Chapter 32

yudhiṣṭhira uvāca |
valgu citrapadaṃ ślakṣṇaṃ yājñaseni tvayā vacaḥ |
uktaṃ tacchrutamasmābhirnāstikyaṃ tu prabhāṣase || 1 ||
[Analyze grammar]

nāhaṃ dharmaphalānveṣī rājaputri carāmyuta |
dadāmi deyamityeva yaje yaṣṭavyamityuta || 2 ||
[Analyze grammar]

astu vātra phalaṃ mā vā kartavyaṃ puruṣeṇa yat |
gṛhānāvasatā kṛṣṇe yathāśakti karomi tat || 3 ||
[Analyze grammar]

dharmaṃ carāmi suśroṇi na dharmaphalakāraṇāt |
āgamānanatikramya satāṃ vṛttamavekṣya ca |
dharma eva manaḥ kṛṣṇe svabhāvāccaiva me dhṛtam || 4 ||
[Analyze grammar]

na dharmaphalamāpnoti yo dharmaṃ dogdhumicchati |
yaścainaṃ śaṅkate kṛtvā nāstikyātpāpacetanaḥ || 5 ||
[Analyze grammar]

ativādānmadāccaiva mā dharmamatiśaṅkithāḥ |
dharmātiśaṅkī puruṣastiryaggatiparāyaṇaḥ || 6 ||
[Analyze grammar]

dharmo yasyātiśaṅkyaḥ syādārṣaṃ vā durbalātmanaḥ |
vedācchūdra ivāpeyātsa lokādajarāmarāt || 7 ||
[Analyze grammar]

vedādhyāyī dharmaparaḥ kule jāto yaśasvini |
sthavireṣu sa yoktavyo rājabhirdharmacāribhiḥ || 8 ||
[Analyze grammar]

pāpīyānhi sa śūdrebhyastaskarebhyo viśeṣataḥ |
śāstrātigo mandabuddhiryo dharmamatiśaṅkate || 9 ||
[Analyze grammar]

pratyakṣaṃ hi tvayā dṛṣṭa ṛṣirgacchanmahātapāḥ |
mārkaṇḍeyo'prameyātmā dharmeṇa cirajīvitām || 10 ||
[Analyze grammar]

vyāso vasiṣṭho maitreyo nārado lomaśaḥ śukaḥ |
anye ca ṛṣayaḥ siddhā dharmeṇaiva sucetasaḥ || 11 ||
[Analyze grammar]

pratyakṣaṃ paśyasi hyetāndivyayogasamanvitān |
śāpānugrahaṇe śaktāndevairapi garīyasaḥ || 12 ||
[Analyze grammar]

ete hi dharmamevādau varṇayanti sadā mama |
kartavyamamaraprakhyāḥ pratyakṣāgamabuddhayaḥ || 13 ||
[Analyze grammar]

ato nārhasi kalyāṇi dhātāraṃ dharmameva ca |
rajomūḍhena manasā kṣeptuṃ śaṅkitumeva ca || 14 ||
[Analyze grammar]

dharmātiśaṅkī nānyasminpramāṇamadhigacchati |
ātmapramāṇa unnaddhaḥ śreyaso hyavamanyakaḥ || 15 ||
[Analyze grammar]

indriyaprītisaṃbaddhaṃ yadidaṃ lokasākṣikam |
etāvānmanyate bālo mohamanyatra gacchati || 16 ||
[Analyze grammar]

prāyaścittaṃ na tasyāsti yo dharmamatiśaṅkate |
dhyāyansa kṛpaṇaḥ pāpo na lokānpratipadyate || 17 ||
[Analyze grammar]

pramāṇānyativṛtto hi vedaśāstrārthanindakaḥ |
kāmalobhānugo mūḍho narakaṃ pratipadyate || 18 ||
[Analyze grammar]

yastu nityaṃ kṛtamatirdharmamevābhipadyate |
aśaṅkamānaḥ kalyāṇi so'mutrānantyamaśnute || 19 ||
[Analyze grammar]

ārṣaṃ pramāṇamutkramya dharmānaparipālayan |
sarvaśāstrātigo mūḍhaḥ śaṃ janmasu na vindati || 20 ||
[Analyze grammar]

