Chapter 15

[English text for this chapter is available]

agastiruvāca |
śṛṇu patni mahābhāge lopāmudre sadharmiṇi |
kathā viṣṇugaṇābhyāṃ ca kathitāṃ śivaśarmaṇe || 1 ||
[Analyze grammar]

śivaśarmovāca |
aho gaṇau vicitreyaṃ śrutā cāṃdramasī kathā |
uḍulokakathāṃ khyātaṃ viṣvagākhyānakovidau || 2 ||
[Analyze grammar]

gaṇāvūcatuḥ |
purā sisṛkṣataḥ sṛṣṭiṃ sraṣṭuraṃguṣṭhapṛṣṭhataḥ |
dakṣaḥ prajāvinirmāṇe dakṣo jātaḥ prajāpatiḥ |
ṣaṣṭirduhitarastasya tapolāvaṇyabhūṣaṇāḥ |
sarvalāvaṇyarohiṇyo rohiṇīpramukhāḥ śubhāḥ || 4 ||
[Analyze grammar]

tābhistaptvā tapastīvraṃ prāpya vaiśveśvarīṃ purīm |
ārādhito mahādevaḥ somaḥ somavibhūpaṇaḥ || 5 ||
[Analyze grammar]

yadā tuṣṭoyamīśāno dātuṃ varamathāyayau |
uvāca ca prasannātmā yācadhvaṃ varamuttamam || 6 ||
[Analyze grammar]

śaṃbhorvākyamathākarṇya ūcustāśca kumārikāḥ |
yadi deyo varo'smākaṃ varayogyāḥ sma śaṃkara || 7 ||
[Analyze grammar]

bhavatopi mahādeva bhavatāpaharo hi yaḥ |
rūpeṇa bhavatā tulyaḥ sa no bhartā bhavatviti || 8 ||
[Analyze grammar]

liṃgaṃ saṃsthāpya sumahannakṣatreśvara saṃjñitam |
vāraṇāyāstaṭe ramye saṃgameśvarasannidhau || 9 ||
[Analyze grammar]

divyaṃ varṣa sahasraṃ tu puruṣāyitasaṃjñitam |
tapastaptaṃ mahattābhiḥ puruṣairapi duṣkaram || 10 ||
[Analyze grammar]

tatastuṣṭo hi viśveśo vyataradvaramuttamam |
sarvāsāmekapatnīnāmakatre sthiracetasām || 11 ||
[Analyze grammar]

śrī viśveśvara uvāca |
na kṣāṃtaṃ hi tapotyugrametadanyābhirīdṛśam |
purā'balābhistasmādvo nāma nakṣatramatra vai || 12 ||
[Analyze grammar]

puruṣāyitasaṃjñena taptaṃ yattapasādhunā |
bhavatībhistataḥ puṃstvamicchayā vo bhaviṣyati || 13 ||
[Analyze grammar]

jyotiścakre samaste'sminnagragaṇyā bhaviṣyatha |
meṣādīnāṃ ca rāśīnāṃ yonayo yūyamuttamāḥ || 14 ||
[Analyze grammar]

oṣadhīnāṃ sudhāyāśca brāhmaṇānāṃ ca yaḥ patiḥ |
patimatyo bhavatyopi tena patyā śubhānanāḥ || 15 ||
[Analyze grammar]

bhavatīnāmidaṃ liṃgaṃ nakṣatreśvara saṃjñitam |
pūjayitvā naro gaṃtā bhavatīlokamuttamam || 16 ||
[Analyze grammar]

upariṣṭānmṛgāṃkasya loko vastu bhaviṣyati |
sarvāsāṃ tārakāṇāṃ ca madhye mānyā bhaviṣyatha || 17 ||
[Analyze grammar]

nakṣatrapūjakā ye ca nakṣatravratacāriṇaḥ |
te vo loke vasiṣyaṃti nakṣatra sadṛśaprabhāḥ || 18 ||
[Analyze grammar]

nakṣatragraharāśīnāṃ bādhāsteṣāṃ kadācana |
na bhaviṣyaṃti ye kāśyāṃ nakṣatreśvaravīkṣakāḥ || 19 ||
[Analyze grammar]

agastya uvāca |
atithitvamavāpa netrayorbudhalokaḥ śivaśarmaṇastvatha |
gaṇayorbhagaṇasya saṃkathāṃ kathayitro riti viṣṇucetasoḥ || 20 ||
[Analyze grammar]

