Chapter 9

yudhiṣṭhira uvāca |
kathamindreṇa rājendra sabhāryeṇa mahātmanā |
duḥkhaṃ prāptaṃ paraṃ ghorametadicchāmi veditum || 1 ||
[Analyze grammar]

śalya uvāca |
śṛṇu rājanpurā vṛttamitihāsaṃ purātanam |
sabhāryeṇa yathā prāptaṃ duḥkhamindreṇa bhārata || 2 ||
[Analyze grammar]

tvaṣṭā prajāpatirhyāsīddevaśreṣṭho mahātapāḥ |
sa putraṃ vai triśirasamindradrohātkilāsṛjat || 3 ||
[Analyze grammar]

aindraṃ sa prārthayatsthānaṃ viśvarūpo mahādyutiḥ |
taistribhirvadanairghoraiḥ sūryendujvalanopamaiḥ || 4 ||
[Analyze grammar]

vedānekena so'dhīte surāmekena cāpibat |
ekena ca diśaḥ sarvāḥ pibanniva nirīkṣate || 5 ||
[Analyze grammar]

sa tapasvī mṛdurdānto dharme tapasi codyataḥ |
tapo'tapyanmahattīvraṃ suduścaramariṃdama || 6 ||
[Analyze grammar]

tasya dṛṣṭvā tapovīryaṃ sattvaṃ cāmitatejasaḥ |
viṣādamagamacchakra indro'yaṃ mā bhavediti || 7 ||
[Analyze grammar]

kathaṃ sajjeta bhogeṣu na ca tapyenmahattapaḥ |
vivardhamānastriśirāḥ sarvaṃ tribhuvanaṃ graset || 8 ||
[Analyze grammar]

iti saṃcintya bahudhā buddhimānbharatarṣabha |
ājñāpayatso'psarasastvaṣṭṛputrapralobhane || 9 ||
[Analyze grammar]

yathā sa sajjettriśirāḥ kāmabhogeṣu vai bhṛśam |
kṣipraṃ kuruta gacchadhvaṃ pralobhayata māciram || 10 ||
[Analyze grammar]

śṛṅgāraveṣāḥ suśroṇyo bhāvairyuktā manoharaiḥ |
pralobhayata bhadraṃ vaḥ śamayadhvaṃ bhayaṃ mama || 11 ||
[Analyze grammar]

asvasthaṃ hyātmanātmānaṃ lakṣayāmi varāṅganāḥ |
bhayametanmahāghoraṃ kṣipraṃ nāśayatābalāḥ || 12 ||
[Analyze grammar]

apsarasa ūcuḥ |
tathā yatnaṃ kariṣyāmaḥ śakra tasya pralobhane |
yathā nāvāpsyasi bhayaṃ tasmādbalaniṣūdana || 13 ||
[Analyze grammar]

nirdahanniva cakṣurbhyāṃ yo'sāvāste taponidhiḥ |
taṃ pralobhayituṃ deva gacchāmaḥ sahitā vayam |
yatiṣyāmo vaśe kartuṃ vyapanetuṃ ca te bhayam || 14 ||
[Analyze grammar]

śalya uvāca |
indreṇa tāstvanujñātā jagmustriśiraso'ntikam |
tatra tā vividhairbhāvairlobhayantyo varāṅganāḥ |
nṛtyaṃ saṃdarśayantyaśca tathaivāṅgeṣu sauṣṭhavam || 15 ||
[Analyze grammar]

viceruḥ saṃpraharṣaṃ ca nābhyagacchanmahātapāḥ |
indriyāṇi vaśe kṛtvā pūrṇasāgarasaṃnibhaḥ || 16 ||
[Analyze grammar]

tāstu yatnaṃ paraṃ kṛtvā punaḥ śakramupasthitāḥ |
kṛtāñjalipuṭāḥ sarvā devarājamathābruvan || 17 ||
[Analyze grammar]

na sa śakyaḥ sudurdharṣo dhairyāccālayituṃ prabho |
yatte kāryaṃ mahābhāga kriyatāṃ tadanantaram || 18 ||
[Analyze grammar]

