Chapter 9

[English text for this chapter is available]

ulūka uvāca |
itidamuktamakhilaṃ pūrvajanmasamudbhavam |
svarūpamāyuṣo hetuḥ kauśikatvasya ceti me || 1 ||
[Analyze grammar]

ityuktvā virate tasminpurūhūtasanāmani |
nāḍījaṃgho bako mitramāha taṃ duḥkhito vacaḥ || 2 ||
[Analyze grammar]

nāḍījaṃgha uvāca |
yadarthaṃ vayamāyātāstanna siddhaṃ mahāmate |
kāryaṃ tanmaraṇaṃ nūnaṃ trayāṇāmapyupāgatam || 3 ||
[Analyze grammar]

iṃdradyumnāparijñāne bhadrako'yaṃ mumūrṣati |
tasyānu mitraṃ mārkaṃḍastaṃ cānvahamapi sphuṭam || 4 ||
[Analyze grammar]

mitrakārye vinirvṛtte mriyamāṇaṃ nirīkṣate |
yo mitraṃ jīvitaṃ tasya dhigasnigdhaṃ durātmanaḥ || 5 ||
[Analyze grammar]

tadetāvanuyāsyāmi mriyamāṇāvahaṃ dvija |
āpṛcche tvāṃ namaskāra āśleṣaścāthapaścimaḥ || 6 ||
[Analyze grammar]

pratijñātamaniṣpādya mitrasyābhyāgatasya ca |
kathaṃkāraṃ na lajjaṃte hatāśā jīvitepsavaḥ || 7 ||
[Analyze grammar]

tasmādvahniṃ pravekṣyāmi sārdhamābhyāmasaṃśayam |
āpṛṣṭo'syadhunā snehānmama dehi jalāṃjalim || 8 ||
[Analyze grammar]

ityuktavatyulūko'sau nāḍījaṃghe sagadgadam |
sāśrunetraṃ sthirībhūya prāha vācaṃ sudhāsamucam || 9 ||
[Analyze grammar]

ulūka uvāca |
mayi jīvati mitre me bhavānmaraṇameti ca |
adyaprabhṛti kastarhi hṛdā mama labhiṣyati || 10 ||
[Analyze grammar]

astyupāyo mahānatra gandhamādanaparvate |
mattaścirāyurmitrosti gṛdhraḥ prāṇasamaḥ suhṛt || 11 ||
[Analyze grammar]

sa vijñāsyati vo'bhīṣṭamiṃdradyumnaṃ mahīpatim |
ityuktvā puratastasthāvulūkaḥ sa ca bhūpatiḥ || 12 ||
[Analyze grammar]

mārkaṃḍeyo bakaścaiva prayayurgaṃdhamādanam |
tamāyāṃtamathālokya vayasyaṃ purataḥ sthitam || 13 ||
[Analyze grammar]

svakulāyātprahṛṣṭo'sau gṛdhraḥ saṃmukhamāyayau |
kṛtasaṃvidasau pūrvaṃ svāgatāsanabhojanaiḥ || 14 ||
[Analyze grammar]

ulūkaṃ gṛdhrarājaśca kāryaṃ papraccha taṃ tathā |
ma cācakhyāvayaṃ mitraṃ bako me'sya muniḥ kila || 15 ||
[Analyze grammar]

munerapi tṛtīyo'yaṃ mitraṃ cārthoyamudyataḥ |
iṃdradyumnaparijñāne svayaṃ jīvati nānyathā || 16 ||
[Analyze grammar]

vahniṃ pravekṣyate vyaktamayaṃ tadanu vai vayam |
mayā niṣiddho'yaṃ jñātvā tvāṃ ciraṃtanamātmanā || 17 ||
[Analyze grammar]

taccejjānāsi taṃ brūhi caturṇāṃ dehi jīvitam |
saraṃ kṣyāpnuhi satkīrtiṃ kṣayaṃ cākhilapāpmanaḥ || 18 ||
[Analyze grammar]

gṛdhra uvāca |
ṣaṭpaṃcāśadvyatītā me kalpā jātasya kauśika |
na dṛṣṭo na śruto'smābhiriṃdradyumno mahīpatiḥ || 19 ||
[Analyze grammar]