śivaśarmovāca |
kasya lokoyamatulo brūtaṃ śrībhagavadgaṇau |
pīyūṣabhānoriva me manaḥ prīṇayatetarām || 21 ||
[Analyze grammar]

gaṇāvūcatuḥ |
śivaśarmañchṛṇu kathāmetāṃ pāpāpahāriṇīm |
svargamārgavinodāya tāpatrayavināśinīm || 22 ||
[Analyze grammar]

yosau pūrvaṃ mahākāṃtirāvābhyāṃ parivarṇitaḥ |
sāmrājyapadamāpanno dvijarājastavāgrataḥ || 23 ||
[Analyze grammar]

dakṣiṇā rājasūyasya yena tribhuvanaṃ kṛtā |
tapastatāpa yotyugraṃ padmānāṃ daśatīrdaśa || 24 ||
[Analyze grammar]

atrinetrasamudbhūtaḥ pautro vai druhiṇasya yaḥ |
nāthaḥ sarvauṣadhīnāṃ ca jyotiṣāṃ patireva ca || 25 ||
[Analyze grammar]

nirmalānāṃ kalānāṃ ca śevadhiryaśca gīyate |
udyanparopatāpaṃ yaḥ svakarairgalahastayet || 26 ||
[Analyze grammar]

mudaṃkumudinīnāṃyastanoti jagatā saha |
digvadhū cāru śṛṃgāradarśanādarśamaṃḍalaḥ || 27 ||
[Analyze grammar]

kimanyairguṇasaṃbhārairatopi na samaṃ vidhoḥ |
nijottamāṃge sarvajñaḥ kalāṃ yasyāvataṃsayet || 28 ||
[Analyze grammar]

bṛhaspatessa vai bhāryāmaiśvaryamadamohitaḥ |
purohitasyāpigurorbhrāturāṃgirasasya vai || 29 ||
[Analyze grammar]

jahāra tarasā tārāṃ rūpavānrūpaśālinīm |
vāryamāṇopi gīrvāṇairbahudevarṣibhiḥ punaḥ || 30 ||
[Analyze grammar]

nāyaṃ kalānidherdoṣo dvijarājasya tasya vai |
hitvā trinetraṃ kāmena kasya no khaḍitaṃ manaḥ || 31 ||
[Analyze grammar]

dhvāṃtametadabhitaḥ prasāriyattacchamāya vidhināvinirmitam |
dīpabhāskarakarāmahauṣadhaṃ nādhipatya tamasastukiṃcana || 32 ||
[Analyze grammar]

ādhipatyamadamohitaṃ hitaṃ śaṃsitaṃ spṛśati no harerhitam |
durjanavihitatīrthamajjanaiḥ śuddhadhīriva viruddhamānasam || 33 ||
[Analyze grammar]

dhigdhigetadadhikarddhi ceṣṭitaṃ caṃkramekṣaṇavilakṣitaṃ yataḥ |
vīkṣate kṣaṇamacārucakṣuṣā ghātitena vipadaḥpadena ca || 34 ||
[Analyze grammar]

kaḥ kāmena na nirjitastrijagatāṃ puṣpāyudhenāpyaho kaḥ krodhasyavaśaṃgato nanaca ko lobhena saṃmohitaḥ |
yoṣillocanabhallabhinnahṛdayaḥ ko nāptavānāpadaṃ ko rājyaśriyamāpyanāṃdhapadavīṃ yātopi sallocanaḥ || 35 ||
[Analyze grammar]

ādhipatyakamalāticaṃcalā prāpyatāṃ ca yadihārjitaṃ kila |
niścalaṃ sadasaduccakairhitaṃ kāryamāryacaritaiḥ sadaiva tat || 36 ||
[Analyze grammar]

na yadāṃgirase tārāṃ sa vyasarjayadulbaṇaḥ |
rudrotha pārṣṇiṃ jagrāha gṛhītvājagavaṃ dhanuḥ || 37 ||
[Analyze grammar]

tena brahmaśironāma paramāstraṃ mahātmanā |
utsṛṣṭaṃ devadevāyatena tannāśitaṃ tataḥ || 38 ||
[Analyze grammar]

tayostadyuddhamabhavadghoraṃ vai tārakāmayam |
tatastvakāṃḍa brahmāṃḍa bhaṃgādbhītobhavadvidhiḥ || 39 ||
[Analyze grammar]

nivārya rudraṃ samarātsaṃvartānalavarcasam |
dadāvāṃgirase tārāṃ svayameva pitāmahaḥ || 40 ||
[Analyze grammar]

athāṃtargarbhamālokya tārāṃ prāha bṛhaspatiḥ |
madīyāyāṃ na te yonau garbho dhāryaḥ kathaṃcana || 41 ||
[Analyze grammar]

iṣīkāstaṃbamāsādya garbhaṃ sā cotsasarja ha |
jātamātraḥ sa bhagavāndevānāmākṣipadvapuḥ || 42 ||
[Analyze grammar]

tataḥ saṃśayamāpannāstārāmūcuḥ surottamāḥ |
satyaṃ būhi sutaḥ kasya somasyātha bṛhaspateḥ || 43 ||
[Analyze grammar]

pṛcchamānā yadā devai rnāha tārā'tisatrapā |
tadā sā śaptumārabdhā kumāreṇātitejasā || 44 ||
[Analyze grammar]

taṃ nivārya tadā brahmā tārāṃ papraccha saṃśayam |
provāca prāṃjaliḥ sā taṃ somasyeti pitāmaham || 45 ||
[Analyze grammar]

