Chapter 39

[English text for this chapter is available]

skaṃda uvāca |
punaḥ sa nārado'gastya devyāḥ prāksamupāgataḥ |
tadvṛttāṃtamaśeṣaṃ ca harāyāvedituṃ yayau || 1 ||
[Analyze grammar]

dṛṣṭvā sa nāradaḥ śaṃbhuṃ naṃdinā saha saṃkathām |
kāṃcittarjanivinyāsa pūrvaṃ kurvaṃtamānamat || 2 ||
[Analyze grammar]

upāviśacca śailādi visṛṣṭāsanamuttamam |
vailakṣyaṃ nāṭayankiṃcitkṣaṇaṃ joṣaṃ samāsthitaḥ || 3 ||
[Analyze grammar]

ākāreṇaiva sarvajñastadvṛttāṃtaṃ viveda ha |
avādīcca muniṃ śaṃbhuḥ kuto maunāvalaṃbanam || 4 ||
[Analyze grammar]

śarāriṇāṃ sthitiriyamutpattipralayātmikā |
divyānyapi śarīrāṇi kālādyāṃtyevameva hi || 5 ||
[Analyze grammar]

dṛśyaṃ vinaśvaraṃ sarvaṃ viśeṣādyadanīśvaram |
tato'tra citraṃ kiṃ brahmankaṃkālaḥ kālayenna vai || 6 ||
[Analyze grammar]

abhāvino hi bhāvasya bhāvaḥ kvāpi na saṃbhavet |
bhāvinopi hi nābhāvastato muhyaṃti no budhāḥ || 7 ||
[Analyze grammar]

śaṃbhūdīritamākarṇya sa itthaṃ munipuṃgavaḥ |
proktavānsatyamevaitadyaddevena prabhāṣitam || 8 ||
[Analyze grammar]

avaśyameva yadbhāvyaṃ tadbhūtaṃ nātra saṃśayaḥ |
paraṃ māṃ bādhatetyaṃtaṃ ciṃtaikā cittamāthinī || 9 ||
[Analyze grammar]

nāpacīyeta te kiṃcinnopacīyeta tattvataḥ |
avyayatvācca pūrṇatvāddhānivṛddhī kṛtastvayi || 10 ||
[Analyze grammar]

aho varākaḥ saṃsāraḥ kva bhaviṣyatyanīśvaraḥ |
ārabhyādyadinaṃ na tvāmarcayiṣyaṃti kepi yat || 11 ||
[Analyze grammar]

yataḥ prajāpatirdakṣo na tvāmāhūtavānkratau |
tenādyarīḍhi taṃ dṛṣṭvā devarṣimanujā api || 12 ||
[Analyze grammar]

tava rīḍhāṃ kariṣyaṃti kimaiśvaryeṇa rīḍhinām |
prāptāvaheḍanā loke jitakālabhayā api |
athaiśvaryeṇa saṃpannāḥ pratiṣṭhābhājanaṃ kimu || 13 ||
[Analyze grammar]

mahīyasāyuṣā teṣāṃ vasubhirbhūribhiśca kim |
ye'bhimānadhanāneha labdharīḍhāḥ padepade || 14 ||
[Analyze grammar]

acetanāśca sāvajñā jīvaṃtopi na kīrtaye |
abhimānadhanā dhanyā varaṃ yoṣitsusāsatī || 15 ||
[Analyze grammar]

yā tvadviniṃdāśravaṇāttṛṇīcakre svajīvitam |
ityākarṇya mahākālaḥ samyagjñātvā satīvyayam || 16 ||
[Analyze grammar]

satyaṃ mune satī devī tṛṇīcakre svajīvitam |
joṣaṃ sthite munau tatra tanmahākālasādhvasāt || 17 ||
[Analyze grammar]

rudraścātīvarudrobhūdbahukopāgnidīpitaḥ |
tatastatkopajādvahnirāvirāsīnmahādyutiḥ || 18 ||
[Analyze grammar]

pratyakṣaḥ pratimākāraḥ kālamṛtyuprakaṃpanaḥ |
uvāca ca praṇamyeśaṃ bhuśuṃḍīṃ mahatīṃ dadhat || 19 ||
[Analyze grammar]