tacchrutvā vismayāviṣṭa iṃdradyumno'pi duḥkhitaḥ |
papracacha jīvite hetumatimātre vihaṃgamam || 20 ||
[Analyze grammar]

gṛdhra uvāca |
śrṛṇu bhadrai purā jāto markaṭo'haṃ ca cāpalaḥ |
āsaṃ kadācidabhavadvasaṃto'tha ṛtuḥ kramāt || 21 ||
[Analyze grammar]

tatrāgre devadevasya vanamadhye śivālaye |
bhavodbhavasya purato jagadyogeśvarābhidhe || 22 ||
[Analyze grammar]

caturdaśīdine hastanakṣatre harṣaṇābhidhe |
yoge caitre site pakṣa āsīddamanakotsavaḥ || 23 ||
[Analyze grammar]

atra sauvarṇyadolāyāṃ liṃga āropite janaiḥ |
niśāyāmadhirūhyā'haṃ dolāṃ tāṃ ca vyacālayam || 24 ||
[Analyze grammar]

nisargājjaticāpalyāccirakālaṃ punaḥpunaḥ |
atha prabhāta āyātā janāḥ pūjākṛte kapim || 25 ||
[Analyze grammar]

dolādhirūḍhamālokya lakuṭairmāṃ vyatāḍayan |
dolāsaṃsthita evāhaṃ pramītaḥ śivamaṃdire || 26 ||
[Analyze grammar]

teṣāṃ prahāraiḥ sudṛḍhairbahubhirvajraduḥsahaiḥ |
śivāṃdolanamāhātmyājjāto'haṃ nṛpamaṃdire || 27 ||
[Analyze grammar]

kāśīśvarasya tanayaḥ pratīto'smi kuśadhvajaḥ |
jāti smarastato rājye kramātprāpyāhamaiśvaram || 28 ||
[Analyze grammar]

kārayāmi dharāpṛṣṭhe caitre damanakotsavam |
yatā yathā dolayati śivaṃ dolāsthitaṃ naraḥ || 29 ||
[Analyze grammar]

tathā tathā'śubhaṃ yāti puṇyamāyāti bhadraka |
śivadīkṣāmupāgamyākhilasaṃskārasaṃskṛtaḥ || 30 ||
[Analyze grammar]

śivācāryairvimukto'haṃ paśupāśaistadāgamāt |
nirvāhadīkṣāparyaṃtānsaṃskārānprāpya sarvataḥ || 31 ||
[Analyze grammar]

ārādhayāmi deveśaṃ pratyakcittamumāpatim |
samastakleśavicchedakāraṇaṃ jagatāṃ gurum || 32 ||
[Analyze grammar]

cittavṛttinirodhena vairāgyābhyāsayogataḥ |
japannudgītamasyārthaṃ bhāvayannaṣṭamaṃ rasam || 33 ||
[Analyze grammar]

tato māṃ praṇidhānenābhyāsena dṛḍhabhūminā |
antarāyānupahataṃ jñātvā tuṣṭo'bravīddharaḥ || 34 ||
[Analyze grammar]

īśvara uvāca |
kuśadhvajāhaṃ tuṣṭodya varaṃ varaya vāṃchitam |
na hīdṛśamanuṣṭhānaṃ kasyāpyasti mahītale || 35 ||
[Analyze grammar]

śrutvetyukto mayā śambhurbhūyāsaṃ te gaṃṇo hyaham |
anenaiva śarīreṇa tathetyevāha gāṃ prabhuḥ || 36 ||
[Analyze grammar]

tataḥ kailāsamānīya vimānaṃ mama cādiśat |
sarvaratnamayaṃ divyaṃ divyāścaryasamāvṛtam || 37 ||
[Analyze grammar]

vicarāmi pratīto'haṃ tadārūḍho yadṛcchayā |
atha kāle kiyanmātre vyatīte'traivaṃ parvate || 38 ||
[Analyze grammar]

