Chapter 32

[English text for this chapter is available]

vyāsa uvāca |
tataśca rāmadūtāste natvā rāmamathābruvan |
rāmarāma mahābāho varanārī śubhānanā || 1 ||
[Analyze grammar]

suvastrabhūṣābharaṇāṃ mṛduvākyaparāyaṇām |
ekākinīṃ kradamānāma dṛṣṭvā tāṃ vismitā vayam || 2 ||
[Analyze grammar]

samīpavartino bhūtvā pṛṣṭā sā surasundarī |
kā tvaṃ devi varārohe devī vā dānavī nu kim || 3 ||
[Analyze grammar]

rāmaḥ pṛcchati devi tvāṃ brūhi sarvaṃ yathātatham |
tacchrutvā vacanaṃ rāmā sovāca madhuraṃ vacaḥ || 4 ||
[Analyze grammar]

rāmaṃ preṣayata bhadraṃ vo mama duḥkhāpahaṃ param || 5 ||
[Analyze grammar]

tadākarṇya tato rāmaḥ saṃbhramāttvarito yayau |
dṛṣṭvā tāṃ duḥkhasaṃtaptāṃ svayaṃ duḥkhamavāpa saḥ |
uvāca vacanaṃ rāmaḥ kṛtāṃjalipuṭastadā || 6 ||
[Analyze grammar]

śrīrāma uvāca |
kā tvaṃ śubhe kasya parigraho vā kenāvadhūtā vijane nirastā |
muṣṭaṃ dhanaṃ kena ca tāvakīnamācakṣva mātaḥ sakalaṃ mamāgre || 7 ||
[Analyze grammar]

ityuktvā cātiduḥkhārto rāmo matimatāṃ varaḥ |
praṇāmaṃ daṃḍavaccakre cakrapāṇirivāparaḥ || 8 ||
[Analyze grammar]

tayābhivaṃdito rāmaḥ pragamya ca punaḥpunaḥ |
tuṣṭayā parayā prītyā stuto madhurayā girā || 9 ||
[Analyze grammar]

paramātmanpareśāna duḥkhahārinsanātana |
yadarthamavatāraste tacca kāryaṃ tvayā kṛtam || 10 ||
[Analyze grammar]

rāvaṇaḥ kumbhakarṇaśca śakrajitpramukhāstathā |
kharadūṣaṇatriśiromārīcākṣakumārakāḥ || 11 ||
[Analyze grammar]

asaṃkhyā nirjitā raudrā rākṣasāḥ samarāṃgaṇe || 12 ||
[Analyze grammar]

kiṃ vacmi lokeśa sukīrttimadya te vedhāstvadīyāṃgajapadmasaṃbhavaḥ |
viśvaṃ niviṣṭaṃ ca tato dadarśa vaṭasya patre hi yatho vaṭo mataḥ || 13 ||
[Analyze grammar]

dhanyo daśaratho loke kauśalyā jananī tava |
yayorjātosi goviṃda jagadīśa paraḥ pumān || 14 ||
[Analyze grammar]

dhanyaṃ ca tatkulaṃ rāma yatra tvamāgataḥ svayam |
dhanyā'yodhyāpurī rāma dhanyo lokastvadāśrayaḥ || 15 ||
[Analyze grammar]

dhanyaḥ so'pi hi vālmīkiryena rāmāyaṇaṃ kṛtam |
kavinā vipramukhyebhya ātmabuddhyā hyanāgatam || 16 ||
[Analyze grammar]

tvatto'bhavatkulaṃ cedaṃ tvayā deva supāvitam || 17 ||
[Analyze grammar]

narapatiriti lokaiḥ smaryate vaiṣṇavāṃśaḥ svayamasi ramaṇīyaistvaṃ guṇairviṣṇureva |
kimapi bhuvanakāryaṃ yadviciṃtyāvatīrya tadiha ghaṭayataste vatsa nirvighnamastu || 18 ||
[Analyze grammar]

stutvā vācātha rāmaṃ hi tvayi nāthe nu sāṃpratam |
śūnyā varte ciraṃ kālaṃ yathā doṣastathaiva hi || 19 ||
[Analyze grammar]

dharmāraṇyasya kṣetrasya viddhi māmadhidevatām |
varṣāṇi dvādaśehaiva jātāni duḥkhi tāsmyaham || 20 ||
[Analyze grammar]

nirjanatvaṃ mamādya tvamuddharasva mahāmate |
lohāsurabhayādrāma viprāḥ sarve diśo daśa || 21 ||
[Analyze grammar]

gatāśca vaṇijaḥ sarve yathāsthānaṃ suduḥkhitāḥ |
sa daityo ghātito rāma devaiḥ surabhayaṃkaraḥ || 22 ||
[Analyze grammar]

