Chapter 16

[English text for this chapter is available]

sūta uvāca |
kuṃḍe hanumataḥ snātvā svayaṃ rudreṇa sevite |
agastitīrthaṃ vipreṃdrāstato gacchetsamāhitaḥ || 1 ||
[Analyze grammar]

etadvinirmitaṃ tīrthaṃ sākṣādvai kumbhayoninā |
pravartamāne kalahe purā vai meruviṃdhyayoḥ || 2 ||
[Analyze grammar]

niruddhabhuvanābhogo vavṛdhe viṃdhyaparvataḥ |
tadā prāṇiṣu sarveṣu nirucchvāseṣu devatāḥ || 3 ||
[Analyze grammar]

kailāsaṃ parvataṃ gatvā śaṃbhave tadvyajijñapan |
tadā sa pārvatīpāṇigrahaṇotsukakautukī || 4 ||
[Analyze grammar]

preṣayitvā vasiṣṭhādīnpārvatīṃ yācituṃ munīn |
kuṃbhaja tvaṃ nigṛhṇīṣva viṃdhyādrimiti so'nvaśāt || 5 ||
[Analyze grammar]

tataḥ sa kumbhajaḥ prāha bhagavaṃtaṃ pinākinam |
udvāhaveṣaṃ te deva na drakṣyehaṃ kathaṃ vibho || 6 ||
[Analyze grammar]

iti vijñāpitaḥ śaṃbhuḥ punaḥ kuṃbhajamabravīt |
kuṃbhajodvāhaveṣaṃ te pārvatyā sahito hyaham || 7 ||
[Analyze grammar]

vedāraṇye mahāpuṇye darśayiṣyāmyasaṃśayaḥ |
tadgaccha śīghraṃ viṃdhyādriṃ nigrahītuṃ munīśvara || 8 ||
[Analyze grammar]

evamuktastatogastyo vindhyādriṃ sa nigṛhya ca |
pādākramaṇamātreṇa samīkurvanmahītalam || 9 ||
[Analyze grammar]

caritvā dakṣi ṇāndeśāngandhamādanamanvagāt |
sa viditvā maharṣistu gandhamādanavaibhavam || 10 ||
[Analyze grammar]

tatra tīrthaṃ mahāpuṇyaṃ svanāmnā nirmame muniḥ |
lopāmudrāsakhastatra vartate'dyāpi kuṃbhajaḥ || 11 ||
[Analyze grammar]

tatra snātvā ca pītvā ca na bhūyo janmabhāgbhavet |
iha loke trikālepi tattīrthasadṛśaṃ dvijāḥ || 12 ||
[Analyze grammar]

tīrthaṃ na vidyate puṇyaṃ bhuktimuktiphalapradam |
sarvābhīṣṭapradaṃ nṛṇāṃ yattīrthasnānavaibhavāt || 13 ||
[Analyze grammar]

sudīrghatamasaḥ putraḥ kakṣīvānnāma nāmataḥ |
lebhe manoramāṃ nāma svanayasya sutāṃ priyām || 14 ||
[Analyze grammar]

kakṣīvataḥ kathā seyaṃ puṇyāpāpavināśinī |
tāṃ kathāṃ vaḥ pravakṣyāmi tacchṛṇudhvaṃ munīśvarāḥ || 15 ||
[Analyze grammar]

asti dīrghatamā nāma muniḥ paramadhārmikaḥ |
tasya putraḥ samabhavatkakṣīvāniti viśrutaḥ || 16 ||
[Analyze grammar]

upanītaḥ sa kakṣīvānbrahmacārī jiteṃ driyaḥ |
vedābhyāsāya sa guroḥ kule vāsamakalpayat || 17 ||
[Analyze grammar]

udaṃkasya gurorgehe vasandīrghatamaḥsutaḥ |
so'dhyeṣṭa caturo vedānsāṃgāñchāstrāṇi ṣaṭ tathā || 18 ||
[Analyze grammar]

itihāsapurāṇāni tathopaniṣado'pica |
uṣitvā ṣaṣṭivarṣāṇi kakṣīvāngurusannidhau || 19 ||
[Analyze grammar]

prayāsyansvagṛhaṃ viprā gurave dakṣi ṇāmadāt |
uvāca vai gururvidvānkakṣīvānbrahmavittamaḥ || 20 ||
[Analyze grammar]

