Chapter 24

[English text for this chapter is available]

ṛṣaya ūcuḥ |
antardhānagato devyā saha sānucaro haraḥ |
kva yātaḥ kutra vāsaḥ kiṃ kṛtvā virarāma ha || 1 ||
[Analyze grammar]

vāyuruvāca |
mahīdharavaraḥ śrīmānmaṃdaraścitrakaṃdaraḥ |
dayito devadevasya nivāsastapaso 'bhavat || 2 ||
[Analyze grammar]

tapo mahatkṛtaṃ tena voḍhuṃ svaśirasā śivau |
cireṇa labdhaṃ tatpādapaṃkajasparśajaṃ sukham || 3 ||
[Analyze grammar]

tasya śailasya saundaryaṃ sahasravadanairapi |
na śakyaṃ vistarādvaktuṃ varṣakoṭiśatairapi || 4 ||
[Analyze grammar]

śakyamapyasya saundaryaṃ na varṇayitumutsahe |
parvatāntarasaundaryaṃ sādhāraṇavidhāraṇāt || 5 ||
[Analyze grammar]

idantu śakyate vaktumasminparvatasundare |
ṛddhyā kayāpi saundaryamīśvarāvāsayogyatā || 6 ||
[Analyze grammar]

ata eva hi devena devyāḥ priyacikīrṣayā |
atīva ramaṇīyoyaṃ girirantaḥpurīkṛtaḥ || 7 ||
[Analyze grammar]

mekhalābhūmayastasya vimalopalapādapāḥ |
śivayornityasānnidhyānnyakkurvaṃtyakhilaṃjagat || 8 ||
[Analyze grammar]

pitṛbhyāṃ jagato nityaṃ snānapānopayogataḥ |
avāptapuṇyasaṃskāraḥ prasaradbhiritastataḥ || 9 ||
[Analyze grammar]

laghuśītalasaṃsparśairacchācchairnirjharāmbubhiḥ |
adhirājyena cādrīṇāmadrīreṣo 'bhiṣicyate || 10 ||
[Analyze grammar]

niśāsu śikharaprāntarvartinā sa śiloccayaḥ |
caṃdreṇācala sāmrājyacchatreṇeva virājate || 11 ||
[Analyze grammar]

sa śailaścaṃcalībhūtairbālaiścāmarayoṣitām |
sarvaparvatasāmrājyacāmarairiva vījyate || 12 ||
[Analyze grammar]

prātarabhyudite bhānau bhūdharo ratnabhūṣitaḥ |
darpaṇe dehasaubhāgyaṃ draṣṭukāma iva sthitaḥ || 13 ||
[Analyze grammar]

kūjadvihaṃgavācālairvātoddhṛtalatābhujaiḥ |
vimuktapuṣpaiḥ satataṃ vyālambimṛdupallavaiḥ || 14 ||
[Analyze grammar]

latāpratānajaṭilaistarubhistapasairiva |
jayāśiṣā sahābhyarcya niṣevyata ivādrirāṭ || 15 ||
[Analyze grammar]

adhomukhairūrdhvamukhaiśśṛṃgaistiryaṅmukhaistathā |
prapatanniva pātāle bhūpṛṣṭhādutpatanniva || 16 ||
[Analyze grammar]

parītaḥ sarvato dikṣu bhramanniva vihāyasi |
paśyanniva jagatsarvaṃ nṛtyanniva nirantaram || 17 ||
[Analyze grammar]

guhāmukhaiḥ pratidinaṃ vyāttāsyo vipulodaraiḥ |
ajīrṇalāvaṇyatayā jṛṃbhamāṇa ivācalaḥ || 18 ||
[Analyze grammar]

grasanniva jagatsarvaṃ pibanniva payonidhim |
vamanniva tamontasthaṃ mādyanniva khamambudaiḥ || 19 ||
[Analyze grammar]