ākramyātra mahāmāyo durādharṣo duratyayaḥ |
na te janāḥ samāyāṃti tadbhayādati śaṃkitāḥ || 23 ||
[Analyze grammar]

adya vai dvādaśa samāḥ śūnyāgāramanāthavat |
yasmācca dīrghikāyāṃ me snānadānodyato janaḥ || 24 ||
[Analyze grammar]

rāma tasyāṃ dīrghikāyāṃ nipataṃti ca śūkarāḥ |
yatrāṃganā bhartṛyutā jalakrīḍāparāyaṇāḥ || 25 ||
[Analyze grammar]

cikrīḍustatra mahiṣā nipataṃti jalāśaye |
yatra sthāne supuṣpāṇāṃ prakaraḥ pracuro'bhavat || 26 ||
[Analyze grammar]

tadruddhaṃ kaṃṭakairvṛkṣaiḥ siṃhavyāghrasamākulaiḥ |
saṃcikrīḍuḥ kumārāśca yasyāṃ bhūmau niraṃtaram || 27 ||
[Analyze grammar]

kumāryaścitrakāṇāṃ ca tatra krīḍaṃ ti harṣitāḥ |
akurvanvāḍavā yatra vedagānaṃ tiraṃtaram || 28 ||
[Analyze grammar]

śivānāṃ tatra phetkārāḥ śrūyaṃte'tibhayaṃkarāḥ |
yatra dhūmo'gnihotrāṇāṃ dṛśyate vai gṛhegṛhe || 29 ||
[Analyze grammar]

tatra dāvāḥ sadhūmāśca dṛśyaṃte'tyulbaṇā bhṛśam |
nṛtyaṃte narttakā yatra harṣitā hi dvijāgrataḥ || 30 ||
[Analyze grammar]

tatraiva bhūtavetālā pretāḥ nṛtyaṃti mohitāḥ |
nṛpā yatra sabhāyāṃ tu nyaṣīdanmaṃtratatparāḥ || 31 ||
[Analyze grammar]

tasminsthāne niṣīdaṃti gavayā ṛkṣaśallakāḥ |
āvāsā yatra dṛśyante dvijānāṃ vaṇijāṃ tathā || 32 ||
[Analyze grammar]

kuṭṭimapratimā rāma dṛśyaṃtetra bilāni vai |
koṭarāṇīha vṛkṣāṇāṃ gavākṣāṇīha sarvataḥ || 33 ||
[Analyze grammar]

catuṣkā yajñavedirhi socchrāyā hyabhavatpurā |
te'tra valmīkanicayairdṛśyaṃte pariveṣṭitāḥ || 34 ||
[Analyze grammar]

evaṃvidhaṃ nivāsaṃ me viddhi rāma nṛpottama |
śūnyaṃ tu sarvato yasmānnivāsāya dvijā gatāḥ || 35 ||
[Analyze grammar]

tena me sumahadduḥkhaṃ tasmāttrāhi nareśvara |
etacchrutvā vaco rāma uvāca vadatāṃ varaḥ || 36 ||
[Analyze grammar]

śrīrāma uvāca |
na jāne tāvakānviprāṃścaturdikṣu samāśritān |
na teṣāṃ vedmyahaṃ saṃkhyāṃ nāmagotre dvijanmanām || 37 ||
[Analyze grammar]

yathā jñātiryathā gotraṃ yāthātathyaṃ nivedaya |
tata ānīya tānsarvānsvasthāne vāsayāmyaham || 38 ||
[Analyze grammar]

śrīmātovāca |
brahmaviṣṇumaheśaiśca sthāpitā ye nareśvara |
aṣṭādaśa sahasrāṇi brāhmaṇā vedapāragāḥ || 39 ||
[Analyze grammar]

trayīvidyāsu vikhyātā loke'sminnamitadyute |
catuṣṣaṣṭikagotrāṇāṃ vāḍavā ye pratiṣṭhitāḥ || 40 ||
[Analyze grammar]

śrīmātādāttrayīvidyāṃ loke sarve dvijottamāḥ |
ṣaṭtriṃśacca sahasrāṇi vaiśyā dharmaparāyaṇāḥ || 41 ||
[Analyze grammar]

āryavṛttāstu vijñeyā dvijaśuśrūṣaṇe ratāḥ |
bahulārko nṛpo yatra saṃjñayā saha rājate || 42 ||
[Analyze grammar]

kumārāvaśvinau devau dhanado vyayapūrakaḥ |
adhiṣṭhātrī tvahaṃ rāma nāmnā bhaṭṭārikā smṛtā || 43 ||
[Analyze grammar]

