Chapter 5

[English text for this chapter is available]

sūta uvāca |
śravaṇāditrike'śakto liṃgaṃ beraṃ ca śāṃkaram |
saṃsthāpya nityamabhyarcya taretsaṃsārasāgaram || 1 ||
[Analyze grammar]

api dra vyaṃ vahedeva yathābalamavaṃcayan |
arpayelliṃgaberārthamarcayedapi saṃtatam || 2 ||
[Analyze grammar]

maṃḍapaṃ gopuraṃ tīrthaṃ maṭhaṃ kṣetraṃ tathotsavam |
vastraṃ gaṃdhaṃ ca mālyaṃ ca dhūpaṃ dīpaṃ ca bhaktitaḥ || 3 ||
[Analyze grammar]

vividhānnaṃ ca naivedyamapūpavyaṃjanairyutam |
chatraṃ dhvajaṃ ca vyajanaṃ cāmaraṃ cāpi sāṃgakam || 4 ||
[Analyze grammar]

rājopacāravatsarvaṃ dhārayelliṃgaberayoḥ |
pradakṣiṇāṃ namaskāraṃ yathāśakti japaṃ tathā || 5 ||
[Analyze grammar]

āvāhanādisargāṃtaṃ nityaṃ kuryātsubhaktitaḥ |
itthamabhyarcya yandevaṃ liṃgebere ca śāṃkare || 6 ||
[Analyze grammar]

siddhimeti śivaprītyā hitvāpi śravaṇādikam |
liṃgaberārcanāmātrānmuktāḥ purve mahājanāḥ || 7 ||
[Analyze grammar]

manuya ūcuḥ |
beramātre tu sarvatra pūjyaṃte devatāgaṇāḥ |
liṃgebere ca sarvatra kathaṃ saṃpūjyate śivaḥ || 8 ||
[Analyze grammar]

sūta uvāca |
aho munīśvarāḥ puṇyaṃ praśnametanmahādbhutam |
atra vaktā mahādevo nānyo'sti puruṣaḥ kvacit || 9 ||
[Analyze grammar]

śivenoktaṃ pravakṣyāmi kramādgurumukhācchrutam |
śivaiko brahmarūpatvānniṣkalaḥ parikīrtitaḥ || 10 ||
[Analyze grammar]

rūpitvātsakalastadvattasmātsakalaniṣkalaḥ |
niṣkalatvānnirākāraṃ liṃgaṃ tasya samāgatam || 11 ||
[Analyze grammar]

sakalatvāttathā beraṃ sākāraṃ tasya saṃgatam |
sakalākalarūpatvādbrahmaśabdābhidhaḥ paraḥ || 12 ||
[Analyze grammar]

api liṃge ca bere ca nityamabhyarcyate janaiḥ |
abrahmatvāttadanyeṣāṃ niṣkalatvaṃ na hi kvacit || 13 ||
[Analyze grammar]

tasmātte niṣkale liṃge nārādhyaṃte sureśvarāḥ |
abrahmatvācca jīvatvāttathānye devatāgaṇāḥ || 14 ||
[Analyze grammar]

tūṣṇīṃ sakalamātratvādarcyaṃte beramātrake |
jīvatvaṃ śaṃkarānyeṣāṃ brahmatvaṃ śaṃkarasya ca || 15 ||
[Analyze grammar]

vedāṃtasārasaṃsiddhaṃ praṇavārthe prakāśanāt |
evameva purā pṛṣṭo maṃdare naṃdikeśvaraḥ || 16 ||
[Analyze grammar]

sanatkumāramuninā brahmaputreṇa dhīmatā |
sanatkumāra uvāca |
śivānyadevavaśyānāṃ sarveṣāmapi sarvataḥ || 17 ||
[Analyze grammar]

beramātraṃ ca pūjārthaṃ śrutaṃ dṛṣṭaṃ ca bhūriśaḥ |
śivamātrasya pūjāyāṃ liṃgaṃ beraṃ ca dṛśyate || 18 ||
[Analyze grammar]

atastadbrūhi kalyāṇa tattvaṃ me sādhubodhanam |
naṃdikeśvara uvāca |
anuttaramimaṃ praśnaṃ rahasyaṃ brahmalakṣaṇam || 19 ||
[Analyze grammar]

kathayāmi śivenoktaṃ bhaktiyuktasya te'nagha |
śivasya brahmarūpatvānniṣkalatvācca niṣkalam || 20 ||
[Analyze grammar]

liṃgaṃ tasyaiva pūjāyāṃ sarvavedeṣu saṃmatam |
tasyaiva sakalatvācca tathā sakalaniṣkalam || 21 ||
[Analyze grammar]

sakalaṃ ca tathā beraṃ pūjāyāṃ lokasaṃmatam |
śivānyeṣāṃ ca jīvatvātsakalatvācca sarvataḥ || 22 ||
[Analyze grammar]

beramātraṃ ca pūjāyāṃ saṃmataṃ vedanirṇaye |
svāvirbhāve ca devānāṃ sakalaṃ rūpameva hi || 23 ||
[Analyze grammar]

śivasya liṃgaṃ beraṃ ca darśane dṛśyate khalu |
sanatkumāra uvāca |
uktaṃ tvayā mahābhāga liṃgaberapracāraṇam || 24 ||
[Analyze grammar]

śivasya ca tadanyeṣāṃ vibhajya paramārthataḥ |
tasmāttadeva paramaṃ liṃgaberādisaṃbhavam || 25 ||
[Analyze grammar]

śrotumicchāmi yogīṃdra liṃgāvirbhāvalakṣaṇam |
naṃdikeśvara uvāca |
śṛṇu vatsa bhavatprītyā vakṣyāmi paramārthataḥ || 26 ||
[Analyze grammar]

purā kalpe mahākāle prapanne lokaviśrute |
āyudhyetāṃ mahātmānau brahmaviṣṇū parasparam || 27 ||
[Analyze grammar]

tayormānaṃ nirākartuṃ tanmadhye parameśvaraḥ |
niṣkalastaṃbharūpeṇa svarūpaṃ samadarśayat || 28 ||
[Analyze grammar]

tataḥ svaliṃgacihnatvātstaṃbhato niṣkalaṃ śivaḥ |
svaliṃgaṃ darśayāmāsa jagatāṃ hitakāmyayā || 29 ||
[Analyze grammar]

tadāprabhṛti lokeṣu niṣkalaṃ liṃgamaiśvaram |
sakalaṃ ca tathā beraṃ śivasyaiva prakalpitam || 30 ||
[Analyze grammar]

śivānyeṣaḥ tu devānāṃ beramātraṃ prakalpitam |
tattadberaṃ tu devānāṃ tattadbhogapradaṃ śubham |
śivasya liṃgaberatvaṃ bhogamokṣapradaṃ śubham || 31 ||
[Analyze grammar]

iti śrīśivamahāpurāṇe vidyeśvarasaṃhitāyāṃ paṃcamo'dhyāyaḥ || 5 ||
[Analyze grammar]