saṃpūjyāpsarasaḥ śakro visṛjya ca mahāmatiḥ |
cintayāmāsa tasyaiva vadhopāyaṃ mahātmanaḥ || 19 ||
[Analyze grammar]

sa tūṣṇīṃ cintayanvīro devarājaḥ pratāpavān |
viniścitamatirdhīmānvadhe triśiraso'bhavat || 20 ||
[Analyze grammar]

vajramasya kṣipāmyadya sa kṣipraṃ na bhaviṣyati |
śatruḥ pravṛddho nopekṣyo durbalo'pi balīyasā || 21 ||
[Analyze grammar]

śāstrabuddhyā viniścitya kṛtvā buddhiṃ vadhe dṛḍhām |
atha vaiśvānaranibhaṃ ghorarūpaṃ bhayāvaham |
mumoca vajraṃ saṃkruddhaḥ śakrastriśirasaṃ prati || 22 ||
[Analyze grammar]

sa papāta hatastena vajreṇa dṛḍhamāhataḥ |
parvatasyeva śikharaṃ praṇunnaṃ medinītale || 23 ||
[Analyze grammar]

taṃ tu vajrahataṃ dṛṣṭvā śayānamacalopamam |
na śarma lebhe devendro dīpitastasya tejasā |
hato'pi dīptatejāḥ sa jīvanniva ca dṛśyate || 24 ||
[Analyze grammar]

abhitastatra takṣāṇaṃ ghaṭamānaṃ śacīpatiḥ |
apaśyadabravīccainaṃ satvaraṃ pākaśāsanaḥ |
kṣipraṃ chindhi śirāṃsyasya kuruṣva vacanaṃ mama || 25 ||
[Analyze grammar]

takṣovāca |
mahāskandho bhṛśaṃ hyeṣa paraśurna tariṣyati |
kartuṃ cāhaṃ na śakṣyāmi karma sadbhirvigarhitam || 26 ||
[Analyze grammar]

indra uvāca |
mā bhaistvaṃ kṣiprametadvai kuruṣva vacanaṃ mama |
matprasādāddhi te śastraṃ vajrakalpaṃ bhaviṣyati || 27 ||
[Analyze grammar]

takṣovāca |
kaṃ bhavantamahaṃ vidyāṃ ghorakarmāṇamadya vai |
etadicchāmyahaṃ śrotuṃ tattvena kathayasva me || 28 ||
[Analyze grammar]

indra uvāca |
ahamindro devarājastakṣanviditamastu te |
kuruṣvaitadyathoktaṃ me takṣanmā tvaṃ vicāraya || 29 ||
[Analyze grammar]

takṣovāca |
krūreṇa nāpatrapase kathaṃ śakreha karmaṇā |
ṛṣiputramimaṃ hatvā brahmahatyābhayaṃ na te || 30 ||
[Analyze grammar]

indra uvāca |
paścāddharmaṃ cariṣyāmi pāvanārthaṃ suduścaram |
śatrureṣa mahāvīryo vajreṇa nihato mayā || 31 ||
[Analyze grammar]

adyāpi cāhamudvignastakṣannasmādbibhemi vai |
kṣipraṃ chindhi śirāṃsi tvaṃ kariṣye'nugrahaṃ tava || 32 ||
[Analyze grammar]

śiraḥ paśoste dāsyanti bhāgaṃ yajñeṣu mānavāḥ |
eṣa te'nugrahastakṣankṣipraṃ kuru mama priyam || 33 ||
[Analyze grammar]

