Chapter 14

[English text for this chapter is available]

gaṇāvūcatuḥ |
alakāyāḥ purobhāge pūraiśānīmahodayā |
asyāṃ vasaṃti satataṃ rudrabhaktāstapodhanāḥ || 1 ||
[Analyze grammar]

śivasmaraṇasaṃsaktāḥ śivavrataparāyaṇāḥ |
śivasātkṛtakarmāṇaḥ śivapūjāratāḥ sadā || 2 ||
[Analyze grammar]

sābhilāṣāstapasyaṃti svargabhogostvitīha naḥ |
te'tra rudrapure ramye rudrarūpadharā narāḥ || 3 ||
[Analyze grammar]

ajaikapādahirbudhnya mukhyā ekādaśāpi vai |
rudrāḥ parivṛḍhāścātra triśūlodyatapāṇayaḥ || 4 ||
[Analyze grammar]

puryaṣṭakaṃ ca duṣṭebhyo devadhrugbhyo hyavaṃti te |
prayacchaṃti varānnityaṃ śivabhaktajane varāḥ || 5 ||
[Analyze grammar]

etairapi tapastaptaṃ prāpya vārāṇasīṃ purīm |
īśāneśaṃ mahāliṃgaṃ paristhāpya śubhapradam || 6 ||
[Analyze grammar]

īśāneśa prasādena diśyaiśyāṃ hi digīśvarāḥ |
ekādaśāpyekacarā jaṭāmukuṭamaṃḍitāḥ || 7 ||
[Analyze grammar]

bhālanetrā nīlagalāḥ śuddhāṃgā vṛṣabhadhvajāḥ |
asaṃkhyātāḥ sahasrāṇi ye rudrā adhibhūtalam || 8 ||
[Analyze grammar]

te'syāṃ puri vasaṃtyaiśyāṃ sarvabhogasamṛddhayaḥ |
īśāneśaṃ samabhyarcya kāśyāṃ deśāṃtareṣvapi || 9 ||
[Analyze grammar]

vipannāstena puṇyena jāyaṃte 'trapurohitāḥ |
aṣṭamyāṃ ca caturdaśyāmīśāneśaṃ yajaṃti ye || 10 ||
[Analyze grammar]

ta eva rudrā vijñeyā ihāmutrāpyasaṃśayam |
kṛtvā jāgaraṇaṃ rātrāvīśāneśvara saṃnidhau || 11 ||
[Analyze grammar]

upoṣyabhūtāṃyāṃkāṃcinna naro garbhabhākpunaḥ |
svargamārge kathāmitthaṃ śṛṇvanviṣṇugaṇoditām || 12 ||
[Analyze grammar]

śivaśarmā divāpyuccairapaśyaccaṃdracaṃdrikām |
āhlādayaṃtīṃ bahuśaḥ samaṃ sarveṃdriyairmanaḥ || 13 ||
[Analyze grammar]

camatkṛtya camatkṛtya koyaṃ loko harergaṇau |
papraccha śivaśarmā tau procatustaṃ ca tau dvijam || 14 ||
[Analyze grammar]

gaṇāvūcatuḥ |
śivaśarmanmahābhāga loka eṣa kalānidheḥ |
pīyūṣavarṣibhiryasya karairāpyāyyate jagat || 15 ||
[Analyze grammar]

pitā somasya bho vipra jajñe'trirbhagavānṛṣiḥ |
brahmaṇo mānasātpūrvaṃ prajāsargaṃ vidhitsataḥ || 16 ||
[Analyze grammar]

anuttaraṃ nāma tapo yena taptaṃ hi tatpurā |
trīṇivarṣasahasrāṇi divyānītīha nau śrutam || 17 ||
[Analyze grammar]