tadā sa mūrdhnyupāghrāya rājā garbhaṃ prajāpatiḥ |
budha ityakaronnāma tasya bālasya dhīmataḥ || 46 ||
[Analyze grammar]

tataśca sarvadevebhyastejorūpabalādhikaḥ |
budhaḥ somaṃ samāpṛcchaya tapase kṛtaniścayaḥ || 47 ||
[Analyze grammar]

jagāma kāśīṃ nirvāṇarāśiṃ viśveśapālitām |
tatra ligaṃ pratiṣṭhāpya sa svanāmnā budheśvaram || 48 ||
[Analyze grammar]

tapaścacāra cātyugramugraṃ saṃśīlayanhṛdi |
varṣāṇāmayutaṃ bālo bāleṃdutilakaṃ śivam || 49 ||
[Analyze grammar]

tato viśvapatiḥ śrīmānviśveśo viśvabhāvanaḥ |
budheśvarānmahāliṃgādāvirāsīnmahodayaḥ || 50 ||
[Analyze grammar]

uvāca ca prasannātmā jyotīrūpo maheśvaraḥ |
varaṃ brūhi mahābuddhe budhānya vibudhottamaḥ || 51 ||
[Analyze grammar]

tavānenāti tapasā liṃgasaṃśīlanena ca |
prasannosmi mahāsaumya nādeyaṃ tvayi vidyate || 52 ||
[Analyze grammar]

iti śrutvā vacaḥ sotha meghagaṃbhīra niḥsvanam |
avagrahaparimlāna sasyasaṃjīvanopamam || 53 ||
[Analyze grammar]

unmīlyalocane yāvatpuraḥ paśyati bālakaḥ |
tāvalliṃge dadarśātha tryaṃbakaṃ śaśiśekharam || 54 ||
[Analyze grammar]

budha uvāca |
namaḥ pūtātmane tubhyaṃ jyotīrūpa namostu te |
viśvarūpa namastubhyaṃ rūpātītāya te namaḥ || 55 ||
[Analyze grammar]

namaḥ sarvārti nāśāya praṇatānāṃ śivātmane |
sarvajñāya namastubhyaṃ sarvakartre namostu te || 56 ||
[Analyze grammar]

kṛpālave namastubhyaṃ bhaktigamyāya te namaḥ |
phaladātre ca tapasāṃ taporūpāya te namaḥ || 57 ||
[Analyze grammar]

śaṃbho śivaśivākāṃta śāṃtaśrī kaṃṭhaśūlabhṛt |
śaśiśekharaśarveśa śaṃkareśvara dhūrjaṭe || 58 ||
[Analyze grammar]

pinākapāṇe giriśa śitikaṃṭha sadāśiva |
mahādeva namastubhyaṃ devadeva namostu te || 59 ||
[Analyze grammar]

stutikartuṃ na jānāmi stutipriya maheśvara |
tava pādāṃbujadvaṃdve nirdvaṃdvā bhaktirastu me || 60 ||
[Analyze grammar]

ayameva varo nātha prasannosi yadīśvara |
nānyaṃ varaṃ vṛṇe tvattaḥ karuṇāmṛtavāridhe || 61 ||
[Analyze grammar]

tataḥ prāha maheśānastatstutyā paritoṣitaḥ |
rauhiṇeya mahābhāga saumyasaumyavaconidhe || 62 ||
[Analyze grammar]

nakṣatralokādupari tava loko bhaviṣyati |
madhye sarvagrahāṇāṃ ca saparyāṃ lapsyase parām || 63 ||
[Analyze grammar]

tvayedaṃ sthāpitaṃ liṃgaṃ sarveṣāṃ buddhidāyakam |
durbuddhiharaṇaṃ saumya tvallokavasatipradam || 64 ||
[Analyze grammar]

ityuktvā bhagavāñchaṃbhustatraivāṃtaradhīyata |
budhaḥ svarlokamagamaddevadevaprasādataḥ || 65 ||
[Analyze grammar]

gaṇāvūcatuḥ |
kāśyāṃ budheśvarasamarcanalabdhabuddhiḥ saṃsārasiṃdhumadhigamya naro hyagādham |
majjenna sajjanavilocana caṃdrakāṃtiḥ kāṃtānanastvadhivasecca budhe'tra loke || 66 ||
[Analyze grammar]

caṃdreśvarātpūrvabhāge dṛṣṭvā liṃgaṃ budheśvaram |
na buddhyā hīyate jaṃturaṃtakālepi jātucit || 67 ||
[Analyze grammar]

gaṇau yāvatkathāmitthaṃ cakrāte budhalokagām |
tāvadvimānaṃ saṃprāptaṃ śukralokamanuttamam || 68 ||
[Analyze grammar]

iti śrī skāṃde mahāpurāṇa ekāśītisāhasryāṃ saṃhitāyāṃ caturthe kāśīkhaṃḍe pūrvārddhe nakṣatrabudhalokayorvarṇanaṃ nāma paṃcadaśodhyāyaḥ || 15 ||
[Analyze grammar]