Chapter 38

[English text for this chapter is available]

agastya uvāca |
śivalokaṃ samāsādya muninā brahmasūnunā |
kiṃ cakre brūhi ṣaḍvaktra kathāṃ kautukaśālinīm || 1 ||
[Analyze grammar]

skaṃda uvāca |
śṛṇu kuṃbhaja vakṣyāmi nāradena mahātmanā |
yatkṛtaṃ tatra gatvāśu kailāsaṃ śaṃkarālayam || 2 ||
[Analyze grammar]

munirgaganamārgeṇa prāpya taddhāma śāṃbhavam |
dṛṣṭvā śivau praṇamyātha śivena vihitādaraḥ || 3 ||
[Analyze grammar]

taduddiṣṭāsanaṃ bheje paśyaṃstatkrīḍanaṃ param |
krīḍaṃtau tau tu cākṣābhyāṃ yadā na ca virametuḥ || 4 ||
[Analyze grammar]

tadautsukyena sa muniḥ preryamāṇa uvāca ha |
nārada uvāca |
devadeva tava krīḍākhilaṃ brahmāṃḍagolakam |
māsā dvādaśa ye nātha te sāriphalake gṛhāḥ || 5 ||
[Analyze grammar]

kṛṣṇāḥ kṛṣṇetarā yā vai tithayastāśca sārikāḥ |
dvipaṃcadaśamāse yāstvakṣayugmaṃ tathāyane || 6 ||
[Analyze grammar]

sṛṣṭipralaya saṃjñau dvau glahau jayaparājayau |
devījaye bhavetsṛṣṭirasṛṣṭirdhūrjaṭerjaye || 7 ||
[Analyze grammar]

bhavatoḥ khelasamayo yaḥ sā sthitirudāhṛtā |
itthaṃ krīḍaiva sakalametadbrahmāṃḍamīśayoḥ || 8 ||
[Analyze grammar]

na devī jeṣyati patiṃ neśaḥ śaktiṃ vijeṣyati |
kiṃcidvijñaptukāmosmi tanmātaravadhāryatām || 9 ||
[Analyze grammar]

devaḥ sarvajñanāthopi na kiṃcidavabudhyati |
mānāpamānayoryasmādasau dūre vyavasthitaḥ || 10 ||
[Analyze grammar]

līlātmā guṇavāneṣa vicārādatinirguṇaḥ |
kurvannapi hi karmāṇi bādhyate naiva karmabhiḥ || 11 ||
[Analyze grammar]

madhyasthopi hi sarvasya mādhyasthyamavalaṃbatai |
sarvatrāyaṃ maheśāno mitrā'mitrasamānadṛk || 12 ||
[Analyze grammar]

tvaṃ śaktirasya devasya sarveṣāṃ mānyabhūḥ parā |
dakṣasyāpi tvayā māno datto patyanimittakaḥ || 13 ||
[Analyze grammar]

paraṃ tvaṃ sarvajagatāṃ janayitryekikā dhruvam |
tvatta āvirbhavaṃtyeva dhātṛkeśavavāsavāḥ || 14 ||
[Analyze grammar]

tvamātmānaṃ na jānāsi tryakṣamāyāvimohitā |
ataeva hi me cittaṃ dunotyatitarāṃ sati || 15 ||
[Analyze grammar]

anyā api hi yāḥ satyaḥ pātivratyaparāyaṇāḥ |
tā bhartṛcaraṇau hitvā kiṃcidanyanna manvate || 16 ||
[Analyze grammar]

athavāstāmiyaṃ vārtā prastutaṃ prabravīmyaham |
adya nīlagirestasmāddharidvārasamīpataḥ || 17 ||
[Analyze grammar]

apūrvamiva saṃvīkṣya pariprāptastavāṃtikam |
atyāścaryaviṣādābhyāṃ kicidvaktumihotsukaḥ || 18 ||
[Analyze grammar]

āścaryaheturevāyaṃ yatpuṃjātaṃ trayītale |
taddṛṣṭaṃ sakalatraṃ ca dakṣasyādhvaramaṃḍape || 19 ||
[Analyze grammar]

sālaṃkāraṃ samānaṃ ca sānaṃdamukhapaṃkajam |
vismṛtākhilakāryaṃ ca dakṣayajñapravartakam || 20 ||
[Analyze grammar]

viṣāde kāraṇaṃ caitadyato jātamidaṃ jagat |
yasminpravartate yatra layameṣyati ca dhruvam || 21 ||
[Analyze grammar]

tadeva tatra no dṛṣṭaṃ bhavadvaṃdvaṃ bhavāpaham |
prāyo viṣādajanakaṃ bhavatoryadadarśanam || 22 ||
[Analyze grammar]

tadeva nābhavattatra samabhūdanyadeva hi |
tacca vaktuṃ na śakyeta tadvaktā dakṣa eva saḥ || 23 ||
[Analyze grammar]

tāni vākyāni cākarṇya druhiṇena yayetataḥ |
maharṣiṇā dadhīcena dhikkṛto nitarāṃ hi saḥ || 24 ||
[Analyze grammar]

