Chapter 193

bhīṣma uvāca |
śikhaṇḍivākyaṃ śrutvātha sa yakṣo bharatarṣabha |
provāca manasā cintya daivenopanipīḍitaḥ |
bhavitavyaṃ tathā taddhi mama duḥkhāya kaurava || 1 ||
[Analyze grammar]

bhadre kāmaṃ kariṣyāmi samayaṃ tu nibodha me |
kiṃcitkālāntaraṃ dāsye puṃliṅgaṃ svamidaṃ tava |
āgantavyaṃ tvayā kāle satyametadbravīmi te || 2 ||
[Analyze grammar]

prabhuḥ saṃkalpasiddho'smi kāmarūpī vihaṃgamaḥ |
matprasādātpuraṃ caiva trāhi bandhūṃśca kevalān || 3 ||
[Analyze grammar]

strīliṅgaṃ dhārayiṣyāmi tvadīyaṃ pārthivātmaje |
satyaṃ me pratijānīhi kariṣyāmi priyaṃ tava || 4 ||
[Analyze grammar]

śikhaṇḍyuvāca |
pratidāsyāmi bhagavaṃlliṅgaṃ punaridaṃ tava |
kiṃcitkālāntaraṃ strītvaṃ dhārayasva niśācara || 5 ||
[Analyze grammar]

pratiprayāte dāśārṇe pārthive hemavarmaṇi |
kanyaivāhaṃ bhaviṣyāmi puruṣastvaṃ bhaviṣyasi || 6 ||
[Analyze grammar]

bhīṣma uvāca |
ityuktvā samayaṃ tatra cakrāte tāvubhau nṛpa |
anyonyasyānabhidrohe tau saṃkrāmayatāṃ tataḥ || 7 ||
[Analyze grammar]

strīliṅgaṃ dhārayāmāsa sthūṇo yakṣo narādhipa |
yakṣarūpaṃ ca taddīptaṃ śikhaṇḍī pratyapadyata || 8 ||
[Analyze grammar]

tataḥ śikhaṇḍī pāñcālyaḥ puṃstvamāsādya pārthiva |
viveśa nagaraṃ hṛṣṭaḥ pitaraṃ ca samāsadat |
yathāvṛttaṃ tu tatsarvamācakhyau drupadasya ca || 9 ||
[Analyze grammar]

drupadastasya tacchrutvā harṣamāhārayatparam |
sabhāryastacca sasmāra maheśvaravacastadā || 10 ||
[Analyze grammar]

tataḥ saṃpreṣayāmāsa daśārṇādhipaternṛpa |
puruṣo'yaṃ mama sutaḥ śraddhattāṃ me bhavāniti || 11 ||
[Analyze grammar]

atha dāśārṇako rājā sahasābhyāgamattadā |
pāñcālarājaṃ drupadaṃ duḥkhāmarṣasamanvitaḥ || 12 ||
[Analyze grammar]

tataḥ kāmpilyamāsādya daśārṇādhipatistadā |
preṣayāmāsa satkṛtya dūtaṃ brahmavidāṃ varam || 13 ||
[Analyze grammar]

brūhi madvacanāddūta pāñcālyaṃ taṃ nṛpādhamam |
yadvai kanyāṃ svakanyārthe vṛtavānasi durmate |
phalaṃ tasyāvalepasya drakṣyasyadya na saṃśayaḥ || 14 ||
[Analyze grammar]

evamuktastu tenāsau brāhmaṇo rājasattama |
dūtaḥ prayāto nagaraṃ dāśārṇanṛpacoditaḥ || 15 ||
[Analyze grammar]

tata āsādayāmāsa purodhā drupadaṃ pure |
tasmai pāñcālako rājā gāmarghyaṃ ca susatkṛtam |
prāpayāmāsa rājendra saha tena śikhaṇḍinā || 16 ||
[Analyze grammar]

tāṃ pūjāṃ nābhyanandatsa vākyaṃ cedamuvāca ha |
yaduktaṃ tena vīreṇa rājñā kāñcanavarmaṇā || 17 ||
[Analyze grammar]

yatte'hamadhamācāra duhitrarthe'smi vañcitaḥ |
tasya pāpasya karaṇātphalaṃ prāpnuhi durmate || 18 ||
[Analyze grammar]

dehi yuddhaṃ narapate mamādya raṇamūrdhani |
uddhariṣyāmi te sadyaḥ sāmātyasutabāndhavam || 19 ||
[Analyze grammar]

tadupālambhasaṃyuktaṃ śrāvitaḥ kila pārthivaḥ |
daśārṇapatidūtena mantrimadhye purodhasā || 20 ||
[Analyze grammar]

abravīdbharataśreṣṭha drupadaḥ praṇayānataḥ |
yadāha māṃ bhavānbrahmansaṃbandhivacanādvacaḥ |
tasyottaraṃ prativaco dūta eva vadiṣyati || 21 ||
[Analyze grammar]

tataḥ saṃpreṣayāmāsa drupado'pi mahātmane |
hiraṇyavarmaṇe dūtaṃ brāhmaṇaṃ vedapāragam || 22 ||
[Analyze grammar]

samāgamya tu rājñā sa daśārṇapatinā tadā |
tadvākyamādade rājanyaduktaṃ drupadena ha || 23 ||
[Analyze grammar]