ājñāṃ dehi pitaḥ kiṃ te karavai dāsyamuttamam |
brahmāṃḍamekakavalaṃ karavāṇi tvadājñayā || 20 ||
[Analyze grammar]

pibāmi cārṇavānsaptāpyekena culukena vai |
rasātalaṃ vā pātālaṃ pātālaṃ vā rasātalam || 21 ||
[Analyze grammar]

tvadājñayā nayāmīśa vinimayya svahelayā |
salokapālamiṃdraṃ vā dhṛtvā keśairihānaye || 22 ||
[Analyze grammar]

api vaikuṃṭhanāthaścettatsāhāyyaṃ kariṣyati |
tadā taṃ kuṃṭhitāstraṃ ca kariṣyāmi tvadājñayā || 23 ||
[Analyze grammar]

danujā ditijāḥ ke vai varā kāraṇadurbalāḥ |
teṣu cotkaṭatāṃ kopi dhatte taṃ praṇihanmyaham || 24 ||
[Analyze grammar]

kālaṃ badhnāmi vā saṃkhye mṛtyorvā mṛtyumarthaye |
sthāvareṣu careṣvatra mayi kuddhe raṇāṃgaṇe || 25 ||
[Analyze grammar]

tvadbalena maheśāna na kopi sthairyameṣyati |
mamapādatalāghātādetadvai kṣoṇimaṃḍalam || 26 ||
[Analyze grammar]

kadalīdalavadvātādvepate sarasātalam |
cūrṇīkaromi dordaṃḍaghātāccaitānkulācalān || 27 ||
[Analyze grammar]

kiṃ bahūktena dehyājñāṃ mamāsādhyaṃ na kiṃcana |
tvatpādabalamāsādya kṛtaṃ viddhyadyaciṃtitam || 28 ||
[Analyze grammar]

iti pratijñāṃ tasyeśaḥ śrutvā kṛtamamanyata |
kṛtakṛtyamivātyaṃtaṃ taṃ mudā pratyuvāca ca || 29 ||
[Analyze grammar]

mahāvīrosi re bhadra mama sarvagaṇeṣviha |
vīrabhadrākhyayā tvaṃ hi prathitiṃ paramāṃ vraja || 30 ||
[Analyze grammar]

kuru me satvaraṃ kāryaṃ dakṣayajñaṃ kṣayaṃ naya |
ye tvāṃ tatrāvamanyaṃte tatsāhāyyavidhāyinaḥ || 31 ||
[Analyze grammar]

te tvayāpyavamaṃtavyā vraja putra śubhodaya |
ityājñāṃ mūrdhni cādhāya sa tataḥ pārameśvarīm || 32 ||
[Analyze grammar]

haraṃ pradakṣiṇīkṛtya jagmivānatiraṃhasā |
tatastadanugāñśaṃbhuḥ svaniḥśvāsasamudgatān || 33 ||
[Analyze grammar]

śatakoṭimitānugrāngaṇānannyānavāsṛjat |
te gaṇā vīrabhadraṃ taṃ yāṃtaṃ kecitpurogatāḥ || 34 ||
[Analyze grammar]

kecittadanugā jātāḥ kecittatpārśvagā yayuḥ |
aṃbaraṃ taiḥ samākrāṃtaṃ tejovījita bhāskaraiḥ || 35 ||
[Analyze grammar]

śṛṃgāgrāṇi girīṇāṃ ca kaiścidutpāṭitāni vai |
ācūḍamūlāḥ kaiścicca vidhatā vai śiloccayāḥ || 36 ||
[Analyze grammar]

utpāṭya mahato vṛkṣānkecitprāptā makhāṃgaṇam |
kaiścidutpāṭitā yūpāḥ kecitkuṃḍānyapūpuran || 37 ||
[Analyze grammar]

maṃḍapaṃ dhvaṃsayāmāsuḥ kecitkrodhoddhurāgaṇāḥ |
acīkhananvai vedīśca kecidvai śūlapāṇayaḥ |
abhakṣayanhavīṃṣyanye pṛṣadājyaṃ papuḥ pare || 38 ||
[Analyze grammar]

dadhvaṃsurannarāśīṃśca kecitparvatasannibhān |
kecidvai pāyasāhārāḥ kecidvai kṣīrapāyinaḥ || 39 ||
[Analyze grammar]

kecitpakvānnapuṣṭāṃgā yajñapātrāṇyacūrṇayan |
amoṭayansrucādaṃḍānkeciddordaṃḍaśālinaḥ || 40 ||
[Analyze grammar]

