Chapter 25

[English text for this chapter is available]

vāyuruvāca |
tataḥ pradakṣiṇīkṛtya patimambā pativratā |
niyamya ca viyogārtiṃ jagāma himavadgirim || 1 ||
[Analyze grammar]

tapaḥkṛtavatī pūrvaṃ deśe yasminsakhījanaiḥ |
tameva deśamavṛnottapase praṇayātpunaḥ || 2 ||
[Analyze grammar]

tataḥ svapitaraṃ dṛṣṭvā mātaraṃ ca tayorgṛhe |
praṇamya vṛttaṃ vijñāpya tābhyāṃ cānumatā satī || 3 ||
[Analyze grammar]

punastapovanaṃ gatvā bhūṣaṇāni visṛjya ca |
snātvā tapasvino veṣaṃ kṛtvā paramapāvanam || 4 ||
[Analyze grammar]

saṃkalpya ca mahātīvraṃ tapaḥ paramaduścaram |
sadā manasi sandhāya bhartuścaraṇapaṃkajam || 5 ||
[Analyze grammar]

tameva kṣaṇike liṃge dhyātvā bāhyavidhānataḥ |
trisandhyamabhyarcayantī vanyaiḥ puṣpaiḥ phalādibhiḥ || 6 ||
[Analyze grammar]

sa eva brahmaṇo mūrtimāsthāya tapasaḥ phalam |
pradāsyati mametyevaṃ nityaṃ kṛtvā 'karottapaḥ || 7 ||
[Analyze grammar]

tathā tapaścarantīṃ tāṃ kāle bahutithe gate |
dṛṣṭaḥ kaścinmahāvyāghro duṣṭabhāvādupāgamat || 8 ||
[Analyze grammar]

tathaivopagatasyāpi tasyātīvadurātmanaḥ |
gātraṃ citrārpitamiva stabdhaṃ tasyāssakāśataḥ || 9 ||
[Analyze grammar]

taṃ dṛṣṭvāpi tathā vyāghraṃ duṣṭabhāvādupāgatam |
na pṛthagjanavaddevī svabhāvena vivicyate || 10 ||
[Analyze grammar]

sa tu viṣṭabdhasarvāṃgo bubhukṣāparipīḍitaḥ |
mamāmiṣaṃ tato nānyaditi matvā nirantaram || 11 ||
[Analyze grammar]

nirīkṣyamāṇaḥ satataṃ devīmeva tadā 'niśam |
atiṣṭhadagratastasyā upāsanamivācarat || 12 ||
[Analyze grammar]

devyāśca hṛdaye nityaṃ mamaivāyamupāsakaḥ |
trātā ca duṣṭasattvebhya iti pravavṛte kṛpā || 13 ||
[Analyze grammar]

tasyā eva kṛpā yogātsadyonaṣṭamalatrayaḥ |
babhūva sahasā vyāghro devīṃ ca bubudhe tadā || 14 ||
[Analyze grammar]

nyavartata bubhukṣā ca tasyāṃgastambhanaṃ tathā |
daurātmyaṃ janmasiddhaṃ ca tṛptiśca samajāyata || 15 ||
[Analyze grammar]

tadā paramabhāvena jñātvā kārtārthyamātmanaḥ |
sadyopāsaka evaiṣa siṣeve parameśvarīm || 16 ||
[Analyze grammar]

duṣṭānāmapi sattvānāṃ tathānyeṣāndurātmanām |
sa eva drāvako bhūtvā vicacāra tapovane || 17 ||
[Analyze grammar]

tapaśca vavṛdhe devyāstīvraṃ tīvratarātmakam |
devāśca daityanirbandhādbrahmāṇaṃ śaraṇaṃ gatāḥ || 18 ||
[Analyze grammar]

cakrurnivedanaṃ devāḥ svaduḥkhasyāripīḍanāt |
yathā ca dadatuḥ śumbhaniśumbhau varasammadāt || 19 ||
[Analyze grammar]

so 'pi śrutvā vidhirduḥkhaṃ surāṇāṃ kṛpayānvitaḥ |
āsīddaityavadhāyaiva smṛtvā hetvāśrayāṃ kathām || 20 ||
[Analyze grammar]

sāmaraḥ prārthito brahmā yayau devyāstapovanam |
saṃsmaranmanasā devaduḥkhamokṣaṃ svayatnataḥ || 21 ||
[Analyze grammar]

dadarśa ca suraśreṣṭhaḥ śreṣṭhe tapasi niṣṭhitām |
pratiṣṭhāmiva viśvasya bhavānīṃ parameśvarīm || 22 ||
[Analyze grammar]

nanāma cāsya jagato mātaraṃ svasya vai hareḥ |
rudrasya ca piturbhāryāmāryāmadrīśvarātmajām || 23 ||
[Analyze grammar]

brahmāṇamāgataṃ dṛṣṭvā devī devagaṇaiḥ saha |
arghyaṃ tadarhaṃ dattvā 'smai svāgatādyairupācarat || 24 ||
[Analyze grammar]

tāṃ ca pratyupacāroktiṃ puraskṛtyābhinaṃdya ca |
papraccha tapaso hetumajānanniva padmajaḥ || 25 ||
[Analyze grammar]

brahmovāca |
tīvreṇa tapasānena devyā kimiha sādhyate |
tapaḥphalānāṃ sarveṣāṃ tvadadhīnā hi siddhayaḥ || 26 ||
[Analyze grammar]

yaścaiva jagatāṃ bhartā tameva parameśvaram |
bhartāramātmanā prāpya prāptañca tapasaḥ phalam || 27 ||
[Analyze grammar]

athavā sarvamevaitatkrīḍāvilasitaṃ tava |
idantu citraṃ devasya virahaṃ sahase katham || 28 ||
[Analyze grammar]

devyuvāca |
sargādau bhavato devādutpattiḥ śrūyate yadā |
tadā prajānāṃ prathamastvaṃ me prathamajaḥ sutaḥ || 29 ||
[Analyze grammar]

yadā punaḥ prajāvṛddhyai lalāṭādbhavato bhavaḥ |
utpanno 'bhūttadā tvaṃ me guruḥ śvaśurabhāvataḥ || 30 ||
[Analyze grammar]

yadā bhavadgirīndraste putro mama pitā svayam |
tadā pitāmahastvaṃ me jāto lokapitāmaha || 31 ||
[Analyze grammar]

tadīdṛśasya bhavato lokayātrāvidhāyinaḥ |
vṛttavantaḥpure bhartā kathayiṣye kathaṃ punaḥ || 32 ||
[Analyze grammar]

kimatra bahunā dehe yaścāyaṃ mama kālimā |
tyaktvā sattvavidhānena gaurī bhavitumutsahe || 33 ||
[Analyze grammar]

5 || 30 ||
[Analyze grammar]

brahmovāca |
etāvatā kimarthena tīvraṃ devi tapaḥ kṛtam |
svecchaiva kimaparyāptā krīḍeyaṃ hi tavedṛśī || 34 ||
[Analyze grammar]

krīḍā 'pi ca jaganmātastava lokahitāya vai |
ato mameṣṭamanayā phalaṃ kimapi sādhyatām || 35 ||
[Analyze grammar]

niśuṃbhaśuṃbhanāmānau daityau dattavarau mayā |
dṛptau devānprabādhete tvatto labdhastayorvadhaḥ || 36 ||
[Analyze grammar]

alaṃ vilaṃbanenātra tvaṃ kṣaṇena sthirā bhava |
śaktirvisṛjyamānā 'dya tayormṛtyurbhaviṣyati || 37 ||
[Analyze grammar]

brāhmaṇābhyarthitā caiva devī girivarātmajā |
tvakkośaṃ sahasotsṛjya gaurī sā samajāyata || 38 ||
[Analyze grammar]

sā tvakkośātmanotsṛṣṭā kauśikī nāma nāmataḥ |
kālī kālāmbudaprakhyā kanyakā samapadyata || 39 ||
[Analyze grammar]

sā tu māyātmikā śaktiryoganidrā ca vaiṣṇavī |
śaṃkhacakratriśūlādisāyudhāṣṭamahābhujā || 40 ||
[Analyze grammar]

saumyā ghorā ca miśrā ca trinetrā candraśekharā |
ajātapuṃsparśaratiradhṛṣyā cātisundarī || 41 ||
[Analyze grammar]

dattā ca brahmaṇe devyā śaktireṣā sanātanī |
niśuṃbhasya ca śuṃbhasya nihaṃtrī daityasiṃhayoḥ || 42 ||
[Analyze grammar]

brahmaṇāpi prahṛṣṭena tasyai paramaśaktaye |
prabalaḥ kesarī datto vāhanatve samāgataḥ || 43 ||
[Analyze grammar]

vindhye ca vasatiṃ tasyāḥ pūjāmāsavapūrvakaiḥ |
māṃsairmatsyairapūpaiśca nirvartyāsau samādiśat || 44 ||
[Analyze grammar]

sā caiva saṃmatā śaktirbrahmaṇo viśvakarmaṇaḥ |
praṇamya mātaraṃ gaurīṃ brahmāṇaṃ cānupūrvaśaḥ || 45 ||
[Analyze grammar]

śaktibhiścāpi tulyābhiḥ svātmajābhiranekaśaḥ |
parītā prayayau vindhyaṃ daityendrau hantumudyatā || 46 ||
[Analyze grammar]

nihatau ca tayā tatra samare daityapuṃgavau |
tadbāṇaiḥ kāmabāṇaiśca cchinnabhinnāṃgamānasau || 47 ||
[Analyze grammar]

tadyuddhavistaraścātra na kṛto 'nyatra varṇanāt |
ūhanīyaṃ parasmācca prastutaṃ varṇayāmi vaḥ || 48 ||
[Analyze grammar]