi daṃḍaḥ para eṣa eva nagarbhavāsādviramaṃti te dhruvam || 56 ||
[Analyze grammar]

yadyaddhitaṃ svasya sadaiva tattalliṃgetra deyaṃ mama bhaktimadbhiḥ |
ihāpyamutrāpi na tasya saṃkṣayo yatheha pāpasya kṛtasya pāpibhiḥ || 57 ||
[Analyze grammar]

dūrasthitairapyadhibuddhibhiryairliṃgaṃ samārādhi mamedamatra |
mayaiva dattaiḥ śubhavastujātairniḥśreyasaḥ śrīrvasaṃ yetsatastān || 58 ||
[Analyze grammar]

śṛṇuṣva viṣṇo śṛṇu sṛṣṭikartaḥ śṛṇvaṃtu devarṣigaṇāḥ samastāḥ |
idaṃ hi liṃgaṃ parasiddhidaṃ satāṃ bhedo manāgatra na matsakāśataḥ || 59 ||
[Analyze grammar]

asminhi liṃge'khilasiddhisādhane samarpitaṃ yaiḥ sukṛtārjitaṃ vasu |
tebhyotimātrākhilasaukhyasādhanaṃ dadāmi nirvāṇapadaṃ sunirbhayam || 60 ||
[Analyze grammar]

utkṣipya bāhuṃ tvasakṛdbravīmi trayīmaye'smiṃstrayameva sāram |
viśveśa liṃgaṃ maṇikarṇikāṃbu kāśīpurī satyamidaṃ trisatyam || 61 ||
[Analyze grammar]

utthāya devotha sa śaktirīśastasminhi liṃge kṛtacārupūjaḥ |
yayau layaṃ te ca surā jayeti jayeti coktvā nunuvustamīśam || 62 ||
[Analyze grammar]

skaṃda uvāca |
kṣetrasya maitrāvaruṇe vimuktasya mahāmate |
prabhāvasyaikadeśoyaṃ kathitaḥ kalmaṣāpahaḥ || 63 ||
[Analyze grammar]

tavāgre tu yathābuddhi kāśīviśleṣatāpi naḥ |
acireṇaiva kālena kāśīṃ prāpsyasyanuttamām || 64 ||
[Analyze grammar]

astācalasya śikharaṃ prāptavāneṣa bhānumān |
tavāpi hi mamāpyeṣa maunasya samayo'bhavat || 65 ||
[Analyze grammar]

vyāsa uvāca |
śrutveti sa muniḥ sūta saṃdhyopāstyai vinirgataḥ |
praṇamyau meyamasakṛllopāmudrā samanvitaḥ || 66 ||
[Analyze grammar]

rahasyaṃ parivijñāya kṣetrasya śaśimaulinaḥ |
agastyo niścitamanāḥ śivadhyānaparobhavat || 67 ||
[Analyze grammar]

ānaṃdakānanasyeha mahimānaṃ mahattaram |
kotra varṇayituṃ śaktaḥ sūta varṣaśatairapi || 68 ||
[Analyze grammar]

yathā devyai samākhyāyi śivena paramātmanā |
tathā skaṃdena kathitaṃ māhātmyaṃ kuṃbhasaṃbhave || 69 ||
[Analyze grammar]

tavāgre ca samākhyātaṃ śukādīnāṃ ca sattama |
idānīṃ praṣṭukāmosi kiṃ tatpṛccha vadāmi te || 70 ||
[Analyze grammar]

śrutvādhyāyamimaṃ puṇyaṃ sarvakalmaṣanāśanam |
samastaciṃtitaphalapradaṃ martyo bhavetkṛtī || 71 ||
[Analyze grammar]

iti śrīskāṃde mahāpurāṇa ekāśīti sāhasryāṃ saṃhitāyāṃ caturthe kāśīkhaṃḍa uttarārdhe viśveśvaraliṃgamahimākhyo nāma navanavatitamo'dhyāyaḥ || 99 ||
[Analyze grammar]