vyabhajañchakaṭānkecitpaśūnkecidajīgilan |
agniṃ nirvāpayāmāsuḥ kecidatyagnitejasaḥ || 41 ||
[Analyze grammar]

svayaṃ paridadhuścānye dukūlāni mudā yutāḥ |
jagṛhuḥ kecana purā ratnānāṃ parvataṃ kṛtam || 42 ||
[Analyze grammar]

ekena ca bhago devaḥ paśyaṃścakre vilocanaḥ |
pūṣṇo daṃtāvalīmanyaḥ pātayāmāsa kopitaḥ || 43 ||
[Analyze grammar]

yajñaḥ palāyito dṛṣṭaḥ kenacinmṛgarūpadhṛk |
śirovirahitaścakre tena cakreṇa dūrataḥ || 44 ||
[Analyze grammar]

ekaḥ sarasvatīṃ yāṃtīṃ dṛṣṭvā nirnāsikāṃ vyadhāt |
aditeroṣṭhapuṭakau chinnāvanyena kopinā || 45 ||
[Analyze grammar]

aryamṇo bāhuyugalaṃ tathotpāṭitavānparaḥ |
agnerutpāṭayāmāsa kaścijjihvāṃ prasahya ca || 46 ||
[Analyze grammar]

ciccheda vāyorvṛṣaṇaṃ pārṣadonyaḥ pratāpavān |
pāśayitvā yamaṃ kaścitko dharma iti pṛṣṭavān || 47 ||
[Analyze grammar]

yatra dharme maheśo na prathamaṃ paripūjyate |
nairṛtaṃ saṃgṛhītvānyaḥ keśeṣvāto्lyacāsakṛt || 48 ||
[Analyze grammar]

anīśvaraṃ havirbhuktaṃ tvayetyā tāḍayatpadā |
kuberamaparo dhṛtvā pādayoradhunodbalāt || 49 ||
[Analyze grammar]

vāmayāmāsa bahuśo bhakṣitā hyadhvarāhutīḥ |
ekādaśā'pi ye rudrā lokapālaikapaṃktayaḥ || 50 ||
[Analyze grammar]

rudrākhyā dhāraṇavaśātpramathaiste'vahelitāḥ |
varuṇodaramāpīḍya pramathonyo balenahi || 51 ||
[Analyze grammar]

bahirudgirayāmāsa yaddattaṃ ceśavarjjitam |
māyūrīṃ tanumāsādya sahasrākṣo mahāmatiḥ || 52 ||
[Analyze grammar]

uḍḍīya girimāśrityacchannaḥ kautukamaikṣata |
brāhmaṇānpramathā natvā yātayāteticābruvan || 53 ||
[Analyze grammar]

pramathāḥ kālayāmāsuranyānapi ca yācakān |
itthaṃ pramathite yāge pramathaiḥ prathamāgataiḥ |
vīrabhadraḥ svataḥ prāptaḥ pramathānīkinī vṛtaḥ || 54 ||
[Analyze grammar]

yajñavāṭaṃ śmaśānābhaṃ dṛṣṭvā taiḥ pramathaiḥ purā |
atiśocyāṃ daśāṃ nītaṃ vīrabhadrastato jagau || 55 ||
[Analyze grammar]

gaṇāḥ paśyata durvṛttaiḥ prārabdhānāṃ ca karmaṇām |
anīśvarairavastheyaṃ kuto dveṣo maheśvare || 56 ||
[Analyze grammar]

ye dviṣaṃti mahādevaṃ sarvakarmaikasākṣiṇam |
dharmakārye pravṛttāstu te prāpsyaṃtīdṛśaṃ daśām || 57 ||
[Analyze grammar]

kva sa dakṣo durācāraḥ kva ca yajñabhujaḥ surāḥ |
dhṛtvā sarvānānayata yāta drutataraṃ gaṇāḥ || 58 ||
[Analyze grammar]

ityājñā vīrabhadrasya prāpya te pramathā drutam |
yāvadyāṃtyagratastāvadṛṣṭaḥ kuddho gadādharaḥ || 59 ||
[Analyze grammar]

tena te pramathāḥ sarve mahābalaparākramāḥ |
śuṣkaparṇatṛṇāvasthāṃ prāpitā vātyayeva hi || 60 ||
[Analyze grammar]