śaptaśca vīkṣamāṇānāṃ devarṣīṇāṃ prajāpatiḥ |
mayā ca karṇau pihitau śrutvā tadgarhaṇā giraḥ || 25 ||
[Analyze grammar]

dadhīcinā samaṃ keciddurvāsaḥ pramukhā dvijāḥ |
bhavaniṃdāṃ samākarṇya kiyatopi viniryayuḥ || 26 ||
[Analyze grammar]

prāvartata mahāyāgo hṛṣṭapuṣṭamahājanaḥ |
tathā draṣṭuṃ na śaknomi tata āgatavāniha || 27 ||
[Analyze grammar]

bhaginyopi ca yā devi tava tatra sabhartṛkāḥ |
tāsāṃ gauravamālokya na kiṃcidvaktumutsahe || 28 ||
[Analyze grammar]

iti devī samākarṇya satī dakṣakumārikā |
karādakṣau samutsṛjya dadhyau kiṃcitkṣaṇaṃ hṛdi || 29 ||
[Analyze grammar]

uvāca ca bhavatvevaṃ śaraṇaṃ bhava eva me |
saṃpradhāryeti manasi satī dākṣāyaṇī tataḥ || 30 ||
[Analyze grammar]

drutameva samuttasthau praṇanāma ca śaṃkaram |
maulāvaṃjalimādhāya devī devaṃ vyajijñapat || 31 ||
[Analyze grammar]

devyuvāca |
vijayasvāṃdhakadhvaṃsiṃ tryaṃbaka tripurāṃtaka |
caraṇau śaraṇaṃ te me dehyanujñā sadāśiva || 32 ||
[Analyze grammar]

mā niṣedhīḥ prārthayāmi yāsyami pituraṃtikam |
uktveti maulimadadhādaṃdhakāri padāṃbuje || 33 ||
[Analyze grammar]

athoktā śaṃbhunā devī mṛḍānyuttiṣṭha bhāmini |
kimapūrṇaṃ tavāstyatra vadasau bhāgyasuṃdari || 34 ||
[Analyze grammar]

lakṣmyā api ca saubhāgyaṃ brahmāṇyai kāṃtiruttamā |
śacyai nityanavīnatvaṃ bhavatyā dattamīśvari || 35 ||
[Analyze grammar]

tvayā ca śaktimānasmi mahadaiśvaryarakṣaṇe |
tvāṃ ca śaktiṃ samāsādya svalīlārūpadhāriṇīm || 36 ||
[Analyze grammar]

etatsṛjāmi pāmyadmi tvallīlāpreritoṃgane |
kuto māṃ hātumicchestvaṃ mama vāmārdhadhāriṇi || 37 ||
[Analyze grammar]

śivā śivoditaṃ ceti śrutvāpyāha maheśvaram |
jīviteśa vihāya tvāṃ na kvāpi pariyāmyaham || 38 ||
[Analyze grammar]

mano me caraṇadvaṃdve tava sthāsyati niścalam |
kratuṃ draṣṭuṃ pituryāmi naikṣi yajño mayā kvacit || 39 ||
[Analyze grammar]

śaṃbhuḥ kātyāyanīvākyāmiti śrutvā tadābravīt |
kratustvayā nekṣitaścedāharāmi tataḥ kratum || 40 ||
[Analyze grammar]

macchakti dhāriṇī tvaṃ vā sṛjaivānyāṃ kratukriyām |
anyo yajñapumānastu saṃtvanye lokapālakāḥ || 41 ||
[Analyze grammar]

anyānāśu vidhehi tvamṛṣīnārtvijyakarmaṇi |
punarjagāda devīti śrutvā śaṃbhorudīritam || 42 ||
[Analyze grammar]

pituryajñotsavo nātha draṣṭavyo'tra mayā dhruvam |
dehyanujñāṃ gamiṣyāmi mā me kārṣīrvaconyathā || 43 ||
[Analyze grammar]