kakṣīvānuvāca |
ahaṃ gṛhaṃ prayāsyāmi kurvanujñāṃ mahāmune |
avalokya kṛpādṛṣṭyā māṃ rakṣodaṃka sāṃpratam |
udaṃkastveva muditaḥ kakṣīvaṃtamathābravīt || 21 ||
[Analyze grammar]

udaṃka uvāca |
anujānāmi kakṣīvangaccha tvaṃ svagṛhaṃ prati || 22 ||
[Analyze grammar]

udvāhārthamupāyaṃ te vatsa vakṣyāmi tacchṛṇu |
rāmasetuṃ prayāhi tvaṃ gaṃdhamādanaparvatam || 23 ||
[Analyze grammar]

tatrāgastyakṛtaṃ tīrthaṃ sarvābhīṣṭapradā yakam |
bhuktimuktipradaṃ puṃsāṃ sarvapāpanibarhaṇam || 24 ||
[Analyze grammar]

vidyate snāhi tatra tvaṃ sarvamaṃgalasādhane |
trivarṣaṃ vasa tatra tvaṃ niyamācārasaṃyutaḥ || 25 ||
[Analyze grammar]

varṣeṣu triṣu yāteṣu caturthe vatsare tataḥ |
nirgamiṣyati mātaṃgaḥ kaścittīrthottamāttataḥ || 26 ||
[Analyze grammar]

caturdaṃto mahākāyaḥ śaradabhrasamacchaviḥ |
taṃ gajaṃ girisaṃkāśaṃ snātvā tatra samāruha || 27 ||
[Analyze grammar]

āruhya taṃ gajaṃ vatsa svanayasya purīṃ vraja |
caturdaṃtagajasthaṃ tvāṃ dṛṣṭvā śakramivāparam || 28 ||
[Analyze grammar]

rājarṣiḥ svanayo dhīmānharṣavyākulalocanaḥ |
svakanyāyāḥ kṛte duḥkhaṃ tyajedeva hṛdisthitam || 29 ||
[Analyze grammar]

purā hi pratijajñe sā tasya putrī manoramā |
caturdaṃtaṃ mahākāyaṃ gajaṃ sarvāṃgapāṃḍuram || 30 ||
[Analyze grammar]

āruhya yaḥ samāgacchetsa me bhartā bhavediti |
svakanyāyāḥ pratijñāṃ tāṃ samākarṇya sa bhūpatiḥ || 31 ||
[Analyze grammar]

duḥkhākulamanā bhūtvā satataṃ paryaciṃtayat |
svanaye ciṃtayatyevaṃ nāradaḥ samupāgamat || 32 ||
[Analyze grammar]

tamāgataṃ muniṃ dṛṣṭvā rājarṣiratidhārmikaḥ |
pratyudgamya mudā yuktaḥ pādyārghyādyairapūjayat || 33 ||
[Analyze grammar]

praṇamya nāradaṃ rājā vacanaṃ cedamabravīt |
kanyeyaṃ mama devarṣe pratijñāmakarotpurā || 34 ||
[Analyze grammar]

catu rdaṃtaṃ mahākāyaṃ gajaṃ sarvāṃgapāṃḍuram |
āruhya yaḥ samāgacchetsa me bhartā bhavediti || 35 ||
[Analyze grammar]

caturdaṃto mahākāyo gajaḥ sarvāṃgapāṃḍuraḥ |
saṃbhavediṃdrabhavane bhūtale naiva vidyate || 36 ||
[Analyze grammar]

iyaṃ ca dustarāmenāṃ pratijñāṃ bāliśā'karot |
iyaṃ pratijñātitarāṃ satataṃ bādhate hi mām || 37 ||
[Analyze grammar]

anūḍhā hi pituḥ kanyā sarvadā śokamāvahet |
iti tasya vacaḥ śrutvā svanaye nārado'bravīt || 38 ||
[Analyze grammar]

mā viṣīdasva rājarṣe tasyā īdṛgvidhaḥ patiḥ |
bhaviṣyatyacirādeva pṛthivyāṃ brāhmaṇottamaḥ || 39 ||
[Analyze grammar]