ūrdhvamācakrame tasya retaḥ somatvamīyivat |
netrābhyāṃ tacca susrāva daśadhā dyotayaddiśaḥ || 18 ||
[Analyze grammar]

taṃ garbhaṃ vidhinā diṣṭā daśa devyo dadhustataḥ |
sametya dhārayāmāsurnaiva tāḥ samaśaknuvan || 19 ||
[Analyze grammar]

yadā na dhāraṇe śaktāstasya garbhasya tā diśaḥ |
tatastābhiḥ sajūḥ somo nipapāta vasuṃdharām || 20 ||
[Analyze grammar]

patitaṃ somamālokya brahmā lo kapitāmahaḥ |
rathamāropayāmāsa lokānāṃ hitakāmyayā || 21 ||
[Analyze grammar]

sa tena rathamukhyena sāgarāṃtāṃ vasuṃdharām |
triḥsaptakṛtvo druhiṇaścakārāmuṃ pradakṣiṇam || 22 ||
[Analyze grammar]

tasya yatplavitaṃ tejaḥ pṛthivīmanvapadyata |
tathauṣadhyaḥ samudbhūtā yābhiḥ saṃdhāryate jagat || 23 ||
[Analyze grammar]

salabdhatejā bhagavānbrahmaṇā vardhitaḥ svayam |
tapastepe mahābhāga padmānāṃ daśatīrdaśa || 24 ||
[Analyze grammar]

avimuktaṃ samāsādya kṣetraṃ paramapāvanam |
saṃsthāpya liṃgamamṛtaṃ caṃdreśākhyaṃ svanāmataḥ || 25 ||
[Analyze grammar]

bījauṣadhīnāṃ toyānāṃ rājābhūdagrajanmanām |
prasādāddevadevasya viśveśasya pinākinaḥ || 26 ||
[Analyze grammar]

tatra kūpaṃ vidhāyaikamamṛtodamiti smṛtam |
yasyāṃbupānasnānābhyāṃ naro'jñātātpramucyate || 27 ||
[Analyze grammar]

tuṣṭenadevadevena svamaulau yo dhṛtaḥ svayam |
ādāya tāṃ kalāmekāṃ jagatsaṃjavinīṃ parām || 28 ||
[Analyze grammar]

paścāddakṣeṇa śaptopi māsone kṣayamāpya ca |
āpyāyyatesau kalayā punareva tayā śaśī || 29 ||
[Analyze grammar]

sa tatprāpya mahārājyaṃ somaḥ somavatāṃ varaḥ |
rājasūyaṃ samājahre sahasraśatadakṣiṇam || 30 ||
[Analyze grammar]

dakṣiṇāmadadatsomastrīṃllokāniti nau śrutam |
tebhyo brahmarṣimukhyebhyaḥ sadasyebhyaśca bho dvija || 31 ||
[Analyze grammar]

hiraṇyagarbho brahmā'trirbhṛguryatrartvijobhavan |
sadasyobhūddharistatra munibhirbahubhiryutaḥ || 32 ||
[Analyze grammar]

taṃsinī ca kuhūścaiva dyutiḥ puṣṭiḥ prabhāvasuḥ |
kīrtirdhṛtiśca lakṣmīśca navadevyaḥ siṣevire || 33 ||
[Analyze grammar]

umayā sahitaṃ rudraṃ saṃtarpyādhvarakarmaṇā |
prāpa soma iti khyātiṃ dattāṃ somena śaṃbhunā || 34 ||
[Analyze grammar]

tatraiva taptavānsomastapaḥ paramaduṣkaram |
tatraiva rājasūyaṃ ca cakre caṃdreśvarāgrataḥ || 35 ||
[Analyze grammar]

tatraiva brāhmaṇaiḥ prītairityuktosau kalānidhiḥ |
somosmākaṃ brāhmaṇānāṃ rājā trailokyadakṣiṇaḥ || 36 ||
[Analyze grammar]

tatraiva devadevasya vilocanapadaṃ gataḥ |
devena prītamanasā trailokyāhlādahetave || 37 ||
[Analyze grammar]

tvaṃ mamāsya parāmūrtirityuktastattapobalāt |
jagattavodayaṃ prāpya bhaviṣyati sukhodayam || 38 ||
[Analyze grammar]

tvatpīyūṣamayairhastaiḥ spṛṣṭametaccarācaram |
bhānutāpaparītaṃ ca parā glāniṃ vihāsyati || 39 ||
[Analyze grammar]

