Chapter 9

[English text for this chapter is available]

|| sanatkumāra uvāca |
eṣu pāpāḥ prapacyaṃte śoṣyaṃte narakāgniṣu |
yātanābhirvicitrābhirāsvakarmmakṣayādbhṛśam || 1 ||
[Analyze grammar]

svamalaprakṣayādyadvadagnau dhāsyaṃti dhātavaḥ |
tatra pāpakṣayātpāpā narāḥ karmānurūpataḥ || 2 ||
[Analyze grammar]

sugāḍhaṃ hastayorbaddhvā tataśśṛṃkhalayā narāḥ |
mahāvṛkṣāgraśākhāsu lambyante yamakiṃkaraiḥ || 3 ||
[Analyze grammar]

tataste sarvayatnena kṣiptā dolaṃti kiṃkaraiḥ |
dolaṃtaścātivegena visaṃjñā yāṃti yojanam || 4 ||
[Analyze grammar]

aṃtarikṣasthitānāṃ ca lohabhāraśataṃ punaḥ |
pādayorbadhyate teṣāṃ yamadūtairmahābalaiḥ || 5 ||
[Analyze grammar]

tena bhāreṇa mahatā prabhṛśaṃ tāḍitā narāḥ |
dhyāyaṃti svāni karmāṇi tūṣṇīṃ tiṣṭhanti niścalāḥ || 6 ||
[Analyze grammar]

tatoṃ'kuśairagnivarṇairloha daṇḍaiśca dāruṇaiḥ |
hanyaṃte kiṃkaraighoraissamantātpāpakarmmiṇaḥ || 7 ||
[Analyze grammar]

tataḥ kṣāreṇa dīptena vahnerapi viśeṣataḥ |
samaṃtataḥ pralipyaṃte tīveṇa tu punaḥ punaḥ || 8 ||
[Analyze grammar]

drutenātyaṃtaliptena kṛttāṃgā jarjarīkṛtāḥ |
punarvidāryya cāṃgāni śirasaḥ prabhṛti kramāt || 9 ||
[Analyze grammar]

vṛtākavatprapacyaṃte taptalohakaṭāhakaiḥ |
viṣṭhāpūrṇe tathā kūpe kṛmīṇāṃ nicaye punaḥ || 10 ||
[Analyze grammar]

medo'sṛkpūyapūrṇāyāṃ vāpyāṃ kṣipyaṃti te punaḥ |
bhakṣyaṃte kṛmibhistīkṣṇairloṃhatuṃḍaiśca vāyasaiḥ || 11 ||
[Analyze grammar]

śvabhirddaṃśairvṛkairvyāghrairraudraiśca vikṛtānanaiḥ |
pacyaṃte matsyavaccāpi pradīptāṃgārarāśiṣu || 12 ||
[Analyze grammar]

bhinnāḥ śūlaistu tīkṣṇaiśca narāḥ pāpena karmmaṇā |
tailayantreṣu cākramya ghoraiḥ karmmabhirātmanaḥ || 13 ||
[Analyze grammar]

tilā iva prapīḍyaṃte cakrākhye janapiṃḍakāḥ |
bhrajyaṃte cātape tapte lohabhāṇḍeṣvanekadhā || 14 ||
[Analyze grammar]

tailapūrṇakaṭāheṣu sutapteṣu punaḥpunaḥ |
bahudhā pacyate jihvā prapīḍyorasi pādayoḥ || 15 ||
[Analyze grammar]

yātanāśca mahatyo'tra śarīrasyāti sarvataḥ |
niśśeṣanarakeṣvevaṃ kramaṃti kramaśo narāḥ || 16 ||
[Analyze grammar]

narakeṣu ca sarveṣu vicitrā yamayātanā |
yāmyaiśca dīyate vyāsa sarvāṃgeṣu sukaṣṭadā || 17 ||
[Analyze grammar]

jvaladaṃgāramādāya mukhamāpūryya tāḍyate |
tataḥ kṣāreṇa dīptena tāmreṇa ca punaḥpunaḥ || 18 ||
[Analyze grammar]

ghṛtenātyantataptena tadā tailena tanmukham |
itastataḥ pīḍayitvā bhṛśamāpūryya hanyate || 19 ||
[Analyze grammar]

viṣṭhābhiḥ kṛmibhiścāpi pūryamāṇāḥ kvacitkvacit |
pariṣvajaṃti cātyugrāṃ pradīptāṃ lohaśālmalīm || 20 ||
[Analyze grammar]

hanyaṃte pṛṣṭhadeśe ca punardīptairmahāghanaiḥ |
dantureṇādikaṃṭhena krakacena balīsayā || 21 ||
[Analyze grammar]

