Chapter 11

[English text for this chapter is available]

|| vyāsa uvāca |
kṛtapāpā narā yāṃti duḥkhena mahatānvitāḥ |
yamamārge sukhaṃ yaiśca tāndharmānvada me prabho || 1 ||
[Analyze grammar]

|| sanatkumāra uvāca |
avaśyaṃ hi kṛtaṃ karma bhoktavyamavicārataḥ |
śubhāśubhamatho vakṣye tāndharmmānsukhadāyakān || 2 ||
[Analyze grammar]

atra ye śubhakarmmāṇaḥ saumyacittā dayānvitāḥ |
sukhena te narā yāṃti yamamārgaṃ bhayāvaham || 3 ||
[Analyze grammar]

yaḥ pradadyād dvijendrāṇāmupānatkāṣṭhapāduke |
sa naro'śvena mahatā sukhaṃ yāti yamālayam || 4 ||
[Analyze grammar]

chatradānena gacchaṃti yathā chatreṇa dehinaḥ |
śibikāyāḥ pradānena tadrathena sukhaṃ vrajet || 5 ||
[Analyze grammar]

śayyāsanapradānena sukhaṃ yāti suviśramam |
ārāmacchāyākartāro mārge vā vṛkṣaropakāḥ |
vrajanti yamalokaṃ ca ātape'ti gataklamāḥ || 6 ||
[Analyze grammar]

yāṃti puṣpagayānena puṣpārāmakarā narāḥ |
devāyatanakartāraḥ krīḍaṃti ca gṛhodare || 7 ||
[Analyze grammar]

kartāraśca tathā ye ca yatīnāmāśramasya ca |
anāthamaṇḍapānāṃ tu krīḍaṃti ca gṛhodare || 8 ||
[Analyze grammar]

devāgniguruviprāṇāṃ mātāpitrośca pūjakāḥ |
pūjyamānā narā yāṃti kāmukena yathāsukham || 9 ||
[Analyze grammar]

dyotayaṃto diśassarvā yāṃti dīpapradāyinaḥ |
pratiśrayapradānena sukhaṃ yāṃti nirāmayāḥ || 10 ||
[Analyze grammar]

viśrāmyamāṇā gacchaṃti guruśuśrūṣakā narāḥ |
ātodyavipradātārassukhaṃ yāṃti svake gṛhe || 11 ||
[Analyze grammar]

sarvakāmasamṛddhena yathā gacchaṃti gopradāḥ |
atra dattānnapānāni tānyāpnoti naraḥ pathi || 12 ||
[Analyze grammar]

pādaśaucapradānena sajalena pathā vrajet |
pādābhyaṃgaṃ ca yaḥ kuryādaśvapṛṣṭhena gacchati || 13 ||
[Analyze grammar]

pādaśaucaṃ tathābhyaṃgaṃ dīpamannaṃ pratiśrayam |
yo dadāti sadā vyāsa nopasarpati taṃ yamaḥ || 14 ||
[Analyze grammar]

hemaratnapradānena yāti durgāṇi nistaran |
raupyānaḍutsragdānena yamalokaṃ sukhena saḥ || 15 ||
[Analyze grammar]

ityevamādibhirdānaissukhaṃ yāṃti yamālayam |
svarge tu vividhānbhogānprāpnuvaṃti sadā narāḥ || 16 ||
[Analyze grammar]

sarveṣāmeva dānānāmannadānaṃ paraṃ smṛtam |
sadyaḥ prītikaraṃ hṛdyaṃ balabuddhivivardhanam || 17 ||
[Analyze grammar]

nānnadānasamaṃ dānaṃ vidyate munisattama |
annādbhavaṃti bhūtāni tadabhāve mriyaṃti ca || 18 ||
[Analyze grammar]

raktaṃ māṃsaṃ vasā śukraṃ kramādannātpravardhate |
śukrādbhavaṃti bhūtāni tasmādannamayaṃ jagat || 19 ||
[Analyze grammar]

hemaratnāśvanāgendrairnārīsrakcaṃdanādibhiḥ |
samastairapi saṃprāptairna ramaṃti bubhukṣitāḥ || 20 ||
[Analyze grammar]

garbhasthā jāyamānāśca bālavṛddhāśca madhyamāḥ |
āhāramabhikāṃkṣaṃti devadānavarākṣasāḥ || 21 ||
[Analyze grammar]

kṣudhā niśśeṣarogāṇāṃ vyādhiḥ śreṣṭhatamaḥ smṛtaḥ |
sa cānnauṣadhilepena naśyatīha na saṃśayaḥ || 22 ||
[Analyze grammar]

nāsti kṣudhāsamaṃ duḥkhaṃ nāsti rogaḥ kṣudhāsamaḥ |
nāstyarogasamaṃ saukhyaṃ nāsti krodhasamo ripuḥ || 23 ||
[Analyze grammar]

ataeva mahatpuṇyamannadāne prakīrtitam |
tathā kṣudhāgninā taptā mriyaṃte sarvadehinaḥ || 24 ||
[Analyze grammar]

annadaḥ prāṇadaḥ proktaḥ prāṇadaścāpi sarvadaḥ |
tasmādannapradānena sarvadānaphalaṃ labhet || 25 ||
[Analyze grammar]

yasyānnapānapuṣṭāṅgaḥ kurute puṇyasaṃcayam |
annapradātustasyārddhaṃ kartuścārddhaṃ na saṃśayaḥ || 26 ||
[Analyze grammar]

trailokye yāni ratnāni bhogastrīvāhanāni ca |
annadānapradassarvamihāmutra ca tallabhet || 27 ||
[Analyze grammar]