etaduktvā maheśāno varānanyānadānmudā |
dvijarājatapastaptaṃ yadatyugraṃ tvayātra vai || 40 ||
[Analyze grammar]

yacca kratu kriyotsargastvayā mahyaṃ niveditaḥ |
sthāpitaṃ yattvidaṃ liṃgaṃ mama caṃdreśvarābhidham || 41 ||
[Analyze grammar]

tatotra liṃge tvannāmni somasomārdharūpadhṛk |
pratimāsaṃ paṃcadaśyāṃ śuklāyāṃ sarvagopyaham || 42 ||
[Analyze grammar]

ahorātraṃ vasiṣyāmi trailokyaiśvaryasaṃyutaḥ |
tatotra pūrṇimāyāṃ tu kṛtā svalpāpi satkriyā || 43 ||
[Analyze grammar]

japahomārcanadhyānadānabrāhmaṇabhojanam |
mahāpūjā ca sā nūnaṃ mama prītyai bhaviṣyati || 44 ||
[Analyze grammar]

jīrṇoddhārādikaraṇaṃ nṛtyavādyādikārpaṇam |
dhvajāropaṇakarmādi tapasviyatitaparṇam || 45 ||
[Analyze grammar]

caṃdreśvare kṛtaṃ sarvaṃ tadānaṃtyāya jāyate |
anyacca te pravakṣyāmi śṛṇu guhyaṃ kalānidhe || 46 ||
[Analyze grammar]

abhaktāya ca nākhyeyaṃ nāstikāya śrutidruhe |
amāvāsyā yadā soma jāyate somavāsare || 47 ||
[Analyze grammar]

tadopavāsaḥ kartavyo bhūtāyāṃ sadbhirādarāt |
kṛtanityakriyaḥ soma trayodaśyāṃ niśāmaya || 48 ||
[Analyze grammar]

śanipradoṣe saṃpūjya liṃgaṃ caṃdreśvarāhvayam |
naktaṃ kṛtvā trayodaśyāṃ niyamaṃ parigṛhya ca || 49 ||
[Analyze grammar]

upoṣya ca caturdaśyāṃ kṛtvā jāgaraṇaṃ niśi |
prātaḥ somakuhūyoge snātvā caṃdrodavāribhiḥ || 50 ||
[Analyze grammar]

upāsya saṃdhyāṃ vidhivatkṛtasarvodaka kriyaḥ |
upacaṃdrodatīrtheṣu śrāddhaṃ vidhivadācaret || 51 ||
[Analyze grammar]

āvāhanārghyarahitaṃ piṃḍāndadyātprayatnataḥ |
vasurudrāditisutasvarūpapuruṣatrayam || 52 ||
[Analyze grammar]

mātāmahāṃstathoddiśya tathānyānapi gotrajān |
guruśvaśurabaṃdhūnāṃ nāmānyuccārya piṃḍadaḥ || 53 ||
[Analyze grammar]

kurvañchrāddhaṃ ca tīrthesmiñchraddhayoddharatekhilān |
gayāyāṃ piṃḍadānena yathā tupyaṃti pūrvajāḥ || 54 ||
[Analyze grammar]

tathā caṃdrodakuṃḍe'tra śrāddhaistṛpyaṃti pūrvajāḥ |
gayāyāṃ ca yathā mucyetsarvarṇātpitṛjānnaraḥ || 55 ||
[Analyze grammar]

tathā pramucyate carṇāccaṃdrode piṇḍadānataḥ |
yadā caṃdreśvaraṃ draṣṭuṃ yāyātkopi narottamaḥ || 56 ||
[Analyze grammar]

tadā nṛtyaṃti muditāstatpūrvaprapitāmahāḥ |
ayaṃ caṃdrodatīrthesmiṃstarpaṇaṃ naḥ kariṣyati || 57 ||
[Analyze grammar]

asmākaṃ maṃdabhāgyatvādyadi naiva kariṣyati |
tadātattīrtha saṃsparśādasmattṛptirbhaviṣyati || 58 ||
[Analyze grammar]

