Chapter 15

[English text for this chapter is available]

śrīsūta uvāca |
brahmakuṇḍe mahāpuṇye snānaṃ kṛtvā samāhitaḥ |
naro hanūmataḥ kuṇḍamatha gacchedvijottamāḥ || 1 ||
[Analyze grammar]

purā hateṣu rakṣaḥsu samāpte raṇakarmaṇi |
rāmādiṣu nivṛtteṣu gaṃdhamādanaparvate || 2 ||
[Analyze grammar]

sarva lokopakārāya hanūmānmārutātmajaḥ |
sarvatīrthottamaṃ cakre svanāmnā tīrthamuttamam || 3 ||
[Analyze grammar]

viditvā vaibhavaṃ yasya svayaṃ rudreṇa sevyate |
tasya tīrthasya sadṛśaṃ na bhūtaṃ na bhaviṣyati || 4 ||
[Analyze grammar]

yatra snātā narā yāṃti śivalokaṃ sanātanam |
yasmiṃstīrthe mahāpuṇye mahāpātakanāśane || 5 ||
[Analyze grammar]

sarvalokopakārāya nirmite vāyusūnunā |
sarvāṇi narakāṇyāsañcchūnyānyeva cirāya vai || 6 ||
[Analyze grammar]

vaibhavaṃ tasya tīrthasya śaṃkaro vetti vā na vā |
yatra dharmasakhonāma rājā kekayavaṃśajaḥ || 7 ||
[Analyze grammar]

bhaktyā saha purā snātvā śataṃ putrānavāpta vān |
ṛṣaya ūcuḥ |
sūta dharmasakhasyādya caritaṃ vaktumarhasi |
hanūmatkuṇḍatīrthe yo lebhe snātvā śataṃ sutān || 8 ||
[Analyze grammar]

śrīsūta uvāca |
śṛṇudhvamṛṣayo yūyaṃ caritaṃ tasya bhūpateḥ || 9 ||
[Analyze grammar]

adya dharmasakhasyāhaṃ pravakṣyāmi samāsataḥ |
rājā dharmasakhonāma vijitāriḥ sudhārmikaḥ || 10 ||
[Analyze grammar]

babhūva nītimānpūrvaṃ prajāpālanatatparaḥ |
tasya bhāryāśataṃ viprā vabhūva patidaivatam || 11 ||
[Analyze grammar]

sa pālayanmahīṃ rājā saśailavanakānanām |
tāsu bhāryāsu tanayaṃ nāviṃdadvaṃśavarddhanam || 12 ||
[Analyze grammar]

putrārthaṃ sa mahīpālo bahūyatnānathākarot || 5 ||
[Analyze grammar]

akarocca mahādānaṃ putrārthaṃ sa mahīpatiḥ || 13 ||
[Analyze grammar]

aśvamedhādibhiryajñairayajacca surānprati |
tulāpuruṣamukhyāni dadau dānāni bhūriśaḥ || 14 ||
[Analyze grammar]

āmadhyarātramannāni sarvebhyo'pyanivāritam |
prāyacchadbahusūpāni sasyopetāni bhūmipaḥ || 15 ||
[Analyze grammar]

pitṝnuddiśya ca śrāddhamakarodvidhipūrvakam |
saṃtānadāyino maṃtrāñjajāpa niyatedriyaḥ || 16 ||
[Analyze grammar]

evamādīnbahūndharmānputrārthaṃ kṛtavānnṛpaḥ |
putramuddiśya satataṃ kurvandharmānanuttamān || 17 ||
[Analyze grammar]

rājā dīrgheṇa kālena vṛddhatāṃ pratyapadyata |
kadācittasya vṛddhasya yatamānasya bhūpateḥ || 18 ||
[Analyze grammar]

putrassucaṃdranāmābhūjjyeṣṭhapatnyāṃ manoramaḥ |
jātaṃ putraṃ jananyastāḥ sarvā vaiṣamyavarjitāḥ || 19 ||
[Analyze grammar]

samaṃ saṃvarddhayāmāsuḥ kṣīrādibhiranuttamāḥ |
rājñaśca sarvamātṝṇāṃ paurāṇāmmaṃtriṇāṃ tathā || 20 ||
[Analyze grammar]

manonayanasaṃtoṣajanako'yaṃ suto'bhavat |
lālayānaḥ sutaṃ rājā mudaṃ lebhe parātparām || 21 ||
[Analyze grammar]

