Chapter 5

[English text for this chapter is available]

skaṃda uvāca |
kimarthaṃ bhagavāṃstatra vasati śraddhayā punaḥ |
kiṃ puṇyaṃ kiṃ phalaṃ tasya darśanasparśanādibhiḥ || 1 ||
[Analyze grammar]

naivedyabhakṣaṇaṃ cāpi mahāpūjākṛtestathā |
pradakṣiṇasya ca phalaṃ brūhi me kṛpayā pitaḥ || 2 ||
[Analyze grammar]

śiva uvāca |
purā kṛtayugasyādau sarvabhūtahitāya ca |
mūrtimānbhagavāṃstatra tapoyogasamāśritaḥ || 3 ||
[Analyze grammar]

tretāyuge hyṛṣigaṇairyogābhyāsaikatatparaḥ |
dvāpare samanuprāpte jñānaniṣṭho hi durlabhaḥ || 4 ||
[Analyze grammar]

ṛṣīṇāṃ devatānāṃ ca durdarśo bhagavānabhūt |
tato hyṛṣigaṇā devā alabhya bhagavadgatim || 5 ||
[Analyze grammar]

svāyaṃbhuvaṃ padaṃ yātā vismayākulacetasaḥ |
tatra gatvā namaskṛtya ūcurlokeśvaraṃ mudā |
bṛhaspatiṃ puraskṛtya ṛṣayaśca tapodhanāḥ || 6 ||
[Analyze grammar]

devā ūcuḥ |
namaste sarvalokānāmāśrayaḥ śaraṇārtihā |
vṛttidaḥ karuṇāpūrṇaḥ pitāmaha sureśvara |
nivedanīyā vipadaḥ samuddhartā pitāsi naḥ || 7 ||
[Analyze grammar]

brahmovāca |
kimarthamāgatā yūyaṃ vismayākulamānasāḥ |
militā ṛṣibhiḥ sākaṃ brūtāgamanakāraṇam || 8 ||
[Analyze grammar]

devā ūcuḥ |
dvāpare samanuprāpte viśālāyāṃ viśāladhīḥ |
bhagavāndṛśyate naiva tatra kiṃ kāraṇaṃ vada || 9 ||
[Analyze grammar]

viśālā kiṃ parityaktā tato vā kva gataḥ svayam |
aparādhādutāsmākaṃ kathaṃ cāsau prasīdati || 10 ||
[Analyze grammar]

brahmovāca |
nāhametadvijānāmi śrutaṃ cādya mukhāddhi vaḥ |
ko heturdṛkpathātīto bhagavānbhavatāṃ surāḥ |
āgacchata vayaṃ yāmastīraṃ kṣīrapayonidheḥ || 11 ||
[Analyze grammar]

ityuktāste purodhāya brahmāṇaṃ tridivaukasaḥ |
yayuḥ kṣīrāṃbudhestīramṛṣayaśca tapodhanāḥ || 12 ||
[Analyze grammar]

tatra gatvā jagannāthaṃ devadevaṃ vṛṣākapim |
gīrbhiścitrapadārthābhistuṣṭuvurjagadīśvaram || 13 ||
[Analyze grammar]

brahmovāca |
namaste puruṣādhyakṣa sarvabhūtaguhāśaya |
vāsudevākhilādhāra jagaddheto jaganmaya || 14 ||
[Analyze grammar]

tvameva sarvabhūtānāṃ hetuḥ patirutāśrayaḥ |
māyāśaktimupāśritya vicarasyekasundara || 15 ||
[Analyze grammar]

eko nānāyate yo'sau naṭavajjāyate'vyayaḥ |
vyāpako'pi kṛpālutvādbhaktahṛtpadmaṣaṭpada |
dadāti vividhānaṃdaṃ taṃ vaṃde jagatāṃ patim || 16 ||
[Analyze grammar]

devā ūcuḥ |
vipadvanāṃte hutabhugjanānāṃ gṛhītasattvastridaśāvanīśaḥ |
carācarātmā bhagavānanaṃtaḥ kṛpākaṭākṣairavalokatāṃ naḥ || 17 ||
[Analyze grammar]

sakṛdyannāmapīyūṣarasapānaparaḥ pumān |
niḥśreyasaṃ tṛṇamiva manyate taṃ hariṃ bhaje || 18 ||
[Analyze grammar]

avidyāpratibiṃbatvājjīvabhāvamupāgataḥ |
vijñatvādupaśāṃtātmā sa punātu jagattrayam || 19 ||
[Analyze grammar]

gaṃdharvā ūcuḥ |
pibaṃti ye hareḥ padāṃbusaṃgaleśataḥ payaḥ payo na te punaḥpunaḥ pibaṃti māturaṃkataḥ |
prasaṃgato yadā bhidhāsudhāṃ nipīya mānavā mṛtā'mṛtaṃ vrajaṃtyadho na jātu yāṃtyaśaṃkitāḥ || 20 ||
[Analyze grammar]