atha naṣṭeṣu sarveṣu pramatheṣu harerbhayāt |
cukopa vīrabhadraḥ sa pralayānalasaṃnibhaḥ || 61 ||
[Analyze grammar]

dadarśa śārṅgiṇaṃ cāgre svagaṇaiśca pariṣṭutam |
caturbhujairasaṃkhyātairjitadaityamahābalaiḥ || 62 ||
[Analyze grammar]

cakribhirgadibhirjuṣṭaṃ khaḍgibhiścāpi śārṅgibhiḥ |
vīrabhadrastataḥ prāha dṛṣṭvā taṃ daityasūdanam || 63 ||
[Analyze grammar]

tvaṃ tu yajñapumānatra mahāyajñapravartakaḥ |
rakṣitā nijavīryeṇa dakṣasya tryakṣavairiṇaḥ || 64 ||
[Analyze grammar]

kiṃ vā dakṣaṃ samānīya dehi yudhyasva vā mayā |
na dāsyasi ca ceddakṣaṃ tatastaṃ rakṣa yatnataḥ || 65 ||
[Analyze grammar]

prāyaśaḥ śaṃbhubhakteṣu yatastvaṃ procyase'graṇīḥ |
ekone'bjasahasreprāgdadau netrāṃbujaṃ bhavān || 66 ||
[Analyze grammar]

tuṣṭena śaṃbhunā dattaṃ tubhyaṃ cakraṃ sudarśanam |
yatsāhāyyamavāpyājau tvaṃ jayerdanujādhipān || 67 ||
[Analyze grammar]

ityākarṇya vacastasya vīrabhadrasya corjitam |
jijñāsustadbalaṃ viṣṇurvīrabhadramuvāca ha || 68 ||
[Analyze grammar]

tvaṃ śaṃbhoḥ suta deśīyo gaṇānāṃ pravarosyaho |
rājādeśamanuprāpya tatopyatibalo mahān || 69 ||
[Analyze grammar]

yosi sosyahamapyatra dakṣarakṣaṇadakṣadhīḥ |
paśyāmi tava sāmarthyaṃ kathaṃ dakṣaṃ hariṣyasi || 70 ||
[Analyze grammar]

ityukto vīrabhadraḥ sa tena vai śārṅgadhanvanā |
pramathāndṛṣṭibhaṃgyaiva prerayāmāsa saṃgare || 71 ||
[Analyze grammar]

atha taiḥ pramathairviṣṇoranugā gaditā raṇe |
ādadānāstṛṇaṃ vaktre ṇāpitāḥ pāśavīṃ daśām || 72 ||
[Analyze grammar]

tatastārkṣyarathaḥ kruddhastvekaikaṃ raṇamūrdhani |
sahasreṇasahasreṇa bāṇānāṃ hṛdyatāḍayat || 73 ||
[Analyze grammar]

te bhinnavakṣasaḥ sarve gaṇā rudhiravarṣiṇaḥ |
vāsaṃtīṃ kaiṃśukīṃ śobhāṃ pariprāpūraṇājire || 74 ||
[Analyze grammar]

kṣaraṃta iva mātaṃgāḥ sravaṃta iva parvatāḥ |
madena dhāturāgeṇa miśraiḥ śuśubhire gaṇāḥ || 75 ||
[Analyze grammar]

tataḥ prahasya gaṇapo'bravīdvai kuṃṭhanāyakam |
he śārṅgadhanvañjāne tvāṃ tvaṃ raṇāṃgaṇa paṃḍitaḥ || 76 ||
[Analyze grammar]

paraṃ yudhyasi daityeṃdrairdānaveṃdrairna pārṣadaiḥ |
ityuktā vīrabhadreṇa bhuśuṃḍīkalitākare || 77 ||
[Analyze grammar]

gadinā'tha gadā tūrṇaṃ daityeṃdragirireṇukṛt |
tataḥ prahatavānvīro bhuśuṃḍyā taṃ gadādharam || 78 ||
[Analyze grammar]

tadaṃgasaṃgamāsādya vidadre śatadhā tayā |
kaumodakī prahāreṇa vīrabhadraṃ pratāpinam || 79 ||
[Analyze grammar]

jaghāna vāsudevopi tarasā'jñātavedanam |
tataḥ khaṭvāṃgamādāya gadāhastaṃ gadādharam || 80 ||
[Analyze grammar]