āṃdolikāśayānasya sūnostasya kadācana |
vṛściko'kuṭṭayatpāde pucchenodyadviṣāgninā || 22 ||
[Analyze grammar]

kuṭṭanādvṛścikasyāsāvarudattanayo bhṛśam |
tatastanmātaraḥ sarvāḥ prārudañcchokakātarāḥ || 23 ||
[Analyze grammar]

parivāryātmajaṃ viprāḥ sadhvaniḥ saṃkulo'bhavat |
ārtadhvaniṃ sa śuśrāva rājā dharmasakhastadā || 24 ||
[Analyze grammar]

upaviṣṭaḥ sabhāmadhye sahāmātyapurohitaḥ |
atha prātiṣṭhipadrājā sauvidallaṃ sa veditum || 25 ||
[Analyze grammar]

antaḥpurabahirdvāraṃ sauvidallaḥ sametya saḥ |
ṣaṃḍhavṛddhānsamāhūya vākyametadabhāṣata || 26 ||
[Analyze grammar]

ṣaṃḍhāḥ kimarthamadhunā rudatyantaḥpura striyaḥ |
tatparijñāyatāṃ tatra gatvā rodanakāraṇam || 27 ||
[Analyze grammar]

etadarthaṃ hi māṃ rājā prerayāmāsa saṃsadi |
ityuktāstu parijñāya nidānaṃ rodanasya te || 28 ||
[Analyze grammar]

nirgamyāṃtaḥpurāttasmai yathāvṛttaṃ nyavedayat |
sa ṣaṃḍhakavacaḥ śrutvā sauvidallaḥ sabhāṃ gataḥ || 29 ||
[Analyze grammar]

rājñe nivedayāmāsa putraṃ vṛścikapīḍitam |
tato dharmasakho rājā śrutvā vṛttāṃtamīdṛśam || 30 ||
[Analyze grammar]

tvaramāṇaḥ samutthāya sāmātyaḥ sapurohitaḥ |
praviśyāṃtaḥpuraṃ sārddhaṃ māṃtrikairviṣahā ribhiḥ || 31 ||
[Analyze grammar]

cikitsayāmāsa sutamauṣadhādyairanekaśaḥ |
jātasvāsthyaṃ tataḥ putraṃ lālayitvā sa bhūpatiḥ || 32 ||
[Analyze grammar]

mānayitvā ca maṃtrajñānratnakāṃ canamauktikaiḥ |
niṣkramyāṃtaḥpurādrājā bhṛśaṃ ciṃtāsamākulaḥ || 33 ||
[Analyze grammar]

ṛtvikpurohitāmātyaistāṃ sabhāṃ sanupāviśat |
tatra dharmasakho rājā samāsīno varāsane |
uvācedaṃ vaco yuktamṛtvijaḥ sapurohitān || 34 ||
[Analyze grammar]

dharmasakha uvāca |
duḥkhāyaivaikaputratvaṃ bhavati brāhmaṇo ttamāḥ || 35 ||
[Analyze grammar]

ekaputratvato tṛṇāṃ varā caiva hyaputratā |
nityaṃ vyapāyayuktatvādvarameva hyaputratā |
ahaṃ bhāryāśataṃ viprā udavoḍha viciṃtya tu || 36 ||
[Analyze grammar]

vayaśca samatikrāṃtaṃ sapatnīkasya me dvijāḥ |
prāṇā mama ca bhāryāṇāmasminputre vyavasthitāḥ || 37 ||
[Analyze grammar]