kakṣīvāniti vikhyāto jāmātā te bhaviṣyati |
ityuktvā nāradamuniryayāvākāśamārgataḥ || 40 ||
[Analyze grammar]

sva nayastadvacaḥ śrutvā nāradena prabhāṣitam |
ākāṃkṣate divārātraṃ tādṛgvidhasamāgamam || 41 ||
[Analyze grammar]

ataḥ saumya mahābhāga kakṣīvanbālatāpasa |
agastyatīrthamadya tvaṃ snātuṃ gaccha tvarānvitaḥ || 42 ||
[Analyze grammar]

sarvamaṃgalasiddhiste bhaviṣyati na saṃśayaḥ |
udaṃkenaivamukto'tha kakṣīvāndvijapuṃgavaḥ || 43 ||
[Analyze grammar]

anu jñātaśca guruṇā prayayau gaṃdhamādanam |
saṃprāpyāgastyatīrthaṃ ca tatra sasnau jiteṃdriyaḥ || 44 ||
[Analyze grammar]

kṣetropavāsamakaroddinamekaṃ munīśvaraḥ |
aparedyuḥ punaḥ snātvā pāraṇāmakaroddvijaḥ || 45 ||
[Analyze grammar]

rātrau tatraiva suṣvāpa kakṣīvāndharmatatparaḥ |
evaṃ niyamayuktasya tasya kakṣīvato muneḥ || 46 ||
[Analyze grammar]

ekena divase nonaṃ varṣatrayamathāgamat |
atha varṣatrayasyāṃte tasminneva dine muniḥ || 47 ||
[Analyze grammar]

anvāsya paścimāṃ saṃdhyāṃ sukhaṃ suṣvāpa tattaṭe |
yāmamātrāvaśiṣṭāyāṃ vibhāvaryāṃ mahādhvaniḥ || 48 ||
[Analyze grammar]

udabhūtpralayāṃbhodhivīcikolāhalopamaḥ |
tena śabdena mahatā kakṣīvānpratyabudhyata || 49 ||
[Analyze grammar]

tatastu svanayo nāma rājā sānucaro balī |
mṛgayākautukī tatra madhurāpatirāyayau || 50 ||
[Analyze grammar]

vinighnansa gajānsiṃhānvarāhānmahiṣānnurūn |
anyānmṛgaviśeṣāṃśca sa rājā nyavadhīccharaiḥ || 851 ||
[Analyze grammar]

sāmātyo mṛgayāsakto rathavājigajairyutaḥ |
agastyatīrthasavidhamāsasāda bhaṭānvitaḥ || 52 ||
[Analyze grammar]

sa rājā mṛgayāśrāṃtaḥ śrāṃtasainikasaṃvṛtaḥ |
tattīrthatīraprāṃteṣu niṣasāda mahīpatiḥ || 53 ||
[Analyze grammar]

tataḥ prabhāte vimale kakṣī vānmunisattamaḥ |
agastyatīrthe snātvā'sau saṃdhyāṃ pūrvāmupāsya ca || 54 ||
[Analyze grammar]

tasya tīre japanmatrāṃstasthau niyamasaṃyutaḥ |
atrāṃtare tīrthavarādgaja eko viniryayau || 55 ||
[Analyze grammar]

caturdaṃto mahākāyaḥ kailāsa iva mūrtimān |
sa samutthāya tattīrthādagātkakṣīvadaṃtikam || 56 ||
[Analyze grammar]

tamāgatamudaṃkokta lakṣaṇairupalakṣitam |
tadā nirīkṣya kakṣīvānāroḍhuṃ snānamātanot || 57 ||
[Analyze grammar]

namaskṛtya ca tattīrthaṃ ślāghamāno muhurmuhuḥ |
āruroha ca kakṣīvāṃścaturdaṃtaṃ mahāgajam || 58 ||
[Analyze grammar]