ātāḍya savyadordaṃḍe gadāṃ bhūmāvapātayat |
kupitoyaṃ madhudveṣī cakreṇātāḍayacca tam || 81 ||
[Analyze grammar]

sa ca cakraṃ samāgacchaddṛṣṭvā sasmāra śaṃkaram |
śaṃkarasmaraṇāccakraṃ manāgvakratvamāpya ca |
kaṃṭhamāsādyavīrasya samyagjātaṃ sudarśanam || 82 ||
[Analyze grammar]

tena cakreṇa śuśubhe nitarāṃ sa gaṇeśvaraḥ |
vīralakṣmyāvṛta iva samare vijayasrajā || 83 ||
[Analyze grammar]

tataḥ sudarśanaṃ dṛṣṭvā tatkaṃṭhābharaṇaṃ hariḥ |
manāksa cakitaṃ smitvā tato jagrāha naṃdakam || 84 ||
[Analyze grammar]

sanaṃdakaṃ karaṃ tasya prodyataṃ madhuvidviṣaḥ |
paśyatāṃ divisiddhānāṃ staṃbhayāmāsa huṃkṛtā || 85 ||
[Analyze grammar]

abhyadhāvacca vegena gṛhītvā śūlamujjvalam |
yāvajjighāṃsati hariṃ tāvadākāśavācayā || 86 ||
[Analyze grammar]

vārito gaṇarājaḥ sa mā kārṣīḥ sāhasaṃ tviti |
tatastamapahāyāśu vīrabhadro gaṇottamaḥ || 87 ||
[Analyze grammar]

prāpya dakṣaṃ vinadyoccairdhiktvāmīśvaraniṃdakam |
yasyedṛgasti saṃpattiryatradevāḥ sahāyinaḥ |
sa kathaṃ seśvaraṃ karma na kuryāddakṣatāṃdadhat || 88 ||
[Analyze grammar]

yenāsyena pavitreṇa bhavatā niṃditaḥ śivaḥ |
cūrṇayāmi tadāsyaṃ te capeṭābhiḥ samaṃtataḥ || 89 ||
[Analyze grammar]

ityuktvā tasya dakṣasya harapāruṣyabhāṣiṇaḥ |
ciccheda vadanaṃ vīraścapeṭaśataghātanaiḥ || 90 ||
[Analyze grammar]

tatastvaditimukhyānāṃ militānāṃ mahotsave |
troṭayāmāsa karṇādīnyaṃgapratyaṃgakāni ca || 91 ||
[Analyze grammar]

veṇīdaṃḍāśca kāsāṃcittenacchinnā mahāruṣā |
kāsāṃcicca karāśchinnā kāsāṃcitkartitāstanāḥ || 92 ||
[Analyze grammar]

nāsāpuṭāṃstathānyāsāṃ pāṭayāmāsa pārṣadaḥ |
ciccheda cāṃgulīścāpi tathānyāsāṃ śivapriyaḥ || 93 ||
[Analyze grammar]

ye ye niniṃdurdeveśaṃ ye ye ca śuśruvustadā |
teṣāṃ jihvāśrutīḥ kopādacchinaccākaroddvidhā || 94 ||
[Analyze grammar]

kecidullaṃbitā yūpe pāśayitvā dṛḍhaṃ gale |
adhomukhāyai deveśaṃ vihāyāttaṃ mahāhaviḥ || 95 ||
[Analyze grammar]

dvijarājaśca dharmaśca bhṛgumārīcimukhyakāḥ |
atyaṃtamapamānasya bhājanaṃ tena kāritāḥ || 96 ||
[Analyze grammar]

ete jāmātarastasya yato dakṣasya durdhiyaḥ |
hitvā maheśvaramamūnsopaśyadadhikāñśivāt || 97 ||
[Analyze grammar]

tāni kuṃḍāni te yūpāste staṃbhāḥ sa ca maṃḍapaḥ |
tāvedyastāni pātrāṇi tāni havyānyanekadhā || 98 ||
[Analyze grammar]

te ca vai yajñasaṃbhārāste te yajñapravartakāḥ |
te rakṣapālāstemaṃtrā vineśurhelayā'khilāḥ || 99 ||
[Analyze grammar]

