Chapter 205

mārkaṇḍeya uvāca |
gurū nivedya viprāya tau mātāpitarāvubhau |
punareva sa dharmātmā vyādho brāhmaṇamabravīt || 1 ||
[Analyze grammar]

pravṛttacakṣurjāto'smi saṃpaśya tapaso balam |
yadarthamukto'si tayā gacchasva mithilāmiti || 2 ||
[Analyze grammar]

patiśuśrūṣaparayā dāntayā satyaśīlayā |
mithilāyāṃ vasanvyādhaḥ sa te dharmānpravakṣyati || 3 ||
[Analyze grammar]

brāhmaṇa uvāca |
pativratāyāḥ satyāyāḥ śīlāḍhyāyā yatavrata |
saṃsmṛtya vākyaṃ dharmajña guṇavānasi me mataḥ || 4 ||
[Analyze grammar]

vyādha uvāca |
yattadā tvaṃ dvijaśreṣṭha tayokto māṃ prati prabho |
dṛṣṭametattayā samyagekapatnyā na saṃśayaḥ || 5 ||
[Analyze grammar]

tvadanugrahabuddhyā tu vipraitaddarśitaṃ mayā |
vākyaṃ ca śṛṇu me tāta yatte vakṣye hitaṃ dvija || 6 ||
[Analyze grammar]

tvayā vinikṛtā mātā pitā ca dvijasattama |
anisṛṣṭo'si niṣkrānto gṛhāttābhyāmanindita |
vedoccāraṇakāryārthamayuktaṃ tattvayā kṛtam || 7 ||
[Analyze grammar]

tava śokena vṛddhau tāvandhau jātau tapasvinau |
tau prasādayituṃ gaccha mā tvā dharmo'tyagānmahān || 8 ||
[Analyze grammar]

tapasvī tvaṃ mahātmā ca dharme ca nirataḥ sadā |
sarvametadapārthaṃ te kṣipraṃ tau saṃprasādaya || 9 ||
[Analyze grammar]

śraddadhasva mama brahmannānyathā kartumarhasi |
gamyatāmadya viprarṣe śreyaste kathayāmyaham || 10 ||
[Analyze grammar]

brāhmaṇa uvāca |
yadetaduktaṃ bhavatā sarvaṃ satyamasaṃśayam |
prīto'smi tava dharmajña sādhvācāra guṇānvita || 11 ||
[Analyze grammar]

vyādha uvāca |
daivatapratimo hi tvaṃ yastvaṃ dharmamanuvrataḥ |
purāṇaṃ śāśvataṃ divyaṃ duṣprāpamakṛtātmabhiḥ || 12 ||
[Analyze grammar]

atandritaḥ kuru kṣipraṃ mātāpitrorhi pūjanam |
ataḥ paramahaṃ dharmaṃ nānyaṃ paśyāmi kaṃcana || 13 ||
[Analyze grammar]

brāhmaṇa uvāca |
ihāhamāgato diṣṭyā diṣṭyā me saṃgataṃ tvayā |
īdṛśā durlabhā loke narā dharmapradarśakāḥ || 14 ||
[Analyze grammar]

eko narasahasreṣu dharmavidvidyate na vā |
prīto'smi tava satyena bhadraṃ te puruṣottama || 15 ||
[Analyze grammar]

patamāno hi narake bhavatāsmi samuddhṛtaḥ |
bhavitavyamathaivaṃ ca yaddṛṣṭo'si mayānagha || 16 ||
[Analyze grammar]

rājā yayātirdauhitraiḥ patitastārito yathā |
sadbhiḥ puruṣaśārdūla tathāhaṃ bhavatā tviha || 17 ||
[Analyze grammar]

mātāpitṛbhyāṃ śuśrūṣāṃ kariṣye vacanāttava |
nākṛtātmā vedayati dharmādharmaviniścayam || 18 ||
[Analyze grammar]

durjñeyaḥ śāśvato dharmaḥ śūdrayonau hi vartatā |
na tvāṃ śūdramahaṃ manye bhavitavyaṃ hi kāraṇam |
yena karmavipākena prāpteyaṃ śūdratā tvayā || 19 ||
[Analyze grammar]

etadicchāmi vijñātuṃ tattvena hi mahāmate |
kāmayā brūhi me tathyaṃ sarvaṃ tvaṃ prayatātmavān || 20 ||
[Analyze grammar]

vyādha uvāca |
anatikramaṇīyā hi brāhmaṇā vai dvijottama |
śṛṇu sarvamidaṃ vṛttaṃ pūrvadehe mamānagha || 21 ||
[Analyze grammar]

ahaṃ hi brāhmaṇaḥ pūrvamāsaṃ dvijavarātmaja |
vedādhyāyī sukuśalo vedāṅgānāṃ ca pāragaḥ |
ātmadoṣakṛtairbrahmannavasthāṃ prāptavānimām || 22 ||
[Analyze grammar]

kaścidrājā mama sakhā dhanurvedaparāyaṇaḥ |
saṃsargāddhanuṣi śreṣṭhastato'hamabhavaṃ dvija || 23 ||
[Analyze grammar]

etasminneva kāle tu mṛgayāṃ nirgato nṛpaḥ |
sahito yodhamukhyaiśca mantribhiśca susaṃvṛtaḥ |
tato'bhyahanmṛgāṃstatra subahūnāśramaṃ prati || 24 ||
[Analyze grammar]

atha kṣiptaḥ śaro ghoro mayāpi dvijasattama |
tāḍitaśca munistena śareṇānataparvaṇā || 25 ||
[Analyze grammar]

bhūmau nipatito brahmannuvāca pratinādayan |
nāparādhyāmyahaṃ kiṃcitkena pāpamidaṃ kṛtam || 26 ||
[Analyze grammar]

manvānastaṃ mṛgaṃ cāhaṃ saṃprāptaḥ sahasā munim |
apaśyaṃ tamṛṣiṃ viddhaṃ śareṇānataparvaṇā |
tamugratapasaṃ vipraṃ niṣṭanantaṃ mahītale || 27 ||
[Analyze grammar]

akāryakaraṇāccāpi bhṛśaṃ me vyathitaṃ manaḥ |
ajānatā kṛtamidaṃ mayetyatha tamabruvam |
kṣantumarhasi me brahmanniti cokto mayā muniḥ || 28 ||
[Analyze grammar]

tataḥ pratyabravīdvākyamṛṣirmāṃ krodhamūrchitaḥ |
vyādhastvaṃ bhavitā krūra śūdrayonāviti dvija || 29 ||
[Analyze grammar]