śrīsūta uvāca |
sthānācārāśca ye kecitkulācārāstathaiva ca |
śrīmātrā kathitaṃ sarvaṃ rāmasyāgre purātanam || 44 ||
[Analyze grammar]

tasyāstu vacanaṃ śrutvā rāmo mudamavāpa ha |
satyaṃsatyaṃ punaḥ satyaṃ satyaṃ hi bhāṣitaṃ tvayā || 45 ||
[Analyze grammar]

yasmātsatyaṃ tvayā proktaṃ tannāmnā nagaraṃ śubham |
vāsayāmi jaganmātaḥ satyamaṃdirameva ca || 46 ||
[Analyze grammar]

trailokye khyātimāpnotu satyamaṃdiramu ttamam || 47 ||
[Analyze grammar]

etaduktvā tato rāmaḥ sahasraśatasaṃkhyayā |
svabhṛtyānpreṣayāmāsa viprānayanahetave || 48 ||
[Analyze grammar]

yasmindeśe pradeśe vā vane vā sari tastaṭe |
paryaṃte vā yathāsthāne grāme vā tatratatra ca || 49 ||
[Analyze grammar]

dharmāraṇyanivāsāśca yātā yatra dvijottamāḥ |
arghapādyaiḥ pūjayitvā śīghramānayatātra tān || 50 ||
[Analyze grammar]

ahamatra tadā bhokṣye yadā drakṣye dvijottamān || 51 ||
[Analyze grammar]

vimānya ca dvijānetānāgamiṣyati yo naraḥ |
sa me vadhyaśca daṃḍyaśca nirvāsyo viṣayādbahiḥ || 52 ||
[Analyze grammar]

tacchrutvā dāruṇaṃ vākyaṃ duḥsahaṃ duḥpradharṣaṇam |
rāmājñākāriṇo dūtā gatāḥ sarve diśo daśa || 53 ||
[Analyze grammar]

śodhitā vāḍavāḥ sarve labdhāḥ sarve suharṣitāḥ |
yathoktena vidhānena arghapādyairapūjayan || 54 ||
[Analyze grammar]

stutiṃ cakruśca vidhivadvinayācārapūrvakam |
āmaṃtrya ca dvijānsarvānrāmavākyaṃ prakāśayan || 55 ||
[Analyze grammar]

tataste vāḍavāḥ sarve dvijāḥ sevakasaṃyutāḥ |
gamanāyodyatāḥ sarve vedaśāstraparāyaṇāḥ || 56 ||
[Analyze grammar]

āgatā rāmapārśvaṃ ca bahumānapuraḥsarāḥ |
samāgatāndvijāndṛṣṭvā romāṃcitatanūruhaḥ || 57 ||
[Analyze grammar]

kṛtakṛtyamivātmānaṃ mene dāśarathirnṛpaḥ |
sa saṃbhramātsamutthāya padātiḥ prayayau puraḥ || 58 ||
[Analyze grammar]

karasaṃpuṭakaṃ kṛtvā harṣāśru pratimuñcayan |
jānubhyāmavaniṃ gatvā idaṃ vacanamabravīt || 59 ||
[Analyze grammar]

vipraprasādātkamalāvaro'haṃ vipraprasādāddharaṇīdharo'ham |
vipraprasādājjagatīpatiśca vipraprasādānmama rāmanāma || 60 ||
[Analyze grammar]

ityevamuktā rāmeṇa vāḍa vāste praharṣitāḥ |
jayāśīrbhiḥ prapūjyātha dīrghāyuriti cābruvan || 61 ||
[Analyze grammar]

āvarjitāste rāmeṇa pādyārghyaviṣṭarādibhiḥ |
stutiṃ cakāra viprāṇāṃ daṇḍavatpraṇipatya ca || 62 ||
[Analyze grammar]

kṛtāṃjalipuṭaḥ sthitvā cakre pādābhivaṃdanam |
āsanāni vicitrāṇi haimānyābharaṇāni ca || 63 ||
[Analyze grammar]

samarpayāmāsa tato rāmo daśarathātmajaḥ |
aṃgulīyakavāsāṃsi upavītāni karṇakān || 64 ||
[Analyze grammar]

pradadau vipramukhyebhyo nānāvarṇāśca dhenavaḥ |
ekaikaśata saṃkhyākā ghaṭodhnīśca savatsakāḥ || 65 ||
[Analyze grammar]

savastrā baddhaghaṃṭāśca hemaśṛṃgavibhūṣitāḥ |
rūpyakhurāstāmrapṛṣṭhīḥ kāṃsyapātrasamanvitāḥ || 66 ||
[Analyze grammar]