gavākṣādhiṣṭhito'paśyaṃ vasaṃte munikanyakām |
pravāti dakṣiṇe vāyau madanāgnipradīpitaḥ || 39 ||
[Analyze grammar]

agniveśyasutāṃ bhadra vivastrāṃ jalamadhyagām |
udbhinnayauvanāṃ śyāmāṃ madhyakṣāmāṃ mṛgekṣaṇām || 40 ||
[Analyze grammar]

vistīrṇajaghanābhogāṃ raṃbhoruṃ saṃhatastanīm |
tāmaṃkuritalāvaṇyāṃ jalasekā divāgrataḥ || 41 ||
[Analyze grammar]

pronnidrapaṃkajamukhīṃ varṇanīyatamākṛtim |
yathāprajñānayāthātmyādvidvidbhirapi varṇinīm || 42 ||
[Analyze grammar]

prodyatkaṭākṣavikṣepaiḥ śaravrātairiva smaraḥ |
svayaṃ tadaṃgamāsthāya tāḍayāmāsa māṃ dṛḍham || 43 ||
[Analyze grammar]

vayasyāsaṃvṛcāmevaṃ khelamānāṃ yadṛcchayā |
avatīryāhamaharaṃ vimānānmadanāturaḥ || 44 ||
[Analyze grammar]

sā gṛhītā mayā dīrghaṃ prakurvāṇā mahāsvanam |
tāteti ca vimānasthā rurodātīva bhadraka || 45 ||
[Analyze grammar]

tato vayasyāstā dīnā munimāhuḥ pradhāvitāḥ |
vaimānikena kenāpi hriyate tava putrikā || 46 ||
[Analyze grammar]

rudantīṃ bhagavannetāṃ trāhyuttiṣṭheti sarvataḥ |
tāsāṃ tadākarṇya vaco munirbhadrataponidhiḥ || 47 ||
[Analyze grammar]

agniveśyo'bhyagāttasyā vyomanyupapadaṃ tvaran |
tiṣṭhatiṣṭheti māmuktvā saṃstabhya tapasā gatim || 48 ||
[Analyze grammar]

tataḥ prakupitaḥ prāha munimāmati duḥsaham |
agniveśya uvāca |
yasmānmadīyā tanayā māṃsapeśīva te hṛtā || 49 ||
[Analyze grammar]

gṛdhreṇevā'dhunā vyomni tasmādgadhro bhava drutam |
anicchaṃtī madīyeyaṃ sutā bālā tapasvinī || 50 ||
[Analyze grammar]

tvayā hṛtādhunāsyaitatphalamāpnuhi durmate |
ityākarṇya bhayāviṣṭo lajjayādhomukho muneḥ || 51 ||
[Analyze grammar]

pādau pragṛhya nyapataṃ rudannatitarāṃ tadā |
na mayeyaṃ parijñāya hṛtā nādyāpi dharṣitā || 52 ||
[Analyze grammar]

prasādaṃ kuru te śāpaṃ vyāvartaya taponidhe |
praṇateṣu kṣamāvanto nisargeṇa tapodhanāḥ || 53 ||
[Analyze grammar]

bhavaṃti saṃtastadgṛdhro mā bhaveyaṃ prasīda me |
iti prapannena mayā praṇato'sau mahāmuniḥ || 54 ||
[Analyze grammar]

prasannaḥ prāha no mithyā mama vākyaṃ bhavetkvacit |
kiṃ tviṃdradyumnabhūpālaparijñāne sahāyatām || 55 ||
[Analyze grammar]

yadā yāsyasi śāpasya tadā muktimavāpsyasi || 56 ||
[Analyze grammar]

ityuktvā sa muniḥ prāyādgṛhītvā nijakanyakām |
akhaṇḍaśīlāṃ svāvāsamahaṃ gṛdhro'bhavaṃ tadā || 57 ||
[Analyze grammar]

evaṃ tadā damanakotsava īśvarasya āṃdolanena nṛpaveśmani me'vatāraḥ |
śambhorgaṇatvamabhavacca tathāgniveśyaśāpena gṛdhra iha bhadra tavedamuktam || 58 ||
[Analyze grammar]