kaḥ pratīpayituṃ śaktaśceto vā jalameva vā |
nimnāyābhyudyataṃ nātha mādya māṃ pratiṣedhaya || 44 ||
[Analyze grammar]

niśamyeti punaḥ prāha sarvajño bhūtanāyakaḥ |
 mā yāhi devi māṃ hitvā gatā ca na miliṣyasi || 45 ||
[Analyze grammar]

adya prācīṃ yiyāsuṃ tvāṃ vārayetpaṃguvāsaraḥ |
nakṣatraṃ ca tathā jyeṣṭhā tithiśca navamī priye || 46 ||
[Analyze grammar]

adya saptadaśo yogo viyogodya tano'śubhaḥ |
dhaniṣṭhārdha samutpanne tava tārādya paṃcamī || 47 ||
[Analyze grammar]

mā gā devi gatādya tvaṃ nahi drakṣyasi māṃ punaḥ |
punardevī babhāṣe sā yadi nāmnāpyahaṃ satī || 48 ||
[Analyze grammar]

tadā tanvaṃtareṇāpi kariṣye tava dāsatām |
tato bhavaḥ punaḥ prāha ko vā vārayituṃ prabhuḥ || 49 ||
[Analyze grammar]

parikṣubdhamanovṛttiṃ striyaṃ vā puruṣaṃ tu vā |
punarna darśanaṃ devi mayā satyaṃ bravīmyaham || 50 ||
[Analyze grammar]

paraṃ na devi gaṃtavyaṃ mahāmānadhanecchubhiḥ |
anāhūta tayā kāṃte mātāpitṛgṛhānapi || 51 ||
[Analyze grammar]

yathā siṃdhugatā siṃdhurna punaḥ parivartate |
tathādya gaṃtryā no jātu tavāgamanamiṣyate || 52 ||
[Analyze grammar]

devyuvāca |
avaśyaṃ yadyahaṃ raktā tava pādābuṃjadvaye |
tathā tvameva me nātho bhaviṣyasi bhavāṃtare || 53 ||
[Analyze grammar]

ityuktvā niryayau devī kopāṃdhīkṛtalocanā |
yiyāsubhiśca kāryārthaṃ yatkartavyaṃ na tatkṛtam || 54 ||
[Analyze grammar]

na nanāma mahādevaṃ na ca cakre pradakṣiṇam |
ataeva hi sā devī na gatā punarāgatā || 55 ||
[Analyze grammar]

apraṇamya maheśānamakṛtvāpi pradakṣiṇam |
adyāpi na nivartaṃte gatāḥ prāgvāsarā iva || 56 ||
[Analyze grammar]

tayā caraṇacāriṇyā rājñyā tribhuvaneśituḥ |
api tatpāvanaṃ vartma meneti kaṭhinaṃ bahu || 57 ||
[Analyze grammar]

devopi tāṃ satīṃ yāṃtīṃ dṛṣṭvā caraṇacāriṇīm |
atīva vivyathe citte gaṇāṃścātha samāhvayat || 58 ||
[Analyze grammar]

gaṇā vimānaṃ nayata manaḥpavanacakriṇam |
paṃcāsyāyutasaṃyuktaṃ ratnasānudhvajocchritam || 59 ||
[Analyze grammar]

mahāvātapatākaṃ ca mahābuddhyakṣalakṣitam |
narmadālakanaṃdā ca yatreṣādaṃḍatāṃgate || 60 ||
[Analyze grammar]

chatrībhūtau ca yatrastaḥ sūryācaṃdramasāvapi |
yasminmakaratuṃḍaṃ ca vārāhīśaktiruttamā || 61 ||
[Analyze grammar]

dhūḥ svayaṃ cāpi gāyatrī rajjavastakṣakādayaḥ |
sārathiḥ praṇavo yatra kreṃkāraḥ praṇavadhvaniḥ || 62 ||
[Analyze grammar]

aṃgāni rakṣakā yatra varūthaśchaṃdasāṃ gaṇaḥ |
ityājñaptā gaṇāstūrṇaṃ rathaṃ ninyurharājñayā || 63 ||
[Analyze grammar]

devyā sanāthaṃ taṃ kṛtvā vimānaṃ pārṣadā divi |
anujagmurmahādevīṃ divyāṃ tejovijṛṃbhiṇīm || 64 ||
[Analyze grammar]

sā kṣaṇaṃ tryakṣaramaṇī vīkṣya dakṣasabhāṃgaṇam |
nabhoṃ'gaṇādvimānasthānato vegādavātarat || 65 ||
[Analyze grammar]

