Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

rāma uvāca |
jīrṇoddhāraṃ kariṣyāmi śrīmāturvacanādaham |
ājñā pradīyatāṃ mahyaṃ yathādānaṃ dadāmi vaḥ || 1 ||
[Analyze grammar]

pātre dānaṃ pradātavyaṃ kṛtvā yajñavaraṃ dvijāḥ |
nāpātre dīyate kiṃciddattaṃ na tu sukhāvaham || 2 ||
[Analyze grammar]

supātraṃ nauriva sadā tārayedubhayorapi |
lohapiṃḍopamaṃ jñeyaṃ kupātraṃ bhañjanātmakam || 3 ||
[Analyze grammar]

jātimātreṇa vipratvaṃ jāyate na hi bho dvijāḥ |
kriyā balavatī loke kriyāhīne kutaḥ phalam || 4 ||
[Analyze grammar]

pūjyāstasmātpūjyatamā brāhmaṇāḥ satyavādinaḥ |
yajñakārye samutpanne kṛpāṃ kurvaṃtu sarvadā || 5 ||
[Analyze grammar]

brahmovāca |
tatastu militāḥ sarve vimṛśya ca parasparam |
kecidūcustadā rāmaṃ vayaṃ śiloṃchajīvikāḥ || 6 ||
[Analyze grammar]

saṃtoṣaṃ paramāsthāya sthitā dharmaparāyaṇāḥ |
pratigrahaprayogeṇa na cāsmākaṃ prayojanam || 7 ||
[Analyze grammar]

daśasūnāsamaścakrī daśacakrisamo dhvajaḥ |
daśadhvajasamā veśyā daśaveśyāsamo nṛpaḥ || 8 ||
[Analyze grammar]

rājapratigraho ghoro rāma satyaṃ na saṃśayaḥ |
tasmādvayaṃ na cecchāmaḥ pratigrahaṃ bhayā vaham || 9 ||
[Analyze grammar]

ekāhikā dvijāḥ kecitkecitsvāmṛtavṛttayaḥ |
kumbhīdhānyā dvijāḥ kecitkecitṣaṭkarmatatparāḥ || 10 ||
[Analyze grammar]

trimūrtisthāpitāḥ sarve pṛthagbhāvāḥ pṛthagguṇāḥ |
kecidevaṃ vadaṃti sma trimūrtyājñāṃ vinā vayam || 11 ||
[Analyze grammar]

pratigrahasya svīkāraṃ kathaṃ kuryāma ha dvijāḥ |
na tāṃbūlaṃ strīkṛtaṃ no hyadmo dānena bhaṣitam || 12 ||
[Analyze grammar]

vimṛśya sa tadā rāmo vasiṣṭhena mahātmanā |
brahmaviṣṇuśivādīnāṃ sasmāra guruṇā saha |
smṛtamātrāstato devāstaṃ deśaṃ samupāgaman |
sūryakoṭipratīkāśīvamānāvalisaṃvṛtāḥ || 14 ||
[Analyze grammar]

rāmeṇa te yathānyāyaṃ pūjitāḥ parayā mudā || 13 ||
[Analyze grammar]

niveditaṃ tu tatsarvaṃ rāmeṇātisubuddhinā || 15 ||
[Analyze grammar]

adhidevyā vacanato jīrṇoddhāraṃ karomyaham |
dharmāraṇye harikṣetre dharmakūpasamīpataḥ || 16 ||
[Analyze grammar]

tataste vāḍavāḥ sarve trimūrttīḥ praṇipatya ca |
mahatā harṣavṛṃdena pūrṇāḥ prāptamanorathāḥ || 17 ||
[Analyze grammar]

arghyapādyādividhinā śraddhayā tānapūjayan |
kṣaṇaṃ viśramya te devā brahmaviṣṇuśivādayaḥ || 18 ||
[Analyze grammar]