tannāśe mama bhāryāṇāṃ sarvāsāṃ ca mṛtirdhruvā |
mamāpi prāṇanāśaḥ syādekaputrasya māraṇe || 38 ||
[Analyze grammar]

ato me bahuputratvaṃ kenopāyena vai bhavet |
tamupāyaṃ mama brūta brāhmaṇā vedavi ttamāḥ || 39 ||
[Analyze grammar]

ekaikaḥ śatabhāryāsu putro me syādyathā guṇī |
tatkarma vrata yūyaṃ tu śāstramālokya dharmataḥ || 40 ||
[Analyze grammar]

mahatā laghunā vāpi karmaṇā duṣkareṇa vā |
phalaṃ yadyapi tatsādhyaṃ kariṣye'haṃ na saṃśayaḥ || 41 ||
[Analyze grammar]

yuṣmābhiruditaṃ karma kariṣyāmi na saṃśayaḥ |
kṛtameva hi tadvitta śape'haṃ sukṛtairmama || 42 ||
[Analyze grammar]

asti cedīdṛśaṃ karma yena putraśataṃ bhavet |
tatkarma kutra kartavyaṃ mayeti vadatādhunā || 43 ||
[Analyze grammar]

iti pṛṣṭāstadā rājñā ṛtvijaḥ sapurohitāḥ |
saṃbhūya sarve rājānamidamūcuḥ suniścitam || 44 ||
[Analyze grammar]

ṛtvija ūcuḥ |
asti rājanpravakṣyāmo yena putraśataṃ tava |
bhaveddharmeṇa mahatā śatabhāryāsu kaikaya || 45 ||
[Analyze grammar]

asti kaścinmahāpuṇyo gandhamādanaparvataḥ |
dakṣiṇāṃbudhimadhye yaḥ seturūpeṇa vartate || 46 ||
[Analyze grammar]

siddhacāraṇagaṃdharvadevarṣigaṇasaṃkulaḥ |
darśanātsparśanānnṛṇāṃ mahāpātakanāśanaḥ || 47 ||
[Analyze grammar]

tatrāsti hanumatkuṃḍamiti lokeṣu viśrutam |
mahāduḥkhapraśamanaṃ svargamokṣaphalapradam || 48 ||
[Analyze grammar]

narakakleśaśamanaṃ tathā dāridryamocanam |
putrapradamaputrāṇāmastrīṇāṃ strīpadaṃ nṛṇām || 49 ||
[Analyze grammar]

tatra tvaṃ prayataḥ snātvā sarvābhīṣṭapradāyinīm |
putrīyeṣṭiṃ ca tattīre kuruṣva susamāhitaḥ || 50 ||
[Analyze grammar]

tena te śatabhāryāsu pratyekaṃ tanayo nṛpa |
ekaikastu bhavecchīghraṃ mā kuru ṣvātra saṃśayam || 51 ||
[Analyze grammar]

tathokto nṛpatirvipraiṛtvikbhiḥ sapurohitaiḥ |
tatkṣaṇenaiva ṛtvikbhirbhāryābhiśca purodhasā || 52 ||
[Analyze grammar]

vṛtomātyaiśca bhṛtyaiśca yajñasaṃbhārasaṃyutaḥ |
prayayau dakṣiṇāṃbhodhau gandhamādanaparvatam || 53 ||
[Analyze grammar]

hanumatkuṃḍamāsādya tatra sasnau sasainikaḥ |
māsamātraṃ sa tattīre nyavasa tsnānamācaran || 54 ||
[Analyze grammar]

tato vasaṃte saṃprāpte caitramāsi nṛpottamaḥ |
iṣṭimārabdhavāṃstatra putrīyāṃ sapurohitaḥ || 55 ||
[Analyze grammar]

samyakkarmāṇi cakruste ṛtvijaḥ sapurodhasaḥ |
sapatnīkasya rājarṣestathādharmasakhasya tu || 56 ||
[Analyze grammar]

iṣṭau tasya samāptāyāṃ hanūmatkuṃḍatīrataḥ |
purohito hutocchiṣṭaṃ prāśa yadrājayoṣitaḥ || 57 ||
[Analyze grammar]

tato dharmasakho rājā hanūmatkuṃḍavāriṣu |
samyakcakārāvabhṛthasnānaṃ bhāryāśatānvitaḥ || 58 ||
[Analyze grammar]