aviśad yajñavāṭaṃ ca cakitaṃrakṣi vīkṣitā |
kṛtamaṃgalanepathyāṃ prasūṃ dṛṣṭvā kirīṭinīm || 66 ||
[Analyze grammar]

sabhartṛkāśca bhaginīrnavālaṃkṛtiśālinīḥ |
sāścaryāśca sagarvāśca sānaṃdāśca sasādhvasāḥ || 67 ||
[Analyze grammar]

aciṃtitā tvanāhūtā vimānāddharavallabhā |
kathameṣā pariprāptā kṣaṇamitthaṃ prapaśyatīḥ || 68 ||
[Analyze grammar]

asaṃbhāṣyā pitāḥ sarvā gatā dakṣāṃtikaṃ satī |
pitrā pṛṣṭā tu mātrāpi bhadraṃ jātaṃ tvadāgame || 69 ||
[Analyze grammar]

satyuvāca |
yadi bhadraṃ janetarme samāgamanato bhavet |
kathaṃ nāhaṃ samāhūtā yathaitā me sahodarāḥ || 70 ||
[Analyze grammar]

dakṣa uvāca |
ayi kanye mahādhanye hyananye sarvamaṃgale |
ayaṃ te na manāgdoṣo doṣa eṣa mamaiva hi || 71 ||
[Analyze grammar]

tādṛgvidhāya yatpatye mayā dattājñabuddhinā |
yadahaṃ taṃ samājñāsyamīśvarosau nirīśvaraḥ || 72 ||
[Analyze grammar]

tadā kathamadāsyaṃ tvāṃ tasmai māyāsvarūpiṇaṃ |
ahaṃ śivākhyayā tuṣṭo na jāne śivarūpiṇam || 73 ||
[Analyze grammar]

pitāmahena bahudhā varṇitosau mamāgrataḥ |
śaṃkaroyamayaṃ śabhurasau paśupatiḥ śivaḥ || 74 ||
[Analyze grammar]

śrīkaṃṭhosau maheśo'sau sarvajñosau vṛṣadhvajaḥ |
asmai kanyāṃ prayaccha tvaṃ mahādevāya dhanvine || 75 ||
[Analyze grammar]

vākyācchatadhṛtestasmāttasmai dattā mayānaghe |
na jāne taṃ virūpākṣamukṣagaṃ viṣabhakṣiṇam || 76 ||
[Analyze grammar]

pitṛkānanasaṃvāsaṃ śūlinaṃ ca kapālinam |
dvijihvasaṃgasubhagaṃ jalādhāraṃ kapardinam || 77 ||
[Analyze grammar]

kalaṃkikṛtamauliṃ ca dhūlidhūsaracarcitam |
kvacitkaupīnavasanaṃ nagnaṃ vātūlavatkvacit || 78 ||
[Analyze grammar]

kvacicca carmavasanaṃ kvacidbhikṣāṭanapriyam |
viṭaṃkabhūtānucaraṃ sthāṇumugraṃ tamoguṇam || 79 ||
[Analyze grammar]

rudraṃ raudraparīvāraṃ mahākālavapurdharam |
nṛkaroṭīparikaraṃ jātigotravivarjitam || 80 ||
[Analyze grammar]

na samyagvetti taṃ kaścijjānānopi pratāritaḥ |
kiṃ bahūktena tanaye samasta nayaśālini || 81 ||
[Analyze grammar]

kva pāṃsulapaṭacchanno mahāśaṃkhavibhūṣaṇaḥ |
prabaddhasarpakeyūraḥ pralaṃbita jaṭāsaṭaḥ || 82 ||
[Analyze grammar]

ḍamaḍḍamarukavyagra hastāgraḥ khaṃḍacaṃdrabhṛt |
tāṃḍavāḍaṃbararuciḥ sarvāmaṃgala ceṣṭitaḥ || 83 ||
[Analyze grammar]

mṛḍāni saharaḥ kvā'yamadhvaro maṃgalālayaḥ |
ataeva samāhūtā neha tvaṃ sarvamaṃgale || 84 ||
[Analyze grammar]

dukūlānyanukūlāni ratnālaṃkṛtayaḥ śubhāḥ |
prāgeva dhāritāstetra paśyāgatya gṛhāṇa ca || 85 ||
[Analyze grammar]

iha maṃgalaveśeṣu deveṃdreṣu sa śūladhṛk |
kathamarho bhavecceti maṃgale viṣamekṣaṇaḥ || 86 ||
[Analyze grammar]