tataḥ stuto hariḥ sākṣātsiṃdhorutthāya cābravīt |
alakṣito'parairbrahmā paraṃ tadveda nāparaḥ || 21 ||
[Analyze grammar]

brahmā tadupadhāryātha natvā tasmai divaukasa |
bodhayāmāsa sakalaṃ surāḥ śṛṇuta sādaram || 22 ||
[Analyze grammar]

aṃtarhito'sau bhagavāndṛṣṭvā lokānkumedhasaḥ |
śrutvetthaṃ vacanaṃ tasya sarve devā divaṃ yayuḥ || 23 ||
[Analyze grammar]

tato'haṃ yatirūpeṇa tīrthānnāradasaṃjñakāt |
uddhṛtya sthāpayiṣyāmi hariṃ lokahitecchayā || 24 ||
[Analyze grammar]

yasya darśanamātreṇa pātakāni mahāntyapi |
vilīyaṃte kṣaṇādeva siṃhaṃ dṛṣṭvā mṛgā iva || 25 ||
[Analyze grammar]

dharmādharmānvijityātha badarīśaṃ vibhuṃ harim |
dṛṣṭvā muktimupāyāṃti vinā'yāsaṃ ṣaḍānana || 26 ||
[Analyze grammar]

tyaktaprāyāṇi tīrthāni hariṇā kalikālataḥ |
badarīṃ samanuprāpya sākṣādevāvatiṣṭhate || 27 ||
[Analyze grammar]

kalikālamanuprāpya muktiryeṣāmabhīpsitā |
draṣṭavyā badarī taistu hitvā tīrthānyaśeṣataḥ || 28 ||
[Analyze grammar]

vinā jñānena yogena tīrthāṭanapariśramaiḥ |
ekena janmanā jaṃtuḥ kaivalyaṃ padamaśnute || 29 ||
[Analyze grammar]

janmāṃtarasahasraistu yena cārādhito hariḥ |
sa gacchedbadarīṃ draṣṭuṃ yatra jaṃturna śocati || 30 ||
[Analyze grammar]

badarībadarītyuktvā prasaṃgānmanujottamaḥ |
saṃsāratimirābādhe dīpamujvālayatyasau || 31 ||
[Analyze grammar]

yathā dīpāvalokena tamobādhā na jāyate |
tathaiva badarīṃ dṛṣṭvā puṃso mṛtyubhayaṃ kutaḥ || 32 ||
[Analyze grammar]

darśanādyasya pāpāni rudaṃtyavyāhatāni ca |
muktimārgamupālakṣya taṃ vaṃde badarīpatim || 33 ||
[Analyze grammar]

saśailakānanā bhūmirdaśadhā dakṣiṇīkṛtā |
hareḥ pradakṣiṇaṃ tadvadbadaryāṃ tatpadepade || 34 ||
[Analyze grammar]

aśvamedhe tu yatpuṇyaṃ vājapeyaśatena ca |
hareḥ pradakṣiṇāttadvadbadaryāṃ tatpadepade || 35 ||
[Analyze grammar]

caturmāse tu yatpuṇyaṃ brahmāṃḍadānatastathā |
hareḥ pradakṣiṇaṃ tadvadbadaryāṃ tatpadepade || 36 ||
[Analyze grammar]

atikṛcchrairmahākṛcchraiśchāṃdasaiḥ sukṛtaṃ bhavet |
hareḥ pradakṣiṇaṃ tadvadbadaryāṃ tatpadepade || 37 ||
[Analyze grammar]

badaryāṃ viṣṇunaivedyaṃ sikthamātraṃ ṣaḍānana |
aśanācchodhayetpāpaṃ tuṣāgniriva kāṃcanam || 38 ||
[Analyze grammar]

yadannaṃ bhagavānatti ṛṣibhirnnāradādibhiḥ |
tatsattvaśuddhaye sarvairbhoktavyamavicāritam || 39 ||
[Analyze grammar]

amarā api yannūnaṃ vyājenecchanti sarvataḥ |
bhoktuṃ badarikāṃ viṣṇornaivedyaṃ yāṃti tatparāḥ || 40 ||
[Analyze grammar]

bhojanānaṃtaraṃ viṣṇoḥ pragacchanti svamālayam |
prahlādapramukhā bhaktāḥ praviśaṃti hareḥ padam || 41 ||
[Analyze grammar]

bālyayauvanavārddhakye yatpāpaṃ jñānataḥ kṛtam |
naivedyabhakṣaṇādviṣṇorbadaryāṃ tadvilīyate || 42 ||
[Analyze grammar]

prāṇāṃtaṃ yasya pāpasya prāyaścittaṃ prakīrtitam |
viṣṇorniveditaṃ bhuktvā badaryyāṃ tannivarttate || 46 ||
[Analyze grammar]