ūcū rāmaṃ mahāśaktiṃ vinayātkṛtasaṃpuṭam || 19 ||
[Analyze grammar]

devā ūcuḥ |
devadruhastvayā rāma ye hatā rāvaṇādayaḥ |
tena tuṣṭā vayaṃ sarve bhānuvaṃśavibhūṣaṇa || 20 ||
[Analyze grammar]

uddharasva mahāsthānaṃ mahatīṃ kīrtimāpnuhi || 21 ||
[Analyze grammar]

labdhvā sa teṣāmājñāṃ tu prīto daśarathātmajaḥ |
jīrṇoddhāre'naṃtaguṇaṃ phalamicchannilāpatiḥ || 22 ||
[Analyze grammar]

devānāṃ saṃnidhau teṣāṃ kāryāraṃbhamathākarot |
sthaṃḍilaṃ pūrvataḥ kṛtvā mahāgiri samaṃ śubham || 23 ||
[Analyze grammar]

tasyopari bahiḥśālā gṛhaśālā hyanekaśaḥ |
brahmaśālāśca bahuśo nirmame śobhanākṛtīḥ || 24 ||
[Analyze grammar]

nidhānaiśca samāyuktā gṛhopakaraṇai rvṛtāḥ |
suvarṇakoṭisaṃpūrṇā rasavastrādipūritāḥ || 25 ||
[Analyze grammar]

dhanadhānyasamṛddhāśca sarvadhātuyutāstathā |
etatsarvaṃ kārayitvā brāhmaṇebhyastadā dadau || 26 ||
[Analyze grammar]

ekaikaśo daśadaśa dadau dhenūḥ payasvinīḥ |
catvāriṃśacchataṃ prādādgrāmāṇāṃ caturādhikam || 27 ||
[Analyze grammar]

traividyadvijaviprebhyo rāmo daśarathātmajaḥ |
kājeśena trayeṇaiva sthāpitā dvijasattamāḥ || 28 ||
[Analyze grammar]

tasmāttrayīvidya iti khyātirloke babhūva ha |
evaṃvidhaṃ dvijebhyaḥ sa dattvā dānaṃ mahādbhutam || 29 ||
[Analyze grammar]

ātmānaṃ cāpi mene sa kṛtakṛtyaṃ nareśvaraḥ |
brahmaṇā sthāpitāḥ pūrvaṃ viṣṇunā śaṃkareṇa ye || 30 ||
[Analyze grammar]

te pūjitā rāghaveṇa jīrṇoddhāre kṛte sati |
ṣaṭtriṃśacca sahasrāṇi gobhujā ye vaṇigvarāḥ || 31 ||
[Analyze grammar]

śuśrūṣārthaṃ pradattā vai devairhariharādibhiḥ |
saṃtuṣṭena tu śarveṇa tebhyo dattaṃ tu ceta nam || 32 ||
[Analyze grammar]

śvetāśvacāmarau dattau khaṅgaṃ dattaṃ sunirmalam |
tadā prabodhitāste ca dvijaśuśrūṣaṇāya vai || 33 ||
[Analyze grammar]

vivāhādau sadā bhāvyaṃ cāmarai maṃgalaṃ varam |
khaṅgaṃ śubhaṃ tadā dhāryyaṃ mama cihnaṃ kare sthitam || 34 ||
[Analyze grammar]

gurupūjā sadā kāryā kuladevyāḥ punaḥpunaḥ |
vṛddhyāgameṣu prāpteṣu vṛddhi dāyakadakṣiṇā || 35 ||
[Analyze grammar]

ekādaśyāṃ śanervāre dānaṃ deyaṃ dvijanmane |
pradeyaṃ bālavṛddhebhyo mama rāmasya śāsanāt || 36 ||
[Analyze grammar]

maṃḍaleṣu ca ye śuddhā vaṇigvṛttiratāḥ parāḥ |
sapādalakṣāste dattā rāmaśāsanapālakāḥ || 37 ||
[Analyze grammar]

māṃḍalīkāstu te jñeyā rājāno maṃḍaleśvarāḥ |
dvija śuśrūṣaṇe dattā rāmeṇa vaṇijāṃ varāḥ || 38 ||
[Analyze grammar]