ṛtvikbhyo dakṣiṇāḥ prādādasaṃkhyātāstu bhūriśaḥ |
grāmāṃśca pradadau rājā bāhmaṇebhyo dvijottamāḥ || 59 ||
[Analyze grammar]

sāmātyaḥ saparīvāraḥ sapatnīkaḥ sa dhārmmikaḥ |
rājā tato nivavṛte purīṃ svāṃ prati naṃditaḥ || 60 ||
[Analyze grammar]

tataḥ katipaye kāle gate daśamamāmi vai |
śataṃ bhāryāḥ śataṃ putrānsuṣuvurguṇavattarān || 61 ||
[Analyze grammar]

atha prītamanā rājā vīro dharmasakho mahān |
snātaḥ śuddhaśca saṃkalpya jātakarmākarottadā || 62 ||
[Analyze grammar]

gobhūtilahiraṇyādi brāhmaṇebhyo dadau bahu |
dvau putrau jyeṣṭhabhāryāyāḥ pūrvajo'varajastadā || 63 ||
[Analyze grammar]

sarve vavṛdhire putrā ekādhikaśataṃ dvijāḥ |
prauḍheṣu teṣu rājāsau tebhyo rājyaṃ vibhajya tu || 64 ||
[Analyze grammar]

dattvā ca prayayau setuṃ sabhāryo gandhamādanam |
hanumatkuṃḍamāsādya tapo'tapyata tattaṭe || 65 ||
[Analyze grammar]

mahānkālo vyatīyāya rājña stasya tapasyataḥ |
rājño dharmasakhasyāsya dhyāyamānasya śūlinam || 66 ||
[Analyze grammar]

tato bahutithe kāle gate dharmasakho nṛpaḥ |
kāladharmaṃ yayau tatra dhārmmikaśśāṃtamānasaḥ || 67 ||
[Analyze grammar]

patnyopi tasya rājarṣeranujagmuḥ patiṃ tadā |
jyeṣṭhaputraḥ sucandropi saṃskṛtya pitaraṃ tataḥ || 68 ||
[Analyze grammar]

akarocchrāddha paryaṃtaṃ karmāṇi śraddhayā saha |
rājā sabhāryo vaikuṃṭhaṃ maraṇādatra jagmivān || 69 ||
[Analyze grammar]

sucandramukhyāste sarve rājaputrā mahaujasaḥ |
svasvarājyaṃ bubhujire bhrātarastyaktamatsarāḥ || 70 ||
[Analyze grammar]

evaṃ vaḥ kathitaṃ viprā hanūmatkuṃḍavaibhavam |
rājño dharmasakhasyāpi caritraṃ paramādbhutam || 71 ||
[Analyze grammar]

tatsarvaṃ kāmasi ddhyarthaṃ snāyātkuṃḍe hanṛmataḥ || 72 ||
[Analyze grammar]

adhyāyamenaṃ paṭhate manuṣyaḥ śṛṇoti vā yaḥ susamāhito dvijāḥ |
so'naṃtamāpnoti sukhaṃ paratra krīḍeta sārddhaṃ divi devavṛndaiḥ || 73 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe setumāhātmye hanumatkuṃḍapraśaṃsāyāṃ dharmasakhaśatapuutrāvāptivarṇanaṃnāma pañcadaśo'dhyāyaḥ || 15 ||
[Analyze grammar]