nivāsa bhūmayastāstā darpaṇapratimodarāḥ |
tiraskṛtātapāssnigdhāśramacchāyāmahīruhāḥ || 20 ||
[Analyze grammar]

saritsarastaḍāgādisaṃparkaśiśirānilāḥ |
tatra tatra niṣaṇṇābhyāṃ śivābhyāṃ saphalīkṛtāḥ || 21 ||
[Analyze grammar]

tamimaṃ sarvataḥ śreṣṭhaṃ smṛtvā sāmbastriyambakaḥ |
raibhyāśramasamīpasthaścāntardhānaṃ gato yayau || 22 ||
[Analyze grammar]

tatrodyānamanuprāpya devyā saha maheśvaraḥ |
rarāma ramaṇīyāsu devyāntaḥpurabhūmiṣu || 23 ||
[Analyze grammar]

tathā gateṣu kāleṣu pravṛddhāsu prajāsu ca |
daityau śuṃbhaniśuṃbhākhyau bhrātarau saṃbabhūvatuḥ || 24 ||
[Analyze grammar]

tābhyāṃ tapo balāddattaṃ brahmaṇā parameṣṭinā |
avadhyatvaṃ jagatyasminpuruṣairakhilairapi || 25 ||
[Analyze grammar]

ayonijā tu yā kanyā hyaṃbikāṃśasamudbhavā |
ajātapuṃsparśaratiravilaṃghyaparākramā || 26 ||
[Analyze grammar]

tayā tu nau vadhaḥ saṃkhye tasyāṃ kāmābhibhūtayoḥ |
iti cābhyarthito brahmā tābhyāmprāha tathāstviti || 27 ||
[Analyze grammar]

tataḥ prabhṛti śakrādīnvijitya samare surān |
niḥsvādhyāyavaṣaṭkāraṃ jagaccakraturakramāt || 28 ||
[Analyze grammar]

tayorvadhāya deveśaṃ brahmābhyarthitavānpunaḥ |
viniṃdyāpi rahasyaṃ vāṃ krodhayitvā yathā tathā || 29 ||
[Analyze grammar]

tadvarṇakośajāṃ śaktimakāmāṃ kanyakātmikām |
niśumbhaśuṃbhayorhaṃtrīṃ surebhyo dātumarhasi || 30 ||
[Analyze grammar]

evamabhyarthito dhātrā bhagavānnīlalohitaḥ |
kālītyāha rahasyaṃ vāṃ nindayanniva sasmitaḥ || 31 ||
[Analyze grammar]

tataḥ kruddhā tadā devī suvarṇā varṇakāraṇāt |
smayantī cāha bhartāramasamādheyayā girā || 32 ||
[Analyze grammar]

devyuvāca |
īdṛśo mama varṇesminna ratirbhavato 'sti cet |
evāvantaṃ ciraṃ kālaṃ kathameṣā niyamyate || 33 ||
[Analyze grammar]

aratyā vartamāno 'pi kathaṃ ca ramase mayā |
na hyaśakyaṃ jagatyasminnīśvarasya jagatprabhoḥ || 34 ||
[Analyze grammar]

svātmārāmasya bhavato ratirna sukhasādhanam |
iti hetoḥ smaro yasmātprasabhaṃ bhasmasātkṛtaḥ || 35 ||
[Analyze grammar]

yā ca nābhimatā bharturapi sarvāṃgasundarī |
sā vṛthaiva hi jāyeta sarvairapi guṇāntaraiḥ || 36 ||
[Analyze grammar]

bharturbhogaikaśeṣo hi sarga evaiṣa yoṣitām |
tathāsatyanyathābhūtā nārī kutropayujyate || 37 ||
[Analyze grammar]

tasmādvarṇamimaṃ tyaktvā tvayā rahasi ninditam |
varṇāntaraṃ bhajiṣye vā na bhajiṣyāmi vā svayam || 38 ||
[Analyze grammar]

ityuktvotthāya śayanāddevī sācaṣṭa gadgadam |
yayāce 'numatiṃ bhartustapase kṛtaniścayā || 39 ||
[Analyze grammar]

tathā praṇayabhaṃgena bhīto bhūtapatiḥ svayam |
pādayoḥ praṇamanneva bhavānīṃ pratyabhāṣata || 40 ||
[Analyze grammar]