cāmaradvitayaṃ rāmo dattavānkhaḍgameva ca |
kulasya svāminaṃ sūryaṃ pratiṣṭhāvidhipūrvakam || 39 ||
[Analyze grammar]

brahmāṇaṃ sthāpayāmāsa caturvedasamanvitam |
śrīmātaraṃ mahāśaktiṃ śūnyasvāmihariṃ tathā || 40 ||
[Analyze grammar]

vighnāpadhvaṃsanārthāya dakṣiṇadvārasaṃsthitam |
gaṇaṃ saṃsthāpayāmāsa tathānyāścaiva devatāḥ || 41 ||
[Analyze grammar]

kāritāstena vīreṇa prāsādāḥ saptabhūmikāḥ |
yatkiṃ citkurute kāryaṃ śubhaṃ māṃgalyarūpakam || 42 ||
[Analyze grammar]

putre jāte jātake vānnāśane muṃḍane'pi vā |
lakṣahome koṭihome tathā yajñakriyāsu ca || 43 ||
[Analyze grammar]

vāstupūjāgrahaśāṃtyoḥ prāpte caiva mahotsave |
yatkiṃcitkurute dānaṃ dravyaṃ vā dhānyamuttamam || 44 ||
[Analyze grammar]

vastraṃ vā dhenavo nātha hema rūpyaṃ tathaiva ca |
viprāṇāmatha śūdrāṇāṃ dīnānāthāṃdhakeṣu ca || 45 ||
[Analyze grammar]

prathamaṃ bakulārkasya śrīmātuścaiva mānavaḥ |
bhāgaṃ dadyācca nirvighnakāryasiddhyai nirantaram || 46 ||
[Analyze grammar]

vacanaṃ me samullaṃghya kurute yo'nyathā naraḥ |
tasya tatkarmaṇo vighnaṃ bhaviṣyati na saṃśayaḥ || 47 ||
[Analyze grammar]

evamuktvā tato rāmaḥ prahṛṣṭenāṃtarātmanā |
devānāmatha vāpīśca prākārāṃstu suśobhanān || 48 ||
[Analyze grammar]

durgopakaraṇairyuktānpratolīśca suvistṛtāḥ |
nirmame caiva kuṃḍāni sarāṃsi sarasīstathā || 49 ||
[Analyze grammar]

dharmavāpīśca kūpāṃśca tathānyāndevanirmitān |
etatsarvaṃ ca vistārya dharmāraṇye manorame || 50 ||
[Analyze grammar]

dadau traividyamukhyebhyaḥ śraddhayā parayā punaḥ |
tāmrapaṭṭasthitaṃ rāmaśāsanaṃ lopayettu yaḥ || 51 ||
[Analyze grammar]

pūrvajāstasya narake pataṃtyagre na saṃtatiḥ |
vāyuputraṃ samāhūya tato rāmo'bravīdvacaḥ || 52 ||
[Analyze grammar]

vāyuputra mahāvīra tava pūjā bhaviṣyati |
asya kṣetrasya rakṣāyai tvamatra sthitimācara || 53 ||
[Analyze grammar]

āṃjaneyastu tadvākyaṃ praṇamya śirasādadhau |
jīrṇoddhāraṃ tadā kṛtvā kṛtakṛtyo babhūva ha || 54 ||
[Analyze grammar]

śrīmātaraṃ tadābhyarcya prasannenāṃtarātmanā |
śrīmātaraṃ namaskṛtya tīrthānyanyāni rāghavaḥ || 55 ||
[Analyze grammar]

te'pi devāḥ svakaṃ sthānaṃ yayurbahmapurogamāḥ || 56 ||
[Analyze grammar]

dattvāśiṣaṃ tu rāmāya vāṃchitaṃ te bhaviṣyati |
ramyaṃ kṛtaṃ tvayā rāma viprāṇāṃ sthāpanādikam || 57 ||
[Analyze grammar]

asmākamapi vātsalyaṃ kṛtaṃ puṇyavatā tvayā |
iti stuvaṃtaste devāḥ svāni sthānāni bhejire || 58 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Skandapurana Chapter 33

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Like what you read? Consider supporting this website: