Chapter 10

[English text for this chapter is available]

sanatkumāra uvāca |
mithyāgamaṃ pravṛttastu dvijihvākhye ca gacchati |
jihvārddhakośavistīrṇahalaistīkṣṇaḥ prapīḍyate || 1 ||
[Analyze grammar]

nirbhartsayati yaḥ krūro mātaraṃ pitaraṃ gurum |
viṣṭhābhiḥ kṛmimiśrābhirmukhamāpūryya hanyate || 2 ||
[Analyze grammar]

ye śivāyatanārāmavāpīkūpataḍāgakān |
vidravaṃti dvijasthānaṃ narāstatra ramaṃti ca || 3 ||
[Analyze grammar]

kāmāyodvartanābhyaṃga snānapānāmbubhojanam |
krīḍanaṃ maithunaṃ dyūtamācaranti madoddhatā || 4 ||
[Analyze grammar]

pecire vividhairgherairikṣuyaṃtrādipīḍanaiḥ |
nirayāgniṣu pacyaṃte yāvadābhūtasaṃplavam || 5 ||
[Analyze grammar]

tena tenaiva rūpeṇa tāḍyate pāradārikāḥ |
gāḍhamāliṃgya te nārīṃ sutaptāṃ lohanirmitām || 6 ||
[Analyze grammar]

pūrvākārāśca puruṣāḥ prajvalanti samaṃtataḥ |
duścāriṇīṃ striyaṃ gāḍhamāliṃgaṃti rudaṃti ca || 7 ||
[Analyze grammar]

ye śṛṇvaṃti satāṃ niṃdāṃ teṣāṃ karṇaprapūraṇam |
agnivarṇairayaḥkīlaistaptaistāmrādinirmitaiḥ || 6 ||
[Analyze grammar]

trapusīsārakūṭādbhiḥ kṣīreṇa ca punaḥpunaḥ |
sutaptatīkṣṇatailena vajralepena vā punaḥ || 9 ||
[Analyze grammar]

kramādāpūryyakarṇāṃstu narakeṣu ca yātanāḥ |
anukrameṇa sarveṣu bhavaṃtyetāḥ samaṃtataḥ || 10 ||
[Analyze grammar]

sarvendriyāṇāmapyevaṃ kramātpāpena yātanāḥ |
bhavaṃti ghorāḥ pratyekaṃ śarīreṇa kṛtena ca || 11 ||
[Analyze grammar]

sparśadoṣeṇa ye mūḍhāsspṛśaṃti ca parastriyam |
teṣāṃ karo'gnivarṇābhiḥ pāṃśubhiḥ pūryyate bhṛśam || 12 ||
[Analyze grammar]

teṣāṃ kṣārādibhissarvaiśśarīramanulipyate |
yātanāśca mahākaṣṭāssarveṣu narakeṣu ca || 13 ||
[Analyze grammar]

kurvanti pitrorbhṛkuṭiṃ karanetrāṇi ye narā |
vaktrāṇi teṣāṃ sāṃtāni kīryyaṃte śaṃkubhirdṛḍham || 14 ||
[Analyze grammar]

yairindriyairnarā ye ca kurvanti parastriyam |
indriyāṇi ca teṣāṃ vai vikurvaṃti tathaiva ca || 15 ||
[Analyze grammar]

paradārāṃśca paśyanti lubdhāsstabdhena cakṣuṣā |
sūcībhiścāgnivarṇābhisteṣāṃ netraprapūraṇam || 16 ||
[Analyze grammar]

kṣārādyaiśca kramātsarvā ihaiva yamayātanāḥ |
bhavaṃti muniśārdūla satyaṃsatyaṃ na saṃśayaḥ || 17 ||
[Analyze grammar]

devāgniguruviprebhyaścānivedya prabhuṃjate |
lohakīlaśataistaptaistajjihvāsyaṃ ca pūryyate || 18 ||
[Analyze grammar]

ye devārāmapuṣpāṇi lobhātsaṃgṛhya pāṇinā |
jighraṃti ca narā bhūyaḥ śirasā dhārayaṃti ca || 19 ||
[Analyze grammar]

āpūryyate śirasteṣāṃ taptairlohasya śaṃkubhiḥ |
nāsikā vātibahulaistataḥ kṣārādibhirbhṛśam || 20 ||
[Analyze grammar]

ye niṃdanti mahātmānaṃ vācakaṃ dharmmadeśikam |
devāgnigurubhaktāṃśca dharmaśāstraṃ ca śāśvatam || 21 ||
[Analyze grammar]

teṣāmurasi kaṇṭhe ca jihvāyāṃ daṃtasandhiṣu |
tālunyoṣṭhe nāsikāyāṃ mūrdhni sarvāṅgasandhiṣu || 22 ||
[Analyze grammar]

agnivarṇāstu taptāśca triśākhā lohaśaṃkavaḥ |
ākhidyaṃte ca bahuśaḥ sthāneṣveteṣu mudgaraiḥ || 23 ||
[Analyze grammar]

tataḥ kṣāreṇa dīptena pūryate hi samaṃ tataḥ |
yātanāśca mahatyo vai śarīrasyāti sarvataḥ || 24 ||
[Analyze grammar]

aśeṣanarakeṣveva kramaṃti kramaśaḥ punaḥ |
ye gṛhṇanti paradravyaṃ padbhyāṃ vipraṃ spṛśaṃti ca || 25 ||
[Analyze grammar]

śivopakaraṇaṃ gāṃ ca jñānādilikhitaṃ ca yat |
hastapādādibhisteṣāmāpūryyaṃte samaṃtataḥ || 26 ||
[Analyze grammar]

narakeṣu ca sarveṣu vicitrā dehayātanāḥ |
bhavaṃti bahuśaḥ kaṣṭāḥ pāṇipādasamudbhavāḥ || 27 ||
[Analyze grammar]

śivāyatanaparyyaṃte devārāmeṣu kutracit |
samutsṛjaṃti ye pāpāḥ purīṣaṃ mūtrameva ca || 28 ||
[Analyze grammar]

teṣāṃ śiśnaṃ savṛṣaṇaṃ cūrṇyate lohamudgaraiḥ |
sūcībhiragnivarṇābhiskathā tvāpūryyate punaḥ || 29 ||
[Analyze grammar]

tataḥ kṣāreṇa mahatā tīvreṇa ca punaḥ punaḥ |
drutena pūryate gāḍhaṃ gude śiśne ca dehinaḥ || 30 ||
[Analyze grammar]

manassarvendriyāṇāṃ ca yasmā dduḥkhaṃ prajāyate |
dhane satyapi ye dānaṃ na prayacchaṃti tṛṣṇayā || 31 ||
[Analyze grammar]

atithiṃ cāvamanyate kāle prāpte gṛhāśrame |
tasmātte duṣkṛtaṃ prāpya gacchaṃti niraye'śucau || 32 ||
[Analyze grammar]

ye'nnaṃ dattvā hi bhuṃjaṃti na śvabhyassaha vāyasaiḥ |
teṣāṃ ca vivṛtaṃ vaktraṃ kīlakadvayatāḍitam || 33 ||
[Analyze grammar]

kṛmibhiḥ prāṇibhiścograirlohatuṇḍaiśca vāyasaiḥ |
upadravairbahuvidhairugrairaṃtaḥ prapīḍyate || 34 ||
[Analyze grammar]

śyāmaśca śabalaścaiva yamamārgānurodhakau |
yau stastābhyāṃ prayacchāmi tau gṛhṇītāmimaṃ balim || 35 ||
[Analyze grammar]

ye vā varuṇavāyavyā yāmyā nairṛtyavāyasāḥ |
vāyasā puṇyakarmāṇaste pragṛhṇaṃtu me balim || 36 ||
[Analyze grammar]

śivāmabhyarcya yatnena hutvāgnau vidhipūrvakam |
śaivairmantrairbaliṃ ye ca dadaṃte na ca te yamam || 37 ||
[Analyze grammar]

paśyaṃti tridivaṃ yāṃti tasmāddadyāddinedine |
maṇḍalaṃ caturasraṃ tu kṛtvā gaṃdhādivāsitam || 38 ||
[Analyze grammar]

dhanvantaryarthamīśānyāṃ prācyāmindrāya niḥkṣipet |
yāmyāṃ yamāya vāruṇyāṃ sudakṣomāya dakṣiṇe || 39 ||
[Analyze grammar]

pitṛbhyastu vinikṣipya prācyāmaryamaṇe tataḥ |
dhātuścaiva vidhātuśca dvāradeśe viniḥkṣipet || 40 ||
[Analyze grammar]

śvabhyaśca śvapatibhyaśca vayobhyo vikṣipeddhuvi |
devaiḥ pitṛmanuṣyaiśca pretairbhūtaissaguhyakai || 41 ||
[Analyze grammar]

vayobhiḥ kṛmikīṭaiśca gṛhasthaścopajīvyate |
svāhākāraḥ svadhākāro vaṣaṭkārastṛtīyakaḥ || 42 ||
[Analyze grammar]

haṃtakārastathaivānyo dhenvā stanacatuṣṭayam |
svāhākāraṃ stanaṃ devāssvadhāṃ ca pitarastathā || 43 ||
[Analyze grammar]

vaṣaṭkāraṃ tathaivānye devā bhūteśvarāstathā |
haṃtakāraṃ manuṣyāśca pibaṃti satataṃ sta nam || 44 ||
[Analyze grammar]

yastvetāṃ mānavo dhenuṃ śraddhayā hyanupūrvikām |
karoti satataṃ kāle sāgnitvāyopakalpyate || 45 ||
[Analyze grammar]

yastāṃ jahāti vā svasthastāmisre sa tu majjati |
tasmāddattvā baliṃ tebhyo dvārasthaściṃtayetkṣaṇam || 46 ||
[Analyze grammar]

kṣudhārtamatithiṃ samyagekagrāmanivāsinam |
bhojayettaṃ śubhānnena yathāśaktyātmabhojanāt || 47 ||
[Analyze grammar]

atithiryasya bhagnāśo gṛhātpratinivartate |
sa tasmai duṣkṛtaṃ dattvā puṇyamā dāya gacchati || 48 ||
[Analyze grammar]

tato'nnaṃ priyamevāśnannaraḥ śṛṃkhalavānpunaḥ |
jihvāvegena viddhotra ciraṃ kālaṃ sa tiṣṭhati || 49 ||
[Analyze grammar]

yatastaṃ māṃsamuddhatya tilamātrapramāṇataḥ |
khādituṃ dīyate teṣāṃ bhittvā caiva tu śoṇitam || 50 ||
[Analyze grammar]

niśśeṣataḥ kaśābhistu pīḍyate kramaśaḥ punaḥ |
bubhukṣayātikaṣṭaṃ hi tathāyāti pipāsayā || 51 ||
[Analyze grammar]

evamādyā mahāghorā yātanāḥ pāpakarmaṇām |
aṃte yatpratipannaṃ hi tatsaṃkṣepeṇa saṃśṛṇu || 52 ||
[Analyze grammar]

yaḥ karoti mahāpāpaṃ dharmmaṃ carati vai laghu |
dharmmaṃ gurutaraṃ vāpi tathāvasthe tayoḥ śṛṇu || 53 ||
[Analyze grammar]

sukṛtasya phalaṃ noktaṃ gurupā paprabhāvataḥ |
na minoti sukhaṃ tatra bhogairbahubhiranvitaḥ || 54 ||
[Analyze grammar]

tathodvignotisaṃtapto na bhakṣyairmanyate sukham |
abhāvādagrato'nyasya pratikalpaṃ dinedine || 55 ||
[Analyze grammar]

pumānyo gurudharmmā'pi sopavāso yathā gṛhī |
vittavānna vijānāti pīḍāṃ niyamasaṃsthitaḥ || 56 ||
[Analyze grammar]

tāni pāpāni ghorāṇi saṃti yaiśca naro bhuvi |
śatadhā bhedamāpnoti girirvajrahato yathā || 57 ||
[Analyze grammar]

iti śrīśivamahāpurāṇe pañcamyāmumāsaṃhitāyāṃ narakagatibhogavarṇanaṃ nāma daśamo'dhyāyaḥ || 10 ||
[Analyze grammar]