stokenaiva hi kālena yathardhiḥ paravaṃcanāt |
arjitā naśyati kṣipraṃ dakṣasaṃpadgatā'śivā || 100 ||
[Analyze grammar]

nīte mahākratau tena sagaṇenedṛśīṃ daśām |
vidhirvidhi vilopācca haraṃ vijñāpya cānayat || 1 ||
[Analyze grammar]

tatra yatra makhaḥ sobhūdīdṛkṣaḥ śivavarjitaḥ |
āyātetha mahādeve vīrabhadrotilajjitaḥ || 2 ||
[Analyze grammar]

natvā na kiṃcidavadaddevaḥ sarvamavaitsvayam |
prasādya devadeveśaṃ surajyeṣṭho'bravītpunaḥ || 3 ||
[Analyze grammar]

aparādhyapyayaṃ dakṣaḥ saṃprasādyaḥ kṛṣānidhe |
yathāpūrvaṃ punaramūnsarvānkāraya śaṃkara || 4 ||
[Analyze grammar]

yathāvidhiḥ pravarteta vaidikaḥ punareva hi |
tathājñā dīyatāṃ śaṃbho karmasiddhyati seśvaram || 5 ||
[Analyze grammar]

anīśvarāsu sarvāsu kriyāsu parameśvara |
evameva bhavatyeva vighrajātāḥ sahasraśaḥ || 6 ||
[Analyze grammar]

vicārato varākoyama dakṣo bhaktatarastava |
kurvanyo'nīśvarama karma paradṛṣṭāṃtatāṃ gataḥ || 7 ||
[Analyze grammar]

anyopi yo maheśānaṃ hitvā karma kariṣyati |
tasya tatkarmasaṃsiddhirdakṣasyeva bhaviṣyati || 8 ||
[Analyze grammar]

ato na kaścitkiṃcicca kvacitkarma vinā śivam |
vidhāsyati niśamyāsya dakṣatyedṛkṣa ceṣṭitam || 9 ||
[Analyze grammar]

vidhīritamiti śrutvā smitvā devo maheśvaraḥ |
vīramājñāpayāmāsa yathāpūrvaṃ prakalpaya || 110 ||
[Analyze grammar]

vīrabhadropi tatsarvaṃ śarvājñāṃ pratipadya ca |
vinā dakṣasya vadanaṃ yathāpūrvamakalpapayat || 11 ||
[Analyze grammar]

īśvaraṃ ye viniṃdaṃti te mūkāḥ paśavo dhruvam |
tato meṣamukhaṃ dakṣaṃ vīrabhadro gaṇo vyadhāt || 12 ||
[Analyze grammar]

devo brahmāṇamāpṛcchaya dharmādgārhasthyataścyutaḥ |
sapāpaṃ dohimaprasthaṃ jagāma tapase tataḥ || 13 ||
[Analyze grammar]

anāśramavatā puṃsā yataḥ kālo manāgapi |
mudhā kalayitavyo na tasmācchreyaḥ sadā śrama || 14 ||
[Analyze grammar]

ataḥ sa sarvaṃ tapasāṃ phaladātā maheśvaraḥ |
tapaścacāra sagaṇo brahmā dakṣaṃ tvaśikṣayat || 15 ||
[Analyze grammar]

haraniṃdā samudbhūta pāpapaṃkaṃ sudustyajam |
yadi kṣālayituṃ kāṃkṣā tadā vārāṇasīṃ vraja || 16 ||
[Analyze grammar]

prāpya vārāṇasīṃ puṇyāṃ mahāpāpaughahāriṇīm |
kuru liṃgapratiṣṭhāṃ tvaṃ tena śaṃbhuḥ sa tuṣyati || 17 ||
[Analyze grammar]

tuṣṭe maheśvare tuṣṭaṃ jagadetaccarācaram |
nānyatra pāpaṃ te gaṃtṛ vinā vārāṇasīṃ purīm || 18 ||
[Analyze grammar]

brahmahatyādi pāpānāṃ prāyaścittaṃ manīṣibhiḥ |
proktaṃ na haraniṃdāyāstatra kāśyeva kevalama || 19 ||
[Analyze grammar]

kāśyāṃ liṃgapratiṣṭhāyaiḥ kṛtā'tra sukṛtātmabhiḥ |
sarve dharmāḥ kṛtāstaistu ta eva puruṣārthinaḥ || 120 ||
[Analyze grammar]