āruhya taṃ caturdaṃtaṃ rajatācalasaṃnibham |
svanayasya purīmeva kakṣīvāngaṃtumaicchata || 59 ||
[Analyze grammar]

tamārūḍhaṃ caturdaṃtaṃ śvetadaṃtāvalottamam |
sa vīkṣya niścikāyainaṃ kakṣīvāniti bhūpatiḥ || 60 ||
[Analyze grammar]

prasannahṛdayo rājā tasyāṃtikamupāgamat |
tadābhyāśamupāgamya kakṣīvaṃtaṃ nṛpo'bravīt || 61 ||
[Analyze grammar]

svanaya uvāca |
tvaṃ brahmankasya putro'si nāma kiṃ tava me vada |
gajamenaṃ samāruhya kutra vā gantumicchasi |
svanayenaivamuktastu kakṣīvānvākyamabravīt || 62 ||
[Analyze grammar]

kakṣīvānuvāca |
putro'haṃ dīrghatamasaḥ kakṣīvāniti viśrutaḥ || 63 ||
[Analyze grammar]

svanayasya tu rājarṣergacchāmi nagaraṃ prati |
ahamudvoḍhumicchāmi tasya kanyā manoramām || 64 ||
[Analyze grammar]

caturdaṃtagajārūḍhastatpratijñāṃ ca pūrayan |
svanayasya sutāpāṇiṃ grahīṣyāmi narādhipa || 65 ||
[Analyze grammar]

tadbhāṣitaṃ samākarṇya śrotrapīyūṣavarṣaṇam |
harṣasaṃphullanayanaḥ svanayo vākyama bravīt || 66 ||
[Analyze grammar]

kakṣīvanbhoḥ kṛtārthosmi sa eva svanayo hyaham |
udvoḍhumicchati bhavānyasya kanyāṃ manoramām || 67 ||
[Analyze grammar]

svāgataṃ te muniśreṣṭha kakṣīvanbālatāpasa |
mama kanyāṃ gṛhāṇa tvaṃ tapodhana manoramām || 68 ||
[Analyze grammar]

tayā saha carandharmāngārhasthyaṃ pratipālaya |
rājñoktaḥ sa tadovāca kakṣīvāndharmatatparaḥ |
rājānaṃ svanayaṃ prītaṃ madhurāpuravāsinam || 69 ||
[Analyze grammar]

kakṣīvānuvāca |
pitā dīrghatamānāma vedāraṇye mama prabho || 70 ||
[Analyze grammar]

āste tapaścaransaumyo niyamācāratatparaḥ |
tasyāṃtikaṃ preṣaya tvaṃ vipramekaṃ dharāpate || 71 ||
[Analyze grammar]

tathoktaḥ sa tadā rājā svanayo hṛṣṭamā nasaḥ |
anekasenayā sārdhaṃ prāhiṇotsvapurodhasam || 72 ||
[Analyze grammar]

vipraṃ sudarśanaṃ nāma vedāraṇyasthalaṃ prati |
sudarśanaḥ samādiṣṭaḥ svanayena nṛpeṇa saḥ || 73 ||
[Analyze grammar]

mahatyā senayā sārdhaṃ prayayau vedakānanam |
tatroṭaje samāsīna taṃ dīrghatamasaṃ munim || 74 ||
[Analyze grammar]

tapaścaratamāsīnaṃ dhyāyanvedāṭavī patim |
purohito dadarśātha japaṃtaṃ maṃtramuttamam || 75 ||
[Analyze grammar]

praṇāmamakarottasmai munaye sa sudarśanaḥ |
uvāca dīrghatamasaṃ muniṃ prahlādayanniva || 76 ||
[Analyze grammar]

sudarśana uvāca |
kaccitte kuśalaṃ brahmankaccitte vardhate tapaḥ |
āśrame kuśalaṃ kaccitkacciddharme sukhaṃ vada || 77 ||
[Analyze grammar]

pṛṣṭaḥ sudarśanenaivaṃ munirdīrghatamāstadā |
sudarśanamuvācedamarghyādividhipūrvakam || 78 ||
[Analyze grammar]

dīrghatamā uvāca |
sarvatra kuśalaṃ brahmansudarśana mahāmate |
mama vedāṭavīnāthakṛpayā nāśubhaṃ kvacit || 79 ||
[Analyze grammar]

tavāpi kuśalaṃ brahmankiṃ sukhāgamanaṃ tathā |
kiṃvā'gamanakāryaṃ te sudarśana mamāśrame || 80 ||
[Analyze grammar]

svanayasya purodhāstvaṃ khalu vedavidāṃvaraḥ |
taṃ vihāya mahārāja madhurāpuravāsinam || 81 ||
[Analyze grammar]