dharmmārthakāmamokṣāṇāṃ dehaḥ paramasādhanam |
tasmādannena pānena pālayeddehamātmanaḥ || 28 ||
[Analyze grammar]

annameva praśaṃsaṃti sarvameva pratiṣṭhitam |
annena sadṛśaṃ dānaṃ na bhūtaṃ na bhaviṣyati || 29 ||
[Analyze grammar]

annena dhāryyate sarvaṃ viśvaṃ jagadidaṃ mune |
annamūrjaskaraṃ loke prāṇā hyanne pratiṣṭhitāḥ || 30 ||
[Analyze grammar]

dātavyaṃ bhikṣave cānnaṃ brāhmaṇāya mahātmane |
kuṭuṃbaṃ pīḍayitvāpi hyātmano bhūtimicchatā || 31 ||
[Analyze grammar]

vidadāti nidhiśreṣṭhaṃ yo dadyādannamarthine |
brāhmaṇāyārtarūpāya pāralaukikamātmanaḥ || 32 ||
[Analyze grammar]

arcayedbhūtimanvicchankāle dvijamupasthitam |
śrāṃtamadhvani vṛttyarthaṃ gṛhastho gṛhamāgatam || 33 ||
[Analyze grammar]

annadaḥ pūjayedvyāsaḥ suśīlastu vimatsaraḥ |
krodhamutpatitaṃ hitvā divi ceha mahatsukham || 34 ||
[Analyze grammar]

nābhiniṃdedadhigataṃ na praṇudyātkathaṃcana |
api śvapāke śuni vā nānnadānaṃ praṇaśyati || 35 ||
[Analyze grammar]

śrāṃtāyādṛṣṭapūrvāya hyannamadhvani vartate |
yo dadyādaparikliṣṭaṃ sa samṛddhimavāpnuyāta || 36 ||
[Analyze grammar]

pitṝndevāṃstathā viprānatithīṃśca mahāmune |
yo naraḥ prīṇayatyannaistasya puṇyaphalaṃ mahat || 37 ||
[Analyze grammar]

annaṃ pānaṃ ca śūdre'pi brāhmaṇe ca viśiṣyate |
na pṛcchedgotracaraṇaṃ svādhyāyaṃ deśameva ca || 38 ||
[Analyze grammar]

bhikṣito brāhmaṇeneha dadyādannaṃ ca yaḥ pumān |
sa yāti paramaṃ svargaṃ yāvadābhūtasaṃplavam || 39 ||
[Analyze grammar]

annadasya ca vṛkṣāśca sarvakāmaphalānvitāḥ |
bhavaṃtīha yathā viprā harṣayuktāstriviṣṭape || 40 ||
[Analyze grammar]

annadānena ye lokāssvarge viracitā mune |
annadāturmahādivyāstāñchṛṇuṣva mahāmune || 41 ||
[Analyze grammar]

bhavanāni prakāśaṃte divi teṣāṃ mahātmanām |
nānāsaṃsthānarūpāṇi nānā kāmānvitāni ca || 42 ||
[Analyze grammar]

sarvakāmaphalāścāpi vṛkṣā bhavanasaṃsthitāḥ |
hemavāpyaḥ śubhāḥ kūpā dīrghikāścaiva sarvaśaḥ || 43 ||
[Analyze grammar]

ghoṣayaṃti ca pānāni śubhānyatha sahasraśaḥ |
bhakṣyabhojyamayāśśailā vāsāṃsyābharaṇāni ca || 44 ||
[Analyze grammar]

kṣīraṃ sravaṃtyassaritastathaivājyasya parvatāḥ |
prāsādāḥ pāṇḍurābhāsāśśayyāśca kanakojjvalāḥ || 45 ||
[Analyze grammar]

tānannadāśca gacchaṃti tasmādannaprado bhavet |
yadīcchedātmano bhavyamiha loke paratra ca || 46 ||
[Analyze grammar]

ete lokāḥ puṇyakṛtāmannadānāṃ mahāprabhāḥ |
tasmādannaṃ viśeṣeṇa dātavyaṃ mānavairdhruvam || 47 ||
[Analyze grammar]

annaṃ prajāpatissākṣādannaṃ viṣṇussvayaṃ haraḥ |
tasmādannasamaṃ dānaṃ na bhūtaṃ na bhaviṣyati || 48 ||
[Analyze grammar]

kṛtvāpi sumahatpāpaṃ yaḥ paścādannado bhavet |
vimuktassarvapāpebhyassvargalokaṃ sa gacchati || 49 ||
[Analyze grammar]

annapānāśvagovastraśayyācchatrāsanāni ca |
pretaloke praśastāni dānānyaṣṭau viśeṣataḥ || 50 ||
[Analyze grammar]

evaṃ dānaviśeṣeṇa dharmarājapuraṃ naraḥ |
yasmādyāti vimānena tasmāddānaṃ samācaret || 51 ||
[Analyze grammar]

etadākhyānamanaghamannadānaprabhāvataḥ |
yaḥ paṭhetpāṭhayedanyānsa samṛddhaḥ prajāyate || 52 ||
[Analyze grammar]

śṛṇuyācchrāvayecchrāddhe brāhmaṇānyo mahāmune || |
akṣayyamannadānaṃ ca pitṝṇāmupatiṣṭhati || 53 ||
[Analyze grammar]

iti śrīśivamahāpurāṇe paṃcamyāmumāsaṃhitāyāmannadānamāhātmyavarṇanaṃ nāmaikādaśo'dhyāyaḥ || 11 ||
[Analyze grammar]