ityākarṇya vidhervākyaṃ dakṣaḥ prāpyātha satvaram |
avimuktaṃ mahākṣetraṃ tatāpa paramaṃ tapaḥ || 21 ||
[Analyze grammar]

saṃsthāpya liṃgaṃ vidhivalliṃgārādhanatatparaḥ |
na vetti liṃgādaparaṃ sa kiṃcijjagatītale || 22 ||
[Analyze grammar]

divāniśaṃ maheśānaṃ pariṣṭauti samarcati |
namati dhyāyatīkṣeta dakṣo dakṣaprajāpatiḥ || 23 ||
[Analyze grammar]

ekacittasya dakṣasya dhyāyato liṃgamaiśvaram |
samāḥ sahasramagamanmitaṃ dvādaśasaṃkhyayā || 24 ||
[Analyze grammar]

menāṃ yāvatsatī prāpya himācalapativratām |
umārūpāti tapasā patiṃ prāpa pinākinam || 25 ||
[Analyze grammar]

tāvatsa dakṣastapasi niścalo liṃgamārcayat |
tataḥ kāśīṃ samāsādya saha bhartrā girīṃdrajā || 26 ||
[Analyze grammar]

dṛṣṭvā taṃ niścalahṛdaṃ śivaliṃgārcane ratam |
haraṃ vyajijñapaddevī kṣīṇoyaṃ tapasā vibho || 27 ||
[Analyze grammar]

prasādaya kṛpāsiṃdho varaṇainaṃ prajāpatim |
ityukto'parṇayā śaṃbhuḥ prāha taṃ dakṣamīśitā || 2 ||
[Analyze grammar]

varaṃ brūhi mahābhāga dāsyāmi manasepsitam |
itīśoditamākarṇya praṇamya bahuśo haram || 29 ||
[Analyze grammar]

stutvā nānāvidhaiḥ stotraiḥ prasannaṃ vīkṣya śaṃkaram |
provāca devadeveśaṃ yadi deyo varo mama || 130 ||
[Analyze grammar]

tattvadīya padadvaṃdve nirdvaṃdvā bhaktirastu me |
idaṃ ca te mahāliṃgaṃ yanmayā'tra pratiṣṭhitam |
asmiṃlliṃge tvayā nātha sthātavyaṃ sarvadaiva hi || 31 ||
[Analyze grammar]

mayāparāddhaṃ yaddeva tatkṣaṃtavyaṃ kṛpānidhe |
eta eva varāḥ saṃtu krimanyairuttamairvaraiḥ || 32 ||
[Analyze grammar]

iti śrutvā mahādevaḥ prasannotitarāṃ bhavaḥ |
provāca ca yaduktaṃ te tattathāstu na cānyathā || 33 ||
[Analyze grammar]

anyacca te varaṃ dadyāṃ tacchṛṇuṣva prajāpate |
yattvayā sthāpitaṃ liṃgametaddakṣeśvarābhidham || 34 ||
[Analyze grammar]

asya saṃsevanātpuṃsāmaparādhasahasrakam |
kṣamiṣyehaṃ na saṃdehastasmātpūjyamidaṃ janaiḥ || 35 ||
[Analyze grammar]

tvaṃ tu liṃgārcanādasmātsarvamānyo bhaviṣyasi |
parārdhadvitayaprāṃte tato mokṣamavāpsyasi || 36 ||
[Analyze grammar]

ityuktvā devadeveśastasmiṃlliṃge layaṃ yayau |
dakṣopi gatavāngehaṃ pariprāptamanorathaḥ || 37 ||
[Analyze grammar]

skaṃda uvāca |
ityagastya samākhyāto dakṣeśvarasamudbhavaḥ |
yaṃ śrutvā mucyate jaṃturaparādha śatairapi || 35 ||
[Analyze grammar]

śrutvākhyānamidaṃ puṇyaṃ dakṣeśvarasamudbhavam |
naro na lipyate pāpairaparādhālayopi hi || 139 ||
[Analyze grammar]

iti śrīskāṃde mahāpurāṇa ekāśīti sāhasryāṃ saṃhitāyāṃ caturthe kāśīkhaṃḍa uttarārdhe dakṣeśvaraprādurbhāvonāma navāśītitamo'dhyāyaḥ || 89 ||
[Analyze grammar]