tīrthāṃtareṣu yatnena muktiṃ gacchati mānavaḥ |
naivedyabhakṣaṇādviṣṇoḥ sālokyaṃ labhate naraḥ || 44 ||
[Analyze grammar]

hṛdi rūpaṃ mukhe nāma naivedyamudare hareḥ |
pādodakaṃ sanirmālyaṃ mastake yasya so'cyutaḥ || 45 ||
[Analyze grammar]

brahmahatyā surāpānaṃ steyaṃ gurvaṃganāgamaḥ |
naivedyabhakṣaṇādviṣṇorbadaryāṃ yāṃti saṃkṣayam || 46 ||
[Analyze grammar]

badarīsadṛśaṃ kṣetraṃ naivedyasadṛśaṃ vasu |
nāradīyasamaṃ kṣetraṃ na bhūtaṃ na bhaviṣyati || 47 ||
[Analyze grammar]

badarī yatnato gamyā bhoktavyaṃ tanniveditam |
draṣṭavyo bhagavānvahnitīrthe snānaṃ sudurlabham || 48 ||
[Analyze grammar]

pṛthivyāṃ yāni tīrthāni vratāni niyamāstathā |
pādodakaṃ viśālāyāṃ pāvanaṃ purato bhavet || 49 ||
[Analyze grammar]

kiṃ tasya dānaistapasā tīrthāṭanapariśramaiḥ |
badaryāṃ viṣṇupādodabiṃdumātraṃ labhedyadi || 50 ||
[Analyze grammar]

prāyaścittāni jalpaṃti tāvadeva ṣaḍānana |
yāvanna labhyate viṣṇorbadaryāṃ caraṇodakam || 51 ||
[Analyze grammar]

anāyāsena yeṣāṃ vā icchā muktipathe nṛṇām |
karttavyaṃ taiḥ prayatnena viṣṇornaivedyabhakṣaṇam || 52 ||
[Analyze grammar]

ye narāḥ pratigṛhṇaṃti pāpāḥ saṃsārabhāginaḥ |
yātrākṛtaṃ phalaṃ teṣāṃ na kadācitprajāyate || 53 ||
[Analyze grammar]

naivedyaniṃdanādviṣṇorniṃdyaṃte te tamogatāḥ |
naivedyabhakṣaṇātsattvaśuddhireva na saṃśayaḥ || 54 ||
[Analyze grammar]

naivedyaṃ svayamānīya brāhmaṇānbhojayaṃti ye |
tulāpuruṣadānena kiṃ phalaṃ te kṛtārthinaḥ || 55 ||
[Analyze grammar]

kurukṣetre samāsādya rāhugraste divākare |
mahādānena yatpuṇyaṃ badaryyāṃ grāsamātrataḥ || 56 ||
[Analyze grammar]

badarīkṣetramāsādya grāsamātraṃ prayatnataḥ |
upāyo'yaṃ mahāṃstatra badaryāṃ haritoṣaṇe |
yatibhyo bhojanādviṣṇoraparādhyapi vallabhaḥ || 57 ||
[Analyze grammar]

na viṣṇoḥ sadṛśo devo na viśālā samā purī |
na bhikṣusadṛśaṃ pātramṛṣitīrthasamaṃ na hi || 58 ||
[Analyze grammar]

cāturmāsyaṃ prakurvaṃti ye narāḥ puṇyaśālinaḥ |
teṣāṃ puṇyaphalaṃ vaktuṃ brahmaṇāpi na śakyate || 59 ||
[Analyze grammar]

bhikṣukāṇāṃ phalāvāptirviśeṣādiha kīrtyate |
vedāṃtaśravaṇātpuṇyaṃ daśadhā yatprakīrtitam || 60 ||
[Analyze grammar]

badarī dṛṣṭimātreṇa bhikṣukāṇāṃ tadiṣyate |
cāturmāsye viśeṣeṇa kaivalyaphalabhāginaḥ || 61 ||
[Analyze grammar]

nyāsino badarīsthāne vināyāsena putraka |
ye mūrkhā jāḍyamāpannā dambhakāṣāyavāsasaḥ |
badarīdarśanātteṣāṃ muktiḥ karatale sthitā || 62 ||
[Analyze grammar]

jñānino'jñānino vāpi nyāsino niyatavratā |
draṣṭavyā badarī taistu phalāni samabhīpsubhiḥ || 63 ||
[Analyze grammar]

śrutvā'dhyāyamimaṃ puṇyaṃ prasaṃgenāpi mānavaḥ |
sarvapāpavinirmukto viṣṇuloke mahīyate || 64 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe badarikāśramamāhātmye śivakārttikeyasaṃvāde paṃcamo'dhyāyaḥ || 5 ||
[Analyze grammar]