spṛśennāpi yadā maṃdastadā drakṣyati tṛptaye |
evaṃ śrāddhaṃ vidhāyātha spṛṣṭvā caṃdreśvaraṃ vratī |
saṃtarpya viprāṃśca yatīnkuryādvai pāraṇaṃ tataḥ || 59 ||
[Analyze grammar]

evaṃ vrate kṛte kāśyāṃ sadarśe somavāsare |
bhavedṛṇatrayānmukto mṛgāṃkamadanugrahāt || 60 ||
[Analyze grammar]

atra yātrā mahācaitryāṃ kāryā kṣetranivāsibhiḥ |
tārakajñānalābhāya kṣetravighnanivartinī || 61 ||
[Analyze grammar]

caṃdreśvaraṃ samabhyarcya yadyanyatrāpi saṃsthitaḥ |
aghaughapaṭalīṃ bhittvā somalokamavāpsyati || 62 ||
[Analyze grammar]

kalau caṃdreśamahimā nābhāgyairavagamyate |
anyacca te pravakṣyāmi paraṃ guhyaṃ niśāpate || 63 ||
[Analyze grammar]

siddhayogīśvaraṃ pīṭhametatsādhakasiddhidam |
surāsureṣu gaṃdharva nāgavidyādhareṣvapi || 64 ||
[Analyze grammar]

rakṣoguhyakayakṣeṣu kiṃnareṣu nareṣu ca |
saptakoṭyastu siddhānāmatra siddhā mamāgrataḥ || 65 ||
[Analyze grammar]

ṣaṇmāsaṃ niyatāhāro dhyāyanviśveśvarīmiha |
caṃdreśvarārcanāyātānsiddhānpaśyati so'gragān || 66 ||
[Analyze grammar]

siddhayogīśvarī sākṣādvaradā tasya jāyate |
tavāpi mahatī siddhiḥ siddhayogīśvarīkṣaṇāt || 67 ||
[Analyze grammar]

saṃti pāṭhānyanekāni kṣitau sādhakasiddhaye |
paraṃ yogīśvarī pīṭhādbhūpṛṣṭhenāśu siddhidam || 68 ||
[Analyze grammar]

yatra caṃdreśvaraṃ liṃgaṃ tvayedaṃ sthāpitaṃ śaśin |
idameva hi tatpīṭhamadṛśyamakṛtātmabhiḥ || 69 ||
[Analyze grammar]

jitakāmā jitakrodhā jitalobhaspṛhāsmitāḥ |
yogīśvarīṃ prapaśyaṃti mama śaktiparāṃ hitām || 70 ||
[Analyze grammar]

ye tu pratyaṣṭami janāstathā prati caturdaśi |
siddhayogīśvarīpīṭhe pūjayiṣyaṃti bhāvitāḥ || 71 ||
[Analyze grammar]

adṛṣṭarūpāṃ subhagāṃ piṃgalāṃ sarvasiddhidām |
dhūpanaivedyadīpādyaisteṣāmāvirbhaviṣyati || 72 ||
[Analyze grammar]

iti dattvā varāñchaṃbhustasmai caṃdramase dvija |
aṃtarhito maheśānastatra vaiśveśvare pure || 73 ||
[Analyze grammar]

tadārabhya ca loke'smindvijarājodhipobhavat |
diśovitimirāḥ kurvannijaiḥ prasṛmaraiḥ karaiḥ || 74 ||
[Analyze grammar]

somavāravratakṛtaḥ somapānaratā narāḥ |
somaprabheṇayānena somalokaṃ vrajaṃti hi || 75 ||
[Analyze grammar]

caṃdreśvarasamutpattiṃ tathā cāṃdramasaṃ tapaḥ |
yaḥ śroṣyati naro bhaktyā caṃdraloke sa ijyate || 76 ||
[Analyze grammar]

agastiruvāca |
śivaśarmaṇi śarmakāriṇīṃ pa thi divye śramahāriṇīṃ gaṇau |
kathayaṃtau tu kathāmimāṃ śubhāmuḍulokaṃ parijagmatustataḥ || 77 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ caturthe kāśīkhaṃḍe pūrvārddhe somalokavarṇanaṃ nāma caturdaśo'dhyāyaḥ || 14 ||
[Analyze grammar]