śiṣṭairācaritaṃ dharmaṃ kṛṣṇe mā smātiśaṅkithāḥ |
purāṇamṛṣibhiḥ proktaṃ sarvajñaiḥ sarvadarśibhiḥ || 21 ||
[Analyze grammar]

dharma eva plavo nānyaḥ svargaṃ draupadi gacchatām |
saiva nauḥ sāgarasyeva vaṇijaḥ pāramṛcchataḥ || 22 ||
[Analyze grammar]

aphālo yadi dharmaḥ syāccarito dharmacāribhiḥ |
apratiṣṭhe tamasyetajjaganmajjedanindite || 23 ||
[Analyze grammar]

nirvāṇaṃ nādhigaccheyurjīveyuḥ paśujīvikām |
vighātenaiva yujyeyurna cārthaṃ kiṃcidāpnuyuḥ || 24 ||
[Analyze grammar]

tapaśca brahmacaryaṃ ca yajñaḥ svādhyāya eva ca |
dānamārjavametāni yadi syuraphalāni vai || 25 ||
[Analyze grammar]

nācariṣyanpare dharmaṃ pare paratare ca ye |
vipralambho'yamatyantaṃ yadi syuraphalāḥ kriyāḥ || 26 ||
[Analyze grammar]

ṛṣayaścaiva devāśca gandharvāsurarākṣasāḥ |
īśvarāḥ kasya hetoste careyurdharmamādṛtāḥ || 27 ||
[Analyze grammar]

phaladaṃ tviha vijñāya dhātāraṃ śreyasi dhruve |
dharmaṃ te hyācarankṛṣṇe taddhi dharmasanātanam || 28 ||
[Analyze grammar]

sa cāyaṃ saphalo dharmo na dharmo'phala ucyate |
dṛśyante'pi hi vidyānāṃ phalāni tapasāṃ tathā || 29 ||
[Analyze grammar]

tvayyetadvai vijānīhi janma kṛṣṇe yathā śrutam |
vettha cāpi yathā jāto dhṛṣṭadyumnaḥ pratāpavān || 30 ||
[Analyze grammar]

etāvadeva paryāptamupamānaṃ śucismite |
karmaṇāṃ phalamastīti dhīro'lpenāpi tuṣyati || 31 ||
[Analyze grammar]

bahunāpi hyavidvāṃso naiva tuṣyantyabuddhayaḥ |
teṣāṃ na dharmajaṃ kiṃcitpretya śarmāsti karma vā || 32 ||
[Analyze grammar]

karmaṇāmuta puṇyānāṃ pāpānāṃ ca phalodayaḥ |
prabhavaścāpyayaścaiva devaguhyāni bhāmini || 33 ||
[Analyze grammar]

naitāni veda yaḥ kaścinmuhyantyatra prajā imāḥ |
rakṣyāṇyetāni devānāṃ gūḍhamāyā hi devatāḥ || 34 ||
[Analyze grammar]

kṛśāṅgāḥ suvratāścaiva tapasā dagdhakilbiṣāḥ |
prasannairmānasairyuktāḥ paśyantyetāni vai dvijāḥ || 35 ||
[Analyze grammar]

na phalādarśanāddharmaḥ śaṅkitavyo na devatāḥ |
yaṣṭavyaṃ cāpramattena dātavyaṃ cānasūyatā || 36 ||
[Analyze grammar]

karmaṇāṃ phalamastīti tathaitaddharma śāśvatam |
brahmā provāca putrāṇāṃ yadṛṣirveda kaśyapaḥ || 37 ||
[Analyze grammar]

tasmātte saṃśayaḥ kṛṣṇe nīhāra iva naśyatu |
vyavasya sarvamastīti nāstikyaṃ bhāvamutsṛja || 38 ||
[Analyze grammar]

īśvaraṃ cāpi bhūtānāṃ dhātāraṃ mā vicikṣipaḥ |
śikṣasvainaṃ namasvainaṃ mā te bhūdbuddhirīdṛśī || 39 ||
[Analyze grammar]

yasya prasādāttadbhakto martyo gacchatyamartyatām |
uttamaṃ daivataṃ kṛṣṇe mātivocaḥ kathaṃcana || 40 ||
[Analyze grammar]