śiraḥprabhṛti pīḍyaṃte ghoraiḥ karmabhirātmajaiḥ |
khādyaṃte ca svamāṃsāni pīyate śoṇitaṃ svakam || 22 ||
[Analyze grammar]

annaṃ pānaṃ na dattaṃ yaissarvadā svātmapoṣakaiḥ |
ikṣuvatte prapīḍyaṃte jarjarīkṛtya mudgaraiḥ || 23 ||
[Analyze grammar]

asitālavane ghore chidyante khaṇḍaśastataḥ |
sūcībhirbhinnasarvāṅgāstaptaśūlāgraropitāḥ || 24 ||
[Analyze grammar]

saṃcālyamānā bahuśaḥ kliśyaṃte na mriyanti ca |
tathā ca taccharīrāṇi sukhaduḥkhasahāni ca || 25 ||
[Analyze grammar]

dehādutpāṭya māṃsāni bhidyaṃte svaiśca mudgaraiḥ |
daṃturākṛtibhirrghorairyamadūtairbalotkaṭaiḥ || 26 ||
[Analyze grammar]

nirucchvāse niruchvāsāstiṣṭhaṃti narake ciram |
uttāḍyaṃte tathochvāse vālukāsadane narāḥ || 27 ||
[Analyze grammar]

raurave rodamānāśca pīḍyaṃte vividhai vadhaiḥ |
mahārauravapīḍābhirmahāṃto'pi rudaṃti ca || 28 ||
[Analyze grammar]

patsu vaktre gude muṃḍe netrayoścaiva mastake |
nihanyaṃte ghanaistīkṣṇaissutaptairloha śaṃkubhiḥ || 29 ||
[Analyze grammar]

sutaptāvālukāyāṃ tu prayojyaṃte muhurmuhuḥ |
jaṃtupaṃke bhṛśaṃ tapte kṣiptāḥ krandaṃti visvaram || 30 ||
[Analyze grammar]

kuṃbhīpākeṣu ca tathā taptataileṣu vai mune |
pāpinaḥ kūrakarmmāṇo'sahyeṣu sarvathā punaḥ || 31 ||
[Analyze grammar]

lālābhakṣeṣu pāpāste pātyaṃte duḥkhadeṣu vai |
nānāsthāneṣu pacyaṃte narakeṣu punaḥpunaḥ || 32 ||
[Analyze grammar]

sūcīmukhe mahākleśe narake pātyate naraḥ |
pāpī puṇyavihīnaśca tāḍyate yamakiṃkaraiḥ || 33 ||
[Analyze grammar]

lauhakumbhe viniḥkṣiptāḥ śvasantaśca śanaiḥśanaiḥ |
mahāgninā prapacyaṃte svapāpaireva mānavāḥ || 34 ||
[Analyze grammar]

dṛḍhaṃ rajjvādibhirbaddhvā prapīḍyaṃte śilāsu ca |
kṣipyaṃte cāndhakūpeṣu daśyaṃte bhramarairbhṛśam || 35 ||
[Analyze grammar]

kṛmibhirbhinnasarvāṃgāśśataśo jarjarīkṛtāḥ |
sutīkṣṇakṣārakūpeṣu kṣipyaṃte tadanaṃtaram || 36 ||
[Analyze grammar]

mahājvāle'tra narake pāpāḥ krandaṃti duḥkhitāḥ |
itaścetaśca dhāvaṃti dahyamānāstadarciṣā || 37 ||
[Analyze grammar]

pṛṣṭhe cānīya tuṇḍābhyāṃ vinyasta skaṃdhayojite |
tayormadhyena vākṛṣya bāhupṛṣṭhena gāḍhataḥ || 38 ||
[Analyze grammar]

baddhvā parasparaṃ sarve subhṛśaṃ pāparajjubhiḥ |
baddhapiṃḍāstu dṛśyaṃte mahā jvāle tu yātanāḥ || 39 ||
[Analyze grammar]

rajjubhirveṣṭitāścaiva praliptāḥ karddamena ca |
karīṣatuṣavahnau ca pacyaṃte na mriyaṃti ca || 40 ||
[Analyze grammar]

sutīkṣṇaṃ caritāste hi karkaśāsu śilāsu ca |
āsphālya śataśaḥ pāpāḥ pacyaṃte tṛṇavattataḥ || 41 ||
[Analyze grammar]

śarīrābhyaṃtaragataiḥ prabhūtaiḥ kṛmibhirnarāḥ |
bhakṣyaṃte tīkṣṇavadanairātmadehakṣayādbhṛśam || 42 ||
[Analyze grammar]

kṛmīṇāṃ nicaye kṣiptāḥ pūyamāṃsāsthirāśiṣu |
tiṣṭhaṃtyudvignahṛdayāḥ parvatābhyāṃ nipīḍitāḥ || 43 ||
[Analyze grammar]

taptena vajralepena śarīramanulipyate |
adhomukhordhvapādāśca tātapyaṃte sma vahninā || 44 ||
[Analyze grammar]

vadanāṃtaḥ pravinyastāṃ suprataptāmayogadām |
te khādanti parādhīnāstaistāḍyaṃte samudgaraiḥ || 45 ||
[Analyze grammar]

itthaṃ vyāsa kukarmmāṇo narakeṣu pacaṃti hi |
varṇayāmi vivarṇatvaṃ teṣāṃ tattvāya karmmiṇām || 46 ||
[Analyze grammar]

iti śrīśivamahāpurāṇe pañcamyāmumāsaṃhitāyāṃ sāmānyato narakagativarṇanaṃnāma navamo'dhyāyaḥ || 9 ||
[Analyze grammar]