ityākarṇya satī sādhvī janeturuditaṃ tadā |
atyaṃtadūnahṛdayā vaktuṃ samupacakrame || 87 ||
[Analyze grammar]

satyuvāca |
nākarṇitaṃ mayā kiṃcittvayi prabruvati prabho |
padadvayīṃ samākarṇya tāṃ ca te kathayāmyaham || 88 ||
[Analyze grammar]

na samyagvetti taṃ kaścijjānānopi pratāritaḥ |
etatsamyaktvayākhyāyi kastaṃ vetti sadāśivam || 89 ||
[Analyze grammar]

tvaṃ tu pratāritaḥ pūrvamadhunāpi pratāritaḥ |
kṛtvā tena ca saṃbaṃdhamasaṃbaddhapralāpabhāk || 90 ||
[Analyze grammar]

yādṛśaṃ vakṣitaṃ śaṃbhuṃ tādṛśaṃ yadyamanyathāḥ |
kuto māmadadāstasmai yaṃ ca kaśca na veda na || 91 ||
[Analyze grammar]

athavā tena saṃbaṃdhe na heturbhavato matiḥ |
tatra heturabhūttāta mama puṇyaikagauravam || 92 ||
[Analyze grammar]

athoktvaivaṃ bahutaraṃ tvaṃ janetāsya varṣmaṇaḥ |
śrutānena ca dehena patyuḥ parivigarhaṇā || 93 ||
[Analyze grammar]

puraścaraṇamevaitadyadasyaiva visarjanam |
suślāghyajanmayā tāvatprāṇitavyaṃ suyoṣitā |
yāvajjīvitanāthasyāśravaṇīyā vigarhaṇā || 94 ||
[Analyze grammar]

ityuktvā krodhadīptāgnau mahādevasvarūpiṇi |
juhāva dehasamidhaṃ prāṇarodhavidhānataḥ || 95 ||
[Analyze grammar]

tato vivarṇatāṃ prāptāḥ sarve devāḥ savāsavāḥ |
nāgnirjajvāla ca tathā yathājyāhutibhiḥ purā || 96 ||
[Analyze grammar]

maṃtrāḥ kuṃṭhitasāmarthyāstatkṣaṇādeva cābhavan |
aho mahāniṣṭataraṃ kimetatsamupasthitam || 97 ||
[Analyze grammar]

kecidūcurdvijavarā mithaḥ pariyiyāsavaḥ |
mahājhaṃjhānilaḥ prāptaḥ parvatāṃdolanakṣamaḥ || 98 ||
[Analyze grammar]

makhamaṃḍapa bhūstena kṣaṇataḥ sthapuṭīkṛtā |
akāṃḍaṃ taḍidāpāto jātobhūdbhūprakapanaḥ || 99 ||
[Analyze grammar]

divaścolkāḥ prapatitāḥ piśācā nṛtyamādadhuḥ |
ātāpigṛdhrairupari gagane maṃḍalāyitam || 100 ||
[Analyze grammar]

raveradhastādaśivaṃ śivāstatrāpyarāriṣuḥ |
meghārudhiravipuḍbhistatra vṛṣṭiṃ vyadhuḥ parām || 1 ||
[Analyze grammar]

nirghātaniḥsvano bhūmerutthito hṛtprakaṃpanaḥ |
divyāyudhāni ca mitho yudhyaṃti smātibhīṣaṇam || 2 ||
[Analyze grammar]

havanīyaṃ mahadravyaṃ dūṣitaṃ kroṣṭubhiḥ śvabhiḥ |
cakorāḥ karaṭāstatra viceruryajñamaṃḍape || 3 ||
[Analyze grammar]

śmaśānavāṭavajjāto yajñavāṭaḥ sa vai kṣaṇāta |
yadyatrāvasthitaṃ sarvaṃ tattatraiva pariṣṭhitam || 4 ||
[Analyze grammar]

citranyastamivāsīcca vastujātamaśobhi ca |
sthagitā iva saṃvṛttāstatra cakradharādayaḥ || 5 ||
[Analyze grammar]

dakṣopi vadanaglānimavāpya saparicchadaḥ |
punaryathākathaṃcicca yajñaṃ prāvartayandvijāḥ || 106 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ caturthe kāśīkhaṃḍa uttarārdhe satīdehavisarjanaṃ nāmāṣṭāśītitamo'dhyāyaḥ || 88 ||
[Analyze grammar]