mahatyā senayā sārdhaṃ kimarthaṃ tvamihāgataḥ |
ityukto dīrghatamasā tadānīṃ sa sudarśanaḥ || 82 ||
[Analyze grammar]

uvāca taṃ mahātmānaṃ muniṃ jvalitatejasam |
sarvatra me sukhaṃ brahmanbhavataḥ kṛpayā sadā || 83 ||
[Analyze grammar]

bhagavansva nayo rājā sāṣṭāṃgaṃ praṇipatya tu |
tvāṃ prāha praśritaṃ vākyaṃ manmukhena śṛṇuṣva tat || 84 ||
[Analyze grammar]

svanaya uvāca |
kakṣīvāṃste suto brahma ngaṃdhamādanaparvate |
snānaṃ kurvannagastyasya tīrthe saṃprati vartate || 85 ||
[Analyze grammar]

tasya rūpaṃ tapo dharmamācārānvaidikāṃstathā |
vedaśāstrapravīṇatvamābhi jātyaṃ ca tādṛśam || 86 ||
[Analyze grammar]

lokottaramidaṃ sarvaṃ vijñāya tava naṃdane |
manoramāṃ sutāṃ tasmai dātumicchāmyahaṃ mune || 87 ||
[Analyze grammar]

mṛgayākautukī cāhaṃ gaṃdhamādanaparvatam |
āgato muniśārdūla vartte yuṣmatsutāṃtike || 88 ||
[Analyze grammar]

pitranujñāṃ vinā nāhamudvaheyaṃ sutāṃ tava |
iti brūte tava sutaḥ kakṣīvānmunisa ttama || 89 ||
[Analyze grammar]

tadbhāvāṃ matsutāṃ tasmai dātuṃ me'nugrahaṃ kuru |
praiṣayaṃ ca samīpaṃ te senayā ca sudarśanam || 90 ||
[Analyze grammar]

sudarśana uvāca |
iti māṃ bhagavanrājā prāhiṇottava sannidhim |
tadbhavānanumanyasva rājñastasya cikīrṣitam || 91 ||
[Analyze grammar]

śrīsūta uvāca |
ityuktvā virarāmātha svanayasya purohitaḥ |
tato dīrghatamāḥ prāha svanayasya purohitam || 92 ||
[Analyze grammar]

dīrghatamā uvāca |
sudarśana bhavatvevaṃ kathitaṃ svanayena yat |
mamābhīṣṭatamaṃ hyetatpāṇigrahaṇamaṃgalam || 93 ||
[Analyze grammar]

āgamiṣyāmyahaṃ vipra gandhamādanaparvatam |
ityuktvā sa munirviprā mahādīrghatamā muniḥ || 94 ||
[Analyze grammar]

vedāṭavīpatiṃ natvā bhaktipravaṇacetasā |
sudarśanena sahitaḥ setumuddiśya niryayau || 95 ||
[Analyze grammar]

ṣaṭbhirdinairmuniḥ puṇyaṃ prayayau gandhamādanam |
agastitīrthatīraṃ ca gatvā dīrghatamā muniḥ || 96 ||
[Analyze grammar]

atha putraṃ dadarśāgre kakṣīvaṃtaṃ mahāmuniḥ |
kakṣīvānpitaraṃ dṛṣṭvā vavande nāma kīrtayan || 97 ||
[Analyze grammar]

tato dīrghatamā yogī svāṃkamāropya taṃ sutam |
mūrdhnyupāghrāya sasnehaṃ sasvaje pulakākulaḥ || 98 ||
[Analyze grammar]

kuśalaṃ paripapraccha tadā dīrghatamā ṛṣiḥ |
sarvavedāstvayādhītāḥ kakṣīvankimu vatsaka || 99 ||
[Analyze grammar]

śāstrāṇyapāṭhīḥ kiṃ tvaṃ vā vatsa sarvaṃ vadasva me |
iti pṛṣṭaḥ svapitrā sa sarvaṃ vṛttaṃ tamavravīt || 100 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīyebrahmakhaṇḍe setumāhātmye'gastitīrthapraśaṃsāyāṃ kakṣīvadudvāhodyogavarṇanaṃnāma ṣoḍaśo'dhyāyaḥ || 16 ||
[Analyze grammar]