īśvara uvāca |
ajānatī ca krīḍoktiṃ priye kiṃ kupitāsi me |
ratiḥ kuto vā jāyeta tvattaścedaratirmama || 41 ||
[Analyze grammar]

mātā tvamasya jagataḥ pitāhamadhipastathā |
kathaṃ tadutpapadyeta tvatto nābhiratirmama || 42 ||
[Analyze grammar]

āvayorabhikāmo 'pi kimasau kāmakāritaḥ |
yataḥ kāmasamutpattiḥ prāgeva jagadudbhavaḥ || 43 ||
[Analyze grammar]

pṛthagjanānāṃ rataye kāmātmā kalpito mayā |
tataḥ kathamupālabdhaḥ kāmadāhādahaṃ tvayā || 44 ||
[Analyze grammar]

māṃ vai tridaśasāmānyaṃ manyamāno manobhavaḥ |
manākparibhavaṃ kurvanmayā vai bhasmasātkṛtaḥ || 45 ||
[Analyze grammar]

vihāropyāvayorasya jagatastrāṇakāraṇāt |
tatastadarthaṃ tvayyadya krīḍoktiṃ kṛtavāhanam || 46 ||
[Analyze grammar]

sa cāyamacirādarthastavaivāviṣkariṣyate |
krodhasya janakaṃ vākyaṃ hṛdi kṛtvedamabravīt || 47 ||
[Analyze grammar]

devyuvāca |
śrutapūrvaṃ hi bhagavaṃstava cāṭu vaco mayā |
yenaivamatidhīrāhamapi prāgabhivaṃcitā || 48 ||
[Analyze grammar]

prāṇānapyapriyā bharturnārī yā na parityajet |
kulāṃganā śubhā sadbhiḥ kutsitaiva hi gamyate || 49 ||
[Analyze grammar]

bhūyasī ca tavāprītiragauramiti me vapuḥ |
krīḍoktirapi kālīti ghaṭate kathamanyathā || 50 ||
[Analyze grammar]

sadbhirvigarhitaṃ tasmāttava kārṣṇyamasaṃmatam |
anutsṛjya tapoyogātsthātumeveha notsahe || 51 ||
[Analyze grammar]

śiva uvāca |
sa yadyevaṃvidhatāpaste tapasā kiṃ prayojanam |
mamecchayā svecchayā vā varṇāntaravatī bhava || 52 ||
[Analyze grammar]

devyuvāca |
necchāmi bhavato varṇaṃ svayaṃ vā kartumanyathā |
brahmāṇaṃ tapasārādhya kṣipraṃ gaurī bhavāmyaham || 53 ||
[Analyze grammar]

īśvara uvāca |
matprasādātpurā brahmā brahmatvaṃ prāptavānpurā |
tamāhūya mahādevi tapasā kiṃ kariṣyasi || 54 ||
[Analyze grammar]

devyuvāca |
tvatto labdhapadā eva sarve brahmādayaḥ surāḥ |
tathāpyārādhya tapasā brahmāṇaṃ tvanniyogataḥ || 55 ||
[Analyze grammar]

purā kila satī nāmnā dakṣasya duhitā 'bhavam |
jagatāṃ patimevaṃ tvāṃ patiṃ prāptavatī tathā || 56 ||
[Analyze grammar]

evamadyāpi tapasā toṣayitvā dvijaṃ vidhim |
gaurī bhavitumicchāmi ko doṣaḥ kathyatāmiha || 57 ||
[Analyze grammar]

evamukto mahādevyā vāmadevaḥ smayanniva |
na tāṃ nirbaṃdhayāmāsa devakāryacikīrṣayā || 58 ||
[Analyze grammar]