āgamaḥ kriyatāṃ vyaktaṃ kumāro vai suto mama |
mithyaitaduktaṃ kenāpi tanna śraddheyamityuta || 24 ||
[Analyze grammar]

tataḥ sa rājā drupadasya śrutvā vimarśayukto yuvatīrvariṣṭhāḥ |
saṃpreṣayāmāsa sucārurūpāḥ śikhaṇḍinaṃ strī pumānveti vettum || 25 ||
[Analyze grammar]

tāḥ preṣitāstattvabhāvaṃ viditvā prītyā rājñe tacchaśaṃsurhi sarvam |
śikhaṇḍinaṃ puruṣaṃ kauravendra daśārṇarājāya mahānubhāvam || 26 ||
[Analyze grammar]

tataḥ kṛtvā tu rājā sa āgamaṃ prītimānatha |
saṃbandhinā samāgamya hṛṣṭo vāsamuvāsa ha || 27 ||
[Analyze grammar]

śikhaṇḍine ca muditaḥ prādādvittaṃ janeśvaraḥ |
hastino'śvāṃśca gāścaiva dāsyo bahuśatāstathā |
pūjitaśca pratiyayau nivartya tanayāṃ kila || 28 ||
[Analyze grammar]

vinītakilbiṣe prīte hemavarmaṇi pārthive |
pratiyāte tu dāśārṇe hṛṣṭarūpā śikhaṇḍinī || 29 ||
[Analyze grammar]

kasyacittvatha kālasya kubero naravāhanaḥ |
lokānuyātrāṃ kurvāṇaḥ sthūṇasyāgānniveśanam || 30 ||
[Analyze grammar]

sa tadgṛhasyopari vartamāna ālokayāmāsa dhanādhigoptā |
sthūṇasya yakṣasya niśāmya veśma svalaṃkṛtaṃ mālyaguṇairvicitram || 31 ||
[Analyze grammar]

lājaiśca gandhaiśca tathā vitānairabhyarcitaṃ dhūpanadhūpitaṃ ca |
dhvajaiḥ patākābhiralaṃkṛtaṃ ca bhakṣyānnapeyāmiṣadattahomam || 32 ||
[Analyze grammar]

tatsthānaṃ tasya dṛṣṭvā tu sarvataḥ samalaṃkṛtam |
athābravīdyakṣapatistānyakṣānanugāṃstadā || 33 ||
[Analyze grammar]

svalaṃkṛtamidaṃ veśma sthūṇasyāmitavikramāḥ |
nopasarpati māṃ cāpi kasmādadya sumandadhīḥ || 34 ||
[Analyze grammar]

yasmājjānansumandātmā māmasau nopasarpati |
tasmāttasmai mahādaṇḍo dhāryaḥ syāditi me matiḥ || 35 ||
[Analyze grammar]

yakṣā ūcuḥ |
drupadasya sutā rājanrājño jātā śikhaṇḍinī |
tasyai nimitte kasmiṃścitprādātpuruṣalakṣaṇam || 36 ||
[Analyze grammar]

agrahīllakṣaṇaṃ strīṇāṃ strībhūtastiṣṭhate gṛhe |
nopasarpati tenāsau savrīḍaḥ strīsvarūpavān || 37 ||
[Analyze grammar]

etasmātkāraṇādrājansthūṇo na tvādya paśyati |
śrutvā kuru yathānyāyaṃ vimānamiha tiṣṭhatām || 38 ||
[Analyze grammar]

bhīṣma uvāca |
ānīyatāṃ sthūṇa iti tato yakṣādhipo'bravīt |
kartāsmi nigrahaṃ tasyetyuvāca sa punaḥ punaḥ || 39 ||
[Analyze grammar]

so'bhyagacchata yakṣendramāhūtaḥ pṛthivīpate |
strīsvarūpo mahārāja tasthau vrīḍāsamanvitaḥ || 40 ||
[Analyze grammar]

taṃ śaśāpa susaṃkruddho dhanadaḥ kurunandana |
evameva bhavatvasya strītvaṃ pāpasya guhyakāḥ || 41 ||
[Analyze grammar]

tato'bravīdyakṣapatirmahātmā yasmādadāstvavamanyeha yakṣān |
śikhaṇḍine lakṣaṇaṃ pāpabuddhe strīlakṣaṇaṃ cāgrahīḥ pāpakarman || 42 ||
[Analyze grammar]

apravṛttaṃ sudurbuddhe yasmādetatkṛtaṃ tvayā |
tasmādadya prabhṛtyeva tvaṃ strī sa puruṣastathā || 43 ||
[Analyze grammar]