śalya uvāca |
etacchrutvā tu takṣā sa mahendravacanaṃ tadā |
śirāṃsyatha triśirasaḥ kuṭhāreṇācchinattadā || 34 ||
[Analyze grammar]

nikṛtteṣu tatasteṣu niṣkrāmaṃstriśirāstvatha |
kapiñjalāstittirāśca kalaviṅkāśca sarvaśaḥ || 35 ||
[Analyze grammar]

yena vedānadhīte sma pibate somameva ca |
tasmādvaktrānviniṣpetuḥ kṣipraṃ tasya kapiñjalāḥ || 36 ||
[Analyze grammar]

yena sarvā diśo rājanpibanniva nirīkṣate |
tasmādvaktrādviniṣpetustittirāstasya pāṇḍava || 37 ||
[Analyze grammar]

yatsurāpaṃ tu tasyāsīdvaktraṃ triśirasastadā |
kalaviṅkā viniṣpetustenāsya bharatarṣabha || 38 ||
[Analyze grammar]

tatasteṣu nikṛtteṣu vijvaro maghavānabhūt |
jagāma tridivaṃ hṛṣṭastakṣāpi svagṛhānyayau || 39 ||
[Analyze grammar]

tvaṣṭā prajāpatiḥ śrutvā śakreṇātha hataṃ sutam |
krodhasaṃraktanayana idaṃ vacanamabravīt || 40 ||
[Analyze grammar]

tapyamānaṃ tapo nityaṃ kṣāntaṃ dāntaṃ jitendriyam |
anāparādhinaṃ yasmātputraṃ hiṃsitavānmama || 41 ||
[Analyze grammar]

tasmācchakravadhārthāya vṛtramutpādayāmyaham |
lokāḥ paśyantu me vīryaṃ tapasaśca balaṃ mahat |
sa ca paśyatu devendro durātmā pāpacetanaḥ || 42 ||
[Analyze grammar]

upaspṛśya tataḥ kruddhastapasvī sumahāyaśāḥ |
agniṃ hutvā samutpādya ghoraṃ vṛtramuvāca ha |
indraśatro vivardhasva prabhāvāttapaso mama || 43 ||
[Analyze grammar]

so'vardhata divaṃ stabdhvā sūryavaiśvānaropamaḥ |
kiṃ karomīti covāca kālasūrya ivoditaḥ |
śakraṃ jahīti cāpyukto jagāma tridivaṃ tataḥ || 44 ||
[Analyze grammar]

tato yuddhaṃ samabhavadvṛtravāsavayostadā |
saṃkruddhayormahāghoraṃ prasaktaṃ kurusattama || 45 ||
[Analyze grammar]

tato jagrāha devendraṃ vṛtro vīraḥ śatakratum |
apāvṛtya sa jagrāsa vṛtraḥ krodhasamanvitaḥ || 46 ||
[Analyze grammar]

graste vṛtreṇa śakre tu saṃbhrāntāstridaśāstadā |
asṛjaṃste mahāsattvā jṛmbhikāṃ vṛtranāśinīm || 47 ||
[Analyze grammar]

vijṛmbhamāṇasya tato vṛtrasyāsyādapāvṛtāt |
svānyaṅgānyabhisaṃkṣipya niṣkrānto balasūdanaḥ |
tataḥ prabhṛti lokeṣu jṛmbhikā prāṇisaṃśritā || 48 ||
[Analyze grammar]

jahṛṣuśca surāḥ sarve dṛṣṭvā śakraṃ viniḥsṛtam |
tataḥ pravavṛte yuddhaṃ vṛtravāsavayoḥ punaḥ |
saṃrabdhayostadā ghoraṃ suciraṃ bharatarṣabha || 49 ||
[Analyze grammar]

yadā vyavardhata raṇe vṛtro balasamanvitaḥ |
tvaṣṭustapobalādvidvāṃstadā śakro nyavartata || 50 ||
[Analyze grammar]

nivṛtte tu tadā devā viṣādamagamanparam |
sametya śakreṇa ca te tvaṣṭustejovimohitāḥ |
amantrayanta te sarve munibhiḥ saha bhārata || 51 ||
[Analyze grammar]

kiṃ kāryamiti te rājanvicintya bhayamohitāḥ |
jagmuḥ sarve mahātmānaṃ manobhirviṣṇumavyayam |
upaviṣṭā mandarāgre sarve vṛtravadhepsavaḥ || 52 ||
[Analyze grammar]