tataḥ prasādayāmāsuryakṣā vaiśravaṇaṃ kila |
sthūṇasyārthe kuruṣvāntaṃ śāpasyeti punaḥ punaḥ || 44 ||
[Analyze grammar]

tato mahātmā yakṣendraḥ pratyuvācānugāminaḥ |
sarvānyakṣagaṇāṃstāta śāpasyāntacikīrṣayā || 45 ||
[Analyze grammar]

hate śikhaṇḍini raṇe svarūpaṃ pratipatsyate |
sthūṇo yakṣo nirudvego bhavatviti mahāmanāḥ || 46 ||
[Analyze grammar]

ityuktvā bhagavāndevo yakṣarākṣasapūjitaḥ |
prayayau saha taiḥ sarvairnimeṣāntaracāribhiḥ || 47 ||
[Analyze grammar]

sthūṇastu śāpaṃ saṃprāpya tatraiva nyavasattadā |
samaye cāgamattaṃ vai śikhaṇḍī sa kṣapācaram || 48 ||
[Analyze grammar]

so'bhigamyābravīdvākyaṃ prāpto'smi bhagavanniti |
tamabravīttataḥ sthūṇaḥ prīto'smīti punaḥ punaḥ || 49 ||
[Analyze grammar]

ārjavenāgataṃ dṛṣṭvā rājaputraṃ śikhaṇḍinam |
sarvameva yathāvṛttamācacakṣe śikhaṇḍine || 50 ||
[Analyze grammar]

yakṣa uvāca |
śapto vaiśravaṇenāsmi tvatkṛte pārthivātmaja |
gacchedānīṃ yathākāmaṃ cara lokānyathāsukham || 51 ||
[Analyze grammar]

diṣṭametatpurā manye na śakyamativartitum |
gamanaṃ tava ceto hi paulastyasya ca darśanam || 52 ||
[Analyze grammar]

bhīṣma uvāca |
evamuktaḥ śikhaṇḍī tu sthūṇayakṣeṇa bhārata |
pratyājagāma nagaraṃ harṣeṇa mahatānvitaḥ || 53 ||
[Analyze grammar]

pūjayāmāsa vividhairgandhamālyairmahādhanaiḥ |
dvijātīndevatāścāpi caityānatha catuṣpathān || 54 ||
[Analyze grammar]

drupadaḥ saha putreṇa siddhārthena śikhaṇḍinā |
mudaṃ ca paramāṃ lebhe pāñcālyaḥ saha bāndhavaiḥ || 55 ||
[Analyze grammar]

śiṣyārthaṃ pradadau cāpi droṇāya kurupuṃgava |
śikhaṇḍinaṃ mahārāja putraṃ strīpūrviṇaṃ tathā || 56 ||
[Analyze grammar]

pratipede catuṣpādaṃ dhanurvedaṃ nṛpātmajaḥ |
śikhaṇḍī saha yuṣmābhirdhṛṣṭadyumnaśca pārṣataḥ || 57 ||
[Analyze grammar]

mama tvetaccarāstāta yathāvatpratyavedayan |
jaḍāndhabadhirākārā ye yuktā drupade mayā || 58 ||
[Analyze grammar]

evameṣa mahārāja strīpumāndrupadātmajaḥ |
saṃbhūtaḥ kauravaśreṣṭha śikhaṇḍī rathasattamaḥ || 59 ||
[Analyze grammar]

jyeṣṭhā kāśipateḥ kanyā ambā nāmeti viśrutā |
drupadasya kule jātā śikhaṇḍī bharatarṣabha || 60 ||
[Analyze grammar]

nāhamenaṃ dhanuṣpāṇiṃ yuyutsuṃ samupasthitam |
muhūrtamapi paśyeyaṃ prahareyaṃ na cāpyuta || 61 ||
[Analyze grammar]

vratametanmama sadā pṛthivyāmapi viśrutam |
striyāṃ strīpūrvake cāpi strīnāmni strīsvarūpiṇi || 62 ||
[Analyze grammar]

na muñceyamahaṃ bāṇāniti kauravanandana |
na hanyāmahametena kāraṇena śikhaṇḍinam || 63 ||
[Analyze grammar]

etattattvamahaṃ veda janma tāta śikhaṇḍinaḥ |
tato nainaṃ haniṣyāmi samareṣvātatāyinam || 64 ||
[Analyze grammar]

yadi bhīṣmaḥ striyaṃ hanyāddhanyādātmānamapyuta |
nainaṃ tasmāddhaniṣyāmi dṛṣṭvāpi samare sthitam || 65 ||
[Analyze grammar]

saṃjaya uvāca |
etacchrutvā tu kauravyo rājā duryodhanastadā |
muhūrtamiva sa dhyātvā bhīṣme yuktamamanyata || 66 ||
[Analyze grammar]